న్యూఢిల్లీ: కరోనా కేసులు ఉధృతరూపం దాలుస్తూ ఉండడంతో కేంద్ర ప్రభుత్వం కట్టుదిట్టమైన చర్యలకు నడుం బిగించింది. విదేశాల నుంచి వచ్చే  ప్రయాణికులకు సంబంధించి ఇప్పటివరకు అమల్లో ఉన్న మార్గదర్శకాలను సవరించింది. కరోనా కేసులు ప్రమాదకరస్థాయిలో ఉన్న ఎట్‌ రిస్క్‌ దేశాలతో పాటు ఇతర దేశాల నుంచి భారత్‌కు వచ్చే ప్రయాణికులందరూ వారం పాటు తప్పనిసరిగా హోం క్వారంటైన్‌లో ఉండాలంటూ శుక్రవారం సవరించిన మార్గదర్శకాలను విడుదల చేసింది. జనవరి 11 నుంచి కొత్త నిబంధనలు అమల్లోకి వస్తాయని, తదుపరి ఆదేశాలు అందేవరకు అమల్లో ఉంటాయని స్పష్టం చేసింది. ఇటలీ నుంచి అమృత్‌సర్‌కి వచ్చిన ఎయిరిండియా విమానంలో 125 మందికి కరోనా పాజిటివ్‌గా తేలడంతో  ఈ నిబంధన విధించింది. మార్గదర్శకాలివే.. ► ప్రయాణికులు తమ వివరాలను, 14 రోజుల కిందట వరకు చేసిన ప్రయాణాలను ఎయిర్‌ సువిధ పోర్టల్‌లో అప్‌లోడ్‌ చేయాలి ► ప్రయాణానికి 72 గంటల ముందు ఆర్‌టీ–పీసీఆర్‌ పరీక్షలో నెగెటివ్‌ రిపోర్ట్‌ ఇవ్వాలి ► విదేశాల నుంచి వచ్చే ప్రయాణికులందరూ విమానాశ్రయంలో దిగిన వెంటనే కరోనా పరీక్ష చేయించుకోవాలి. ఫలితం వచ్చిన తర్వాతే బయటకు వెళ్లాలి. ఈ పరీక్ష కోసం ముందుగానే సువిధ పోర్టల్‌లో బుక్‌ చేసుకోవచ్చు. ► పరీక్షల్లో పాజిటివ్‌ వస్తే ఐసోలేషన్‌కుపంపిస్తారు. ► నెగెటివ్‌ వచ్చినప్పటికీ వారం పాటు క్వారంటైన్‌ తప్పనిసరి. 8వ రోజు ఆర్‌టీ–పీసీఆర్‌ పరీక్ష చేయించుకొని రిపోర్ట్‌ని సువిధ వెబ్‌పోర్టల్‌లో అప్‌లోడ్‌ చేయాలి. ఆ పరీక్షలో నెగిటివ్‌ వస్తే మరో  వారం పాటు తమ ఆరోగ్యాన్ని స్వయంగా పర్యవేక్షించుకోవాలి. ► ఎట్‌ రిస్క్‌ కాని దేశాల నుంచి వచ్చిన వారు (అంతర్జాతీయ ప్రయాణికుల్లో 2% మంది) కూడా  విమానాశ్రయంలో రాండమ్‌ పరీక్షలు చేయించుకొని నెగెటివ్‌ వచ్చినా హోంక్వారంటైన్‌ ఉండాలి ► అయిదేళ్లలోపు చిన్నారులకు  పరీక్షల నుంచి మినహాయింపు. పెరిగిన ఎట్‌ రిస్క్‌ దేశాల జాబితా ఒమిక్రాన్‌ కేసులు ప్రమాదకరంగా విజృంభిస్తున్న ఎట్‌రిస్క్‌ దేశాల జాబితాలో మరికొన్నింటిని చేర్చింది. అవి..యూకే సహా అన్ని యూరప్‌ దేశాలు, దక్షిణాఫ్రికా, బ్రెజిల్, బోట్స్‌వానా, చైనా, ఘనా, మారిషస్‌ న్యూజిలాండ్, జింబాబ్వే, టాంజానియా, హాంకాంగ్, ఇజ్రాయెల్, కాంగో, ఇథియోపియా, కజకిస్తాన్, కెన్యా, నైజీరియా, ట్యునీషియా, జాంబియా.  


 అమితాబ్ వయసు సెవెన్టీ ప్లస్. నటుడిగా ఆయన వయసు ఫార్టీ ఫ్లస్. నాలుగు దశాబ్దాల కెరీర్‌లో అమితాబ్ బచ్చన్ పలు రకాల పాత్రలు చేసిన విషయం తెలిసిందే. ముఖ్యంగా ‘యాంగ్రీ యంగ్ మేన్’ పాత్రల్లో ఆయన ఒదిగిపోయిన వైనం గురించి ప్రత్యేకంగా చెప్పక్కర్లేదు. అయితే ఏడు పదుల వయసులో ఈ తరహా పాత్రలు చేయడం కొంచెం కష్టంగానే ఉంటుంది. ఈ విషయం గురించి అమితాబ్ స్పందిస్తూ - ‘‘స్కూల్, కాలేజ్ డేస్‌లో ఉండే ఎనర్జీ శాశ్వతంగా మనతో ఉండదు. అది వాస్తవమే. నేనొకప్పుడు ‘యాంగ్రీ యంగ్ మేన్’ పాత్రలను సునాయాసంగా చేసేవాణ్ణి. రిస్కీ ఫైట్స్‌ని అవలీలగా చేసేవాణ్ణి. ఇప్పుడు చేయలేను.
  
  ‘యంగ్' గా లేకపోయినా కానీ, నాలో యాంగ్రీ మేన్ మాత్రం అలానే ఉన్నాడు. యాంగ్రీ అంటే.. కేవలం ఫైట్స్ చేయడం మాత్రమే కాదు. దర్శకులు  శక్తిమంతమైన డైలాగ్స్ చెప్పించి, యాంగ్రీ మేన్‌ని బయటికి తీసుకురావచ్చు. ఒకవేళ అలాంటి కేరక్టర్‌తో ఏ దర్శకుడైనా వస్తే.. ఇన్నాళ్లూ ఫైట్స్ చేసి నాలో యాంగ్రీ మేన్‌ని చూపించాను. ఇప్పుడు మరో కోణంలో చూపిస్తా’’ అని పేర్కొన్నారు.