నల్లగొండ: లోక్‌సభ ఎన్నికల వ్యయ పరిశీలకుడిగా నల్లగొండ జిల్లాకు నియమితులైన కళ్యాణ్‌కుమార్‌దాస్‌ శుక్రవారం నల్లగొండలోని పార్లమెంట్‌ నియోజకవర్గ రిటర్నింగ్‌ అధికారి కార్యాలయానికి వచ్చారు. ఈ సందర్భంగా ఆయనకు కలెక్టర్‌, జిల్లా ఎన్నికల అధికారి దాసరి హరిచందన పుష్పగుచ్ఛం అందజేసి స్వాగతం పలికారు. అనంతరం వారు లోక్‌సభ ఎన్నికల నామినేషన్ల ప్రక్రియ, వివిధ రకాల ఫారాలు, డిపాజిట్‌ తదితర అంశాలపై చర్చించారు. వారివెంట అదనపు కలెక్టర్‌ శ్రీనివాస్‌ తదితరులు ఉన్నారు.

సాక్షి యాదాద్రి : జిల్లాలో వరుస దొంగతనాలకు పాల్పడుతున్న దొంగలను ఎట్టకేలకు పోలీసులు పట్టుకున్నారని సమాచారం. రెండు నెలలుగా యాదాద్రిభువనగరి జిల్లాలో 15కు పైగా చైన్‌స్నాచింగ్‌లు జరిగాయి. దీంతో ప్రజలకు కంటిమీద కునుకు లేకుండా చేస్తున్న దొంగలను పట్టుకోవడానికి పోలీసులు గట్టిగా నిఘా పెట్టారు. వలిగొండ మండలం సంగెంకు చెందిన ఇద్దరు యువకులు ఈ వరుస దొంగతనాలకు పాల్పడినట్టు తెలుస్తోంది. గుంటూరు జిల్లాకు చెందిన వీరు బతుకుదెరువు కోసం ఇక్కడికి వచ్చినట్లు తెలిసింది. డీసీసీ రాజేష్‌ చంద్ర ప్రత్యేక నిఘా ఏర్పాటు చేసి దొంగలను పట్టుకున్నట్లు సమాచారం.

సాక్షి, యాదాద్రి: భువనగిరి లోక్‌సభ స్థానం బీజేపీ అభ్యర్థి బూర నర్సయ్యగౌడ్‌ తన నామినేషన్‌ సందర్భంగా ఎలక్షన్‌ కమిషన్‌కు సమర్పించిన అఫిడవిట్‌లో ఆస్తులు, అప్పుల వివరాలు ఇలా ఉన్నాయి. ● చేతిలోనగదు, బ్యాంకుడిపాజిట్‌ కలిపి : రూ.7,74,90,802.26 ● భార్య పేరుపై రూ.1,45,60147.82 ● స్థిరాస్తులు విలువ రూ.19,85,07,500 (భవనాలు, భూములు, ప్లాట్లు) ● భార్య పేరుపై రూ.10,23,76,250 ● స్వయంగా కొనుగోలు చేసిన స్థిరాస్తుల విలువ : రూ 7,43,20,516 ● భార్య పేరుపై ఉన్న ఆస్తుల రూ.27,27,196 ● బ్యాంకు, ఆర్థిక సంస్థల నుంచి, ఇతరుల నుంచి తీసుకున్న రుణాలు రూ.1,28,17,844 భార్య పేరుపై రూ.1,93,83,212 ● బూర నర్సయ్యగౌడ్‌పై జనగామ ఫస్ట్‌ క్లాస్‌ జ్యుడీషియల్‌ మెజిస్ట్రేట్‌ కోర్టులో కేసు నడుస్తోంది. ఎఫ్‌ఐఆర్‌నెంబర్‌59/ 2004 ప్రకారం బచ్చన్నపేట పోలీస్‌స్టేషన్‌ పరిధిలో నిబంధనలకు విరుద్ధంగా గుమికూడారని ఆయనపై పోలీసులు కేసు నమోదు చేశారు.

యాదగిరిగుట్ట : భువనగిరి పార్లమెంట్‌ నియోజకవర్గ బీఆర్‌ఎస్‌ పార్టీ అభ్యర్థి క్యామ మల్లేశ్‌ గెలుపు కోరుతూ ఆలేరు నియోజకవర్గంలో తిరిగే ఎన్నికల ప్రచార రథాలకు శుక్రవారం యాదాద్రీశుడి వైకుంఠద్వారం వద్ద మాజీ ఎమ్మెల్యే గొంగిడి సునీ తామహేందర్‌రెడ్డి పూజలు చేశారు. ఈ సందర్భంగా ఆమె మాట్లాడుతూ భువనగిరి ఎంపీ స్థానాన్ని బీఆర్‌ఎస్‌ కై వసం చేసుకుంటుందని ధీమా వ్యక్తం చేశారు. కార్యక్రమంలో మార్కెట్‌ కమిటీ మాజీ చైర్మన్‌ గడ్డమీది రవీందర్‌గౌడ్‌, పట్టణ జనరల్‌ సెక్రటరీ పాపట్ల నరహరి, కౌన్సిలర్‌ బూడిద సురేందర్‌, నాయకులు ఆరె యాదగిరిగౌడ్‌, మిట్ట వెంకటయ్యగౌడ్‌, సాయియాదవ్‌, భాస్కర్‌గౌడ్‌, ముక్కెర్ల సతీష్‌, యాకూబ్‌, కల్వకొలను సతీష్‌రాజ్‌, బండి వాసు, అంకం నర్సింహ తదితరులు పాల్గొన్నారు.

భువనగిరి : భువనగిరి పార్లమెంట్‌ నియోజకవర్గ బీజేపీ ఎంపీ అభ్యర్థి డాక్టర్‌ బూర నర్సయ్యగౌడ్‌ శుక్రవారం నామినేషన్‌ దాఖలు చేశారు. ముందుగా భువనగిరి పట్టణంలోని నల్లగొండ చౌరస్తా సమీపంలో గల శ్రీ సీతారామాంజనేయ స్వామి ఆలయంలో నామినేషన్‌ పత్రాలతో పూజలు చేశారు. అనంతరం సమీపంలో ఉన్న ఛత్రపతి శివాజీ విగ్రహానికి పూలమాల వేసి నివాళులర్పించారు. ఆయన వెంట బీజేపీ జిల్లా అధ్యక్షుడు పాశం భాస్కర్‌, రాష్ట్ర కార్యవర్గ సభ్యుడు పడాల శ్రీనివాస్‌, కిసాన్‌ మోర్చా రాష్ట్ర ప్రధాన కార్యదర్శి పడమటి జగన్మోహన్‌రెడ్డి, పార్టీ పట్టణ అధ్యక్షుడు రత్నపురం పాల్గొన్నారు.

భువనగిరి : భువనగిరి పార్లమెంట్‌ నియోజకవర్గ బీజేపీ ఎంపీ అభ్యర్థి డాక్టర్‌ బూర నర్సయ్యగౌడ్‌ శుక్రవారం నామినేషన్‌ దాఖలు చేశారు. ముందుగా భువనగిరి పట్టణంలోని నల్లగొండ చౌరస్తా సమీపంలో గల శ్రీ సీతారామాంజనేయ స్వామి ఆలయంలో నామినేషన్‌ పత్రాలతో పూజలు చేశారు. అనంతరం సమీపంలో ఉన్న ఛత్రపతి శివాజీ విగ్రహానికి పూలమాల వేసి నివాళులర్పించారు. ఆయన వెంట బీజేపీ జిల్లా అధ్యక్షుడు పాశం భాస్కర్‌, రాష్ట్ర కార్యవర్గ సభ్యుడు పడాల శ్రీనివాస్‌, కిసాన్‌ మోర్చా రాష్ట్ర ప్రధాన కార్యదర్శి పడమటి జగన్మోహన్‌రెడ్డి, పార్టీ పట్టణ అధ్యక్షుడు రత్నపురం పాల్గొన్నారు.

సాక్షి యాదాద్రి : జిల్లాలో వరుస దొంగతనాలకు పాల్పడుతున్న దొంగలను ఎట్టకేలకు పోలీసులు పట్టుకున్నారని సమాచారం. రెండు నెలలుగా యాదాద్రిభువనగరి జిల్లాలో 15కు పైగా చైన్‌స్నాచింగ్‌లు జరిగాయి. దీంతో ప్రజలకు కంటిమీద కునుకు లేకుండా చేస్తున్న దొంగలను పట్టుకోవడానికి పోలీసులు గట్టిగా నిఘా పెట్టారు. వలిగొండ మండలం సంగెంకు చెందిన ఇద్దరు యువకులు ఈ వరుస దొంగతనాలకు పాల్పడినట్టు తెలుస్తోంది. గుంటూరు జిల్లాకు చెందిన వీరు బతుకుదెరువు కోసం ఇక్కడికి వచ్చినట్లు తెలిసింది. డీసీసీ రాజేష్‌ చంద్ర ప్రత్యేక నిఘా ఏర్పాటు చేసి దొంగలను పట్టుకున్నట్లు సమాచారం.

సాక్షి, యాదాద్రి: భువనగిరి లోక్‌సభ స్థానం బీజేపీ అభ్యర్థి బూర నర్సయ్యగౌడ్‌ తన నామినేషన్‌ సందర్భంగా ఎలక్షన్‌ కమిషన్‌కు సమర్పించిన అఫిడవిట్‌లో ఆస్తులు, అప్పుల వివరాలు ఇలా ఉన్నాయి. ● చేతిలోనగదు, బ్యాంకుడిపాజిట్‌ కలిపి : రూ.7,74,90,802.26 ● భార్య పేరుపై రూ.1,45,60147.82 ● స్థిరాస్తులు విలువ రూ.19,85,07,500 (భవనాలు, భూములు, ప్లాట్లు) ● భార్య పేరుపై రూ.10,23,76,250 ● స్వయంగా కొనుగోలు చేసిన స్థిరాస్తుల విలువ : రూ 7,43,20,516 ● భార్య పేరుపై ఉన్న ఆస్తుల రూ.27,27,196 ● బ్యాంకు, ఆర్థిక సంస్థల నుంచి, ఇతరుల నుంచి తీసుకున్న రుణాలు రూ.1,28,17,844 భార్య పేరుపై రూ.1,93,83,212 ● బూర నర్సయ్యగౌడ్‌పై జనగామ ఫస్ట్‌ క్లాస్‌ జ్యుడీషియల్‌ మెజిస్ట్రేట్‌ కోర్టులో కేసు నడుస్తోంది. ఎఫ్‌ఐఆర్‌నెంబర్‌59/ 2004 ప్రకారం బచ్చన్నపేట పోలీస్‌స్టేషన్‌ పరిధిలో నిబంధనలకు విరుద్ధంగా గుమికూడారని ఆయనపై పోలీసులు కేసు నమోదు చేశారు.

యాదగిరిగుట్ట : భువనగిరి పార్లమెంట్‌ నియోజకవర్గ బీఆర్‌ఎస్‌ పార్టీ అభ్యర్థి క్యామ మల్లేశ్‌ గెలుపు కోరుతూ ఆలేరు నియోజకవర్గంలో తిరిగే ఎన్నికల ప్రచార రథాలకు శుక్రవారం యాదాద్రీశుడి వైకుంఠద్వారం వద్ద మాజీ ఎమ్మెల్యే గొంగిడి సునీ తామహేందర్‌రెడ్డి పూజలు చేశారు. ఈ సందర్భంగా ఆమె మాట్లాడుతూ భువనగిరి ఎంపీ స్థానాన్ని బీఆర్‌ఎస్‌ కై వసం చేసుకుంటుందని ధీమా వ్యక్తం చేశారు. కార్యక్రమంలో మార్కెట్‌ కమిటీ మాజీ చైర్మన్‌ గడ్డమీది రవీందర్‌గౌడ్‌, పట్టణ జనరల్‌ సెక్రటరీ పాపట్ల నరహరి, కౌన్సిలర్‌ బూడిద సురేందర్‌, నాయకులు ఆరె యాదగిరిగౌడ్‌, మిట్ట వెంకటయ్యగౌడ్‌, సాయియాదవ్‌, భాస్కర్‌గౌడ్‌, ముక్కెర్ల సతీష్‌, యాకూబ్‌, కల్వకొలను సతీష్‌రాజ్‌, బండి వాసు, అంకం నర్సింహ తదితరులు పాల్గొన్నారు.

భువనగిరిటౌన్‌ : రాష్ట్రలో ప్రజారంజక పాలన నడుస్తుందని ఎమ్మెల్యే కుంభం అనిల్‌కుమార్‌రెడ్డి, కాంగ్రెస్‌ భువనగిరి ఎంపీ అభ్యర్థి చామల కిరణ్‌కుమార్‌రెడ్డి పేర్కొన్నారు. శుక్రవారం భువనగిరిలోని దీప్తి హోటల్‌ జరిగిన పద్మశాలీల ఆత్మీయ సమ్మేళనంలో ఆయన పాల్గొని మాట్లాడారు. అన్ని వర్గాల సంక్షేమం కోసం కాంగ్రెస్‌ ఆరు గ్యారంటీలు అమలు చేస్తుందన్నారు. పద్మశాలీల సంక్షేమానికి కాంగ్రెస్‌ ప్రభుత్వం పాటుపడి ఉందన్నారు. ఈ కార్యక్రమంలో మైనింగ్‌ కార్పొరేషన్‌ చైర్మన్‌ ఈరపతి అనిల్‌, పద్మశాలి నాయకులు పాల్గొన్నారు. 21న సీఎం సభకు తరలిరావాలి ఎన్నికల ప్రచారంలో భాగంగా సీఎం రేవంత్‌రెడ్డి ఈనెల 21న భువనగిరికి రానున్నారని ఎమ్మెల్యే అనిల్‌కుమార్‌రెడ్డి తెలిపారు. ర్యాలీ, కార్నర్‌ మీటింగ్‌లో పాల్గొని మాట్లాడుతారని, పార్టీ కార్యకర్తలు, ప్రజలు పెద్ద సంఖ్యలో తరలిరావాలని కోరారు.