ధర్మవరం అర్బన్‌: డబ్బు ఎగవేత కేసులో ఇప్పటికే రిమాండ్‌లో ఉన్న కళానికేతన్‌ ఎండీ లీలాకుమార్, డైరెక్టర్లు లక్ష్మీశారద, రాజుకిషన్, వెంకటేశ్వర రవిప్రసాద్‌లపై న్యాయవాది డీఎల్‌ఎన్‌ మూర్తి ద్వారా బీవీఆర్‌ శారీస్‌ యజమాని రవికాంత్‌ ధర్మవరం కోర్టులో జడ్జికి ఫిర్యాదు చేశాడు. విచారణ జరిపి కేసు నమోదు చేయాలని జడ్జి బుధవారం ఆదేశించారు.
 
 గురువారం పట్టణ పోలీస్‌స్టేçÙన్‌కు ఈ ఫిర్యాదును పంపించనున్నట్లు న్యాయవాది మూర్తి తెలిపారు. 2014 ఫిబ్రవరి నుంచి 2016 మే వరకు తమతో కళానికేతన్‌ సంస్థ పట్టుచీరలను కొనుగోలు చేసిందని, అందుకు సంబంధించిన రూ.61,76,355 ఎగ్గొట్టారని ఫిర్యాదులో పేర్కొన్నారు.


 ధర్మవరం అర్బన్‌ : కళానికేతన్‌ ఎండీ లీలాకుమార్, డైరెక్టర్‌ లక్ష్మీశారదతోపాటు మిగిలిన డైరెక్టర్లపైనా మరో కేసు నమోదైంది. ఇప్పటికే పట్టుచీరల వ్యాపారులు పలువురు కేసులు పెట్టిన సంగతి తెలిసిందే. ప్రస్తుతం లీలాకుమార్‌ రిమాండ్‌లో ఉండగా ఆయన సతీమణి, సంస్థ డైరెక్టర్‌ లక్ష్మిశారద బెయిల్‌పై విడుదలైంది. మంగళవారం పట్టణంలోని సారిక శారీస్‌ యజమాని శివశంకర్‌ కళానికేతన్‌ సంస్థతోపాటు ఎండీ లీలాకుమార్, డైరెక్టర్లపై కేసు పెట్టారని, న్యాయవాది డీఎల్‌ఎన్‌మూర్తి తెలిపారు.
 
 
 పట్టుచీరల వ్యాపారి శివశంకర్‌ ధర్మవరం కోర్టులో ప్రైవేటు కేసు వేయగా పట్టణ పోలీసులు 409,420 సెక్షన్ల కింద కళానికేతన్‌ సంస్థ, ఎండీ, డైరెక్టర్లపై కేసు నమోదు చేశారు. ఇప్పటికే 16 మంది వరకు కేసులు పెట్టడంతో వాటికి బెయిల్‌ లభించక కళానికేతన్‌ ఎండీ లీలాకుమార్‌ రిమాండ్‌లో ఉన్నారు. ప్రస్తుతం మరో కేసు నమోదు అయింది. కళానికేతన్‌ ఎండీలీలాకుమార్‌ బెయిల్‌పై బయటకు రాకుండా  పట్టుచీరల వ్యాపారులు వ్యూహాత్మకంగా దశలవారీగా కేసులు పెడుతున్నారు.