TV
ఇది జుట్టున్న కారు.. చూశారుగా.. దీనికెంత కేశ సంపద ఉందో.. ఈ ఫియట్ కారుపై మొత్తం 120 కిలోల శిరోజాలు ఉన్నాయి. ఇటలీకి చెందిన హెయిర్ స్టైలిస్ట్ మారియా మగ్నో తన కారును మొత్తం మానవ కేశాలతో అలంకరించారు. లోపలా బయటా అంతటా అవే. ఇందుకోసం మొత్తం 150 గంటలు శ్రమించారు. 2010లో దీనికి సంబంధించిన విభాగంలో(మానవ కేశాలతో అలంకరించిన కారు) గిన్నిస్ రికార్డును(100 కిలోల శిరోజాలు) సాధించిన మారియా ఇటీవల మరో 20 కిలోల కేశాలు దానికి జత చేసి.. తన రికార్డును తానే బద్దలు కొట్టారు. ఈ రికార్డులో మన పాత్ర కూడా ఉందండి. ఎందుకంటే.. ఇందులో ఎక్కువ భాగం శిరోజాలు మనవే. ఐరోపా దేశాల వారితో పోలిస్తే.. మనవాళ్ల శిరోజాలు బలంగా.. ఎక్కువ కాలం మన్నేలా ఉంటాయట. దీంతో మారియా మన దేశం నుంచి శిరోజాలను దిగుమతి చేసుకుని మరీ.. ఈ కారు అలంకరణలో వినియోగించారు.
