ముంబై: దేశీయ ప్రైవేటు బ్యాంకింగ్ రంగంలో రెండవ అతిపెద్దదైన
 హెచ్‌డీఎఫ్‌సీ బ్యాంక్ నికర లాభం ప్రస్తుత ఆర్థిక సంవత్సరం రెండవ త్రైమాసికంలో
 (జూలై-ఆగస్టు-సెప్టెంబర్) భారీగా 20.5% పెరిగింది.
 విలువలో ఈ మొత్తం రూ. 2,869 కోట్లు. 2014-15 ఇదే త్రైమాసికంలో కంపెనీ లాభం రూ.2,382 కోట్లు.
 ఆర్థిక ఫలితాల్లో ముఖ్యాంశాలు...
      
 ⇒ రిటైల్ రుణాలు భారీ లాభాలకు కారణం
 ⇒ ఆదాయం రూ. 13,895 కోట్ల నుంచి 25% వృద్ధితో రూ. 17,324 కోట్లకు పెరిగింది.
 ⇒ వ్యయాలు 25 శాతం పెరిగాయి. రూ. 9,835 కోట్ల నుంచి రూ. 12,281 కోట్లకు ఎగశాయి.
 ⇒ స్థూల మొండిబకాయిలు 1 శాతం నుంచి 0.9 శాతానికి దిగాయి.
 ⇒ నికర మొండిబకాయిలు 0.2 శాతం.
 ⇒ నికర వడ్డీ ఆదాయం 21.2 శాతం వృద్ధితో రూ.6,681 కోట్లుగా ఉంది.
 ⇒ సెప్టెంబర్ నాటికి బ్యాంక్ 4,227 బ్రాంచీలు. 11,686 ఏటీఎంలను బ్యాంక్ కలిగి ఉంది.
 ⇒ బుధవారం బీఎస్‌ఈలో బ్యాంక్ షేర్ ధర స్వల్పంగా 0.01 శాతం పెరిగి రూ.1,095 వద్ద ముగిసింది.