లిక్కర్‌ కంపెనీ షేర్లు నేటి ట్రేడింగ్‌లో మంచి కిక్కు అందిస్తున్నాయి. యునిటెడ్‌ స్పిరిట్స్‌ ఏకంగా ఇంట్రాడే ట్రేడ్‌లో 16 శాతం మేర ర్యాలీ జరుపుతోంది. కంపెనీ భారీ లాభాలను నమోదుచేయడంతో, ఈ మేర దూసుకెళ్తున్నాయి. సెప్టెంబర్‌తో ముగిసిన క్వార్టర్‌లో యునిటెడ్‌ స్పిరిట్స్‌ విక్రయాల్లో పడిపోయినప్పటికీ, లాభాల్లో మాత్రం భారీగా 84 శాతం జంప్‌ చేసి, రూ.153 కోట్లను నమోదుచేసింది. గతేడాది ఇదే క్వార్టర్‌లో కంపెనీ లాభాలు రూ.83 కోట్లున్నాయి. కంపెనీ ఈబీఐటీడీఏలు 57 శాతం పెరిగి రూ.318 కోట్లను రికార్డు చేశాయి.  స్థూల మార్జిన్లు పెరగడం, తక్కువ స్టాఫ్‌ వ్యయాలు ఉండటం, మార్కెటింగ్‌ ఇన్వెస్ట్‌మెంట్లు పెరగడం వంటి కంపెనీకి సహకరించాయి. హైవేలపై లిక్కర్‌ అమ్మకాలు బ్యాన్‌ చేయడంతో, నికర అమ్మకాలు యునిటెడ్‌ స్పిరిట్స్‌వి కాస్త తగ్గాయి. అయినప్పటికీ కంపెనీ బలమైన లాభాలనే నమోదుచేసింది. ఈ జోరుతో యునిటెడ్‌ స్పిరిట్స్‌ షేర్లతో పాటు ఇతర లిక్కర్‌ కంపెనీల షేర్లు కూడా లాభాలు పండిస్తున్నాయి. జీఎం బెవరీస్‌, పయనీర్ డిస్టిలరీస్ కంపెనీలు 10 శాతం మేర లాభపడ్డాయి. మిగతా లిక్కర్‌ కంపెనీలు కూడా నేటి ట్రేడింగ్‌లో జోష్‌గా దూసుకుపోతున్నాయి. 


 పట్నా:  బీహార్  ప్రభుత్వం విధించిన మద్యనిషేధం చట్టవిరుద్ధమని  పట్నా హైకోర్టు తేల్చిచెప్పడంతో మార్కెట్లలో లిక్కర్ షేర్లకు  భలే కిక్ వచ్చింది.   ఇన్వెస్టర్ల  కొనుగోళ్ల ఒత్తిడితో ఒక్కసారిగా భారీగా ర్యాలీ అయ్యాయి.  నిష్టీ 0.9 నష్టాలతో ఫ్లాట్ గా  ట్రేడవుతుండగా  హైకోర్టు  వ్యాఖ్యల నేపథ్యంలో మార్కెట్లో లిక్కర్  కంపెనీలకు మంచి డిమాండ్ పెరిగింది. మదుపర్లు భారీ కొనుగోళ్లతో దాదాపు 3 నుంచి 12 శాతానికి పైగా లాభపడ్డాయి. గ్లోబల్ స్పిరిట్స్ 10 శాతం, రాడికో ఖైతాన్‌ 8.5 శాతం , తిలక్‌నగర్ ఇండస్ట్రీస్‌ 9 శాతం లాభపడగా,  యునైటెడ్‌ స్పిరిట్స్ 6 శాతం,  యునైటెడ్‌ బ్రూవరీస్ 3 శాతం, పిన్‌కాన్‌ స్పిరిట్స్ 5 శాతానికి పైగా లాభాలను ఆర్జిస్తున్నాయి.
 కాగా బీహార్ లో నితిష్ కుమార్ ప్రభుత్వం విధించిన   మద్య నిషేధ విధానాలను  తప్పు బట్టిన పట్నా  హైకోర్టు మద్య నిషేధాన్ని రద్దు చేసింది. ఇది చట్ట విరుద్ధమని శుక్రవారం  తేల్చి చెప్పింది.