తమిళనాట అధికార అన్నాడీఎంకేలో జయలలిత మేనల్లుడు దీపక్‌ జయకుమార్‌ గురువారం చేసిన వ్యాఖ్యలు చర్చకు దారి తీశాయి. పార్టీ ఉప ప్రధాన కార్యదర్శి టీటీవీ దినకరన్ కు వ్యతిరేకంగా దీపక్‌ గళం విప్పారు. తాను, తన సోదరి దీపా జయకుమార్‌ మాత్రమే జయలలితకు వారసులమని, పోయెస్‌ గార్డెన్ ఇంటిపై తామిద్దరికి అన్ని హక్కులు ఉన్నాయని సంచలన వ్యాఖ్యలు చేశారు. జయ అంత్యక్రియల సమయంలో ఆమె అన్న జయకుమార్‌ కుమారుడు దీపక్‌ అనూహ్యంగా తెరపైకి వచ్చారు.