నెల్లిమర్ల (విజయనగరం) : శుక్రవారం రైల్వే శాఖ ప్రకటించిన గ్రూప్‌-డి ఉద్యోగాల ఫలితాలలో విజయనగరం జిల్లా నెల్లిమర్ల నగర పంచాయతీకి చెందిన 10 మంది యువకులు ఉద్యోగాలు సాధించారు. స్థానిక జలజరావుపేటకు చెందిన 10 మంది యువకులు రైల్వే గ్రూప్‌-డిలో టెక్నికల్, క్లరికల్ ఉద్యోగాలు సాధించారు. దీంతో జలజరావుపేటలో సంబరాలు అంబరాన్ని అంటాయి. గతంలో జలజరావుపేట గ్రామ పంచాయతీగా ఉన్న సమయంలో 2011లో జరిగిన కానిస్టేబుల్ ఎంపిక ప్రకియలో ఇదే గ్రామానికి చెందిన 36 మంది యువకులు ఉద్యోగాలు సాధించడం విశేషం.