సాయి కృష్ణ, షీనా షహబది కలిసి నటిస్తున్న చిత్రం నువ్వే నా బంగారం.


  ‘‘కొడుకులు, కూతుళ్లకన్నా.. మనవళ్లు, మనవరాళ్ల మీద ఎక్కువ ప్రేమ ఉంటుంది. ఆ ప్రేమతోనే తన మనవడి కోసం కృష్ణంరాజు ఈ సినిమా తీశాడు. ఈ పాటలు, ట్రైలర్స్ బాగున్నాయి. ఈ చిత్రాన్ని బాగా ప్రమోట్ చేసి, ప్రేక్షకులు థియేటర్కి వచ్చేలా చేయండి’’ అని డా. దాసరి నారాయణరావు అన్నారు. సాయికృష్ణ, షీనా జంటగా రామ్వెంకీ దర్శకత్వంలో పేరిచర్ల కృష్ణంరాజు నిర్మించిన చిత్రం ‘నువ్వే నా బంగారం’. యాజమాన్య స్వరపరచిన ఈ చిత్రం పాటలను దాసరి ఆవిష్కరించి వీవీ వినాయక్కి ఇచ్చారు. ఈ పాటలు, ట్రైలర్స్ బాగున్నాయని, సినిమా విజయం సాధించాలని కోరుకుంటున్నానని వినాయక్ అన్నారు. ఈ తొలి ప్రయత్నాన్ని ప్రేక్షకులు విజయవంతం చేస్తారని ఆశిస్తున్నానని నిర్మాత చెప్పారు. యూత్, ఫ్యామిలీకి నచ్చే అంశాలతో ఈ సినిమా చేశామని, ఫీల్ గుడ్ మూవీ అని దర్శకుడు తెలిపారు. ఈ వేడుకలో చిత్రబృందంతో పాటు తమ్మారెడ్డి భరద్వాజ్, వి.సాగర్, సుమన్, బెల్లంకొండ సురేష్, వాసు తదితరులు పాల్గొన్నారు.


 సాయికృష్ణ, షీనా, నిషా కొఠారి ప్రధాన పాత్రధారులుగా రూపొందుతోన్న చిత్రం ‘నువ్వే నా బంగారం’. రామ్‌వెంకీ దర్శకుడు. పెరిచెర్ల కృష్ణంరాజు నిర్మాత. ప్రస్తుతం ఈ చిత్రానికి సంబంధించిన డి.ఐ వర్క్ జరుగుతోంది. యాజమాన్య స్వరాలందించిన ఈ చిత్రం పాటలను ఈ నెల 29న విడుదల చేయనున్నారు. యూత్‌ఫుల్ ఎంటర్‌టైనర్‌గా తెరకెక్కుతోన్న ఈ చిత్రానికి యాజమాన్య సంగీతం ప్రధాన ఆకర్షణ అని, విజువల్‌గా పాటలన్నీ చాలా ప్లెజెంట్‌గా ఉంటాయని, డిసెంబర్ ప్రథమార్థంలో సినిమాను విడుదల చేస్తామని నిర్మాత తెలిపారు. ఎలాంటి సినిమాను చూడాలని ప్రేక్షకులు ప్రస్తుతం కోరుకుంటున్నారో అలాంటి సినిమా ఇదని దర్శకుడు చెప్పారు. సుమన్, తనికెళ్ల భరణి, ప్రవీణ్, శ్రావణ్, శ్రీరాజ్, అశోక్‌కుమార్ తదితరులు ఇతర పాత్రలు పోషించిన ఈ చిత్రానికి కథ, మాటలు: లంకపల్లి శ్రీనివాస్, పాటలు: అనంతశ్రీరామ్, కెమెరా: రామ్, కూర్పు: ఎం.ఆర్.వర్మ.
  


  
 
 
 
 
 
 
 
 
 
 
 


 సాయికృష్ణ, షీనా జంటగా రూపొందుతోన్న చిత్రం ‘నువ్వే నా బంగారం’. రామ్‌వెంకీ దర్శకుడు. పేరిచర్ల కృష్ణంరాజు నిర్మాత. చిత్రీకరణ పూర్తి చేసుకున్న ఈ చిత్రం ప్రచార చిత్రాలను హైదరాబాద్‌లో విడుదల చేశారు. 
  
  ‘‘తల్లిదండ్రులను అమితంగా ప్రేమించే అమ్మాయి, అబ్బాయి ప్రేమలో పడితే పర్యవసానం ఎలా ఉంటుంది? వారి ప్రేమ ఎలాంటి పరిణామాలకు దారి తీస్తుంది? అనేది ఈ చిత్ర కథ. రెండు కుటుంబాల మధ్య సాగే అందమైన ప్రేమకథ ఇది. నిషా కొఠారీపై చిత్రీకరించిన ప్రత్యేక గీతం ఈ చిత్రానికి హైలైట్. మంచి కథతో ప్రేక్షకుల ముందుకొస్తున్నాం.
  
  విజయం సాధిస్తామని మా నమ్మకం’’ అని దర్శకుడు చెప్పారు. త్వరలోనే పాటల్ని విడుదల చేస్తామని నిర్మాత తెలిపారు. ఇంకా హీరోహీరోయిన్లు సాయికృష్ణ, షీనా, సంగీత దర్శకుడు యాజమాన్యతో పాటు చిత్రం యూనిట్ సభ్యులు కూడా మాట్లాడారు.