ఇది మామూలు ఆసుపత్రి కాదు..ఏ పట్టణంలోదో..పల్లెల్లోదో అంతకన్నా కాదు. సాక్ష్యాత్తు రాజధాని నగరం హైదరాబాద్‌లోని ప్రతిష్టాత్మక నిజామ్‌ వైద్య విజ్ఞాన సంస్థ (నిమ్స్‌). కానీ ఇక్కడి అక్యూట్‌ మెడికల్‌ కేర్‌ (ఏఎంసీ)సెంటర్‌లో ఏసీ పనిచేయడం లేదు. కనీసం ప్రత్యామ్నాయ ఏర్పాట్లు కూడా లేవు. దీంతో ‘ఏసీ పనిచేయడం లేదు..మీరే ఫ్యాన్లు తెచ్చుకోండి’ అంటూ ఆస్పత్రి సిబ్బంది రోగుల సంబందీకులకు సెలవిస్తున్నారు. వాస్తవానికి ప్రాణపాయ స్థితిలో ఉన్న రోగులకు అత్యంత వైద్య సంరక్షణ అందించేందుకు ఏఎంసీని వినియోగిస్తారు. కానీ ఇప్పుడు నిమ్స్‌ ఏఎంసీని చూస్తే జనరల్‌ వార్డుకన్నా అధ్వానంగా మారింది.  లక్డీకాపూల్‌: నిరుపేదలకు కార్పొరేట్‌ స్థాయి వైద్యసేవలను అందించే నిమ్స్‌ ఆస్పత్రిలో సేవలు పొందడం చాలా కష్టతరమైంది. పెరుగుతున్న రోగుల సంఖ్యకు అనుగుణంగా మెరుగైన సేవలు, సౌకర్యాలు కలి్పంచడంలో యాజమాన్యం విఫలమవుతోంది. ఇందుకు ఉదాహరణగా ఆస్పత్రిలోని ఏఎంసీ వార్డును పేర్కొనవచ్చు. వ్యాధి సమస్య తీవ్రరూపం దాలి్చన స్థితిలో రోగిని ఇక్కడకి తరలించి వైద్యసేవలను అందిస్తారు. వాస్తవానికి ఏఎంసీ సాధారణ వ్యాధులు(జనరల్‌ మెడిసిన్‌) విభాగానికి సంబంధించిన ఐసీయూ(అత్యవసర చికిత్సా కేంద్రం). ఇందులో రోగి ప్రాణపాయస్థితికి చేరినప్పడు వైద్యసేవలను అందిస్తారు.ముఖ్యంగా అన్‌ కంట్రోల్‌ డయాబెటిక్‌ సమస్యతో బాధపడుతున్న వారిని, డెంగ్యూ ఫీవర్, తీవ్రమైన స్థాయిలో రక్తాన్ని కోల్పోతున్న రోగులకు ఏఎంసీలో చికిత్స అందిస్తుంటారు. అదే విధంగా జ్వరంతో బాధపడుతున్న వాళ్లతో పాటు ఇతర మెడికల్‌ కండిషన్‌లో రోగులకు సైతం ఏఎంసీలో వైద్యసేవలను అందిస్తారు. ప్రస్తుతం ఈ వార్డులో 16 పడకలు అందుబాటులో ఉన్నాయి. అవన్నీ రోగులతో నిండుకున్నాయి. అయితే..అత్యంత కీలకమైన ఈ విభాగంలో ఏసీలు పని చేయకపోవడంతో రోగుల బాధలు వర్ణణాతీతం. ఇక్కడకి చికిత్స కోసం వచ్చే రోగులకు ముందు ఫ్యాన్‌ తెచ్చుకోవాలని అక్కడి వైద్య సిబ్బంది నేరుగా సూచించడం పరిపాటి. రెండు దశాబ్దాల నాటి ఏసీలు చెడిపోయాయి. దీంతో ఏఎంసీ దుస్థితి అధ్వాన్నంగా తయారైంది.  కాలం చెల్లిన ఏసీలు.. దాదాపు 15 ఏళ్ల నాటి ఏసీలే ఇప్పటికీ వినియోగిస్తుండడంతో అవి మొరాయిస్తున్నాయి. కనీసం రిపేరుకు స్పేర్‌ పార్ట్స్‌ కూడా దొరక్క వాటిని ఆపేస్తున్నారు. ఏఎంసీ వార్డులో కూడా ఇదే జరిగింది. కండెన్సర్లు దెబ్బతినడంతో ఏసీలు పని చేయడం మానేశాయి. మరొపక్క ఆస్పత్రిలో ఏసీ లోడ్‌ భారం కూడా విపరీతంగా పెరిగిందనే చెప్పాలి. ఆస్పత్రిలో ఒకప్పుడు 200 పడకల సామర్ధ్యం కలిగిన ఐసీయూ యూనిట్లు ఉండేవి. ప్రస్తుతం 500ల వరకు ఐసీయూ పడకలు రోగులకు అందుబాటులో ఉన్నాయి. దానికి తోడు వైద్య పరీక్షల్లో మరింత మెరుగైన సేవలను అందించే క్రమంలో అందుబాటులోకి తీసుకువచి్చన అత్యాధునికి వైద్య పరికరాలకు సైతం ఏసీల అవసరం ఉంది.మరమ్మతులు చేయిస్తాం.. ‘ఏఎంసీలో ఏసీలు పని చేయడం లేదు..రోగులే ఫ్యాన్లు తెచ్చకుంటున్నారు. ఇది నిజమే. ఆ ఏసీలను రిపేరు చేయాలంటే ఆ వార్డును ఖాళీ చేయాలి. అందులో ఉన్న రోగులను ఎక్కడికి షిప్ట్‌ చేయాలో తెలియడం లేదు. అందుకే సకాలంలో రిపేరు చేయించలేకపోతున్నాం. ఏఎంసీని పూర్తిగా ఆధునీకరించేందుకు దాతలు కూడా సిద్ధంగా ఉన్నారు. త్వరలో చర్యలు తీసుకుంటాం’ అని పేరు చెప్పడానికి ఇష్టపడని ఓ ఉన్నతాధికారి పేర్కొన్నారు.  హెచ్‌డీయూ లేదు..సాధారణంగా ఆస్పత్రిలో జనరల్‌ మెడిసిన్‌ విభాగానికి సంబంధించి ఏఎంసీతో పాటు హై డిఫెడెంట్‌ యూనిట్‌(హెచ్‌డీయూ)ను కూడా ఏర్పాటు చేయాలి. కానీ సూపర్‌ స్పెషాలిటీ ఆస్పత్రి, రిఫరల్‌ ఆస్పత్రిగా ఖ్యాతి చెందిన నిమ్స్‌లో హెచ్‌డీయూను విస్మరించారు. ఏఎంసీలో వైద్య సేవలకు అంతరాయం కలిగినప్పుడే కాకుండా వ్యాధి తీవ్రత మేరకు ఏంఎంసీపై భారం తగ్గించడానికి హెచ్‌డీయూ ఉపయుక్తంగా ఉంటుంది. ఒక విధంగా ఈ విభాగాన్ని ఏఎంసీ సపోరి్టంగ్‌ యూనిట్‌గా వినియోగిస్తారు. అలాంటి దాని విషయంలో యాజమాన్యం నిర్లక్ష్యం వహించింది. ఫలితంగా ప్రస్తుత పరిస్థితుల్లో రోగులు నానా అగచాట్లకు గురవుతున్నారు. ఏసీలు పని చేయని కారణంగా.. రోగులే సొంతంగా ఫ్యాన్లు తెచ్చుకుని వైద్యసేవలు పొందాల్సి వస్తోంది.    

సాక్షి, హైదరాబాద్‌: తెలంగాణ రాష్ట్ర దశాబ్ది ఉత్సవాల సందర్భంగా జూన్‌ 2న నిర్వహించనున్న బహిరంగసభలో తెలంగాణ రాష్ట్ర గీతమైన ‘జయ జయహే తెలంగాణ’కు సంబంధించిన రెండు వెర్షన్లను అధికారికంగా విడుదల చేయాలని రాష్ట్ర ప్రభుత్వం నిర్ణయించింది. అందెశ్రీ రాసిన ‘జయ జయహే తెలంగాణ’పూర్తి స్థాయి గేయాన్ని ఓ వెర్షన్‌గా, సంక్షిప్తీకరించిన గేయాన్ని మరో వెర్షన్‌గా విడుదల చేయనుంది. ముఖ్యమంత్రి రేవంత్‌రెడ్డి మంగళవారం రాష్ట్ర సచివాలయంలో గేయ రచయిత అందెశ్రీ, సినీ సంగీత దర్శకుడు కీరవాణితో సమావేశమయ్యారు.రాష్ట్ర గీతానికి రెండు వెర్షన్లు సిద్ధం చేసి కీరవాణితో కలిసి రికార్డు చేసే బాధ్యతలను అందెశ్రీకి ప్రభుత్వం అప్పగించింది. అంతర్జాతీయ, జాతీయ, వివిధ రాష్ట్రాల అధికారిక గీతాలను పరిశీలించి ఓ నిర్ణయం తీసుకోవాలని సీఎం సూచించారు. పూర్తిస్థాయి వెర్షన్‌లో గేయాన్ని ఉన్నది ఉన్నట్టు వాడుకోవాలా, ఏమైనా మార్పులు చేయాలా అన్న అంశంపై ఈ సమావేశంలో చర్చించారు. ఈ సందర్భంగా అందెశ్రీ తన ఆలోచనలను వివరించారు. చరణాలు, పల్లవి, బాణీలో అవసరమైన మార్పులపై తుదినిర్ణయం తీసుకునే బాధ్యతను అందెశ్రీకి అప్పజెప్పారు.జాతీయ, అంతర్జాతీయ స్థాయి అతిథులు రాష్ట్ర పర్యటనకు వచి్చనప్పుడు సుదీర్ఘంగా ఉన్న జయజయహే తెలంగాణ గేయాన్ని పాడటం/వినిపించడానికి అవసరమైన సమయం ఉండదు. ఈ నేపథ్యంలో గేయం సంక్షిప్తరూపంతో మరో వెర్షన్‌ను సైతం సిద్ధం చేస్తున్నారు. గేయాలను ఎవరు పాడాలి? కోరస్‌ ఉండాలా? సోలోగా పాడాలా? అనే అంశాలను సైతం అందెశ్రీకి వదిలేసింది. సంగీత దర్శకుడిగా కీరవాణి పేరును సైతం అందెశ్రీ ప్రభుత్వానికి సూచించినట్టు సమాచారం.ఉద్యమ సమయంలో యావత్‌ తెలంగాణ సమాజాన్ని ఉర్రూతలూగించిన జయజయహే తెలంగాణ గీతాన్ని రాష్ట్ర గీతంగా ఎంపిక చేయాలని గతంలో నిర్వహించిన రాష్ట్రమంత్రివర్గ సమావేశంలో ప్రభుత్వం నిర్ణయం తీసుకున్న విషయం తెలిసిందే. ఈ సమావేశంలో ముఖ్యమంత్రి ముఖ్యప్రజాసంబంధాల అధికారి బోరెడ్డి అయోధ్యరెడ్డి, ప్రభుత్వ ప్రధాన సలహాదారుడు వేం నరేందర్‌రెడ్డి, సీనియర్‌ కాంగ్రెస్‌ నేత అద్దంకి దయాకర్‌ పాల్గొన్నారు.తిరుమలకు సీఎం రేవంత్‌ముఖ్యమంత్రి రేవంత్‌రెడ్డి మంగళవారం సాయంత్రం కుటుంబ సమేతంగా తిరుమలకు వెళ్లారు. మనవడి తలనీలాలు సమరి్పంచి మొక్కు తీర్చుకోవడానికి ఆయన శ్రీవారి ఆలయానికి వెళ్లినట్లు తెలిసింది. బుధవారం ఉదయం ఆలయాన్ని సందర్శించి ప్రత్యేక పూజలు నిర్వహించిన అనంతరం సీఎం హైదరాబాద్‌కు తిరిగి చేరుకోనున్నారు.

మహబూబ్‌నగర్‌ మున్సిపాలిటీ: వచ్చే వర్షాకాలాన్ని దృష్టిలో ఉంచుకుని శిథిలావస్థలోని ఇళ్లు, వాణిజ్య భవన సముదాయాలను గుర్తించేందుకు పట్టణంలో ఇంటింటి సర్వే చేపట్టాలని టీపీఓ లక్ష్మీపతి, ఆర్‌ఓ మహమ్మద్‌ ఖాజా సూచించారు. మంగళవారం సాయంత్రం స్థానిక కౌన్సిల్‌ సమావేశ మందిరంలో వార్డు ఆఫీసర్లు, మున్సిపల్‌ సిబ్బందితో ప్రత్యేక సమావేశం నిర్వహించారు. ఈ సందర్భంగా వారు మాట్లాడుతూ సెల్లార్లలో విద్యుత్‌ మీటర్లు ఉన్న అపార్ట్‌మెంట్‌లతో పాటు ఎక్కడెక్కడ కూలిపోయే దశలో ఇళ్లు, పెద్ద భవనాలు ఉన్నాయో వివరాలు సేకరించాలన్నారు. ఇందులో భాగంగా వాటికి ప్రమాద హెచ్చరికలతో కూడిన స్టిక్కర్లు అంటించాలన్నారు. భారీ వర్షాలు కురిసినప్పుడు సెల్లార్లలో నీరు నిండితే వెంటనే భవన యజమానులే మోటార్లతో తోడివేయాల్సి ఉంటుందన్నారు. సమావేశంలో ఆర్‌ఐలు ముజీబ్‌, రమేష్‌, అహ్మద్‌షరీఫ్‌ తదితరులు పాల్గొన్నారు. ఇదిలా ఉండగా ఇటీవల ముంబైలో గాలి వానకు ఓ పెట్రోల్‌ బంక్‌పై భారీ హోర్డింగ్‌ కూలిన నేపథ్యంలో.. మున్సిపల్‌ కమిషనర్‌ డి.మహేశ్వర్‌రెడ్డి ఆదేశాల మేరకు జిల్లా కేంద్రంలోని 125 హోర్డింగ్‌ల పరిస్థితులు ఎలా ఉన్నాయో? తెలియజేయాలని ఇంజినీరింగ్‌ విభాగం అధికారులను టీపీఓ నివేదిక అడిగారు. శిథిలావస్థలోని ఇళ్లు, వాణిజ్య భవనాలు గుర్తించాలి టీపీఓ లక్ష్మీపతి, ఆర్‌ఓ మహమ్మద్‌ ఖాజా

మహబూబ్‌నగర్‌ మున్సిపాలిటీ: జిల్లాలో యాసంగి 2023– 24 వరిధాన్యం కొనుగోళ్లను వేగవంతం చేయాలని ఇంటర్మీడియట్‌ విద్య కమిషనర్‌, స్పెషల్‌ ఆఫీసర్‌ శృతిఓజా అన్నారు. మంగళవారం కలెక్టరేట్‌లో ఆయా శాఖల అధికారులతో సమీక్షించారు. ఈ సందర్భంగా ఆమె మాట్లాడుతూ కొనుగోలు కేంద్రాలను తనిఖీ చేసి క్షేత్రస్థాయిలో ఏమైనా సమస్యలుంటే పరిష్కరించాలన్నారు. రైతులకు ఎలాంటి ఇబ్బంది లేకుండా అన్ని చర్యలు తీసుకోవాలని సూచించారు. ఎప్పటికప్పుడు ఆన్‌లై న్‌ చేస్తూ ధాన్యం అమ్మిన రైతులకు సత్వరమే డబ్బు లు అందేలా చూడాలన్నారు. వర్షం కారణంగా ధాన్యం తడవకుండా టార్పాలిన్లు అందుబాటులో ఉంచాలన్నారు. నెలాఖరులోగా కొనుగోలు కేంద్రాల్లో ధాన్యం కొనుగోలు పూర్తి చేసి మిల్లులకు రవాణా చేయాలన్నారు. అనంతరం కలెక్టర్‌ రవినాయక్‌ మాట్లాడుతూ జిల్లాలో 191 కొనుగోలు కేంద్రాలు ఏర్పాటు చేశామన్నారు. ఇంకా ధాన్యం రాకను దృష్టిలో ఉంచుకుని మండలాల్లో ఐకేపీల ఆధ్వర్యంలో 12, పీఏసీఎస్‌లలో 11 చోట్ల కొనుగోలు చేస్తున్నామన్నారు. జిల్లాలో 3,534 రైతుల నుంచి 19,052 మెట్రిక్‌ టన్నుల ధాన్యం కొనుగోలు చేసి రూ.33.45 కోట్లు చెల్లించామన్నారు. కాగా, అంతకు ముందు మిడ్జిల్‌ మండలంలోని రాణిపేట, మున్ననూరులో పీఏసీఎస్‌ల వద్ద ఏర్పాటు చేసిన ధాన్యం కొనుగోలు కేంద్రాలను పరిశీలించిన స్పెషల్‌ ఆఫీసర్‌ శృతిఓజా ధాన్యం కొనుగోళ్ల వివరాలను అధికారులతోపాటు అక్కడి రైతులతో ఆరా తీశారు. సమావేశంలో రెవెన్యూ అదనపు కలెక్టర్‌ మోహన్‌రావు, డీఆర్‌డీఓ నర్సింహులు, జిల్లా పౌర సరఫరాల అధికారి శ్రీనివాస్‌, పౌరసరఫరాల సంస్థ మేనేజర్‌ ప్రవీణ్‌, డీసీఓ పద్మ పాల్గొన్నారు.

కావేరమ్మపేట పరిధిలోని రాఘవేంద్రకాలనీ, డీవీఆర్‌ నగర్‌, శ్రీనివాస కాలనీ, వెంకటేశ్వరకాలనీ, బాబానగర్‌, కావలిగేరి, బాదేపల్లి పరిధిలోని రాజీవ్‌నగర్‌, శివాజీనగర్‌, శాంతినగర్‌, వెంకటేశ్వరకాలనీ, చైతన్యనగర్‌ తదితర కాలనీలు లోతట్టు ప్రాంతంలో ఉన్నాయి. దీంతో ఎగువ ప్రాంతంలో ఉన్న రంగనాయకస్వామి గుట్ట, ఎర్రగుట్ట ప్రాంతాల నుంచి వర్షం నీరు దిగువకు రావడంతో ఆయా కాలనీల్లోకి పెద్దఎత్తున వరద చేరుతుంది. అలాగే జడ్చర్ల, కావేరమ్మపేట, 44వ నంబర్‌ జాతీయ రహదారి ప్రాంతాల నుంచి దిగువకు వరద నీటి ప్రవాహం పెద్దఎత్తున ఉండటంతో కాలనీలు నీట మునుగుతున్నాయి.