వంద కోట్ల మందికి పైగా రోజు మూడుపూట్ల తిండి దొరకడం లేదు. ప్రపంచ వ్యాప్తంగా నలభై కోట్ల మందికి పైగా పోషకాహార లోపంతో బాధపడుతున్నారు. ఇప్పటికే తిండి, గూడు, గుడ్డ దొరకక అనేక మంది ఇబ్బందిపడుతున్నారు. మరి ఇంతకు  మరింత రెట్టింపుగా జనాభా పెరిగితే పరిస్థితి ఏమిటి? తాజాగా ఐక్యరాజ్యసమితి విడుదల చేసిన జనాభా గణాంకాలు ఏం చెబుతున్నాయి? ప్రపంచ జనాభా దినోత్సవం సందర్భంగా ప్రపంచ వ్యాప్తంగా జనాభా పెరుగుదల ఎలా ఉంది? అధిక జనాభా వలన కలిగే నష్టాలు ఏమిటి? జనాభానియంత్రణకు చేపట్టవలసిన విధానాల గురించి తెలుసుకుందాం....

సాక్షి, ముంబై : అప్పుల సంక్షోభంలో చిక్కుకున్న రిలయన్స్ కమ్యూనికేషన్స్‌(ఆర్‌కామ్‌) సంచలన నిర్ణయం తీసుకుంది. దివాళా పిటిషన్‌ దాఖలు చేయాలని అనూహ్యంగా  నిర్ణయించింది. నేషనల్ కంపెనీ లా ట్రిబ్యునల్ (ఎన్‌సీఎల్‌టీ) ద్వారా ఫాస్ట్ ట్రాక్ తీర్మానం కోరనున్నామని కంపెనీ  రెగ్యులేటరీ సమాచారంలో  తెలియజేసింది.  దీంతో సోమవారం నాటి మార్కెట్లో  అనిల్‌ ధీరూభాయ్‌ అంబానీ గ్రూప్‌(అడాగ్‌) కంపెనీ షేర్లకు భారీ షాక్‌​ తగిలింది.  ఇన్వెస్టర్ల అమ్మకాలతో అన్ని షేర్లు భారీగా నష్టపోతున్నాయి. సుమారు రూ.40వేల కోట్ల మేర రుణ పరిష్కారాలకు సంబంధించిన అంశంలో 40 రుణదాత సంస్థల నుంచి సంపూర్ణ అనుమతి లభించకపోవడంతో ఆర్‌కామ్‌ తాజా నిర్ణయానికి వచ్చినట్లు తెలుస్తోంది. గత 18నెలలుగా ఆస్తుల విక్రయం ద్వారా రుణ చెల్లింపులకు ప్రయత్నించినప్పటికీ పరిస్థితులు అనుకూలించకపోవడంతో రుణ పరిష్కార అంశం ముందుకు సాగలేదని ఆర్‌కామ్‌ తెలిపింది. దీంతో జాతీయ కంపెనీ చట్ట ట్రిబ్యునల్‌(ఎన్‌సీఎల్‌టీ)ను ఆశ్రయించనున్నట్లు పేర్కొంది. దీంతో అనిల్ అంబానీ నేతృత్వంలోని రిలయన్స్ ఇతర గ్రూపు కంపెనీల షేర్లు కూడా పడిపోయాయి. ఇన్వెస్టర్లలో నెలకొన్న ఆం‍దోళన కారణంగా నెలకొన్న అమ్మకాలతో ముఖ్యంగా ఆర్‌కామ్‌ షేరు 48 శాతం పతనమైంది. ఒక దశలో54.3 శాతం కుప్పకూలి, 5.30 రూపాయల వద్ద రికార్డు కనిష్టానికి చేరింది.  దీంతోపాటు అడాగ్‌ గ్రూప్‌లోని  రిలయన్స్‌ కేపిటల్‌ (12.5శాతం), రిలయన్స్‌ పవర్ (13శాతం), రిలయన్స్‌ ఇన్‌ఫ్రాస్ట్రక్చర్‌,  రిలయన్స్ హోమ్‌ ఫైనాన్స్‌, రిలయన్స్‌ నిప్పన్‌ లైఫ్‌, రిలయన్స్ నావల్  తదితర కౌంటర్లు భారీ నష్టాలు మూటగట్టుకున్నాయి.

సాక్షి, ముంబై: ప్రయివేటు రంగ బ్యాంకింగ్‌  దిగ్గజం హెచ్‌డీఎఫ్‌సీ దీపావళి  సందర్భంగా వినియోగదారులకు  గుడ్‌ న్యూస్‌ చెప్పింది.  ఫిక్స్‌డ్‌ డిపాజిట్లపై అందించే  వడ్డీరేటును  పెంచుతూ  ప్రకటన విడుదల చేసింది.  కోటి  రూపాయల లోపు  ఫిక్స్‌డ్‌ డిపాజిట్లపై  చెల్లించే వడ్డీరేటును  50 బేసిస్‌ పాయింట్లను పెంచుతున్నట్టు మంగళవారం  ప్రకటించింది.  దీంతో ఎనిమిది నుంచి పది సంవత్సరాల కాల పరిమితి గల  డిపాజిట్లపై వడ్డీరేటు 6.5 శాతానికి  చేరింది.  3-5 సంవత్సరాల డిపాజిట్ల వడ్డీరేటు 7.25 శాతానికి, వార్షిక డిపాజిట్లపై అందించే రేటు 7.3 శాతానికి చేరింది. ఈ సవరించిన రేట్లు నిన్నటినుంచే అమల్లోకి వచ్చాయి. మరోవైపు  ప్రభుత్వం రంగ బ్యాంకు బ్యాంక్‌ ఆఫ్‌  బరోడా  రుణాలపై వడ్డీరేట్లను పెంచుతూ  నిర్ణయం తీసుకుంది. తమ వార్షిక ఎంసీఎల్‌ఆర్‌ రేటును 10 బేసిస్‌ పాయింట్ల మేర పెంచింది.  దీంతో బీవోబీ ఎంసీఎల్‌ఆర్‌ రేటు 8.20శాతం నుంచి 8.30శాతానికి చేరింది. ఈ సవరించిన వడ్డీరేటు నేటి(నవంబరు 7, బుధవారం) నుంచి అమల్లోకి వచ్చినట్టు తెలిపింది.

సాక్షి, ముంబై:  ప్రస్తుత ఆర్థిక సంవత్సరంలో కరెన్సీ నోట్ల ముద్రణను రిజర్వుబ్యాంకు ఆఫ్ ఇండియా (ఆర్‌బీఐ) బాగా తగ్గించిందట. ప్రస్తుత ఆర్థిక సంవత్సరంలో కరెన్సీ నోట్లను ముద్రించడం కోసం ఆర్డరును తగ్గించింది.  ముఖ్యంగా కేంద్ర బ్యాంకు సహా ఇతర వాణిజ్య బ్యాంకుల్లో కరెన్సీ   ఖజానా గది పూర్తిగా నిండిపోవడంతో  ఈ నిర్ణయం తీసుకున్నట్టు సమాచారం.  డీమానిటైజ్‌ చేసిన పాత రూ.500, రూ.1000నోట్లు కుప్పలు తెప్పలుగా పేరుకుపోవడంతో ...కొత్త కరెన్సీ  ఖజానా గదులు ఖాళీ లేకపోవడంతో ప్రింటింగ్‌ ఇండెట్‌ను తగ్గించినట్టు విశ్వసనీయ వర్గాల ద్వారా తెలుస్తోంది.  అయిదేళ్ల కనిష్ట  స్థాయికి ప్రింటింగ్‌ ఆర్డర్లపై  ఆర్‌బీఐకోత పెట్టిందని మింట్‌  రిపోర్ట్‌ చేసింది. విశ్వసనీయ వర్గాలకు చెందిన ఇద్దరు ప్రముఖుల ద్వారా ఈ సమాచారం అందినట్టు రిపోర్ట్‌ చేసింది. 2018 ఆర్థిక సంవత్సరంలో ఆర్‌బీఐ ఇండెంట్‌ 21 బిలియన్లు ఉండనుందని, ఇది  గత ఏడాది 28 బిలియన్లతో పోలిస్తే  చాలా తక్కువ అని భావిస్తున్నారు.  గత ఐదేళ్లలో బ్యాంకు నోట్ల సగటు వార్షిక ఇండెంట్ 25 బిలియన్లుగా ఉంది.  50-60శాతం రద్దైన  నోట్లను  ఆర్‌బీఐకి బదలాయించినప్పటికీ తమ వద్ద చాలా తక్కువ స్థలం ఉందని  పేరు  చెప్పడానికి నిరాకరించిన  ఒక ప్రైవేట్ సెక్టార్ బ్యాంక్ సీనియర్ ఎగ్జిక్యూటివ్  ఒకరు తెలిపారు. పాత రూ.500, 1000నోట్లు కుప్పలుతెప్పలుపేరుకుపోవడం, వీటిని నాశనం చేయడాకంటే ముందు  లెక్కింపు పూర్తికావడంతో ఈ పరిస్థితి నెలకొందని వారు తెలిపారు. ఇండెంట్  తగ్గింపు అనేది  ఉత్పత్తి సామర్థ్యాలు, పరిమితులకు లోబడి ఆర్‌బీఐ సహేతుకమైన నిర్ణయం తీసుకుంటుందని   స్టేట్ బ్యాంక్ ఆఫ్ ఇండియా  గ్రూపు  చీఫ్‌ అడ్వైజర్‌  సౌమ్య కాంతి  ఘోష్ చెప్పారు. అయితే  గత కొద్ది సంవత్సరాలుగా  చిరిగిపోయిన నోట్ల సంఖ్య గణనీయంగా పెరిగిందన్నారు.  అయితే ప్రింటింగ్‌ ఇండెంట్‌ కోత నగదు లావాదేవీలపై మరింత భారం పెంచుతుందని  చెప్పారు.  అయితే ఈ అంచనాలపై వ్యాఖ్యానించేందుకు ఆర్‌బీఐ నిరాకరించినట్టు తెలుస్తోంది.

సాక్షి,ముంబై: రికార్డ్‌ స్థాయిలో మోత మోగించిన స్టాక్‌మార్కెట్లు గురువారం  ఫ్లాట్‌గా మారాయి.   ట్రేడర్లు లాభాల స్వీకరణకే  మొగ్గు చూపడంతో  ప్రధాన ఇండెక్సులు స్వల్ప నష్టాలతో  ముగిశాయి.  కన్సాలిడేషన్‌ మూడ్‌లో  ఉన్న మార్కెట్లో  సెన్సెక్స్‌ 27  పాయింట్ల నష్టంతో 33573 వద్ద, నిఫ్టీ 17పాయింట్లు క్షీణించి 10, 422  వద్ద ముగిసింది.   ముఖ్యంగా  పీఎస్‌యూ బ్యాంక్‌ కౌంటర్లలో అమ్మకాల ఒత్తిడి కనిపించగా,  కొనుగోళ్ల మద్దతుతో ఫార్మా రంగం  రీబౌండ్‌ అయింది.  దీంతో ఇవాల్టి మార్కెట్లకు  ఫార్మా దూకుడు మంచి మద్దతు ఇచ్చిందని చెప్పవచ్చు.  ఎఫ్‌ఎంసీజీ, మెటల్‌, ఆటో రంగాలు నష్టాల్లో ముగిశాయి.  దివీస్‌,  శ్రీరామ్‌ ట్రాన్స్‌పోర్ట్‌,  హెక్సావేర్‌, అరబిందో, లుపిన్‌, డా. రెడ్డీస్‌ టాప్‌విన్నర్స్‌గా నిలవగా వీటితోపాటు క్యాడిల్లా హెల్త్‌కేర్‌,  ఐడియా  లాభపడ్డాయి. మరోవూపు  టెక్‌ మహీంద్రా, సెయిల్‌,  భారతి ఎయిర్‌టెల్‌, కెనరా బ్యాంక్‌,హెచ్‌డీఎల్‌ ఫెడరల్‌బ్యాంక్‌, హిందాల్కో, స్టేట్‌బ్యాంక్‌, ఎంఅండ్‌ఎం  నష్టపోయినవాటిల్లో ఉన్నాయి.