మోమిన్‌పేట: కంటికి రెప్పలా చూసుకోవలసిన కన్నతండ్రి కామాంధుడయ్యాడు. పదిహేనేళ్ల కూతురిపై అఘాయిత్యానికి పాల్పడ్డాడు. ఈ ఘటనలో సదరు బాలిక గర్భం దాల్చింది. ఈ సంఘటన మోమిన్‌పేటలో బుధవారం వెలుగు చూసింది. గ్రామానికి చెందిన ఓ కుటుంబం బతుకుతెరువు నిమిత్తం పటాన్‌చెరుకు వెళ్లింది. అక్కడ కూలి పనులు చేసుకుంటూ జీవనం సాగిస్తోంది. ఆ దంపతులకు ముగ్గురు కుమార్తెలు కాగా ఎనిమిదో తరగతి పూర్తి చేసి ఇంటి వద్దే ఉంటున్న పెద్ద కుమార్తెపై తండ్రి లైంగిక దాడికి పాల్పడ్డాడు. ఈ విషయాన్ని ఎవరికైనా చెబితే చంపేస్తానని బెదిరించాడు. కూతురు కొద్ది రోజులుగా ఇబ్బందు లు పడుతుండటాన్ని గుర్తించిన తల్లి అసలు విషయం తెలియడంతో నిర్ఘాంతపోయింది. బుధవారం మోమిన్‌పేటకు చేరుకుని కామాంధుడిపై పోలీసులకు ఫిర్యాదు చేసింది. 


 ఈ బెంచ్పై మూడున్నరేళ్లు ఉన్నాను.. ఇన్ని రోజుల్లో ఈ కోర్టుకు వచ్చిన కేసుల్లో అత్యంత దారుణమైన కేసు ఇదే. ఓ తల్లి చేసిన దారుణం గురించి హామిల్టన్ కౌంటీ కోర్టు జడ్జి లెస్లీ ఘిజ్ చేసిన వ్యాఖ్యలివి. నిందితురాలు కొర్కొరన్కు 51 సంవత్సరాల కఠిన కారాగార శిక్ష విధించారు. ఇంత భారీ శిక్ష పడటానికి ఆమె చేసిన నేరం ఏంటంటే..
 
 కొర్కొరన్ డ‍్రగ్స్కు బానిసైంది. హెరాయిన్ తీసుకోకుంటే రోజు గడిచేదికాదు. అయితే డ్రగ్స్ కొనేందుకు ఆమె వద్ద సరిపడా డబ్బు ఉండేదికాదు. అలాగని డ్రగ్స్ అలవాటు మానులేకపోయింది. రెండేళ్ల క్రితం కొర్కొరన్ డబ్బుల కోసం తన 11 ఏళ్ల కుమార్తెను డ్రగ్  డీలర్ వద్ద కుదువ పెట్టి అప్పు తీసుకుంది. ఇంతకంటే దారుణమేంటంటే తన కూతురును అత్యాచారం చేసేందుకు డ్రగ్ డీలర్కు అనుమతిచ్చింది. ఆ నీచుడు అభంశుభం తెలియని బాలికపై దారుణానికి పాల్పడ్డాడు. ఆ అమ్మాయిని హింసించి తన వాంఛలు తీర్చుకునేవాడు. కొన్నిసార్లు ఈ దృశ్యాలను వీడియోలు తీసేవాడు. కొర్కొరన్ తన కూతురును ఇంతటితో వదిలిపెట్టలేదు. కుమార్తెకూ బలవంతంగా డ్రగ్స్ ఇచ్చేది. పాపం ఆ చిన్నారి ప్రతిసారి వాంతి చేసుకునేంది. ఐదు నెలల పాటు ఆ అమ్మాయి చిత్రహింసలు అనుభవించింది.
 
 ఈ విషయం వెలుగు చూడటంతో కొర్కొరన్, డ్రగ్ డీలర్ షాండెల్ విల్లింగామ్పై కేసు నమోదు చేశారు. న్యాయస్థానం వీరిద్దరినీ దోషులుగా ప్రకటించింది. తప్పు చేసినందుకు కొర్కొరన్లో కొంచెం కూడా పశ్చాత్తాపం కనిపించలేదని న్యాయమూర్తి అన్నారు. ఆమెకు కఠిన కారాగార శిక్ష వేయగా, షాండెల్కు శిక్ష ఖరారు చేయాల్సివుంది. బాధితురాలు ప్రస్తుతం తన తండ్రి, సవతి తల్లి దగ్గర ఉంటోంది. విషాదం తాలుకు జ్ఞాపకాల నుంచి బయటపడేందుకు చిన్నారికి చికిత్స అందిస్తున్నారు.


 కన్నతండ్రి అఘాయిత్యాన్ని ఆమె తనకు తెలిసీ తెలియని వయసులో పంటిబిగువున సహించింది. ఇప్పుడు పెళ్లి అయిన తర్వాత కూడా అలాగే జరగడంతో ఆ అకృత్యాన్ని బయటపెట్టింది. అవును.. కడుపులో పెట్టుకుని కాపాడాల్సిన కన్న తండ్రే ఏకంగా మూడేళ్ల పాటు వరుసగా అత్యాచారం చేయడంతో ఆమె పోలీసులకు ఫిర్యాదుచేసింది. దాంతో దినేష్ సోనీ (51)ని పోలీసులు అరెస్టు చేశారు. బాధితురాలికి 9 నుంచి 12 ఏళ్ల వరకు వయసు ఉన్నప్పుడు దినేష్ సోనీ ఆమెపై అఘాయిత్యానికి పాల్పడినట్లు ఎస్హెచ్ఓ రాజేష్ మాలిక్ తెలిపారు.
 
 ఇప్పుడు ఆమెకు 21 సంవత్సరాలు. ఈ జనవరి లోనే పెళ్లి కూడా అయ్యింది. హోలీ సంబరాల కోసం పుట్టింటికి వచ్చినప్పుడు మరోసారి తనపై తండ్రి అత్యాచారం చేయబోగా తప్పించుకుని, పోలీసులను ఆశ్రయించింది. దీంతో పోలీసులు అతగాడిని అరెస్టు చేసి ఐపీసీ లోని వివిధ సెక్షన్ల కింద కేసులు నమోదు చేశారు. కుటుంబంలోని ఇతర సభ్యులకు కూడా ఈ ఘోరం గురించి తెలిసినా.. ఫిర్యాదుచేసే ధైర్యం చేయలేకపోయినట్లు ఎస్హెచ్ఓ తెలిపారు. తమ తండ్రి తన పట్ల కూడా అసభ్యంగా ప్రవర్తించినట్లు బాధితురాలి చెల్లెలు పోలీసులవద్ద వాపోయింది. బంగారం దుకాణం నడిపే దినేష్ సోనీకి తాగుడు అలవాటుందని పోలీసులు చెప్పారు.