మంచిర్యాలఅర్బన్‌: సర్కారు బడిలో చదివే విద్యార్థులకు ఉచితంగా అందించే పాఠ్య, నో ట్‌పుస్తకాల పంపిణీ ప్రారంభమైంది. బుధవా రం జిల్లా బుక్‌ డిపో నుంచి మంచిర్యాల, న స్పూర్‌, హాజీపూర్‌ మండలాలకు చెందిన పుస్తకాల పంపిణీ కార్యక్రమాన్ని డీఈవో యాద య్య ప్రారంభించారు. ఈ నెల 30న మందమర్రి, బెల్లంపల్లి, 31న కోటపల్లి, జూన్‌ 1న చెన్నూర్‌, జైపూర్‌, భీమారం, 3న భీమిని, కన్నెపల్లి, నెన్నెల, 4న లక్సెట్టిపేట, దండేపల్లి, 5న తాండూర్‌, కాసిపేట, 6న జన్నారం మండల కేంద్రాలకు పుస్తకాలు పంపిణీ చేయనున్నారు. ఎంఈవో పోచయ్య, సెక్టోరల్‌ అధికారి చౌదరి, బుక్‌డిపో మేనేజర్‌ వేణుమాధవ్‌ పాల్గొన్నారు.

సాక్షి ప్రతినిధి, మంచిర్యాల: సాగు, తాగునీటి అవసరాలు తీర్చే చెరువులు కబ్జాల పాలవుతున్నాయి. ఏ టా వేసవిలో చాలా చోట్ల ఆక్రమణలకు గురవుతున్నాయి. పట్టణాలు, గ్రామ శివార్లలో ఉన్న చెరువుల విస్తీర్ణం కుచించుకుపోతోంది. ఇప్పటికే సాగునీటి శాఖ అధికారులు పలు చోట్ల ఆక్రమణలను గుర్తించారు. అయినా కబ్జాల పరంపర కొనసాగుతూనే ఉంది. జిల్లాలోని 18 మండలాల పరిధిలో మొత్తం 890 చెరువులు ఉన్నాయి. వీటి పరిధిలో 63,493 ఎకరాల ఆయకట్టు ఉంది. చెరువుల విస్తీర్ణం తగ్గిపోవడం, కట్టలు, తూములు, కాలువలు సరిగా లేక ఆ యకట్టు పూర్తి స్థాయిలో సాగు కావడం లేదు. వానా కాలంలో సుమారు 47వేల ఎకరాల వరకే నీరందుతోంది. ప్రస్తుతం ఎండాకాలం కావడంతో పలు చో ట్ల చెరువులు ఆక్రమణలకు గురవుతున్నట్లు అధికారుల దృష్టికి వస్తున్నాయి. ఆక్రమణల పరంపర ఏటేటా వాగులు, చెరువులు, నీటి పరీవాహక ప్రాంతాల విస్తీర్ణం తగ్గుతూ వస్తున్నాయి. మందమర్రి మండలం అందుగులపేట శివారు నుంచి, మంచి ర్యాల పట్టణం మీదుగా గోదావరిలో కలిసే వరకు ప్రవహించే పాలవాగు, రాళ్లవాగు కబ్జాల పాలైంది. వాగుకు ఇరువైపులా ఆక్రమణలు జరిగాయి. తి మ్మాపూర్‌ శివారులో వాగు హద్దుల వరకు ప్లాట్లు వే యగా, ఇటీవల కొన్నింటిని తొలగించారు. సాయికుంట, పోచమ్మకుంట, నస్పూర్‌, మంచిర్యాల ప ట్టణాల మధ్యనున్న తోళ్లవాగు కబ్జాకు గురికాగా, అ ధికారులు కొన్నింటిని తొలగించారు. నస్పూర్‌ ఊర చెరువు సైతం కబ్జాకు గురైంది. అప్పట్లో ఇక్కడ ఓ వెంచర్‌ వెలిసింది. తర్వాత కోర్టు తగాదాలు ఉన్నా యి. వీటిలో కొన్నింటి రిజిస్ట్రేషన్లు అయ్యాయి. బెల్లంపల్లి మండలం కన్నాల శివారు ఎర్రవాగు, భీ మారం మండల కేంద్రంలోని చెరువు కబ్జాకు గురైనట్లు గుర్తించారు. వీటితోపాటు వేమనపల్లి మండ ల కేంద్రంలోని వెంకటమ్మ చెరువు ఆక్రమణలకు గురవుతోంది. లక్సెట్టిపేట పట్టణ శివారు ఎస్సీ కాలనీ సమీపంలో ఉన్న కుట్ల చెరువు వరకు మట్టిపోస్తూ ప్లాట్లు చేస్తున్నారు. పరిరక్షించుకుంటేనే మేలుభూగర్భ జలాల పెంపుదల, సాగు, తాగునీటి అవసరాలు, జీవవైవిధ్యం కాపాడడంలో చెరువులు కీలకంగా ఉంటాయి. అంతేకాక మత్స్యకారులకు జీవన ఆధారమిచ్చే చెరువులను పరిరక్షించుకోవాల్సిన అవసరం ఉంది. పట్టణ ప్రాంతాలు, గ్రామాల శివార్లలో ఉన్న చోట్ల నిర్మాణాలు వెలియడంతో ఇబ్బందికరంగా మారుతోంది. కొన్ని చోట్ల తప్పుడు ధ్రువపత్రాలు తెచ్చి మరీ ఆక్రమిస్తున్నారు. కోర్టు వివాదాలతోనూ చెరువులపై కబ్జాకు గురవుతున్నాయి. సాగునీటి అధికారులు ప్రతీ చెరువును వాస్తవ విస్తీర్ణం మేరకు హద్దులు వేసి కబ్జాలు తొలగించాలని జిల్లా ప్రజలు కోరుతున్నారు.

● ‘సీఎంఆర్‌’ జాప్యంపై క్రిమినల్‌ కేసులుసాక్షి ప్రతినిధి, మంచిర్యాల: సీఎంఆర్‌(కస్టం మిల్లింగ్‌ రైస్‌) ఇవ్వకుండా ఏళ్ల తరబడి జాప్యం చేస్తున్న మిల్లులపై జిల్లా పౌరసరఫరాల శాఖ అధికారులు కొరడా ఝులిపిస్తున్నారు. ప్రతీ సీజన్‌లో ధాన్యం తీసుకోవడమే గానీ తిరిగి సకాలంలో బియ్యం ఇవ్వడంలో చాలామంది మిల్లర్లు మొండికేస్తున్నారు. జిల్లాలో గత 2022–23 సంవత్సరానికి సంబంధించిన ధాన్యం ఇచ్చిన మిల్లుల్లో బియ్యం బకాయి ఉన్నవాటిని ఇప్పటికే బ్లాక్‌ లిస్టులో పెట్టారు. జిల్లాలో 21మిల్లుల వరకు ఇప్పటికీ బియ్యం ఇవ్వకుండా జాప్యం చేస్తున్నాయి. గత కలెక్టర్‌ భారతీ హోళ్లికేరి వాటిని బ్లాక్‌ లిస్టులో పెట్టగా అప్పట్లో రాజకీయ ఒత్తిళ్లతో మినహాయింపులు తెచ్చుకున్నారు. వీటిలో నాలుగు మిల్లులు పూర్తిగా ఇవ్వకుండా జాప్యం చేస్తున్నాయి. కొన్నింటిలో ధాన్యం సైతం కనిపించడం లేదు. దీంతో వాటిపై క్రిమినల్‌ కేసులు నమోదుకు సిద్ధమయ్యారు. ఈ నెల 28న జైపూర్‌ మండలం ఇందారంలోని శివసాయి మిల్లుకు పౌరసఫరాల శాఖ అధికారులు పోలీసు సిబ్బందితో వెళ్లి క్రిమినల్‌ కేసు నమోదు చేయించారు. ఎఫ్‌ఐఆర్‌ నమోదు చేసి చట్టపరంగా చర్యలు తీసుకోనున్నారు. బియ్యం విలువ, జరిమానాతోపాటు విచారణ ఎదుర్కోవాల్సి వస్తుందని జిల్లా అధికారులు చెబుతున్నారు. రైస్‌మిల్లుపై కేసు.. సీజ్‌ జైపూర్‌: మండలంలోని ఇందారం శివసాయి రైస్‌మిల్లు యాజమాన్యంపై క్రిమినల్‌ కేసు నమోదుతోపాటు రైస్‌మిల్లు సీజ్‌ చేసినట్లు పౌరసఫరాశాఖ అధికారులు తెలిపారు. సీఎంఆర్‌ బియ్యం సకాలంలో ప్రభుత్వానికి అందజేయకుండా మోసానికి పాల్పడిన రైస్‌మిల్లు నిర్వాహకులపై కేసు నమోదు చేసినట్లు స్థానిక ఎస్సై శ్రీధర్‌ తెలిపారు. శివసాయి రైస్‌మిల్లు(మల్లికార్జున ట్రేడర్స్‌) యాజమాని గుంత రవికుమార్‌ ప్రభుత్వానికి అందజేయాల్సిన 2022–23, 24 సంవత్సరాలకు సంబంధించిన రూ.1.29కోట్ల విలువైన సీఎంఆర్‌ పక్కదారి పట్టించినట్లు ఇటీవల రైస్‌మిల్లులో అధికారులు చేపట్టిన తనిఖీల్లో వెల్లడైనట్లు తెలిపారు. అధికారుల ఫిర్యాదు మేరకు మిల్లు నిర్వాహకులపై క్రిమినల్‌ కేసు నమోదు చేసినట్లు తెలిపారు.

● జిల్లా కలెక్టర్‌ బి.సంతోష్‌మంచిర్యాలఅగ్రికల్చర్‌: నకిలీ విత్తనాల తయారీ, రవాణా, విక్రయం, వినియోగాన్ని అరికట్టే విధంగా అధికారులు సమన్వయంతో చర్యలు చేపట్టాలని జిల్లా కలెక్టర్‌ బి.సంతోష్‌ అన్నారు. బుధవారం నస్పూర్‌ కలెక్టరేట్‌లో రామగుండం కమిషనర్‌ ఆఫ్‌ పోలీస్‌ శ్రీనివాసులు, జిల్లా అదనపు కలెక్టర్‌ రాహుల్‌, డీసీపీ అశోక్‌కుమార్‌, జిల్లా వ్యవసాయ అధికారి సురేఖతో కలిసి వ్యవసాయ, పోలీసు శాఖ అధికారులతో సమీక్ష నిర్వహించారు. కలెక్టర్‌ మాట్లాడుతూ బోల్‌గార్డ్‌–3 రకాన్ని నిషేధించారని, వినియోగం చట్టరీత్యా నేరమని తెలిపారు. నకిలీ విత్తనాల విక్రయాలు నియంత్రించేందుకు క్రిమినల్‌ కేసులు నమోదు చేయాలని తెలిపారు. సీపీ శ్రీనివాసులు మాట్లాడుతూ టాస్క్‌ఫోర్స్‌ బృందాలు నకిలీ, నిషేధిత విత్తనాల నిల్వ, పంపిణీ కేంద్రాలను గుర్తించి స్వాధీనం చేసుకోవాలని, సంబంధిత వ్యక్తులపై కేసులు నమోదు చేయాలని తెలిపారు. గత నాలుగు నెలల కాలంలో నాలుగు కేసులు, 2016 నుంచి ఇప్పటి వరకు 116 కేసులు నమోదు చేశామని తెలిపారు. మాదకద్రవ్య రహిత సమాజమే లక్ష్యం మంచిర్యాలఅగ్రికల్చర్‌: మాదక ద్రవ్య రహిత సమాజమే లక్ష్యంగా అన్ని శాఖల అధికారులు సమన్వయంతో పని చేయాలని కలెక్టర్‌ బి.సంతోష్‌ అన్నారు. బుధవారం కలెక్టర్‌ చాంబర్‌లో సీపీ శ్రీనివాసులు, మంచిర్యాల డీసీపీ అశోక్‌కుమార్‌తో కలిసి మంచిర్యాల, బెల్లంపల్లి ఆర్డీవోలు రాములు, హరికృష్ణ, ఆబ్కారీ మద్యనిషేధ శాఖ అధికారి నందగోపాల్‌, డ్రగ్‌ ఇన్‌స్పెక్టర్‌ చందన, మానసిక వైద్య నిపుణులు సునిల్‌లతో సమీక్ష నిర్వహించారు. కలెక్టర్‌ మాట్లాడుతూ మాదకద్రవ్యాలు, గంజాయి, ఇతర మత్తు పదార్థాల విక్రయం, వినియోగం పూర్తి స్థాయిలో నిరోధించేలా సంబంధిత శాఖల అధికారులు కృషి చేయాలని తెలిపారు. సీపీ మాట్లాడుతూ 22 కేసులు నమోదు చేశామని తెలిపారు. పకడ్బందీగా లెక్కింపు ప్రక్రియ మంచిర్యాలఅగ్రికల్చర్‌: జూన్‌ 4న ఓట్ల లెక్కింపు ప్రక్రియ పకడ్బందీగా నిర్వహించాలని జిల్లా ఎన్నికల అధికారి, కలెక్టర్‌ బి.సంతోష్‌ అన్నారు. బుధవారం కలెక్టరేట్‌లో అదనపు కలెక్టర్లు రాహుల్‌, మోతీలాల్‌, మంచిర్యాల ఆర్డీవో రాములు, స్పెషల్‌ డిప్యూటీ కలెక్టర్‌ డి.చంద్రకళతో కలిసి కౌటింగ్‌ సూపర్‌వైజర్లు, సహాయకులు, సూక్ష్మ పరిశీలకుల శిక్షణ కార్యక్రమంలో పాల్గొన్నారు. కలెక్టర్‌ మాట్లాడుతూ హాజీపూర్‌ మండలం ముల్కల్లలోని ఐజా కళాశాలలో ఓట్ల లెక్కింపు ప్రక్రియ జరుగుతుందని తెలిపారు. విధులు కేటాయించిన అధికారులు, సిబ్బంది ఆ రోజు ఉదయం 7.30గంటల వరకు హాజరు కావాలని, 8 గంటలకు ఓట్ల లెక్కింపు ప్రారంభమవుతుందని తెలిపారు. జూన్‌ 3న రెండో విడత శిక్షణ కార్యక్రమం ఉంటుందని, శిక్షణలో నేర్చుకున్న అంశాలను పాటించాలని తెలిపారు.

● రాష్ట్ర విద్యాశాఖ ప్రధాన కార్యదర్శి బుర్ర వెంకటేశం మంచిర్యాలఅగ్రికల్చర్‌: అమ్మ ఆదర్శ పాఠశాలల కమిటీ ఆధ్వర్యంలో ప్రభుత్వ పాఠశాలల్లో చేపట్టిన అభివృద్ధి, మరమ్మతు పనులు త్వరితగతిన పూర్తి చేయాలని రాష్ట్ర విద్యాశాఖ ప్రధా న కార్యదర్శి బుర్ర వెంకటేశం అన్నారు. బుధవారం టెలి కాన్ఫరెన్స్‌ ద్వారా జిల్లాల కలెక్టర్లతో పనుల పురోగతిపై సమీక్ష నిర్వహించారు. ఈ సందర్భంగా ఆయన మాట్లాడుతూ అభివృద్ధి పనులను విద్యాసంవత్సరం ప్రారంభంలో గా పూర్తి చేసి పాఠశాలలను సిద్ధంగా ఉంచాల ని తెలిపారు. ప్రతీ పాఠశాలలో తాగునీరు, మూత్రశాలలు, విద్యుద్దీకరణ పనులతోపాటు తరగతి గదులు సిద్ధంగా ఉంచాలని అన్నారు. కలెక్టర్‌ మాట్లాడుతూ జిల్లాలోని ప్రభుత్వ పాఠశాలల్లో అభివృద్ధి పనులు పూర్తి చేసే విధంగా ప్రత్యేక అధికారుల ద్వారా నిరంతరం పర్యవేక్షిస్తున్నామని తెలిపారు. ఈ కార్యక్రమంలో జి ల్లా గ్రామీణాభివృద్ధి అధికారి కిషన్‌, జిల్లా వి ద్యాధికారి యాదయ్య పాల్గొన్నారు.