సాక్షి ప్రతినిధి, మహబూబ్‌నగర్‌: లోక్‌సభ ఎన్నికల పోరు కీలక దశకు చేరింది. ఇంకా వారం రోజుల్లో ప్రచార పర్వం ముగియనుంది. ఈ మేరకు ఉమ్మడి మహబూబ్‌నగర్‌ జిల్లాలోని రెండు పార్లమెంట్‌ స్థానాల్లో విజయమే లక్ష్యంగా ప్రధాన పార్టీలు ప్రత్యేక వ్యూహాలతో ముందుకు సాగుతున్నాయి.రాష్ట్రంలో ఇటీవల అధికారంలోకి వచ్చిన కాంగ్రెస్‌ ఈ ఎన్నికలను ప్రతిష్టాత్మకంగా తీసుకుంది. సీఎం రేవంత్‌ సొంత ఇలాకా కావడంతో పార్టీ అధిష్టానం పాలమూరుపై పూర్తిస్థాయిలో ఫోకస్‌ పెట్టింది. రెండింటిలోనూ విజయకేతనం ఎగురవేసి సత్తా చాటాలని బీజేపీ.. సిట్టింగ్‌ స్థానాలను తిరిగి దక్కించుకుని, పట్టు నిలుపుకోవాలని బీఆర్‌ఎస్‌ కదనరంగంలో దూకుడు ప్రదర్శిస్తున్నాయి.ప్రచార గడువు దగ్గరపడుతుండడంతో ఆయా పార్టీ ల అభ్యర్థులకు మద్దగా అగ్రనేతలు రంగంలోకి దింపుతున్నారు. మహబూబ్‌నగర్‌, నాగర్‌కర్నూల్‌ పార్లమెంట్ల పరిధిలో జాతీయ, రాష్ట్రస్థాయి నేతలు రోడ్‌షోలు, బహిరంగ సభలు, కార్నర్‌ మీటింగ్‌లకు హాజరుకానున్నారు. ఈ నేపథ్యంలో ప్రచారం మరింత హోరెత్తనుంది.ఇవి చదవండి: మరోసారి పీఠమెక్కేదెవరో..?

మహబూబ్‌నగర్‌ ఎడ్యుకేషన్‌: వివిధ యాజమాన్యాల పరిధిలోని విద్యార్థులు ఎస్సెస్సీ అడ్వాన్స్‌ సప్లిమెంటరీ పరీక్ష ఫీజు చెల్లించాలని డీఈఓ రవీందర్‌ శుక్రవారం ఒక ప్రకటనలో తెలిపారు. మూడు సబ్జెక్టులలోపు ఉంటే రూ.110, మూడు సబ్జెక్టుల కంటే ఎక్కువగా ఉంటే రూ.125 చెల్లించాలన్నారు. ఈ నెల 16లోగా పాఠశాల హెచ్‌లకు ఫీజులు చెల్లిచాలని సూచించారు. నీట్‌కు పకడ్బందీగా ఏర్పాట్లు మహబూబ్‌నగర్‌ ఎడ్యుకేషన్‌: నీట్‌ ప్రవేశ పరీక్ష నిర్వహణకు అన్ని ఏర్పాట్లు పూర్తి చేశామని కోఆర్డినేటర్‌, సమర్థ పాఠశాల ప్రిన్సిపాల్‌ శ్రీకాంత్‌ కోటా అన్నారు. శుక్రవారం సమర్థ పాఠశాలలో నీట్‌ పరీక్షకు సంబంధించి ఏర్పాటు చేసిన కార్యక్రమంలో ఆయన మాట్లాడారు. జిల్లావ్యాప్తంగా మొత్తం 11 పరీక్ష కేంద్రాలు ఏర్పాటు చేశామని, పరీక్ష ఆదివారం మధ్యాహ్నం 2 నుంచి సాయంత్రం 5.20 గంటల వరకు ఉంటుందని, విద్యార్థులను ఉదయం 11 గంటల నుంచే కేంద్రంలోకి అనుమతిస్తామన్నారు. పరీక్షకు సంబంధించి విద్యార్థులు ఎన్టీఏ సూచనలను తప్పకుండా పాటించాలని, బయోమెట్రిక్‌ తనిఖీల కోసం నీట్‌ అడ్మిట్‌ కార్డు, ఐడీ ప్రూఫ్‌ వెంట తీసుకురావాలన్నారు. పీడబ్ల్యూడీ వర్తించేవారు సదరు సర్టిఫికెట్‌ తెచ్చుకోవాలన్నారు. విద్యార్థులు సాధారణ దుస్తులు ధరించి పరీక్షకు రావాలని, ఆభరణాలు, బూట్లు ధరించరాదని, సెల్‌ఫోన్లు, ఎలక్ట్రానిక్‌ పరికరాలు తీసుకురావొద్దని సూచించారు. వేసవికాలం దృష్ట్యా విద్యార్థులు వెంట వాటర్‌ బాటిళ్లు తెచ్చుకోవాలని, పరీక్ష పూర్తయ్యే వరకు బయటకు పంపకుండా సంబంధిత ఇన్‌చార్జ్‌లు చర్యలు తీసుకోవాలని చెప్పారు. డీఆర్‌సీసీలోఫైర్‌ మాక్‌ డ్రిల్‌ మహబూబ్‌నగర్‌ మున్సిపాలిటీ: స్థానిక కోయిల్‌కొండ ఎక్స్‌ రోడ్డులోని డంపింగ్‌ యార్డులో ఏర్పాటు చేసిన డీఆర్‌సీసీలో శుక్రవారం రాత్రి అగ్నిమాపక సిబ్బంది మాక్‌ డ్రిల్‌ నిర్వహించారు. ప్రస్తుతం వేసవికాలం కావడంతో ప్రమాదవశాత్తు అగ్నిప్రమాదం సంభవిస్తే ఏవిధంగా నియంత్రించాలో చూపించారు.వాస్తవానికి ఇక్కడికి నిత్యం టన్నుల కొద్దీ పొడిచెత్త వస్తుంటుంది. ఒకవేళ ఏదైనా ప్రమాదం ఏర్పడితే వెంటనే ఎలా ఆర్పివేయాలో మహిళలకు ప్రయోగాత్మకంగా వివరించారు.

మహబూబ్‌నగర్‌ రూరల్‌: ఎన్నికల సమయంలో ప్రజలకు ఎన్నో సందేహాలు. ఎవరిని అడగాలి.. ఫిర్యాదు చేయాలంటే ఎక్కడ సంప్రదించాలి..? ఎన్నికల వేళ ఇలాంటి ప్రశ్నలు సాధారణమే. అయితే ఓటర్ల సందేహాల నివృత్తికి కేంద్ర ఎన్నికల సంఘం అధిక ప్రాధాన్యత ఇస్తుంది. ఇందులో భాగంగా ఓటరు సహాయ కేంద్రాన్ని ఏర్పాటు చేయాలని జిల్లా యంత్రాంగాన్ని ఆదేశించింది. ఇందుకు అనుగుణంగా మహబూబ్‌నగర్‌ అర్బన్‌ తహసీల్దార్‌ కార్యాలయంలో ప్రత్యేకంగా హెల్ప్‌ డెస్క్‌ కేంద్రాన్ని ఏర్పాటు చేశారు. నిబంధనలు ఉల్లంఘిస్తున్నారని.. ఎన్నికల ప్రక్రియ సజావుగా సాగాలంటే నిబంధనలు పక్కాగా అమలు చేయాల్సిందే. ఉల్లంఘనకు తావిస్తే సరైన అభ్యర్థులు ఎన్నికయ్యే అవకాశం ఉండదు. ఈ విషయంలో ఓటర్లు అప్రమత్తంగా ఉండాలి. ఎన్నికల ప్రక్రియలో అక్రమాలు గుర్తిస్తే అధికారుల దృష్టికి తీసుకురావాలి. నిబంధనల ఉల్లంఘనపై ఫోన్‌ చేసి ఫిర్యాదు చేయాలి. ఫిర్యాదుదారులు వివరాలను గోప్యంగా ఉంచుతారు. ఫిర్యాదును వెంటనే అసిస్టెంట్‌ రిటర్నింగ్‌ అధికారికి పంపి అక్రమాల కట్టడికి చర్యలు తీసుకుంటారు. వీటిపైనే ఎక్కువగా.. ఎన్నికలకు పకడ్బందీ ఏర్పాట్లు చేయడంలో జిల్లా యంత్రాంగం ముందుకు సాగుతోంది. ఇప్పటికే నామినేషన్ల ప్రక్రియ ముగియగా.. సహాయ కేంద్రానికి ఎక్కువగా ఓటరు జాబితాకు సంబంధించిన ఫిర్యాదులే వస్తున్నాయి. దరఖాస్తు చేసినా ఓటరు జాబితాలో పేరు లేదని కొందరు, ఈసారి పోలింగ్‌ కేంద్రం మారిందని ఇంకొందరు సహాయ కేంద్రానికి ఫోన్‌ చేస్తున్నారు. పట్టణ ప్రాంతంలో ఉన్న వారు పోలింగ్‌ కేంద్రాల చిరునామాకు సంబంధించిన సందేహాలు నివృత్తి చేసుకుంటున్నారు. మూడు నియోజకవర్గాలు.. జిల్లాలో మూడు నియోజకవర్గాలు ఉన్నాయి. అందులో మహబూబ్‌నగర్‌లో 2,58,658 ఓటర్లు ఉండగా.. పురుషులు 1,28,268, సీ్త్రలు 1,30,377.. ఇతరులు 13 ఉన్నారు. జడ్చర్లలో 2,23,222 ఓటర్లు ఉండగా 1,11,354 పురుషులు, సీ్త్రలు 1,11863, ఇతరులు 5 ఉన్నారు. దేవరకద్రలో 2,39,077 ఓటర్లలో 1,18,372 పురుషులు, 1,20,705 సీ్త్రలు కలిపి మొత్తం 7,20,957 మంది ఓటర్లు ఉన్నారు. సద్వినియోగం చేసుకోవాలి ఓటరు సహకార కేంద్రం సేవలను సద్వినియోగం చేసుకోవాలి. అందరి సహకారం ఉంటేనే ఎన్నికలు సజావుగా నిర్వహించేందుకు అవకాశం ఉంటుంది. నిబంధనల ఉల్లంఘనపై ఏ సమయంలోనైనా నిర్భయంగా ఫిర్యాదు చేయాలి. ఓటరు జాబితాలో పేరు రాకపోయినా.. పోలింగ్‌ కేంద్రానికి సంబంధించిన సందేహాలు నివృత్తి చేసుకునేందుకు వీలుంటుంది. – నవీన్‌, మహబూబ్‌నగర్‌ అసిస్టెంట్‌ రిటర్నింగ్‌ అధికారి 8 రకాల సేవలు.. ఓటరు హెల్ప్‌లైన్‌ ద్వారా 8 రకాల సేవలు అందిస్తున్నారు. పోలింగ్‌, ఎన్నికల ప్రక్రియ సజావుగా నిర్వహించేందుకు ిఫిర్యాదులు, అభిప్రాయాల స్వీకరణ, ఎన్నికల అధికారికి సంబంధించిన వివరాలు, శాసనసభ నియోజకవర్గ సమాచారాన్ని ఓటర్లకు తెలియజేయడం, ఓటరు నమోదు, పోలింగ్‌ కేంద్రం చిరునామా, ఎన్నికల సమాచారం, 24 గంటలు ఓటర్లకు సాయం అందించడం వంటి సేవలు ఇందులో ఉన్నాయి. సందేహాలుంటే 08542–241311 నంబర్‌ సంప్రదించొచ్చు తహసీల్దార్‌ కార్యాలయంలో 24 గంటల అందుబాటులో సిబ్బంది

మహబూబ్‌నగర్‌, నాగర్‌కర్నూల్‌ బీఆర్‌ఎస్‌ ఎంపీ అభ్యర్థులు మన్నె శ్రీనివాస్‌ రెడ్డి, ఆర్‌ఎస్‌ ప్రవీణ్‌ కుమార్‌కు మద్దతుగా బీఆర్‌ఎస్‌ అధినేత, మాజీ ముఖ్యమంత్రి కేసీఆర్‌ ఇటీవల ఆయా పార్లమెంట్‌ స్థానాల్లో నిర్వహించిన రోడ్‌షోలు, కార్నర్‌ మీటింగ్‌లకు హాజరై పార్టీ శ్రేణులు, ప్రజలనుద్దేశించి మాట్లాడిన విషయం తెలిసిందే. ఈ వారంలో ప్రచార గడువు ముగిసేలోపు ఆ పార్టీ వర్కింగ్‌ ప్రెసిడెంట్‌, మాజీ మంత్రి కల్వకుంట్ల తారకరామారావు (కేటీఆర్‌), మరో మాజీ మంత్రి తన్నీరు హరీశ్‌రావు వివిధ ప్రాంతాల్లో పర్యటించనున్నారు. కొత్తకోట, దేవరకద్ర, మక్తల్‌, భూత్పూర్‌, నాగర్‌కర్నూల్‌లో నిర్వహించనున్న రోడ్‌షోలు, కార్నర్‌ మీటింగ్‌కు హాజరుకానున్నట్లు పార్టీ వర్గాలు చెబుతున్నాయి.

నాగర్‌కర్నూల్‌ నుంచి కాంగ్రెస్‌ ఎంపీ అభ్యర్థిగా పోటీచేస్తున్న మల్లురవి గెలుపును కాంక్షిస్తూ ఆ పార్టీ అగ్ర నాయకుడు రాహుల్‌గాంధీ జోగుళాంబ గద్వాల జిల్లాలో ఆదివారం పర్యటించనున్నారు. ఎరవ్రల్లి చౌరస్తాలో సాయంత్రం జరిగే బహిరంగసభలో పార్టీ శ్రేణులు, ప్రజలనుద్దేశించి మాట్లాడనున్నారు. రాహుల్‌ గాంధీ ఆరు నెలల్లో ఉమ్మడి జిల్లాకు రావడం ఇది ఐదోసారి. ఇటీవల అసెంబ్లీ ఎన్నికల సమయంలో ఆయన కోస్గిలో రేవంత్‌రెడ్డికి మద్దతుగా నిర్వహించిన బహిరంగ సభతో పాటు మహబూబ్‌నగర్‌, గద్వాల, కొల్లాపూర్‌ నియోజకవర్గాల్లో జరిగిన ప్రచార సభల్లో పాల్గొన్నారు.