ఒక్కొక్కరికీ ఒక్కో లక్ష్యం ఉంటుంది.. అలా ప్రేమ పక్షులకు పెద్దలనొప్పించి పెళ్లి చేసుకోవాలన్నదే ప్రధాన లక్ష్యం. బుల్లితెర లవ్‌ బర్డ్స్‌ సురభి చందన- కరణ్‌ శర్మ 13 ఏళ్లుగా ప్రేమించుకున్నారు. పెద్దల సమ్మతితో జైపూర్‌లో ఎంతో ఘనంగా పెళ్లి చేసుకున్నారు. మార్చిలో పెళ్లిపీటలెక్కిన ఈ జంట వెకేషన్‌ను ఎంజాయ్‌ చేస్తోంది. తాజాగా సురభి.. స్విమ్మింగ్‌ పూల్‌లో భర్తతో జలకాలాటలు ఆడిన వీడియోను సోషల్‌ మీడియాలో షేర్‌ చేసింది.రోజుకో వ్యక్తితో..ఇది చూసిన కొందరు ఆమెను తిట్టిపోస్తున్నారు. సురభిని.. క్రికెటర్‌ చాహల్‌ భార్య ధనశ్రీగా పొరపడుతూ విమర్శలు గుప్పిస్తున్నారు. 'ఇన్‌ఫ్లూయెన్సర్‌ను పెళ్లి చేసుకుంటే నీ జీవితమే వేస్ట్‌ అవుతుంది. డిప్రెషన్‌లోకి వెళ్లిపోతావు. తను రోజుకో వ్యక్తితో ఎంజాయ్‌ చేస్తుంది' అని ఓ యూజర్‌ ఆగ్రహం వెళ్లగక్కాడు. మరో నెటిజన్‌.. 'ఈమె ధనశ్రీయా? నమ్మలేకపోతున్నాను.. సారీ చాహల్‌.. నువ్వు ఆమెను భాగస్వామిగా ఎంచుకుని తప్పు చేశావు' అని రాసుకొచ్చాడు.చాహల్‌ను ట్యాగ్‌ చేస్తూ..మరో వ్యక్తి ఏకంగా చాహల్‌ను ట్యాగ్‌ చేస్తూ.. 'నిన్ను ట్యాగ్‌ చేస్తున్నందుకు వెరీ సారీ.. కానీ చూశావ్‌గా.. ఇన్‌ఫ్లూయెన్సర్‌ను పెళ్లి చేసుకుంటే పరిస్థితి ఇలా ఉంటుంది. అసలు ఇలా ఎవరైనా చేయగలరా?' అని అసహనం వ్యక్తం చేస్తున్నారు. ధనశ్రీతో ఉన్న వ్యక్తి ఎవరని అడుగుతున్నారు. ఇది చూసిన నటి అభిమానులు.. ఆమె ధనశ్రీ కాదు.. నటి సురభి చందన అని కామెంట్స్‌తో క్లారిటీ ఇస్తున్నారు.సీరియల్‌ కెరీర్‌సురభి చందన విషయానికి వస్తే.. 'ఇష్క్‌బాజ్‌', 'సంజీవ‌ని', 'నాగిన్ 5', 'హున‌ర్బాజ్‌:  దేశ్ కీ షాన్‌', 'ఖుబూల్ హై', 'తారక్‌ మెహతా కా ఉల్టా చష్మా' ధారావాహికల్లో నటించింది. బాబీ జాసూస్‌ చిత్రంతో వెండితెరపైనా మెరిసింది. కరణ్‌ శర్మ.. 'యే రిష్తా క్యా కెహ్లాతా హై', 'ప‌విత్ర రిష్తా' వంటి సీరియ‌ల్స్‌తో గుర్తింపు పొందాడు. ప్ర‌స్తుతం 'ఉదారియ‌న్' అనే ధారావాహికలో నటిస్తున్నాడు.     View this post on Instagram           A post shared by Surbhi Chandna (@officialsurbhic) చదవండి: OTT: ఓటీటీలో ఏకంగా 20 సినిమాలు.. వీకెండ్‌లో ఓ లుక్కేయండి!

టీమిండియా స్పిన్నర్‌ యుజువేంద్ర చాహల్‌ భార్య ధనశ్రీ వర్మ సోషల్‌ మీడియాలో చాలా యాక్టివ్‌గా ఉంటుందన్న సంగతి తెలిసిందే. తన భర్త చాహల్‌తో కలిసి వీడియోలు, రీల్స్ చేస్తూ ఫ్యాన్స్‌ను అలరిస్తూ ఉంటుంది. అయితే తాజాగా ధనశ్రీ తను చేసిన ఓ పని వల్ల విపరీతమైన ట్రోల్స్‌కు గురైంది. ధనశ్రీ.. హిందీ పాపులర్ డ్యాన్స్ షో జలక్ దికలాజాలో కంటెస్టెంట్‌గా బరిలోకి దిగింది. ఈ షో ఫైనల్‌ సందర్భంగా కొరియోగ్రాఫర్ ప్రతీక్ ఉతేకర్‌తో ధనశ్రీ వర్మ అత్యంత సన్నిహతంగా దిగిన ఫొటో వైరల్‌గా మారింది. దీంతో ధనశ్రీని నెటిజన్లు దారుణంగా ట్రోలు చేశారు. భర్తను మోసం చేస్తూ ఇలాంటి పనులు చేయడం సరికాదని, నీకు పెళ్లైందని గుర్తుపెట్టుకో అంటూ కామెంట్లు చేశారు. తాజాగా తనపై వచ్చిన ట్రోల్స్‌పై స్పందిస్తూ ధనశ్రీ వర్మ ఓ వీడియో విడుదల చేసింది.  "అస్సలు మీరు ఎలా ఏదో ఏదో ఊహించుకుంటారు. మీ అభిప్రాయాలను వ్యక్తం చేసేముందు దయచేసి మనుషులగా ఆలోచించండి. నేను  ట్రోల్స్‌, మీమ్స్‌ను పట్టించుకోను. నా పనిని నేను చేసుకుంటూ పోతాను. కొన్నిసార్లు ఇటువంటి వాటిని చూసి నాలో నేను నవ్వుకుంటాను. కానీ ఈ సారి ఈ చెత్త ట్రోల్స్‌పై స్పందించాల్సి వచ్చింది. ఎందుకంటే ఈసారి అవి నా కుటుంబాన్ని, నా సన్నిహితులను తీవ్రంగా ప్రభావితం చేశాయి. సోషల్ మీడియా వేదికల్లో అభిప్రాయాలను వ్యక్తపరిచే స్వేచ్ఛ అందరికి ఉంది. కానీ ఇతరుల వ్యక్తి గత జీవితాన్ని టార్గెట్‌ చేసి మనోభావాలను దెబ్బతీయడం సరికాదు. కొంత మంది ద్వేషాన్ని, విద్వేషాన్ని వ్యాప్తి చేయడమే పనిగా పెట్టుకున్నారు.  నా పనిలో సోషల్ మీడియా ప్రధాన భాగం కాబట్టి నేను విడిచిపెట్టలేను. కాబట్టి మీరు కొంచెం మానవతా దృక్పథంతో ఆలోచించి.. మా ప్రతిభ, నైపుణ్యాలను గమనించాలని కోరుతున్నా.  మేమంతా మిమ్మల్ని అలరించడానికే సోషల్‌ మీడియాలో ఉన్నాము. మీ అమ్మ, మీ సోదరి, మీ స్నేహితురాలు, మీ భార్య లాగే నేను కూడా ఒక స్త్రీని అనే విషయాన్ని మర్చిపోకండి.  నేను ఒక పోరాట యోధురాలిని. .ఏ విషయానికి భయపడి వెనకడుగు వేయను. ఇకనైనా ఈ వేదికగా ప్రేమను పంచండి. కాస్త సున్నితంగా వ్యవహరించండి. విద్వేషం వ్యాప్తి చేయకండి. మంచి విషయాలపై దృష్టి మీ జీవితంలో ముందుకు సాగాలని నేను ఆశిస్తున్నాని ధనశ్రీ పేర్కొంది. View this post on Instagram A post shared by Dhanashree Verma (@dhanashree9)

టీమిండియా క్రికెటర్‌ యజువేంద్ర చహల్‌ సతీమణి ధనశ్రీ వర్మ మరోసారి విమర్శల పాలయ్యారు. యూట్యూబర్‌, కొరియోగ్రాఫర్‌గా తనకంటూ ప్రత్యేక గుర్తింపు తెచ్చున్న ఈ డాక్టరమ్మ తీరు చహల్‌ అభిమానులకు ఆగ్రహం తెప్పించింది. ‘‘చహల్‌ భయ్యా కూడా మీతో పదే పదే ఇదే తరహాలో వ్యవహరిస్తే భరించగలరా? లేదంటే.. ప్రచార యావ కోసం ఉద్దేశపూర్వకంగానే ఇలాంటివి చేస్తున్నారా?’’ అంటూ తీవ్ర స్థాయిలో ధనశ్రీని ట్రోల్‌ చేస్తున్నారు. ఇంతకీ ఏం జరిగింది?! టీమిండియా బౌలర్‌గా కెరీర్‌ తారస్థాయిలో ఉన్న సమయంలో ధనశ్రీ వర్మను పెళ్లి చేసుకున్నాడు చహల్‌. డిసెంబరు 22, 2020లో వీరి వివాహం అంగరంగ వైభవంగా జరిగింది. ఈ నేపథ్యంలో.. స్వతహాగా కొరియోగ్రాఫర్‌ అయిన ధనశ్రీ తొలుత తనకు నృత్య పాఠాలు నేర్పిందని.. ఈ క్రమంలోనే తాము ప్రేమలో పడి పెళ్లిదాకా వచ్చినట్లు చహల్‌ ఓ సందర్భంలో తెలిపాడు. ఇక సోషల్‌ మీడియాలో యాక్టివ్‌గా ఉండే ధనశ్రీకి భర్తతో కలిసి దిగిన ఫొటోలు, అతడితో కలిసి చేసిన రీల్స్‌ ఎప్పటికప్పుడు అభిమానులతో పంచుకోవడం అలవాటు. అలాగే తన వృత్తిగత విషయాలను ఆమె షేర్‌ చేస్తూ ఉంటారు.  ఈ క్రమంలో గతేడాది తన ఇన్‌స్టా అకౌంట్లో చహల్‌ ఇంటి పేరును ఆమె తొలగించడంతో విడాకుల వదంతులు తెరమీదకు వచ్చాయి. అదే సమయంలో టీమిండియా బ్యాటర్‌ శ్రేయస్‌ అయ్యర్‌తో ధనశ్రీ సన్నిహితంగా మెలగడమే ఇందుకు కారణమని కొంతమంది నెటిజన్లు అసభ్యకరరీతిలో కామెంట్లు చేశారు. ఈ నేపథ్యంలో యజువేంద్ర చహల్‌- ధనశ్రీ వర్మ స్పందిస్తూ.. విడాకుల విషయాన్ని కొట్టిపారేశారు. అయినప్పటికీ ధనశ్రీ చర్యలను జడ్జ్‌ చేయడం మానలేదు నెటిజన్లు. చహల్‌కు అప్పట్లో ఉన్న క్రేజ్‌ దృష్ట్యానే అతడిని ఆమె పెళ్లాడిందనే తమ సొంత అభిప్రాయాలను వీరి బంధానికి ఆపాదిస్తూ ఇష్టారీతిన కథనాలు అల్లేశారు. తాజాగా ధనశ్రీ వర్మ దిగిన ఓ ఫొటో మరోసారి ఇలాంటి ట్రోల్స్‌కు కారణమైంది. ధనశ్రీ ప్రస్తుతం ఝలక్‌ దిఖ్లాజా అనే టీవీ షోలో భాగమయ్యారు. ఈ క్రమంలో మరో కొరియోగ్రాఫర్‌ ప్రతీక్‌ ఉటేకర్‌తో అత్యంత సన్నిహితంగా దిగిన ఫొటో బయటకు వచ్చింది. ప్రతీక్‌ స్వయంగా ఈ పిక్చర్‌ను తన ఇన్‌స్టా స్టోరీలో షేర్‌ చేసినట్లు తెలుస్తోంది. ఈ ఫొటోపై అభ్యంతరం వ్యక్తం చేస్తూ నెటిజన్లు ధనశ్రీ తీరును విమర్శిస్తున్నారు. ఆమె అభిమానులు మాత్రం వృత్తిగతం(యాక్టింగ్, డ్యాన్స్‌)గా ప్రమోషన్స్‌లో భాగంగా ఇలాంటి ఫొటోలను చేయడాన్ని తప్పుపట్టని వారు.. ఒక్క ఫొటోతో ఒకరి వ్యక్తిత్వాన్ని ఎలా నిర్ణయిస్తారు అదే స్థాయిలో కౌంటర్‌ ఇస్తున్నారు. ఇదిలా ఉంటే.. ఝలక్‌ దిఖ్లా జా షోలో ఫైనల్స్‌ వరకు వెళ్లిన ధనశ్రీ వర్మ విజేతగా నిలవలేకపోయింది. ఈ సీజన్‌లో ఫైనల్‌ వరకూ వచ్చిన మనీషా రాణి అనే మరో ఫిమేల్‌ కంటెస్టెంట్‌ ట్రోఫీని అందుకున్నారు. What will be the Dhanashree Verma reaction if Yuzvendra Chahal does this constantly with his ladies friends ? We all are human and any husband who loves his wife will be hurt by these incidents. This is utter nonsense, and needs to be stopped. pic.twitter.com/xKW2tf7K9v — Sujeet Suman (@sujeetsuman1991) March 2, 2024 I wouldn't post such an intimate pic on instagram even if it was with my wife #ShameOnDhanshree #YuziChahal pic.twitter.com/9pEhXEmtAi — brigadier🇮🇳 (@brigadierdude) March 2, 2024

‘‘నా ప్రియమైన సతీమణి... మనం మొట్టమొదటిసారి కలిసిన రోజు నుంచి ఈ క్షణం దాకా.. ఈ ప్రయాణంలోని ప్రతీ సెకండ్‌ నా హృదయానికి ఎంతో దగ్గరగా ఉంటుంది. పెళ్లిళ్లు స్వర్గంలో నిశ్చయమవుతాయంటారు. ఈ మాట ఎవరు చెప్పారో గానీ.. సరిగ్గా నా కోసం చెప్పినట్లే ఉంది. ప్రతి రోజు నా వ్యక్తిత్వాన్ని మరింత మెరుగుపరచుకునేలా చేస్తున్నావు. నీ రాకతో నేను సంపూర్ణమయ్యాను!! నా ప్రేమ దేవతకు పెళ్లిరోజు శుభాకాంక్షలు’’ అంటూ టీమిండియా స్పిన్నర్‌ యజువేంద్ర చహల్‌ భార్య ధనశ్రీ వర్మ పట్ల ప్రేమను చాటుకున్నాడు. వివాహ వార్షికోత్సవం సందర్భంగా సతీమణికి కవితాత్మక సందేశాన్ని బహుమతిగా ఇచ్చాడు. Dear wifey , From the first day we met to this moment, every second of this journey has been close to my heart. They say matches are made in heaven and I am sure whoever has written our script is on my side 💕 You make me a better human being every single day.❤️ You complete… pic.twitter.com/1xxe8KqfSt — Yuzvendra Chahal (@yuzi_chahal) December 22, 2023 ఈ సందర్భంగా తన నిచ్చెలితో దిగిన అందమైన ఫొటోలను యుజీ ఎక్స్‌ వేదికగా పంచుకున్నాడు. ఇందుకు స్పందనగా ధనశ్రీ సైతం.. ఓ పాటకు తామిద్దరం డాన్స్‌ చేసిన వీడియోను ఇన్‌స్టాలో పంచుకుంది. మూడేళ్లుగా పరస్పర సహకారంతో తమ ప్రయాణం ఇక్కడిదాకా వచ్చిందంటూ భర్త పట్ల ఆప్యాయతను చాటుకుంది. View this post on Instagram A post shared by Dhanashree Verma (@dhanashree9) కాగా టీమిండియా బౌలర్‌గా కెరీర్‌లో తారస్థాయిలో ఉన్న సమయంలో యూట్యూబర్‌ ధనశ్రీ వర్మను చహల్‌ పెళ్లాడాడు. 2020, డిసెంబరు 22న గూర్గావ్‌లో అత్యంత వైభవంగా వీరి పెళ్లి జరిగింది. అయితే, కొన్నాళ్ల క్రితం ధనశ్రీ తన ఇన్‌స్టా అకౌంట్‌లో చహల్‌ ఇంటి పేరును తొలగించడంతో వీరు విడాకులు తీసుకోబోతున్నారంటూ వదంతులు వచ్చాయి. అంతేకాదు.. టీమిండియా బ్యాటర్‌ శ్రేయస్‌ అయ్యర్‌తో ధనశ్రీ పేరును ముడిపెట్టి అసభ్యకరమైన రీతిలో ట్రోల్‌ చేశారు కొంతమంది నెటిజన్లు. ఈ క్రమంలో యజువేంద్ర చహల్‌ స్వయంగా స్పందించి విడాకుల రూమర్స్‌ను కొట్టిపడేశాడు. ధనశ్రీ సైతం భర్తతో కలిసి ఉన్న వీడియో షేర్‌ చేసి పుకార్లకు చెక్‌ పెట్టింది. View this post on Instagram A post shared by Sanju V Samson (@imsanjusamson) ఇదిలా ఉంటే.. టీమిండియా యువ బ్యాటర్‌ సంజూ శాంసన్‌ పెళ్లిరోజు కూడా నేడు. ఈ సందర్భంగా సతీమణికి విష్‌ చేస్తూ అందమైన ఫొటోలను పంచుకున్నాడు సంజూ. కాగా తన చిన్ననాటి స్నేహితురాలు చారులతా రమేశ్‌ను ఐదేళ్ల క్రితం వివామమాడాడు సంజూ. ప్రస్తుతం సౌతాఫ్రికా పర్యటనలో ఉన్న ఈ కేరళ బ్యాటర్‌ మూడో వన్డేలో శతకం బాది టీమిండియాను గెలిపించాడు. మరోవైపు.. చహల్‌కు మాత్రం ఒక్క మ్యాచ్‌ కూడా ఆడే అవకాశం రాలేదు. చదవండి:  బజరంగ్‌ పునియా సంచలన ప్రకటన.. ప్రధాని మోదీకి లేఖ!

ICC WC 2023: వన్డే వరల్డ్‌కప్‌-2023 ఆరంభం నుంచి స్థాయికి తగ్గట్టు రాణించలేకపోయాడు టీమిండియా మిడిలార్డర్‌ బ్యాటర్‌ శ్రేయస్‌ అయ్యర్‌. ప్రపంచకప్‌ తాజా ఎడిషన్‌లో ఆస్ట్రేలియాతో మ్యాచ్‌లో డకౌట్‌ అయిన ఈ ముంబై ఆటగాడు.. అఫ్గనిస్తాన్‌పై 25(నాటౌట్‌) పరుగులు చేయగలిగాడు. ఆ తర్వాత పాకిస్తాన్‌తో అజేయ అర్ధ శతకం(53)తో ఫామ్‌లోకి వచ్చినట్లు కనిపించాడు. కానీ బంగ్లాదేశ్‌తో మ్యాచ్‌లో మరోసారి విఫలమై(19) పాత కథ పునరావృతం చేశాడు. అనంతరం న్యూజిలాండ్‌తో మ్యాచ్‌లో 33 పరుగులు చేసిన శ్రేయస్‌ అయ్యర్‌.. ఇంగ్లండ్‌తో మ్యాచ్‌లో 4 పరుగులకే పెవిలియన్‌ చేరి మళ్లీ నిరాశ పరిచాడు. తప్పించాలంటూ డిమాండ్లు దీంతో నిలకడలేని ఫామ్‌తో సతమవుతున్న అయ్యర్‌పై వేటు వెయ్యాలంటూ విమర్శలు వెల్లువెత్తాయి. ఇలాంటి సమయంలో.. సొంతమైదానం వాంఖడేలో అద్భుతమైన ఇన్నింగ్స్‌తో సత్తా చాటాడు ఈ రైట్‌హ్యాండ్‌ బ్యాటర్‌. ఒక్క ఇన్నింగ్స్‌తో దిమ్మతిరిగేలా సమాధానం పూర్తి ఆత్మవిశ్వాసం కనబరుస్తూ 56 బంతుల్లో 3 ఫోర్లు, 6 సిక్సర్ల సాయంతో 82 పరుగులు సాధించాడు. సెంచరీ దిశగా పయనిస్తున్నాననే జాగ్రత్త పడకుండా నిస్వార్థ ఇన్నింగ్స్‌తో స్కోరు బోర్డును పరుగులు తీయించాడు. శుబ్‌మన్‌ గిల్‌ (92), విరాట్‌ కోహ్లి (88)లు అవుటైన తర్వాత వేగవంతమైన ఆట తీరుతో టీమిండియా 357 పరుగుల భారీ లక్ష్యం సాధించడంలో కీలక పాత్ర పోషించాడు. భారీ సిక్సర్‌తో రికార్డు ఈ క్రమంలో విమర్శించిన వారే అయ్యర్‌ను ప్రశంసిస్తూ అద్భుత ఇన్నింగ్స్‌ అంటూ కొనియాడుతుండటం విశేషం. ఇదిలా ఉంటే.. లంకతో మ్యాచ్‌ సందర్భంగా ఈ వరల్డ్‌కప్‌ ఎడిషన్‌లో అతి భారీ సిక్సర్‌ను నమోదు చేశాడు. కసున్‌ రజిత బౌలింగ్‌లో 106 మీటర్ల సిక్స్‌ను బాది చరిత్ర సృష్టించాడు. View this post on Instagram A post shared by ICC (@icc) ఇందుకు సంబంధించిన వీడియో నెట్టింట వైరల్‌గా మారింది. ఇక.. ఓవైపు అయ్యర్‌ షాట్‌ ఆడిన తీరుపై ప్రశంసలు కురుస్తుండగా.. మరోవైపు కొంతమంది నెటిజన్లు తమదైన శైలిలో కామెంట్లు చేస్తున్నారు. చహల్‌- ధనశ్రీలపైకి బంతి విషయమేమిటంటే.. వన్డే వరల్డ్‌కప్‌-2023లో చోటు దక్కించుకోలేకపోయిన టీమిండియా లెగ్‌ స్పిన్నర్‌ యజువేంద్ర చహల్‌.. తన భార్య ధనశ్రీ వర్మతో కలిసి గురువారం వాంఖడే మైదానానికి వచ్చాడు. అయితే, అయ్యర్‌ బాదిన భారీ సిక్సర్‌ ఈ దంపతులు కూర్చున్న స్టాండ్స్‌లో ల్యాండ్‌ అవడం విశేషం. శ్రుతిమించిన ట్రోల్స్‌ దీంతో.. ‘‘పాపం చహల్‌పై అంత కోపమెందుకు అయ్యర్‌.. ఏదేమైనా ధనశ్రీ రావడంతో అయ్యర్‌కు లక్‌ కలిసివచ్చినట్లుంది’’ అంటూ క్రేజీ కామెంట్లు చేస్తున్నారు. కాగా ధనశ్రీతో కలిసి అయ్యర్‌ డ్యాన్స్‌ చేసిన వీడియోలు, వీరిద్దరు కలిసి పార్టీలకు హాజరైన ఫొటోలు వైరల్‌ అయిన విషయం తెలిసిందే. ఈ క్రమంలో ధనశ్రీ తన ఇన్‌స్టా అకౌంట్లో చహల్‌ ఇంటి పేరును తీసేసినపుడు.. అయ్యర్‌ పేరుతో ఆమె పేరును జతచేసి దారుణంగా ట్రోల్‌ చేశారు. అంతటితో ఆగక చహల్‌తో ధనశ్రీ విడిపోబోతుందంటూ వదంతులు వ్యాప్తి చేయగా.. చహల్‌ స్వయంగా వీటిని ఖండించాడు. చదవండి: డేగ కళ్లు’! ఒకటి నిజమని తేలింది.. ఇంకోటి వేస్ట్‌.. ఇకపై వాళ్లే బాధ్యులు: రోహిత్‌ శర్మ  View this post on Instagram A post shared by ICC (@icc) ఇదిగో మళ్లీ ఇప్పుడిలా ఈ సిక్సర్‌ కారణంగా వాళ్లిద్దరిని ట్రోల్‌ చేస్తూ మీమ్స్‌తో రెచ్చిపోతున్నారు. అయితే, అయ్యర్‌ ఫ్యాన్స్‌ మాత్రం వీటిపై తీవ్రంగా మండిపడుతున్నారు. ప్రతిభను గుర్తించకుండా అనవసరపు విషయాల్లోకి లాగి అయ్యర్‌ ఆటను తక్కువ చేయడం సరికాదని హితవు పలుకుతున్నారు.

టీమిండియా స్పిన్నర్‌ యజువేంద్ర చాహల్‌ భార్య, ప్రముఖ యూట్యూబర్‌ ధనశ్రీ వర్మ సోషల్‌ మీడియాలో ఎంత యాక్టివ్‌గా ఉంటుందో ప్రత్యేకంగా చెప్పాల్సిన అవసరం లేదు. వృత్తిరీత్యా డాక్టర్‌ అయిన ఆమె మంచి డ్యాన్సర్‌ కూడా. ధనశ్రీ ఎప్పటికప్పుడు తన డ్యాన్స్‌ వీడియాలు, ఇన్‌స్టా రీల్స్‌తో అభిమానులను అలరిస్తుంటుంది. తాజాగా మరోసారి తన అందమైన ఫోటోలను ఇన్‌స్టాగ్రామ్‌లో షేర్‌ చేసింది. హాలీవుడ్ కొత్త మూవీ  'బార్బీ' చూడటానికి ఆమె ప్రత్యేకంగా డిజైన్‌ చేసిన డ్రెస్స్‌ను ధరించింది. ఈ ప్రత్యేక దుస్తుల్లో ఆమె మెరిసిపోయింది. ధనుశ్రీ కొత్త లూక్‌కు సంబంధిచిన ఫోటోలు ప్రస్తుతం సోషల్‌ మీడియాలో వైరల్‌గా మారాయి. ధనుశ్రీ పోస్టుపై చాహల్‌ కూడా స్పందించాడు. హార్ట్‌, ముద్దు ఎమోజీలను చాహల్‌ రిప్లేగా ఇచ్చాడు. కాగా చాహల్‌ ప్రస్తుతం వెస్టిండీస్‌లో ఉన్నాడు. విండీస్‌తో మూడు వన్డేలు, ఐదు టీ20ల సిరీస్‌ల్లో చాహల్‌ ఆడేందుకు సిద్దమవుతున్నాడు. చదవండి: Virat Kohli: కోహ్లిని హత్తుకుని కన్నీళ్లు పెట్టుకున్న విండీస్ క్రికెటర్ తల్లి.. వీడియో వైరల్

Shreyas Iyer- Yuzvendra Chahal- Dhanashree Verma: గాయం కారణంగా ఐపీఎల్‌-2023కి దూరమైన టీమిండియా మిడిలార్డర్‌ బ్యాటర్‌, కేకేఆర్‌ కెప్టెన్‌ శ్రేయస్‌ అయ్యర్‌ ఫొటోలు తాజాగా వైరల్‌ అవుతున్నాయి. భారత స్టార్‌ స్పిన్నర్‌, రాజస్తాన్‌ రాయల్స్‌ కీలక బౌలర్‌ యజువేంద్ర చహల్‌ భార్య, యూట్యూబర్‌ ధనశ్రీ వర్మతో అయ్యర్‌ కలిసి దిగిన ఫొటోలు బయటకు వచ్చాయి. ధనశ్రీ స్వయంగా శనివారం తన ఇన్‌స్టా స్టోరీలో వీటిని షేర్‌ చేయడం గమనార్హం. ‘‘మై క్యూటీస్‌’’ అంటూ హార్ట్‌ ఎమోజీతో తన స్నేహితురాలు పంచుకున్న ఫొటోను చహల్‌ సతీమణి షేర్‌ చేసింది. ఇందులో ఆమె స్నేహితులతో పాటు ఓ మూలన అయ్యర్‌ కూడా కనిపించాడు. ఇందులో శ్రేయస్‌ సోదరి శ్రేష్ట అయ్యర్‌ కూడా ఉండటం విశేషం. కాగా గతంలో.. టీమిండియా టీ20 స్టార్‌ సూర్యకుమార్‌ యాదవ్‌- దేవిషా దంపతులతో ధనశ్రీ, శ్రేయస్‌ దిగిన ఫొటోలు వైరల్‌ అయిన విషయం తెలిసిందే. విడాకుల రూమర్లు అంతకుముందే ధనశ్రీ తన ఇన్‌స్టా అకౌంట్‌ నుంచి చహల్‌ ఇంటి పేరును తొలగించడం.. తర్వాత ఈ ఫొటోలు నెట్టింట వైరల్‌ కావడంతో విడాకుల రూమర్లు గుప్పుమన్నాయి. దీంతో స్వయంగా చహల్‌- ధనశ్రీ స్పందిస్తూ పుకార్లకు అడ్డుకట్ట వేశారు. అయితే, ఇటీవల టీమిండియా పేస్‌ ఆల్‌రౌండర్‌ శార్దూల్‌ ఠాకూర్‌ పెళ్లిలోనూ కెప్టెన్‌ రోహిత్‌ శర్మ- రితికా దంపతులతో కలిసి ధనశ్రీ- శ్రేయస్‌ దిగిన ఫొటోలతో మరోసారి వీరు నెట్టింట ట్రెండ్‌ అయ్యారు. తాజాగా స్నేహితుల ఇంట్లో జరిగిన ఇఫ్తార్‌ పార్టీకి శ్రేయస్‌, శ్రేష్టతో పాటు ధనశ్రీ కూడా హాజరైంది. ఇందుకు సంబంధించిన ఫొటోలను సోషల్‌ మీడియాలో షేర్‌ చేసింది. దీంతో మళ్లీ వీరి పేర్లు హైలైట్‌ అవుతున్నాయి. కలిసి వెళ్లేది అందుకేనా.. డాక్టర్‌ ధనశ్రీ వర్మ సోషల్‌ మీడియా ఇన్‌ఫ్లూయెన్సర్‌. అలాగే కొరియోగ్రాఫర్‌ కూడా! నిజానికి శ్రేయస్‌ సోదరి శ్రేష్ట కూడా కొరియాగ్రాఫర్‌గా రాణించాలని కలలు కంటోంది. ఈ క్రమంలో వీరిద్దరికి స్నేహం కుదరగా.. శ్రేయస్‌తో కూడా ధనశ్రీ ఫ్రెండ్‌షిప్‌ చేయడం మొదలుపెట్టిందని టాక్‌. ఇప్పటికే అయ్యర్‌తో గతంలో ఓ డాన్స్‌ వీడియో షేర్‌ చేసిన ధనశ్రీ అతడి ఆట తీరును ప్రశంసిస్తూ పోస్ట్‌ పెట్టింది. దీంతో కొంతమంది అయ్యర్‌తో ధనశ్రీ స్నేహాన్ని విమర్శిస్తూ కామెంట్లు చేస్తుండగా.. అభిమానులు మాత్రం తన ఫ్రెండ్‌ సోదరుడితో ధనశ్రీ ఫ్రెండ్‌షిప్‌ చేస్తే పెడర్థాలు తీస్తారా అంటూ కౌంటర్‌ ఇస్తున్నారు. ఏదేమైనా.. ఏదో రకంగా వార్తల్లో ఉండటం ధనశ్రీకి పరిపాటి అయిందని ఇంకొందరు సెటైర్లు వేస్తున్నారు. తను దొరకడం నా అదృష్టం ధనశ్రీ వీలు చిక్కినప్పుడల్లా భర్త చహల్‌తో కలిసి ప్రయాణాలు చేస్తుంది. అతడిని ప్రోత్సహిస్తూ భర్త సాధించే విజయాలను ఆస్వాదిస్తుంది. ఇటీవల సన్‌రైజర్స్‌తో హైదరాబాద్‌లో రాజస్తాన్‌ మ్యాచ్‌కు విచ్చేసిన ధనశ్రీ.. చహల్‌ వికెట్లు తీసినపుడు సెలబ్రేషన్‌ చేసుకున్న తీరు హైలైట్‌గా నిలిచింది. ఇక మ్యాచ్‌ తర్వాత చహల్‌ మాట్లాడుతూ.. తన భార్య గురించి గొప్పగా చెబుతూ.. ఆమెలాంటి జీవిత భాగస్వామి దొరకడం అదృష్టమని పొంగిపోయాడు. కాగా ఢిల్లీ క్యాపిటల్స్‌తో శనివారం నాటి మ్యాచ్‌లో చహల్‌ బిజీగా ఉన్న సమయంలో ధనశ్రీ ఫొటోలు షేర్‌ చేసింది.

IPL 2023- Yuzvendra Chahal- Dhanashree Verma: ‘‘తను నాతో ఉంటే నా ఆత్మవిశ్వాసం రెట్టింపు అవుతుంది. మరింత కాన్ఫిడెంట్‌గా ఉంటాను. తనే నా బలం. తన ఉనికి నాలో సానుకూల దృక్పథాన్ని నింపుతుంది. నేను మ్యాచ్‌ ఆడే సమయంలో తను స్టాండ్స్‌లో ఉండటం నాకిష్టం.  తను నన్ను చూసి చిరునవ్వులు చిందిస్తూనే నా ఆట తీరును నిశితంగా పరిశీలిస్తుంది. నేనెలా బౌలింగ్‌ చేస్తున్నానో గమనిస్తుంది. కొన్నిసార్లు నేను బాల్‌ ఎక్కడ వేస్తానో కూడా ముందే అంచనా వేస్తుంది. గత కొన్ని వారాల క్రితం నాకు ఈ విషయం తెలిసింది. తను నా పక్కన ఉంటే చాలు. అంతకంటే ఇంకేమీ అవసరం లేదు’’ అంటూ టీమిండియా స్పిన్నర్‌, రాజస్తాన్‌ రాయల్స్‌ స్టార్‌ బౌలర్‌ యజువేంద్ర చహల్‌ ఉద్వేగానికి లోనయ్యాడు. తన భార్య ధన శ్రీ వర్మ ఎల్లవేళలా తనకు మద్దతుగా ఉంటుందంటూ ఆమెపై ఇలా ప్రేమను చాటుకున్నాడు. కాగా యూట్యూబర్‌, కొరియోగ్రాఫర్‌ అయిన ధనశ్రీని చహల్‌ ప్రేమించి పెళ్లాడాడు. ఎంతో అన్యోన్యంగా కనిపించే ఈ జంట.. విడిపోతోందంటూ కొన్నాళ్ల క్రితం వార్తలు వచ్చాయి. ధనశ్రీ తన ఇన్‌స్టా అకౌంట్‌ నుంచి చహల్‌ ఇంటిపేరు తొలగించడం, శ్రేయస్‌ అయ్యర్‌తో దిగిన ఫొటోలు వైరల్‌ కావడం ఇందుకు కారణం. అయితే, వాటన్నిటికీ చెక్‌ పెడుతూ తాము కలిసే ఉన్నామని, కలిసే ఉంటామని ప్రకటించి చహల్‌- ధనశ్రీ దంపతులు అభిమానుల సందేహాలను పటాపంచలు చేశారు. ఇక చహల్‌ ఎప్పుడు మ్యాచ్‌ ఆడినా ధనశ్రీ అతడి వెంటే ఉంటుంది. భర్తను చీర్‌ చేస్తూ అతడి ఘనతలు చూసి పొంగిపోతుంది. ఐపీఎల్‌-2023లో సన్‌రైజర్స్‌ హైదరాబాద్‌తో రాజస్తాన్‌ రాయల్స్‌ మ్యాచ్‌ సందర్భంగా కూడా ధనశ్రీ ఉప్పల్‌ స్టేడియానికి విచ్చేసింది. అతడి అద్భుత ప్రదర్శన నేపథ్యంలో చప్పట్లు కొడుతూ అభినందనలు తెలిపింది. ఈ క్రమంలో భార్య సపోర్టు గురించి చహల్‌ మాట్లాడిన వీడియోను రాజస్తాన్‌ తమ ట్విటర్‌ ఖాతాలో షేర్‌ చేసింది. కపుల్‌ గోల్స్‌ సెట్‌ చేస్తున్నారని పేర్కొంది. Goals! 💗💗💗 pic.twitter.com/EKT7nDBHsd — Rajasthan Royals (@rajasthanroyals) April 4, 2023 💗💗💗 pic.twitter.com/zdHh2WAzAW — Rajasthan Royals (@rajasthanroyals) April 2, 2023

ఐపీఎల్‌ 16వ సీజన్‌ను యజ్వేంద్ర చహల్‌ ఘనంగా ఆరంభించాడు. ఆదివారం ఎస్‌ఆర్‌హెచ్‌తో జరిగిన మ్యాచ్‌లో ఈ రాజస్తాన్‌ బౌలర్‌ తన బౌలింగ్‌తో అదరగొట్టాడు. 4 ఓవర్లలో 17 పరుగులిచ్చి నాలుగు వికెట్లు పడగొట్టాడు.ఈ నేపథ్యంలో చహల్‌ తన ఖాతాలో రెండు రికార్డులను జమ చేసుకున్నాడు. ఐపీఎల్‌లో అత్యధిక వికెట్లు పడగొట్టిన స్పిన్నర్‌గా చరిత్ర సృష్టించిన చహల్‌కు టి20ల్లో ఇది 300వ వికెట్‌. టీమిండియా తరపున ఈ ఫీట్‌ సాధించిన తొలి స్పిన్నర్‌గా.. ఐపీఎల్‌లో అత్యధిక వికెట్లు తీసిన స్పిన్నర్‌గా ఏకకాలంలో రికార్డు సాధించాడు. కాగా చహల్‌ సాధించిన ఈ ఘనతను భార్య ధనశ్రీ వర్మ  ఎంజాయ్‌ చేసిన వీడియో సోషల్‌ మీడియాలో వైరల్‌గా మారింది. ఎస్‌ఆర్‌హెచ్‌తో జరిగిన మ్యాచ్‌కు ధనశ్రీ వర్మ హాజరైంది. భర్త టి20ల్లో 300వ వికెట్‌ సాధించగానే స్టాండ్స్‌లో ఉన్న ధనశ్రీ ఒక్కసారిగా సంతోషంతో గెంతులేసి చప్పట్లతో చహల్‌కు అభినందనలు పంపించింది. ఈ సమయంలో ఆమె మొహం నవ్వుతో వెలిగిపోయింది. ఈ సమయంలో అక్కడే ఉన్న అభిమానులు.. చహల్‌కు ఇంతలా సపోర్ట్‌ చేసే భార్య దొరకడం నిజంగా అతని అదృష్టం అని మనసులో అనుకునే ఉంటారు. ధనశ్రీ ఎంజాయ్‌ చేస్తున్న వీడియోపై మీరు ఒక లుక్కేయండి. 💗💗💗 pic.twitter.com/zdHh2WAzAW — Rajasthan Royals (@rajasthanroyals) April 2, 2023  

Yuzvendra Chahal- Dhanashree Verma: టీమిండియా స్పిన్నర్‌ యజువేంద్ర చహల్‌ సతీమణి, యూట్యూబర్‌ ధనశ్రీ వర్మకు సోషల్‌ మీడియాలో ఉన్న క్రేజ్‌ గురించి ప్రత్యేకంగా చెప్పనక్కర్లేదు. ఎప్పటికప్పుడు తన వ్యక్తిగత, వృత్తిగత అప్‌డేట్లను అభిమానులతో పంచుకుంటుందామె.  ఇన్‌స్టాగ్రామ్‌లో ధనశ్రీకి యాభై లక్షలకు పైగా ఫాలోవర్లు ఉన్నారు. దీంతో ఆమె పోస్టులకు లక్షల్లో లైకులు రావడం సహా అదే స్థాయిలో కొన్నిసార్లు ట్రోలింగ్‌ బారిన పడుతుందామె. గతంలో టీమిండియా స్టార్‌ సూర్యకుమార్‌ యాదవ్‌- దేవిషా శెట్టి దంపతులతో పాటు.. మరో క్రికెటర్‌ శ్రేయస్‌ అయ్యర్‌తో ఆమె దిగిన ఫొటో పలు అనుమానాలకు తావిచ్చింది. అప్పటికే తన ఇన్‌స్టా అకౌంట్లో ధనశ్రీ భర్త ఇంటి పేరును తొలగించడం.. ఆపై ఇలా వేరే క్రికెటర్‌తో కలిసి కనిపించడంతో విడాకుల వార్తలు తెరమీదుకు వచ్చాయి. చహల్‌- ధనశ్రీ స్వయంగా తాము కలిసే ఉంటున్నామని చెప్పిన తర్వాతే రూమర్లకు అడ్డుకట్ట పడింది. తాజాగా..  టీమిండియా క్రికెటర్‌ శార్దూల్‌ ఠాకూర్‌ సంగీత్‌లో పాల్గొన్న ధనశ్రీ షేర్‌ చేసిన ఫొటోలు మరోసారి నెట్టింట చర్చకు దారితీశాయి. పెళ్లికొడుకు శార్దూల్‌తో కలిసి టీమిండియా కెప్టెన్‌ రోహిత్‌ శర్మ- రితికా సజ్దే దంపతులు, ధనశ్రీ, శ్రేయస్‌ అయ్యర్‌ ఫొటో దిగారు.  వీటిని ఇన్‌స్టాలో పంచుకున్న ధనశ్రీ 5 ఎక్స్‌ పవర్‌ అంటూ ఫైర్‌ ఎమోజీని జత చేసింది. దీంతో అభిమానులు మిశ్రమంగా స్పందిస్తున్నారు. ‘‘చహల్‌ భాయ్‌ ఎక్కడ? మీరు ప్రతిసారి భాయ్‌ను కావాలనే అవాయిడ్‌ చేస్తారా? రూమర్లు రావాలని కోరుకుంటారా? అప్పుడు ఆ ఫొటోలతో.. ఇప్పుడు ఈ ఫొటోలతో ఎందుకిలా వదినమ్మా? చహల్‌ భయ్యా కూడా ఉంటే బాగుండేది’’ అని కామెంట్లు చేస్తున్నారు. మరికొందరు మాత్రం.. ‘‘అప్పుడలా.. ఇప్పుడలా? ఏదో మతలబు ఉంది’’ అంటూ ట్రోల్‌ చేస్తున్నారు. ఇలా ధనశ్రీ పేరు మరోసారి సోషల్‌ మీడియాలో చర్చనీయాంశమైంది. ఇదిలా ఉంటే.. స్వదేశంంలో ఆస్ట్రేలియాతో బోర్డర్‌- గావస్కర్‌ ట్రోఫీ సిరీస్‌లో చహల్‌కు చోటు దక్కలేదు. చదవండి: సూర్య కాదు.. ఆ ఆసీస్‌ బ్యాటర్‌ వల్లేనన్న ఆజం ఖాన్‌! ‘స్కై’తో నీకు పోలికేంటి? T20 WC 2023: అత్యుత్తమ టీ20 జట్టును ప్రకటించిన ఐసీసీ.. భారత్‌ నుంచి ఒకే ఒక్కరు! View this post on Instagram A post shared by Dhanashree Verma (@dhanashree9)

Yuzvendra Chahal- Dhanashree Verma Video Viral: టీమిండియా లెగ్‌ స్పిన్నర్‌ యజువేంద్ర చహల్‌ తన భార్య ధనశ్రీ వర్మపై ప్రేమను చాటుకున్నాడు. ‘‘అత్యంత శక్తిమంతమైన మహిళ.. తనే నా బలం’’ అంటూ సతీమణితో గడిపిన అందమైన క్షణాల తాలూకు దృశ్యాలను సోషల్‌ మీడియాలో షేర్‌ చేశాడు. ఈ వీడియో చూసిన ఫ్యాన్స్‌.. ‘రూమర్లకు పర్ఫెక్ట్‌ చెక్‌’ అంటూ కామెంట్లు చేస్తున్నారు. విడిపోతున్నారంటూ వదంతులు! కాగా టీమిండియా క్రికెటర్‌ సూర్యకుమార్‌ యాదవ్‌ ఇచ్చిన పార్టీకి ధనశ్రీ ఒంటరిగా హాజరైన నేపథ్యంలో చహల్‌తో ఆమెకు విభేదాలంటూ వదంతులు వ్యాపించిన విషయం తెలిసిందే. ఆ పార్టీలో బ్యాటర్‌ శ్రేయస్‌ అయ్యర్‌తో దిగిన ఫొటో కారణంగా ధనశ్రీపై పెద్ద ఎత్తున ట్రోల్స్‌ వచ్చాయి. చహల్‌- ధనశ్రీ విడిపోబోతున్నారంటూ గాసిప్‌ రాయుళ్లు కథనాలు అల్లేశారు. అందమైన వీడియోతో ముందుకు వచ్చిన చహల్‌! ఈ నేపథ్యంలో చహల్‌ దంపతులు సోషల్‌ మీడియా వేదికగా ఇప్పటికే స్పష్టతనిచ్చారు. ఇలాంటివి నమ్మవద్దని ఈ భారత బౌలర్‌ అభిమానులకు విజ్ఞప్తి చేశాడు. తాజాగా మరోసారి.. వదంతులు వ్యాప్తి చేసిన వారికి కౌంటర్‌గా భార్యతో కలిసి ఉన్న వీడియోను పంచుకున్నాడు. ఇక షేర్‌ చేసిన రెండు గంటల వ్యవధిలోనే నాలుగు లక్షలకు పైగా లైక్‌ సాధించిన ఈ వీడియో ప్రస్తుతం వైరల్‌ అవుతోంది. కాగా చహల్‌ టీ20 వరల్డ్‌కప్‌-2022కు ఎంపికైన విషయం తెలిసిందే. అంతకంటే ముందు స్వదేశంలో ఆస్ట్రేలియా, దక్షిణాఫ్రికాతో సిరీస్‌లో భాగం కానున్నాడు. సెప్టెంబరు 20 నుంచి ఆసీస్‌తో ఆరంభం కానున్న టీ20 సిరీస్‌కు సన్నద్ధమవుతున్నాడు చహల్‌. ఇదిలా ఉంటే.. ధనశ్రీ వర్మ యూట్యూబర్‌గా, కొరియోగ్రాఫర్‌గా రాణిస్తున్నారు. వీరి వివాహం 2020లో అంగరంగ వైభవంగా జరిగింది. చదవండి: బీసీసీఐకి వ్యతిరేకంగా నిరసన చేపట్టనున్న శాంసన్‌ ఫ్యాన్స్‌.. ఎప్పుడంటే? T20 World Cup 2022: జట్టును ప్రకటించిన అఫ్గనిస్తాన్‌.. యువ బౌలర్‌ ఎంట్రీ View this post on Instagram A post shared by Yuzvendra Chahal (@yuzi_chahal23)