రెట్టింపైన పండ్లు, పూల ధర
  భక్తులకు భారం
  వర్షంతో వ్యాపారుల ఆందోళన
  
 ఏలూరు (ఆర్‌ఆర్‌పేట) : 
 తెలుగు గడ్డపై విఘ్నాధిపతికి పూజలు చేయనివారెవరూ ఉండరు. ఇదే అదనుగా వ్యాపారులు పూలు, పండ్ల ధరలను రెట్టింపు చేసి విక్రయించారు. దీంతో వినాయక చవితి పూజలకు సిద్ధమౌతున్న ప్రజలు బెంబేలెత్తిపోయారు. సాధారణంగా వినాయక చవితికి ఇంటిలో పూజ చేసేందుకు స్వామి ప్రతిమ, పాలవెల్లి, గొడుగు, పండ్లు, పూలు అవసరం. వీటి ధరలు సాధారణ రోజులకు మించి చవితి సందర్భంగా పెంచేయడం వ్యాపారులు ఏటా చేసే పనే. ఐతే ఈ ఏడాది ఆ ధరలను రెట్టింపు చేసి విక్రయించారు. ఇది ప్రజలకు భారంగా పరిణమించింది. 
 హతాశులయ్యారు
 రెండు రోజుల ముందు వరకూ అందుబాటులోనే ఉన్న వివిధ రకాల పండ్ల ధరలు బుధవారం కాస్త పెరగగా, గురువారం మరింతగా పెరిగాయి. పూజ కోసం వాటిని కొనుగోలు చేయడానికి మార్కెట్లోకి వచ్చిన ప్రజలు వాటి ధరలు విని  హతాశులయ్యారు. 
  
 ధరలు ఇలా..
 పండ్ల రకం మంగళవారం గురువారం
 యాపిల్‌ (1) రూ. 30 రూ.50
 దానిమ్మ (1) రూ. 8 నుంచి రూ.10 రూ. 15 నుంచి రూ. 20 
 ద్రాక్ష పావుకిలో రూ. 50 రూ. 70
 బత్తాయి డజను రూ. 80 రూ.120 నుంచి రూ.150
 జామ (2) రూ.10 రూ. 15
 మొక్కజొన్న పొత్తు రూ. 5 రూ.8
  
 పువ్వులు (పావుకేజీ)
 మల్లెలు రూ.200 రూ.400
 కనకాంబరాలు రూ.350 రూ.500
 చామంతి రూ.120 రూ.150
 బంతి రూ.80 రూ.120
  
 పత్రి, పాలవెల్లి ధరలు ప్రియం 
 చవితిలో ముఖ్యపాత్ర పోషించే పత్రి, పాలవెల్లి వంటి వాటి ధరలు కూడా మరింత ప్రియంగా మారాయి. వినాయకుని మందిరం ఏర్పాటు చేసి అలంకరించే వెదురు పాలవెల్లి రూ.20, చెక్క పాలవెలి రూ.30 చొప్పున విక్రయించారు. గొడుగు రకాన్ని బట్టి రూ.10 నుంచి రూ.20 వరకూ అమ్మారు. పాలవెల్లికి అంలకరించే వెలగకాయ, మారేడు కాయ, నారింజ, సీతాఫలం వంటి కాయల ధరలూ భక్తులకు చుక్కల్ని చూపించాయి. దీంతో వినాయక చవితి పండుగకు కేవలం అలంకరణలకే దాదాపు రూ.1000 ఖర్చుపెట్టాల్సి వచ్చింది. 
 అకాల వర్షం
 చవితి పండుగ సామగ్రి విక్రయించి ఆదాయం సమకూర్చుకుందామనుకున్న వ్యాపారులకు గురువారం మధ్యాహ్నం ప్రారంభమైన వర్షం ఆందోళన కలిగించింది. వాతావరణ శాఖ 48 గంటల పాటు వర్షాలు కురుస్తాయని ప్రకటించిందనే వార్త వారిని మరింత కంగారుపెట్టింది. సాయంత్రం 5 గంటల నుంచి తగ్గుముఖం పట్టడంతో వారికి కొంత ఊరట కలిగింది. అప్పటికే ప్రజలు గొడుగులు, రెయిన్‌కోట్లు, జర్కిన్లు వేసుకుని మార్కెట్‌లోకి రావడంతో వ్యాపారుల్లో ఆనందం వ్యక్తమైంది.
  


  శ్రీజయనామ సంవత్సరం, దక్షిణాయనం, హేమంత ఋతువు, పుష్యమాసం, తిథి బ.చవితి సా.4.18 వరకు, తదుపరి పంచమి, నక్షత్రం మఖ సా.5.50 వరకు, తదుపరి పుబ్బ, వర్జ్యం ఉ.4.33 నుంచి 6.20 వరకు
  తిరిగి రా.2.44 నుంచి 4.30 వరకు
  దుర్ముహూర్తం ఉ.8.50 నుంచి 9.41 వరకు
  తదుపరి ప.12.28 నుంచి 1.18 వరకు
  అమృతఘడియలు ప.3.12 నుంచి 4.58 వరకు
  
  సూర్యోదయం    :    6.37
  సూర్యాస్తమయం    :    5.37
  రాహుకాలం    :    ఉ.10.30 నుంచి 12.00 వరకు
  యమగండం    :    ప.3.00 నుంచి 4.30 వరకు
 భవిష్యం
  
 మేషం: పనుల్లో స్వల్ప ఆటంకాలు. వ్యయప్రయాసలు. అనారోగ్యం. కుటుంబంలో ఒత్తిడులు. అనుకోని ధనవ్యయం. వ్యాపారాలలో నిరుత్సాహం. ఉద్యోగులకు పనిభారం.
  
 వృషభం: ఆర్థిక ఇబ్బందులు చికాకు పరుస్తాయి. శ్రమ తప్పదు. పనుల్లో జాప్యం. ఆలోచనలు కలసిరావు. బాధ్యతలు పెరుగుతాయి. వృత్తి, వ్యాపారాలలో కొద్దిపాటి మార్పులు.
  
 మిథునం: చిన్ననాటి మిత్రులను కలుసుకుంటారు. ప్రముఖులతో పరిచయాలు. సంఘంలో గౌరవం. వస్తులాభాలు. వ్యాపారాలలో అనుకున్న లాభాలు. ఉద్యోగులకు కొత్త హోదాలు.
  
 కర్కాటకం: శ్రమ పెరుగుతుంది. పనుల్లో జాప్యం. ఆలోచనలు స్థిరంగా ఉండవు. ఇంటాబయటా చికాకులు. అనారోగ్యం. వ్యాపారాలు మందగిస్తాయి. ఉద్యోగులకు మార్పులు.
 
 సింహం: చిన్ననాటి మిత్రులను కలుసుకుంటారు. ప్రతిభ వెలుగులోకి వస్తుంది. ఆసక్తికరమైన సమాచారం. విందువినోదాలు. వ్యాపారాలు సజావుగా సాగుతాయి. ఉద్యోగులకు పదోన్నతులు.
  
 కన్య: బంధువులతో వివాదాలు. ఆరోగ్యభంగం. దూరప్రయాణాలు. తీర్థయాత్రలు చేస్తారు. వ్యాపారాలలో గందరగోళం. ఉద్యోగులకు శ్రమాధిక్యం.
  
 తుల: బంధువులతో సఖ్యత. విందువినోదాలు. పనులు సకాలంలో పూర్తి చేస్తారు. సంఘంలో ఆదరణ. చిన్ననాటి మిత్రుల కలయిక. వ్యాపార, ఉద్యోగాలలో చికాకులు తొలగుతాయి.
  
 వృశ్చికం: ఉద్యోగయోగం. కీలక నిర్ణయాలు. వ్యవహారాలలో విజయం. శుభకార్యాలలో పాల్గొంటారు. పాతబాకీలు వసూలవుతాయి. వ్యాపార, ఉద్యోగాలలో ప్రోత్సాహకరంగా ఉంటుంది.
  
 ధనుస్సు: రుణాలు చేస్తారు. ఆకస్మిక ప్రయాణాలు. ఇంటాబయటా ఒత్తిడులు. బంధువులతో వివాదాలు. ఆలయాలు సందర్శిస్తారు. వ్యాపార, ఉద్యోగాలలో నిరుత్సాహం.
  
 మకరం: మిత్రులతో మాటపట్టింపులు. ధనవ్యయం. ఆరోగ్య సమస్యలు. విద్యార్థుల యత్నాలు మందగిస్తాయి. వ్యాపారాలు అంతగా అనుకూలించవు. ఉద్యోగులకు మార్పులు.
  
 కుంభం: కొత్త విషయాలు తెలుసుకుంటారు. ప్రముఖులతో పరిచయాలు. పోటీపరీక్షల్లో విజయం. బాకీలు వసూలవుతాయి. ఆధ్యాత్మిక చింతన. వ్యాపార, ఉద్యోగాలలో ప్రోత్సాహకరం.
  
 మీనం: శ్రమ ఫలిస్తుంది. నూతనోత్సాహంతో పనులు పూర్తి చేస్తారు. ఆహ్వానాలు అందుతాయి. చిన్ననాటి మిత్రుల కలయిక. వృత్తి, వ్యాపారాలు సజావుగా సాగుతాయి.
  
 - సింహంభట్ల సుబ్బారావు
  
  


  శ్రీ జయనామ సంవత్సరం
  దక్షిణాయనం, శరదృతువు
  కార్తీక మాసం
  తిథి బ.చవితి రా.2.25 వరకు
  నక్షత్రం మృగశిర సా.4.48 వరకు
  తదుపరి ఆరుద్ర
  వర్జ్యం రా.1.31 నుంచి 3.09 వరకు
  దుర్ముహూర్తం ప.12.09 నుంచి 12.58 వరకు
  తదుపరి ప.2.23 నుంచి 3.13 వరకు
  అమృతఘడియలు ఉ.7.37 నుంచి 9.18 వరకు
  ---------
  సూర్యోదయం:    6.05 సూర్యాస్తమయం:     5.23
  రాహుకాలం: ఉ.7.30 నుంచి 9.00 వరకు
  యమగండం: ఉ.10.30 నుంచి 12.00 వరకు