ఎన్డీఏ సమావేశంలో పాల్గొనేందుకు ఢిల్లీ వెళ్లిన చంద్రబాబు

Published Tue, May 20 2014 1:08 AM

జనసేన అధినేత పవన్ కల్యాణ్ కూడా..
సాక్షి, హైదరాబాద్: ఎన్డీఏ భాగస్వామ్యపక్షాల సమావేశంలో పాల్గొనేందుకు తెలుగుదేశం పార్టీ అధ్యక్షుడు నారా చంద్రబాబునాయుడు సోమవారం రాత్రి ఢిల్లీకి బయలుదేరి వెళ్లారు. ఆయనతో పాటు జనసేన వ్యవస్థాపకుడు, సినీనటుడు పవన్ కల్యాణ్ కూడా ఈ సమావేశంలో పాల్గొనడానికి ఢిల్లీ వెళ్లారు. ఎన్నికల ఫలితాలను విశ్లేషించడంతో పాటు ఎన్డీఏ భాగస్వామ్యపక్షాలను ప్రభుత్వంలో చేర్చుకునే అంశంపై ఈ సమావేశంలో చర్చించే అవకాశాలున్నాయి. ప్రభుత్వంలో చేరాలంటూ భాగస్వామ్యపక్షాలకు ఆహ్వానం అందితే అందుకు టీడీపీ సిద్ధంగా ఉంది.

బాబును కలిసిన బీజేపీ నేతలు: టీడీపీ అధినేత చంద్రబాబును బీజేపీ సీమాంధ్ర అధ్యక్షుడు, ఎంపీ కంభంపాటి హరిబాబు కలిశారు. ఆయనతో పాటు బీజేపీ తరపున సీమాంధ్ర నుంచి గెలిచిన ఎమ్మెల్యేలు కూడా బాబును కలిశారు. వారిది మర్యాద పూర్వక భేటీయేనని పార్టీ వర్గాలు తెలిపాయి.

# Tag