Australian Open 2022: ఆస్ట్రేలియన్‌ ఓపెన్‌ గ్రాండ్‌స్లామ్‌ టెన్నిస్‌ టోర్నమెంట్‌లో మిక్స్‌డ్‌ డబుల్స్‌ విభాగంలో ఇవాన్‌ డోడిగ్‌ (క్రొయేషియా)–క్రిస్టినా మ్లాడెనోవిచ్‌ (ఫ్రాన్స్‌) జంట విజేతగా నిలిచింది. శుక్రవారం ఏకపక్షంగా జరిగిన ఫైనల్లో డోడిగ్‌–మ్లాడెనోవిచ్‌ ద్వయం 6–3, 6–4తో జేసన్‌ కుబ్లెర్‌–జైమీ ఫోర్లిస్‌ (ఆస్ట్రేలియా) జోడీపై గెలిచింది. డోడిగ్‌–మ్లాడెనోవిచ్‌ జంటకు 1,90,000 ఆస్ట్రేలియన్‌ డాలర్లు (రూ. 99 లక్షల 65 వేలు) ప్రైజ్‌మనీగా లభించాయి. ఆ్రస్టేలియన్‌ ఓపెన్‌లో మ్లాడెనోవిచ్‌కిది నాలుగో డబుల్స్‌ టైటిల్‌ కావడం విశేషం. 2014లో డానియల్‌ నెస్టర్‌ (కెనడా)తో కలిసి మిక్స్‌డ్‌ టైటిల్‌ నెగ్గిన ఆమె తిమియా బాబోస్‌ (హంగేరి)తో కలిసి 2018, 2020లలో మహిళల డబుల్స్‌ టైటిల్స్‌ను సాధించింది.  చదవండి: 29 ఫోర్లు, 7 సిక్సులు.. తొలి వికెట్‌కు 155 ప‌రుగులు.. అయినా! Title town for 🇫🇷 @kikimladenovic & @dodigtennis 🇭🇷 They defeat Fourlis/Kubler 6-3 6-4 to win the mixed doubles crown 🏆 #AusOpen • #AO2022 🎥: @wwos • @espn • @eurosport • @wowowtennis pic.twitter.com/SyeWnzdKjO — #AusOpen (@AustralianOpen) January 28, 2022


 మెల్‌బోర్న్‌: తన డబుల్స్‌ కెరీర్‌లో ఏడో గ్రాండ్‌స్లామ్‌ టైటిల్‌ సాధించాలని ఆశించిన భారత టెన్నిస్‌ స్టార్‌ సానియా మీర్జాకు నిరాశ ఎదురైంది. ఆస్ట్రేలియన్‌ ఓపెన్‌ మిక్స్‌డ్‌ డబుల్స్‌ విభాగంలో తన భాగస్వామి ఇవాన్‌ డోడిగ్‌ (క్రొయేషియా)తో కలిసి సానియా రన్నరప్‌గా నిలిచింది. ఆదివారం ఏకపక్షంగా జరిగిన ఫైనల్లో రెండో సీడ్‌ సానియా–డోడిగ్‌ ద్వయం 2–6, 4–6తో అన్‌సీడెడ్‌ జంట అబిగెయిల్‌ స్పియర్స్‌ (అమెరికా)–యువాన్‌ సెబాస్టియన్‌ కాబల్‌ (కొలంబియా) చేతిలో ఓడిపోయింది. 63 నిమిషాలపాటు జరిగిన ఈ మ్యాచ్‌లో సానియా జోడీ ఐదు డబుల్‌ ఫాల్ట్‌లు, 16 అనవసర తప్పిదాలు చేసి మూల్యం చెల్లించుకుంది. విజేతగా నిలిచిన స్పియర్స్‌–కాబల్‌ జంటకు 1,50,500 ఆస్ట్రేలియన్‌ డాలర్లు (రూ. 77 లక్షల 43 వేలు), రన్నరప్‌ సానియా జోడీకి 75,500 ఆస్ట్రేలియన్‌ డాలర్లు (రూ. 38 లక్షల 84 వేలు) ప్రైజ్‌మనీగా లభించాయి.
 
 సానియా–డోడిగ్‌ జంట ఓ గ్రాండ్‌స్లామ్‌ టోర్నీలో రన్నరప్‌గా నిలువడం ఇది రెండోసారి. గతేడాది ఫ్రెంచ్‌ ఓపెన్‌ ఫైనల్లో పేస్‌ (భారత్‌)–మార్టినా హింగిస్‌ (స్విట్జర్లాండ్‌) జోడీ చేతిలో సానియా–డోడిగ్‌ ఓటమి పాలయ్యారు. ఆస్ట్రేలియన్‌ ఓపెన్‌లో సానియా మిక్స్‌డ్‌ డబుల్స్‌ ఫైనల్లో ఓడిపోవడం ఇది మూడోసారి. 2008లో మహేశ్‌ భూపతితో, 2014లో హŸరియా టెకావ్‌ (రొమేనియా)తో బరిలోకి దిగిన సానియా రన్నరప్‌గా నిలిచింది. 


 సిడ్నీ: ఆస్ట్రేలియా ఓపెన్ గ్రాండ్ స్లామ్ టోర్నీ మిక్స్డ్ డబుల్స్లో సానియా మీర్జా(భారత్)-ఇవాన్ డోడిగ్(క్రొయేషియా) జోడి ఫైనల్కు చేరింది.  శుక్రవారం జరిగిన సెమీ ఫైనల్లో సానియా ద్వయం 6-4, 2-6, (10-5) తేడాతో ఆస్ట్రేలియా జంట సమంతా స్టోసుర్-సామ్ గ్రాత్ల జోడిపై గెలిచి తుది రౌండ్కు చేరింది.  గంటా 18 నిమిషాలు పాటు జరిగిన పోరులో సానియా జోడి చెమటోడ్చి ఫైనల్ కు అర్హత సాధించింది. తొలి సెట్ను కష్టపడి గెలవగా, రెండో సెట్ను కోల్పోయింది. దాంతో నిర్ణయాత్మక మూడో సెట్ అనివార్యమైంది. టై బ్రేక్ కు దారి తీసిన మూడో సెట్లో సానియా జోడి తన ఫామ్ను అందుకుంటూ స్టోసుర్ జంటను ఓడించింది.
 ఆస్ట్రేలియా గ్రాండ్ స్లామ్ మిక్స్డ్ డబుల్స్ క్వార్టర్ ఫైనల్ పోరులో లియాండర్ పేస్-మార్టినా హింగిస్ జంటను స్టోసుర్-గ్రాత్ల జోడి ఓడించి సెమీస్ కు చేరగా, రోహన్ బోపన్న-గాబ్రియాలా డబ్రోస్కి ద్వయంపై సానియా-డో్డిగ్ జో్డి విజయం సాధించి సెమీస్ కు చేరిన సంగతి తెలిసిందే. గతేడాది ఆస్ట్రేలియా మహిళల  డబుల్స్ టైటిల్ ను మార్టినా హింగిస్ తో కలిసి  సానియా సాధించగా, 2009లో ఈ గ్రాండ్ స్లామ్ మిక్స్డ్ డబుల్స్ టైటిల్ ను మహేశ్ భూపతితో కలిసి సానియా తొలిసారి సొంతం చేసుకుంది.


 న్యూయార్క్: యూఎస్ ఓపెన్ మిక్స్‌డ్ డబుల్స్ విభాగంలో టాప్ సీడ్ సానియా మీర్జా (భారత్)-ఇవాన్ డోడిగ్ (క్రొయేషియా) ద్వయం శుభారంభం చేసింది. తొలి రౌండ్‌లో సానియా-డోడిగ్ జంట 6-4, 6-4తో టేలర్ టౌన్‌సెండ్-డొనాల్డ్ యంగ్ (అమెరికా) జోడీపై గెలిచింది. మరో తొలి రౌండ్ మ్యాచ్‌లో రోహన్ బోపన్న (భారత్)-గాబ్రియెలా దబ్రౌస్కీ (కెనడా) జంట 7-5, 6-4తో జేమీ లోబ్-నోవా రూబిన్ (అమెరికా) ద్వయంపై విజయం సాధించింది. మరోవైపు పురుషుల డబుల్స్ రెండో రౌండ్‌లో బోపన్న-ఫ్రెడెరిక్ నీల్సన్ (డెన్మార్క్) ద్వయం 2-6, 6-7 (5/7)తో బాకెర్ (అమెరికా)-డానియల్ (న్యూజిలాండ్) జంట చేతిలో ఓటమి పాలైంది.
 మెరుున్ ‘డ్రా’కు ప్రాంజల
 బాలికల సింగిల్స్ విభాగంలో తెలుగు అమ్మారుు యడ్లపల్లి ప్రాంజల మెరుున్ ‘డ్రా’కు అర్హత సాధిం చింది. శనివారం జరి గిన క్వాలిఫరుుంగ్ రెండో రౌండ్‌లో హైదరాబాద్ ప్లేయర్ ప్రాంజల 6-4, 6-4తో కరియన్ పియర్ లూరుుస్ (అమెరికా)పై గెలిచింది. గంటా 41 నిమిషాలపాటు జరిగిన ఈ మ్యాచ్‌లో ప్రాంజల రెండు ఏస్‌లు సంధించి, ప్రత్యర్థి సర్వీస్‌ను ఆరుసార్లు బ్రేక్ చేసింది.  తన సర్వీస్‌ను నాలుగుసార్లు కోల్పోయింది.


 న్యూయార్క్: యూఎస్ ఓపెన్ గ్రాండ్ స్లామ్ టోర్నమెంట్ మిక్స్డ్ డబుల్స్లో సానియా మీర్జా(భారత్)- ఇవాన్ డోడిగ్(క్రోయేషియా) జోడి ముందంజ వేసింది. భారత కాలమానం ప్రకారం శుక్రవారం అర్ధరాత్రి జరిగిన తొలి రౌండ్ పోరులో సానియా జోడి 6-4, 6-4 తేడాతో  టేలర్ టౌన్ సెండ్పై గెలిచింది. అరవై రెండు నిమిషాల పాటు జరిగిన పోరులో రెండు వరుస సెట్లను కైవసం చేసుకున్న సానియా జంట రెండో రౌండ్ లో కి ప్రవేశించింది. ఈ జోడీ 2014 లో జరిగిన యూఎస్ ఓపెన్ మిక్స్డ్ డబుల్స్లో విజేతగా నిలిచిన సంగతి తెలిసిందే.
  
 మరోవైపు పురుషుల డబుల్స్లో  లియాండర్ పేస్, రోహన్ బోపన్న జంటలు నిష్ర్కమించాయి. లియాండర్ పేస్-ఆండ్రీ బెగ్ మాన్(జర్మనీ) జంట 6-2, 5-7, 4-6 తేడాతో స్టెఫానీ రాబర్ట్(ఫ్రెంచ్)- డుడీ సెలా(ఇజ్రాయిల్) జంట చేతిలో పరాజయం చెందగా, మరో మ్యాచ్ లో బోపన్న- ఫెడిరిక్ నీల్సన్(డెన్మార్క్) ద్వయం 2-6, 6-7(5/7) తేడాతో బ్రయాన్ బేకర్(అమెరికా)- మార్కస్ డేనియల్(న్యూజిలాండ్) చేతిలో ఓటమి చెందింది.