బిగ్‌బాస్‌ సీజన్‌-7లో సింగర్స్‌ వెళ్లడం సహజం అలాగే ఈసారి కూడా దామిని భట్ల వెళ్లారు. గతంలో రాహుల్‌ సిప్లిగంజ్‌ టైటిల్‌ విన్నర్‌ అయితే.. గీతా మాధురి టాప్‌ ఫైవ్‌లో చోటు దక్కించుకున్నారు. కానీ ఈ సీజన్‌లో సింగర్‌ దామిని భట్ల కేవలం మూడు వారాలు మాత్రమే హౌస్‌లో ఉ‍న్నారు. ఉన్న కొద్దిరోజులే అయినా ఆటలో తన ప్రత్యేకతను చాటుకుంది. అందరిలా కాకుండా తనదైన స్టైల్లో గేమ్‌ ప్లే చేసింది. ఓట్ల కోసం నటించకుండా తనకు ఏదైతే నచ్చిందో ఆ పని మాత్రమే హౌస్‌లో చేసేది.. బహుశా ఇది ప్రేక్షకులకు అంతగా కనెక్ట్‌ కాలేదనిపిస్తుంది. ఆమెలోని నెగటివ్‌ను మాత్రమే ప్రేక్షకులకు చూపించిన బిగ్‌ బాస్‌.. దామినిలోని పాజిటివ్‌ను మాత్రం తెరపైకి చూపించలేదనే విమర్శలు కూడా వచ్చాయి. తాజాగా ఆమె ఒక ఇంటర్వ్యలో బిగ్‌ బాస్‌ గురించి పలు వ్యాఖ్యలు చేశారు. బిగ్‌ బాస్‌లో నిలబడాలంటే కంటెంట్‌ ఇవ్వాలి. అప్పుడప్పుడు ఇతరులపైన సీరియస్‌ అవ్వాలి.  హౌస్‌లో వారికి  చాలామందికి పీఆర్‌ టీమ్‌ ఉంది. అలాగే నేను కూడా పీఆర్‌ టీమ్‌ను ఏర్పాటు చేసుకునే బిగ్‌ బాస్‌లోకి వెళ్లాను. కానీ... నేను హౌస్‌లోకి వెళ్లే ముందు వారికి ఒక సూచన ఇచ్చా... నన్ను మాత్రమే హైప్‌ చేయండి. అందుకోసం ఎదుటివారిని కించపరిచేలా ఎలాంటి ప్రమోషన్‌ చేయకండి అని గట్టిగా చెప్పాను. అందులో తేడా వస్తే సహించనని కూడా చెప్పాను. కానీ నా లక్‌ బాగాలేదు.. ఎలిమినేట్‌ అయి బయటకు వచ్చేశాను.' అని దామిని చెప్పింది. రాహుల్‌తో ప్రేమ గురించి రతికనే చెప్పింది: దామిని బిగ్‌ బాస్‌ నుంచి నేను బయటికి రాగానే రాహుల్‌ సిప్లిగంజ్‌- రతికా రోజ్‌ ఫోటోలు సోషల్‌ మీడియాలో వైరల్‌ అవుతున్నాయిని తెలిసింది. అప్పుడు నేను చాలా షాక్‌ అయ్యాను. అదే సమయంలో నాకు రాహుల్‌ కాల్‌ చేసి ఎక్కడున్నావ్‌ అని ప్రశ్నించాడు... ఇంటి వద్దనే ఉన్నానని చెప్పి లోకేషన్‌ షేర్‌ చేస్తే ఇంటికి వచ్చేశాడు. అప్పుడు ఇద్దరం రతిక టాపిక్‌ గురించి చర్చించాము. ఆమె గురించి వాడు చెప్పాల్సిన మాటలు చెప్పాడు. ఒకసైడ్‌ మాత్రమే విన్న నేను తప్పు ఎవరిదని జడ్జ్‌ చేయలేను.  బిగ్‌ బాస్‌ హౌస్‌లోకి వెళ్లిన మొదటి మూడు రోజుల్లోనే నా వద్ద రాహుల్‌ టాపిక్‌ రతక తెచ్చింది. తనకు ఎక్స్‌ బాయ్‌ ఫ్రెండ్‌ అనే అర్థం వచ్చేలా ఆ సమయంలో క్లియర్‌గా చెప్పింది. ఇద్దరూ ఇండస్ట్రీలోనే ఉన్నారు కదా నిజమే ఉంటుందిలే అని నేను కూడా పెద్దగా సాగతీయలేదు. అని దామిని తెలిపింది.  బిగ్‌ బాస్‌ విన్నర్‌ అతనే రతికా రోజ్‌ను  రీ ఎంట్రీ ద్వారా తీసుకోవాలని బిగ్‌ బాస్‌ అనుకున్నాడు.. అందుకే ఉల్టాపుల్టా పేరుతో ఎక్కువ ఓట్లు వచ్చిన తమను పక్కన పెట్టి రతికను తీసుకున్నారని దామిని తెలిపింది. తనకు నయని పావని, పూజా, శోభ, ప్రియాంక, అమర్‌, సందీప్‌ ఓట్లు వేశారని చెప్పుకొచ్చింది. కానీ ఉల్టాపుల్టా పేరుతో ఆ అవకాశం దక్కలేదని చెప్పింది. శివాజీ వయసు రిత్యా చాలా అనుభం వుంది. ఆయన మైండ్‌తో ఫెయిర్‌ గేమ్‌ ఆడుతున్నాడు. కానీ బిగ్‌ బాస్‌ సీజన్‌ విన్నర్‌ మాత్రం పల్లవి ప్రశాంత్‌ కావడం గ్యారెంటీ అని ఆమె తెలిపింది. అతనొక కామన్‌ మ్యాన్‌గా గుర్తింపు ఉంది. అతను చాలా మంచి వ్యక్తి నామినేషన్‌లో మాత్రమే అలా రెచ్చిపోతాడు... ఆ ఒక్క విషయంలో ప్రశాంత్‌ అంటే తనకు ఇష్టం లేదని దామిని చెప్పింది.  ప్రశాంత్‌ను ఎప్పుడూ ఎవరూ చులకనగా చూడలేదు. వాడు పూర్తిగా వ్యవసాయ కుటుంబం నుంచి వచ్చాడు కాబట్టి మొదట్లో అడ్జెస్ట్‌ కావడానికి సమయం పట్టింది. వాడికి ఫస్ట్‌ వారంలో ఏసీ కూడా సెట్‌ కాలేదు. దాంతో జ్వరం కూడా వచ్చింది. ఆ సమయంలో వాడిని ఎంతో జాగ్రత్తగా చూసుకున్నాం అని ఆమె చెప్పింది. బిగ్‌ బాస్‌ కంటెస్టెంట్స్‌, వారి కుటుంబ సభ్యల గురించి కొందరు పీఆర్‌ టీమ్‌ వారు బూతులతో కామెంట్లు చేస్తున్నారు. ఇదీ ఏ మాత్రం మంచిది కాదని దామిని తెలిపింది.

బిగ్‌బాస్ కొత్త కెప్టెన్ యవర్ యాటిట్యూడ్ వల్ల మిగితా ఇంటి సభ్యులు ఇ‍బ్బందిపడ్డారు. దీని గురించి నాగ్ అందరికీ క్లారిటీ ఇచ్చేశాడు. అలానే హౌసులో బ్రెయిన్‌లెస్, యూజ్‌లెస్ ఎవరో తెలిసిపోయింది. మరోవైపు గత మూడు వారాల్లో ఎలిమినేట్ అయిన కంటెస్టెంట్స్‌ని తీసుకొచ్చిన బిగ్‌బాస్ రీఎంట్రీ ప్లాన్ అని చెప్పాడు. దీంతో అందరూ అవాక్కయ్యారు. ఇంతకీ శనివారం ఎపిసోడ్‌లో ఏం జరిగిందనేది Day 41 హైలైట్స్‌లో ఇప్పుడు చూద్దాం. కొత్త కెప్టెన్ వల్ల గొడవ? ప్రిన్స్ యవర్ బిగ్‌బాస్ హౌసుకి రెండో కెప్టెన్ కావడంతో శుక్రవారం ఎపిసోడ్ ముగిసింది. అక్కడి నుంచే శనివారం ఎపిసోడ్ మొదలైంది. వీఐపీ రూంలోకి వెళ్లి స్ప్రైట్ తీసుకునేందుకు అమర్ వెళ్లగా, కెప్టెన్ యవర్ ఇప్పుడు వద్దు తర్వాత ఇస్తానని అన్నాడు. మధ్యలో వచ్చిన సందీప్ బలైపోయాడు. యవర్ కోపానికి దొరికిపోయాడు. మధ్యలో వచ్చిన ప్రియాంకపై కూడా యవర్ సీరియస్ అయ్యాడు. ఇక ఆ తర్వాత కిస్ టఛాలెంజ్‌లో భాగంగా అమ్మాయిలు ముద్దు సింబల్‌ని కరెక్ట్‌గా గెస్ చేసిన తేజ.. శోభాతో డిన్నర్ డేట్ కి వెళ్లాడు. అక్కడ ఒకరికొకరు 'ఐ లవ్ యూ' చెప్పుకోవడం విశేషం. (ఇదీ చదవండి: ఆమె కోసం ఈమె బలి? వచ్చిన వారంలోనే బిగ్‌బాస్ నుంచి ఆమె ఎలిమినేట్!) నాగ్ క్లాస్ పీకాడు కానీ? ప్రోమోలో యవర్‌కి హోస్ట్ నాగార్జున ఏదో క్లాస్ పీకినట్లు చూపించారు. కానీ ఎపిసోడ్‌లో మాత్రం అలాంటిదేం లేదు. కెప్టెన్ ఏం చెబితే హౌసులో అదే రూల్. వీఐపీ రూంలో ఏది ఉంటే అది కెప్టెన్ జోన్‌లో ఉన్నట్లే. అతడి పర్మిషన్ లేకుండా అక్కడికి వెళ్లడానికి లేదు. స్ప్రైట్ తాగడానికి కూడా లేదని నాగ్.. అందరూ క్లారిటీ ఇచ్చాడు. అలా యవర్ చెప్పిన దానితో అంగీకరించాడు. ఇకపోతే ఈ వారం అమరదీప్.. గేమ్ పరంగా ఇంప్రూవ్ అయ్యావ్ అని నాగ్ మెచ్చుకున్నాడు. రైతుబిడ్డు అర్థంపర్థం లేకుండా తన కెప్టెన్సీ నుంచి కిచెన్ సెక్షన్, గౌతమ్‌కి ఇవ్వడంపై రైతుబిడ్డ ప్రశాంత్ తట్టుకోలేకపోయాడు. పుడ్ వేస్ట్ చేస్తున్నారని నాగార్జున దగ్గర చాడీలు చెప్పాడు. కానీ అది వేస్ట్ చేయడం కాదు, అటు ఇటు కావడంతో ఫ్రిడ్జ్‌లో పెట్టాం అని గౌతమ్, సందీప్, ప్రియాంక క్లారిటీ ఇచ్చారు. దీంతో ప్రశాంత్ తన కెప్టెన్సీ పోయిందని అర్థంపర్థం లేకుండా మాట్లాడినట్లు అనిపించింది.  (ఇదీ చదవండి: ఫ్యాన్స్‌కి 'లియో' షాక్.. అక్కడ టికెట్ రేటు రూ.5 వేలు!) రీఎంట్రీ లాజిక్ లేని ట్విస్ట్ గత సీజన్లలోలానే ఈసారి గౌతమ్‌ని సీక్రెట్ రూంలో ఉంచి, హౌసులోకి రీఎంట్రీ ఇప్పించారు. అక్కడితో అందరూ అయిపోయిందనుకున్నారు. కానీ గత మూడు వారాల్లో ఎలిమినేట్ అయిన దామిని, రతిక, శుభశ్రీని తీసుకొచ్చి వీళ్లలో ఒకరు తిరిగి కంటెస్టెంట్ గా హౌసులోకి వచ్చే అవకాశముందని, అది హౌస్‌మేట్స్ చేతుల్లోనే ఉందని నాగార్జున షాకిచ్చాడు. దీంతో ఈ ముగ్గురు ఎవరికివారు.. తమని మళ్లీ ఎందుకు తీసుకోవాలో కంటెస్టెంట్స్ తో అప్పీలు చేసుకున్నారు. అయితే వీళ్లలో ఎవరు, ఎప్పుడు రీఎంట్రీ ఇస్తారనేది ఆదివారం చెప్తానని నాగ్ క్లారిటీ ఇచ్చాడు. అలా శనివారం ఎపిసోడ్ పూర్తయింది. అయితే బిగ్‌బాస్ ఓటింగ్ ప్రకారం తక్కువ ఓట్లు పడిన కారణంగానే రతిక, దామిని, శుభశ్రీ ఎలిమినేట్ అయ్యారు కదా. అంటే ప్రేక్షకులకు వీళ్ల ఆట నచ్చకే బయటకు పంపేశారు. అలాంటిది మళ్లీ వీళ్లనే తిరిగి హౌసులోకి తీసుకొస్తానని అనడం ప్రేక్షకుల ఓటింగ్ వేస్ట్ అని బిగ్‌బాస్ ఒప్పుకొన్నట్లేగా. ఇదే ఇప్పుడు విడ్డూరంగా అనిపిస్తోంది.  (ఇదీ చదవండి: ఈమె తెలుగు సినిమాలు మాత్రమే చేసిన హీరోయిన్.. గుర్తుపట్టారా?)

గత సీజన్లలా కాదు ఈసారి ఉల్టా పుల్టా ఉంటది అనే ట్యాగ్ లైన్‌తో ఈసారి బిగ్‌బాస్ మొదలైంది. దీంతో ప్రేక్షకులు చాలా ఊహించుకున్నారు. కానీ రియాలిటీలో అంత సీన్ లేదు. ఎపిసోడ్స్ అన్నీ కూడా సో సోగా సాగుతున్నాయి. దాదాపు ఆరు సీజన్లలో ఎప్పుడూ లేని విధంగా వరసగా ఐదు వారాల్లో అమ్మాయిలు ఎలిమినేట్ అయిపోయారు. ఇప్పుడు వాళ్లలో ముగ్గురు హౌసులోకి రీఎంట్రీ ఇచ్చారు. (ఇదీ చదవండి: ఆమె కోసం ఈమె బలి? వచ్చిన వారంలోనే ఆ బ్యూటీ ఎలిమినేట్!) క్లాస్ పీకిన నాగార్జున గతవారం హౌసుకి కెప్టెన్‌గా రైతుబిడ్డ ప్రశాంత్ ఉన్నాడు. ఆ బాధ్యతలు ఇచ్చారు గానీ మనోడు పెద్దగా ప్రభావం చూపించలేకపోయాడు. కెప్టెన్సీ సరిగా చేయలేకపోతున్నావ్ అని స్వయంగా బిగ్‌బాస్‌తోనే చివాట్లు తిన్నాడు. తాజాగా ప్రిన్స్ యవర్.. హౌసుకి రెండో కెప్టెన్ అయ్యాడు. కెప్టెన్సీ చేతికొచ్చేసరికి యాటిట్యూడ్ మొత్తం మారిపోయింది. అమరదీప్‌తో గొడవ పెట్టుకున్నాడు. దీనిపై నాగార్జున క్లాస్ పీకాడు. తాజా ప్రోమోలో అదే చూపించారు. ఆ ముగ్గురు రీఎంట్రీ ఇప్పటివరకు ఐదు వారాల్లో కిరణ్ రాథోడ్, షకీలా, దామిని, రతిక, శుభశ్రీ వరుసగా ఎలిమినేట్ అ‍య్యారు. వీళ్లలో కొందరు ఎలిమినేట్ కావడం చాలామందికి షాక్‌కి గురి చేసింది. వీళ్లలో రతిక, దామిని, శుభశ్రీ మళ్లీ హౌసులోకి రీఎంట్రీ ఇచ్చారు. ప్రోమోలో వీళ్లు రావడం చూపించారు. అయితే జస్ట్ ఎంటర్‌టైన్‌మెంట్ కోసమని వీళ్లని తీసుకొచ్చారా? లేదా ఇంకేదైనా ప్లాన్ ఉందనేది తెలియాల్సి ఉంది.  (ఇదీ చదవండి: బిగ్‌బాస్‌ చరిత్రలోనే తొలిసారి.. కంటెస్టెంట్ల చేతికి మొబైల్‌ ఫోన్స్‌!)

సింగర్‌ దామినికి బాగా పాడటమే కాదు మంచిగా వంట చేయడం కూడా వచ్చు. బిగ్‌బాస్‌ హౌస్‌లో తను ఈ టాలెంటే చూపించింది. టాస్కుల్లో ఆడటానికంటే కూడా వంట చేయడం, అది అందరికీ సరిపోతుందా? లేదా లెక్కలేసుకోవడం? ఇలా కిచెన్‌ వ్యవహారాల్లోనే ఎక్కువగా తలమునకలు కావడంతో వంటలక్కగా పేరు తెచ్చుకుంది. కానీ ప్రేక్షకులు కోరుకుంది ఇది కాదు కదా! గేమ్‌ ఆడుతూ మనసులు మెప్పించేవాళ్లు కావాలే కానీ వంట చేసి పెట్టేవాళ్లు మాకెందుకు? అనుకున్న ఆడియన్స్‌ ఆమెను హౌస్‌ నుంచి పంపించేశారు. తాజాగా ఆమె ఓ ఇంటర్వ్యూలో ఆసక్తికర విషయాలు పంచుకుంది. 'నేను వెజిటేరియన్‌.. కాకపోతే గుడ్డు తింటాను. సినిమాలో పచ్చబొట్టేసినా.. అని పాట పాడాను కానీ ఇంతవరకు నా ఒంటిపై ఒక్క పచ్చబొట్టు కూడా లేదు. నాకిష్టమైన ప్రదేశానికి వెళ్లి టాటూ వేయించుకోవాలని చూస్తున్నాను. ఏదైనా స్పెషల్‌ మూమెంట్‌ వచ్చినప్పుడే ఆ పని చేస్తాను. నాకు లవ్‌ మ్యారేజ్‌ అంటే ఇష్టం. కొన్నాళ్లు సహజీవనం చేసి ఆ తర్వాత పెళ్లి చేసుకుంటే బాగుంటుందని నా అభిప్రాయం. ఈరోజుల్లో సహజీవనం చేస్తే తప్పేం లేదు. అలాంటి పరిస్థితి వస్తే ఇంట్లో వాళ్ల అనుమతి తీసుకున్నాకే లీవ్‌ ఇన్‌ రిలేషన్‌లో ఉంటాను. అమ్మానాన్న నన్ను చాలా అర్థం చేసుకుంటారు. అందుకే ఇంకా పెళ్లి చేసుకోలేదు' అని చెప్పుకొచ్చింది. బిగ్‌బాస్‌ హౌస్‌లో జరిగిన ముచ్చట్ల గురించి చెప్తూ.. 'మా ఇంట్లో చికెన్‌ కూడా తీసుకురారు. అలాంటిది నేను తొలిసారి బిగ్‌బాస్‌ హౌస్‌లో చికెన్‌ కూర వండాను. అది చూపించలేదు. అలాగే ఓ టాస్క్‌లో ప్రిన్స్‌ యావర్‌ ముఖాన పేడ కొట్టాను. టాస్క్‌ పూర్తవగానే సారీ చెప్పి తనకు తలంటు పోశాను, అది కూడా టెలికాస్ట్‌ చేయలేదు. వినాయక చవితి సమయంలో ప్రిన్స్‌.. షేర్వాణీ వేసుకుని వచ్చి అక్షింతలు వేసి ప్రసాదం తిన్నాడు. అది చూసి నేను ఆయన భుజం తట్టి నిన్ను చూస్తే గర్వంగా ఉందని మెచ్చుకున్నాను. అది వేయకపోగా.. తర్వాత నేను సందీప్‌ మాస్టర్‌తో యావర్‌ వయొలెంట్‌గా ఉంటాడు కానీ కొన్ని మంచి గుణాలు ఉన్నాయి. మొన్న వినాయక చవితికి అక్షింతలు వేశాడు అని పొగిడాను. ఇందులో నేను మాట్లాడిందంతా లేపేసి కేవలం అక్షింతలు వేశాడు అని చెప్పింది మాత్రమే చూపించారు. దానివల్ల నేనేదో అతడి గురించి చెడుగా మాట్లాడినట్లుగా అర్థం చేసుకున్నారు. అలా నామీద చాలా వ్యతిరేకత వచ్చింది' అని పేర్కొంది దామిని. చదవండి: నటి హరితేజ విడాకులు.. వైరల్‌గా మారిన ఆమె కామెంట్‌

అతిగా ఆవేశపడేవాళ్లు, అనవసరంగా వాదిస్తూ సాగదీసేవాళ్లు, తమ డప్పు తామే కొట్టుకునేవాళ్లు, కేవలం డైలాగులకే పరిమితమయ్యేవాళ్లు, వెనకాల గోతులు తవ్వేవాళ్లు, కిచెన్‌కే పరిమితమై ఆడటమే మర్చిపోయేవాళ్లు.. ఇలా ప్రతిసీజన్‌లోనూ ఇలాంటి వాళ్లు కనిపిస్తూనే ఉంటారు. ఈ సీజన్‌లో అలాంటివారున్నారు. అయితే మిగతావాళ్ల సంగతి ఎలా ఉన్నా కిచెన్‌కే పరిమితమైనవాళ్లు మాత్రం హౌస్‌లో ఎక్కువ వారాలు ఉన్న దాఖలాలు లేవు. వంటలక్క.. అందరికీ వండిపెట్టడం మంచిదే కానీ, వంట మాత్రమే చేస్తే కష్టం. దామిని విషయంలోనూ అదే జరిగింది. ఎప్పుడు చూసినా వంటగదిలోనే పనులు చేసుకుంటూ పోయింది. కిచెన్‌లో ఏమాత్రం తేడా వచ్చినా, ఎవరు పనిచేయకపోయినా నోరేసుకుని పడిపోయేది. అందుకే ఆమెకు వంటలక్క, వార్డెన్‌ అన్న పేర్లు కూడా ఇచ్చేశారు నెటిజన్లు. కేవలం కిచెన్‌కే పరిమితమై ఆటకు దూరమవడమే తన ఎలిమినేషన్‌కు ప్రధాన కారణం. కొన్నిసార్లు తన మాటలకు, వైఖరికి అసలు పొంతన ఉండేది కాదు. బూతులు నచ్చవంటూనే బూతులు మాట్లాడితే నచ్చదని చిరాకుపడ్డ దామిని తాను మాత్రం ఇంగ్లీష్‌లో తెగ బూతులు మాట్లాడింది. ఇక్కడ ఆమెపై విమర్శలు వచ్చాయి. పాటలతో మెప్పించిన సింగర్‌ ఆటలో, మాటలో మెప్పించలేకపోయింది. ఓ టాస్క్‌లో అయితే ప్రిన్స్‌ను వీర లెవల్లో టార్చర్‌ పెట్టింది. పేడ ముఖాన కొట్టడమే కాకుండా, తన నోటిలో కూడా వేసింది. ఇది టాస్కే అయినప్పటికీ గ్యాప్‌ ఇవ్వకుండా నోటిలో పేడ కొట్టడం అస్సలు కరెక్ట్‌ కాదన్న కామెంట్లు వినిపించాయి. దామిని పారితోషికం ఎంతంటే? ఏదేమైనా ఇంకొన్ని వారాలు ఉంటాననుకున్న దామిని ఆలోచనను పటాపంచలు చేస్తూ బిగ్‌బాస్‌ తనను మూడోవారంలోనే ఎలిమినేట్‌ చేశాడు. ఇన్నివారాలకుగానూ ఆమెకు ఎంత పారితోషికం ముట్టిందనే విషయం ప్రస్తుతం హాట్‌ టాపిక్‌గా మారింది. ఈ బాహుబలి సింగర్‌ వారానికి రూ.2 లక్షల మేర పారితోషికం తీసుకున్నట్లు తెలుస్తోంది. ఈ లెక్కన మూడు వారాలకుగానూ రూ.6 లక్షల రెమ్యునరేషన్‌ తీసుకున్నట్లు సమాచారం. చదవండి: నామినేషన్స్‌లో మాజీ ప్రియుడి గురించి ప్రస్తావన.. రతికకు ఇచ్చిపడేసిన శుభశ్రీ

మధుర గాత్రంతో పాటల రూపంలో ఎప్పుడూ వినిపించే దామిని బిగ్‌బాస్‌ షో ద్వారా కనిపించాలనుకుంది. ప్రేక్షకులకు మరింత దగ్గరవ్వాలనుకుంది. ఆటతో సత్తా చాటాలనుకుంది. అయితే ఎప్పుడూ కిచెన్‌లోనే వంట చేస్తూ వంటలక్కగా పేరు తెచ్చుకుంది. ఆటలో వెనుకబడింది. ఫలితంగా మూడో వారానికే హౌస్‌ నుంచి ఎలిమినేట్‌ అయింది. తాజాగా ఆమె బిగ్‌బాస్‌ బజ్‌ షోలో పాల్గొంది. గీతూ రాయల్‌ అడిగే సూటి ప్రశ్నలకు బిక్కముఖం వేసింది. ప్రిన్స్‌ యావర్‌ ముఖాన, నోటిలో పేడ కొట్టిన టాస్క్‌ను గుర్తు చేసింది గీతూ. పేడ కొట్టి ఒక మనిషికి ఊపిరాడకుండా చేయొచ్చనుకున్నారా? అని అడగ్గా అది కేవలం ఒక టాస్క్‌ మాత్రమేన, తానేమైనా సీరియల్‌ కిల్లర్‌లా కనిపిస్తున్నానా? అని అడిగింది. తను ఇంగ్లీష్‌లో మాట్లాడిన బూతులను సైతం ప్రస్తావించింది గీతూ. నీ దృష్టిలో తెలుగులో మాట్లాడితే బూతులు ఇంగ్లీష్‌లో మాట్లాడితే నీతులా అనడంతో ఏమని సమాధానం చెప్పాలో తెలియక గుడ్లు తేలేసింది దామిని. తర్వాత కంటెస్టెంట్ల గురించి తన అభిప్రాయాన్ని చెప్పింది. రతిక అన్నీ సగం సగం వింటుందని, శుభశ్రీ రెడీ అవడం మీద దృష్టి పెట్టడమే కాకుండా పని కూడా చేస్తే బాగుంటుందని పేర్కొంది. యావర్‌ ఇతరులను కాస్త అర్థం చేసుకోవాలని, తేజ వెటకారం తగ్గించుకోవాలంది. శోభా శెట్టి చెంచా తేజ అని, గౌతమ్‌ తనకే అన్నీ తెలుసనుకుంటాడంది. శివాజీది కన్నింగ్‌ గేమ్‌ అని, ప్రశాంత్‌ గురించి మాట్లాడటమే వేస్ట్‌ అంది దామిని.​ మొత్తానికి హౌస్‌లో తనే తోపు అనుకున్న దామినికి బిగ్‌బాస్‌ బజ్‌లో గట్టి కౌంటర్లే పడ్డాయి.

బిగ్‌బాస్ షోలో మూడోవారం కూడా అయిపోయింది. వారమంతా ఎలా ఉన్న వీకెండ్‌లో ఓవైఫు ఫన్ ఉన్నప్పటికీ, ఓ హౌస్‌మేట్‌ని ఎలిమినేట్ కావడం గ్యారంటీ. గత రెండు వారాల్లానే ఈ వారం కూడా మరో లేడీ కంటెస్టెంట్ వెళ్లిపోయింది. పోతూ పోతూ శివాజీతో వాదన పెట్టుకుంది. ఆమె కరెక్ట్‌గానే చెప్పినా అతడైతే తప్పు ఒప్పుకోలేనట్లే అనిపించింది. ఇంతకీ బిగ్‌బాస్ హౌసులో ఆదివారం ఏం జరిగిందనేది Day-21 హైలైట్స్‌లో ఇప్పుడు చూద్దాం. (ఇదీ చదవండి: 'బిగ్‌బాస్ 7' ఎలిమినేషన్.. ఇలా జరగడం ఇదే మొదటిసారి!) గేమ్‌తో షురూ శనివారం ఎపిసోడ్‌లో భాగంగా నామినేట్ అయిన ఏడుగురిలో యవర్ సేవ్ అయ్యాడు. ఆదివారం మాత్రం నాగార్జున ఓ పాటతో ఎంట్రీ ఇచ్చాడు. సండే ఫన్‌డే కాబట్టి వచ్చీ రావడంతో 'చిట్టి ప్రశ్నలు' అనే గేమ్ పెట్టాడు. ఇందులో భాగంగా కలర్స్ ఉన్న ఓ చక్రం ఉంటుంది. దానిపై ఉన్న బాణం ఏ రంగుపై ఆగుతుందో, ఆ చీటీ నాగ్ తీస్తాడు. అందులో ప్రశ్నకు ఎవరైతే సూట్ అవుతారో పేరు చెప్పాల్సి ఉంటుంది. ఇందులో భాగంగా ఆయా కంటెస్టెంట్స్ ని అడిగిన ప్రశ్నలు, వాళ్లు చెప్పిన పేర్లు దిగువన ఉన్నాయి. కంటెస్టెంట్ - ప్రశ్న- వ్యక్తి పేరు శోభాశెట్టి.. కన్నింగ్ ఎవరు?      ప్రశాంత్  ప్రశాంత్.. తమ ఆట కోసం ఎవరు వాడుకుంటున్నారు?      శోభాశెట్టి దామిని.. తేనె పూసిన కత్తి ఎవరు?       సందీప్ మాస్టర్ సందీప్.. హౌసులో నెగిటివిటీ స్ప్రెడ్ చేసేది ఎవరు?        యవర్ యవర్.. వరస్ట్ క్వాలిటీ ఎవరిది? ఏమిటి?        రతిక (ముందు బాగానే ఉంది. వెనక వేరేలా ఉంటుందని కారణం) రతిక.. ఆటలో నిన్ను కిందకు లాగుతున్నది ఎవరు?     యవర్-ప్రశాంత్ అమరదీప్.. ఇంట్లో కపటనాటక సూత్రధారి?       శివాజీ శివాజీ.. హౌసులో కలుపుమొక్క ఎవరు?         తేజ తేజ.. ఇంట్లో ఎవరికి పని తక్కువ? తిండి ఎక్కువ?        రతిక శుభశ్రీ.. హర్ట్ చేసి సంతోషం పొందేది ఎవరు?        దామిని ప్రియాంక.. హౌసులో కామన్‌సెన్స్ లేనిది ఎవరికి?        ప్రశాంత్ గౌతమ్.. హౌసులో నమ్మకూడదు? ఎందుకు?           తేజ (ఇదీ చదవండి: స్టార్ క్రికెటర్‌ను పెళ్లాడనున్న హీరోయిన్ పూజాహెగ్డే) ప్రమోషన్స్ కోసం రామ్ 'స్కంద' సినిమా సెప్టెంబరు 28న థియేటర్లలోకి రానుంది. దీని ప్రమోషన్ కోసం బిగ్‌బాస్‌లోకి హీరో రామ్ వచ్చాడు. కాసేపు నాగ్‌తో మాట్లాడిన తర్వాత కంటెస్టెంట్స్‌కి ఓ గేమ్ పెట్టాడు. ఇందులో భాగంగా మ్యూజిక్ ప్లే అవుతుంది. పాట గెస్ చేయాల్సి ఉంటుంది. ఉన్న 12 మందిని రెండు గ్రూపులుగా టీమ్ స్కంద, టీమ్ ఇస్మార్ట్‌గా విభజించారు. ఇందులో టీమ్ స్కంద (అమరదీప్, శివాజీ, తేజ, గౌతమ్, శోభాశెట్టి, దామిని) గెలిచింది. దామిని ఎలిమినేట్ ఓవైపు ఆదివారం కంటెస్టెంట్స్‌తో గేమ్స్ ఆడిపిస్తూనే మధ్యమధ్యలో కంటెస్టెంట్స్ సేవ్ అయ్యారు. తొలి రౌండులో ప్రియాంక, గౌతమ్ సేవ్ అయ్యారు. రెండో రౌండులో రతిక, మూడో రౌండులో అమరదీప్ సేవ్ అయ్యాడు. ఇక ఫైనల్‌గా మిగిలిన శుభశ్రీ, దామిని యాక్టివిటీ రూంలోకి వచ్చారు. వీళ్లిద్దరిలో దామిని ఎలిమినేట్ అయినట్లు నాగ్ ప్రకటించారు. దీంతో ఇంట్లో వాళ్లకు టాటా చెప్పేసి, స్టేజీపైకి వెళ్లిపోయింది. దామినితో శివాజీ వాదన ఎలానూ వెళ్లిపోతుంది కాబట్టి.. వెళ్తూవెళ్తూ అందరికీ తలో సలహా ఇవ్వమని దామినికి హోస్ట్ నాగార్జున చెప్పాడు. దీంతో అందరికీ సలహాలు ఇచ్చింది. శివాజీ గురించి చెబుతూ.. ఆయన కొందరికీ ఫేవరెట్‌గా ఆడుతున్నాడని, అది వదిలేస్తే బెటర్ అన్నట్లు మాట్లాడింది. హౌసులో ఇదే జరుగుతున్నప్పటికీ.. ఆయన దీన్ని ఒప్పుకోలేదు. దామినితో వాదన పెట్టుకున్నాడు. ఇంటికెళ్లి తన ఎపిసోడ్స్ చూసిన తర్వాత ఇలానే చెబితే అప్పుడు ఒప్పుకొంటానని అన్నాడు. అలానే బిగ్‌బాస్‌పై స్వయంగా తాను రాసిన పాట పాడి అందరినీ సర్ ప్రైజ్ చేసిన దామిని ఇంటికెళ్లిపోయింది. అలా ఆదివారం ఎపిసోడ్ పూర్తయింది.  (ఇదీ చదవండి: ఆమెతో ప్రేమ-పెళ్లి.. 'జవాన్' డైరెక్టర్‌పై అలాంటి కామెంట్స్!)

అనుకున్నదే జరిగింది. బిగ్‌బాస్ నుంచి మరో లేడీ కంటెస్టెంట్ ఎలిమినేట్ అయిపోయింది. ఎపిసోడ్ ఇంకా ప్రసారం కానప్పటికీ ఈ విషయం బయటపడింది. హౌసులో మిగతా విషయాల సంగతి ఎలా ఉన్నా.. ఎలిమినేషన్ విషయంలో బిగ్‌బాస్ పొరపాటు చేస్తున్నాడా? లేదా అదే జరుగుతుందా? అనేది తెలియాలంటే ఈ స్టోరీ చదివేయండి.  బిగ్‌బాస్ 7వ సీజన్ సెప్టెంబరు 3న గ్రాండ్‌గా ప్రారంభమైంది. గత సీజన్లలా కాదు ఈసారి 'ఉల్టా పుల్టా' అని నాగ్ చెప్పుకొచ్చాడు. కానీ మూడో వారం అయిపోవస్తున్నా షోలో జోష్ కనిపించట్లేదు. తొలి రెండువారాల్లో వరసగా కిరణ్ రాథోడ్, షకీలా తక్కువ ఓట్లు పోల్ అయిన కారణంగా హౌస్ నుంచి ఎలిమినేట్ అయిపోయారు. ఇప్పుడు కూడా మరో లేడీ కంటెస్టెంట్ బయటకొచ్చేసింది. ఈ వారం నామినేషన్స్‌లో ఏడుగురు ఉండగా అందులో దామినికి తక్కువ ఓట్లు పోలయ్యాయి. దీంతో ఆమె ఎలిమినేట్ అయిపోయింది. అయితే షో ప్రారంభమైనప్పుడు తలో ఏడుగురు అమ్మాయిలు, అబ్బాయిలని తీసుకొచ్చిన బిగ్‌బాస్.. ఎలిమినేషన్ మాత్రం లేడీస్‌ని చేస్తున్నాడు. వచ్చే వారం కూడా ఇదే కొనసాగితే మాత్రం హౌసులో జెండర్ బ్యాలెన్స్ దెబ్బతినే అవకాశముంది. అలానే గతంలో ప్రతి సీజన్‌లోనూ సింగర్స్ వచ్చారు. వాళ్లలో రాహుల్ విజేతగా నిలవగా, గీతా మాధురి లాంటి వాళ్లు టాప్-5 వరకు వెళ్లారు. కానీ దామిని మాత్రం మూడో వారానికే హౌస్ నుంచి బయటకొచ్చేసింది. బిగ్‌బాస్ చరిత్రలో ఇలా జరగడం ఇదే తొలిసారి. (ఇదీ చదవండి: బిగ్‌బాస్‌ విజేత చేతికి అందని రూ.25 లక్షలు.. పట్టించుకోని టీమ్‌)

పచ్చబొట్టేసిన.. పిల్లగాడా నీతో.. పాటతో ప్రపంచవ్యాప్తంగా అభిమానులను సంపాదించుకుంది దామిని. ఈమె పుట్టి పెరిగింది రాజమండ్రిలో అయినా తర్వాతి కాలంలో తన కుటుంబం హైదరాబాద్‌కు షిఫ్ట్‌ అయింది. దామిని సోదరి మౌనిమ సైతం సింగర్‌గా రాణిస్తోంది. ఈమె బాహుబలి: ద కన్‌క్లూజన్‌లో పాటలు ఆలపించింది. కాగా దామిని.. 2011లో పాడుతా తీయగా ప్రోగ్రామ్‌లో రెండో స్థానంలో నిలిచింది. తన గాత్రంతో అందరి దృష్టిని ఆకర్షించిన ఆమెకు సినిమాలో పాడే అవకాశాలు వచ్చాయి. అయితే సినిమా పాటలే కాకుండా సొంతంగా ఆల్బమ్స్‌ కూడా చేస్తోంది దామిని. స్టేజీ షోల ద్వారా సైతం తన గాత్రంతో సంగీతప్రియులను ఉర్రూతలూగిస్తోంది. కొండపొలం సినిమాలో ఈమె పాడిన ధమ్‌ ధమ్‌ ధమ్‌ పాటకు ఇటీవలే జాతీయ అవార్డు వచ్చింది. తాజాగా స్టేజీపై ఈ పాట మరోసారి పాడి అదరగొట్టింది దామిని. హార్ట్‌ షేపులో ఉన్న సిరామిక్‌ మగ్‌ ఇచ్చి నాగార్జునను బుట్టలో పడేసింది సింగర్‌. ఈ గిఫ్ట్‌ తాను స్వయంగా తయారు చేశానంది దామిని.

తెలుగు రియాలిటీ షో పేరు చెప్పగానే ముందుగా గుర్తొచ్చే పేరు 'బిగ్‌బాస్'. ఇప్పటివరకు ఆరు సీజన్లు పూర్తి కాగా,  తాజాగా ఆదివారం ఏడో సీజన్‌ అట్టహాసంగా మొదలైంది. కింగ్ నాగార్జున మరోసారి హోస్ట్‌గా వచ్చారు. తనదైన మార్క్ చమత్కారాలతో గ్రాండ్ లాంచ్ ఎపిసోడ్‌ని ఎంటర్‌టైనింగ్‌గా నడిపించారు. స్టార్ మాలో ఆదివారం సాయంత్రం 7 గంటల నుంచి జరిగిన ఈ షోకి ఎవరెవరు వచ్చారు? లాంచ్ ఎపిసోడ్ హైలైట్స్ ఏంటనేది ఇప్పుడు చూద్దాం. ఇకపోతే 'తార్ మార్ తక్కర్ మార్' సాంగ్‌తో హౌస్‌లోకి గ్రాండ్ ఎంట్రీ ఇచ్చిన హోస్ట్ నాగార్జున.. ఈ సీజన్ అంతా కూడా ఎవరి ఊహకు అందని విధంగా ఉల్టా పల్టాగా సాగబోతుందని చెప్పి ఆశ్చర్యపరిచారు. ఇక హౌసులోకి తొలి కంటెస్టెంటుగా 'జానకి కలగనలేదు' సీరియల్ నటి ప్రియాంక జైన్ హౌసులోకి అడుగుపెట్టింది. తొలి కంటెస్టెంట్‪‌ ప్రియాంక జైన్ బిగ్ బాస్ 7వ సీజన్‌లో తొలి కంటెస్టెంట్‌గా 'జానకి కలగనలేదు' సీరియల్ హీరోయిన్ ప్రియాంక జైన్ ఎంట్రీ ఇచ్చింది. తప్పకుండా ఈసారి గెలిచే.. హౌస్ నుంచి బయటకు వెళ్తానని శపథం చేసింది. ఈమె స్వతహాగా యూట్యూబర్ కావడంతో స్వయంగా బిగ్ బాస్ హౌస్ అంతా తిరిగి తిరిగి చూపించింది. అయితే ఈసారి హౌసులో మూడు బెడ్ రూమ్స్ ఉన్నాయి. ఫర్నిచర్, హౌసులో ఉండే అర్హత కూడా మీరే సంపాదించుకోవాలి అని నాగార్జున ప్రియాంకతో చెప్పుకొచ్చారు.  ఎవరీ ప్రియాంక? పేదింట పుట్టిన ప్రియాంక జైన్‌ స్వయంకృషితో పైకి ఎదిగిన అమ్మాయి. బెంగళూరులో చదువు పూర్తి చేసిన ఈ బ్యూటీ మొదట సినిమాలు చేసింది. 2015లో తమిళంలో రంగి తరంగ చిత్రంతో అరంగేట్రం చేసింది. ఆ మరుసటి ఏడాది గోలిసోడా మూవీతో కన్నడలో ఎంట్రీ ఇచ్చింది. 2018లో చల్తే చల్తే సినిమాతో టాలీవుడ్‌లో అడుగుపెట్టింది. కానీ సినిమాలు తనకు పెద్దగా వర్కవుట్‌ కాలేదు. దీంతో బుల్లితెరపై తన లక్‌ పరీక్షించుకుంది. తెలుగులో వరుసగా సీరియల్స్‌ చేస్తూ సీరియల్‌ స్టార్‌గా వెలుగు వెలుగుతోంది. మౌనరాగంలో తనతో పాటు నటించిన శివకుమార్‌తో ప్రేమలో ఉందీ బ్యూటీ. ప్రస్తుతం తను నటిస్తున్న ఓ సీరియల్‌కు శుభం కార్డు పడటంతో బిగ్‌బాస్‌ 7లో అడుగుపెట్టింది. మరి ప్రియాంక ఇక్కడ కూడా ఓ వెలుగు వెలుగుతుందా? లేదంటే వెనకబడిపోతుందా? అనేది చూడాలి.. ఫస్ట్ టాస్క్ ఇచ్చేసిన నాగ్ హాలోగ్రామ్ ద్వారా హౌసు లోపలికి వెళ్లిన నాగార్జున.. ప్రియాంకని యాక్టివిటీ రూమ్ దగ్గరకు రమ్మని చెప్పిన హౌస్ట్ నాగార్జున. వీకెండ్ మాత్రమే కాదు ఇకపై ప్రతి క్షణం హౌసులో ఎక్కడైనా ఎప్పుడైనా కనిపిస్తానని చెప్పారు. అలానే ఓ సూట్ కేసు చూపించి, ఎవరికీ కనిపించకుండా దాన్ని దాచేయమని నాగ్.. ప్రియాంకతో చెప్పారు. ఒకవేళ ఎవరికైనా అది దొరికితే అందులో ఉన్న పవర్ వాళ్లకు దక్కుతుందని నాగ్ చెప్పారు. దీంతో జైలు వాష్ రూమ్ లోని కమోడ్ వెనక ప్రియాంక ఆ సూట్ కేసుని దాచిపెట్టింది. రెండో కంటెస్టెంట్‌గా హీరో శివాజీ బిగ్ బాస్ హౌసులోకి రెండో కంటెస్టెంట్ గా ప్రముఖ హీరో శివాజీ ప్రవేశించారు. పలు తెలుగు సినిమాలతో నటుడిగా గుర్తింపు తెచ్చుకున్న ఈయన.. చాలారోజుల నుంచి సినిమాల్లో నటించట్లేదు. ఇప్పుడు బిగ్ బాస్ హౌసులోకి రావడం ఆసక్తికరంగా మారింది.  ఎవరీ శివాజీ? బుల్లితెరపై హోస్ట్‌గా వ్యవహరించే స్థాయి నుంచి సినిమా హీరోగా మారాడు శివాజీ. హీరో ఫ్రెండ్‌ పాత్రలు చేసే స్థాయి నుంచి హీరో రేంజ్‌కు ఎదిగాడు. అతడు నటించిన తొలి సినిమా సీతారాముల కళ్యాణం చూతము రారండీ. కానీ ఫస్ట్‌ రిలీజైంది మాత్రం మాస్టర్‌. ఈ సినిమాకుగానూ అతడు రూ.15 వేలు అందుకున్నాడు. అందరు కుర్రాళ్లలాగే ఆ డబ్బుతో అమ్మకు బంగారం కొనిచ్చాడు శివాజి. మిస్సమ్మ, అమ్మాయి బాగుంది, మిస్టర్‌ అండ్‌ మిసెస్‌ శైలజా కృష్ణమూర్తి, అదిరిందయ్యా చంద్ర, టాటా బిర్లా మధ్యలో లైలా, సత్యభామ, మా ఆయన చంటిపిల్లాడు.. ఇలా ఎన్నో సినిమాల్లో హీరోగా నటించాడు. నితన్‌కు జయం, దిల్‌, సంబరం సినిమాల్లో వాయిస్‌ ఓవర్‌ ఇచ్చాడు. 2018లో వచ్చిన గ్యాంగ్‌స్టర్స్‌ అనే వెబ్‌ సిరీస్‌లో చివరిసారిగా కనిపించాడు. రాజకీయాల్లో ‍ప్రవేశించాక సినిమాలకు పూర్తిగా దూరమయ్యాడు. ఇన్నాళ్లకు బిగ్‌బాస్‌తో అలరించేందుకు రెడీ అయ్యాడు. అమ్మ గుర్తొచ్చి ఎమోషనల్ నటుడిగా తన తొలి చెక్ నాగార్జున చేతుల మీదుగా తీసుకున్నానని శివాజీ అప్పటి రోజులని గుర్తుచేసుకున్నారు. అలానే నాగ్ సినిమా వచ్చిన ప్రతిసారి గ్లామర్ విషయంలో తనకు తిట్లు పడతుంటాయని అన్నారు. ఇకపోతే కోడిపిల్లల్ని పెంచి, సంక్రాంతికి వాటిని అమ్మి తమని పోషించేదని శివాజీ గుర్తుచేసుకున్నారు. హైదరాబాద్ వచ్చిన తర్వాత ఆమెకు గోల్డ్ చైన్ కొనిచ్చాని శివాజీ చెప్పుకొచ్చాడు.  మూడో కంటెస్టెంట్‌గా సింగర్ దామిని  తెలుగులో పలు సినిమాల్లో పాటలు పాడి గాయనిగా గుర్తింపు తెచ్చుకున్న దామిని.. మూడో కంటెస్టెంట్ గా హౌసులోకి ఎంట్రీ ఇచ్చింది. బ్లాస్ట్ బేబీ పాటతో ఆకట్టుకునే ఫెర్ఫార్మెన్స్ ఇచ్చింది. ఎవరీ దామిని? పచ్చబొట్టేసిన.. పిల్లగాడా నీతో.. పాటతో ప్రపంచవ్యాప్తంగా అభిమానులను సంపాదించుకుంది దామిని. ఈమె పుట్టి పెరిగింది రాజమండ్రిలో అయినా తర్వాతి కాలంలో తన కుటుంబం హైదరాబాద్‌కు షిఫ్ట్‌ అయింది. దామిని సోదరి మౌనిమ సైతం సింగర్‌గా రాణిస్తోంది. ఈమె బాహుబలి: ద కన్‌క్లూజన్‌లో పాటలు ఆలపించింది. కాగా దామిని.. 2011లో పాడుతా తీయగా ప్రోగ్రామ్‌లో రెండో స్థానంలో నిలిచింది. తన గాత్రంతో అందరి దృష్టిని ఆకర్షించిన ఆమెకు సినిమాలో పాడే అవకాశాలు వచ్చాయి. అయితే సినిమా పాటలే కాకుండా సొంతంగా ఆల్బమ్స్‌ కూడా చేస్తోంది దామిని. స్టేజీ షోల ద్వారా సైతం తన గాత్రంతో సంగీతప్రియులను ఉర్రూతలూగిస్తోంది. నాలుగో కంటెస్టెంట్‌గా ప్రిన్స్ యావర్ బిగ్ బాస్ హౌసులోకి నాలుగో కంటెస్టెంట్‌గా మోడల్ ప్రిన్స్ యావర్ ఎంట్రీ ఇచ్చాడు. 'బ్యాడ్ బాయ్' పాటకు స్టెప్పులేస్తూ ఆకట్టుకున్నాడు. ఎవరీ ప్రిన్స్ యావర్? ఇతడి బాడీ చూస్తే మీకీపాటికే అర్థమైపోయుంటుంది మోడల్‌ అని! ఫిట్‌నెస్‌కు ఎక్కువ ప్రాధాన్యత ఇచ్చే ఇతడు మోడలింగ్‌లో ఇప్పటికే సత్తా చాటాడు. కానీ తెలుగువారికి మాత్రం పెద్దగా పరిచయం లేడు. ఆ మధ్య తెలుగులో ఓ సీరియల్‌లో నటించినట్లు తెలుస్తోంది. ఏదైనా ఉద్యోగం చేద్దామని ప్రయత్నాలు చేస్తున్న సమయంలో బిగ్‌బాస్‌ ఆఫర్‌ వచ్చింది. ఇంత మంచి అవకాశాన్ని వదులుకునేందుకు ఎవరు మాత్రం ఇ‍ఇష్టపడతారు. అందుకే వెంటనే ఓకే చేశాడు. ఇప్పుడిప్పుడే తెలుగులో మాట్లాడేందుకు ప్రయత్నిస్తున్నాడు. ఐదో కంటెస్టెంట్‌గా నటి శుభశ్రీ  బిగ్ బాస్ హౌసులోకి ఐదో కంటెస్టెంట్‌గా యూట్యూబర్ శుభశ్రీ ప్రవేశించింది. ట్రెండింగ్ సాంగ్ 'సమ్మోహనుడా' స్టెప్పులేసి, గ్రాండ్ గా ఎంట్రీ ఇచ్చింది. ఎవరీ శుభశ్రీ? శుభశ్రీ రాయగురు ప్రొఫెషనల్‌గా లాయర్‌.. కానీ సినిమాలు చేస్తుంది. తెలుగు రాదు, కానీ తెలివి మాత్రం చాలా ఉందంటోంది శుభశ్రీ. ఒడిశాలో పుట్టిపెరిగిన ఈ బ్యూటీ ప్రస్తుతం హైదరాబాద్‌లో ఉంటోంది. ఐదుగురికి ఫస్ట్ టాస్క్ పెట్టిన నాగ్ తొలి కంటెస్టెంట్ ప్రియాంకకు ఇచ్చిన సూట్ కేసులో ఉన్న క్యాష్ తీసుకుని హౌసు నుంచి వెళ్లిపోమని ఆమెకు నాగ్ ఆఫర్ ఇచ్చారు. కానీ ఆమె నో చెప్పి క్యాన్సిల్ చేసుకుంది. మిగతా నలుగురు కంటెస్టెంట్స్ కూడా ఆ సూట్ కేసుని తీసుకుని బయటకెళ్లిపోవడానికి ససేమిరా అన్నారు. తొలుత రూ.20 లక్షలు, ఆ తర్వాత రూ.25 లక్షలు, అనంతరం రూ.30 లక్షలు అని హోస్ట్ నాగ్ ఆఫర్ చేసినా సరే అందరూ నో అంటే నో అని చెప్పేశారు. ఆరో కంటెస్టెంట్‌గా షకీలా బిగ్ బాస్ హౌసులోకి ఆరో కంటెస్టెంట్‌గా నటి షకీలా ఎంట్రీ ఇచ్చింది. బోల్డ్ క్యారెక్టర్స్ కి పెట్టింది పేరు అయినా ఈమె తన గురించి చెబుతూ ఎమోషనల్ అయింది. ఒకప్పుడు షకీలా అని ఇప్పుడు షకీ అమ్మ అని చెప్పుకొచ్చింది. అలానే ఈమె చూసుకుంటున్న ఇద్దరు ట్రాన్స్‌జెండర్స్‌ని(తంగం & షాషా) నాగ్ స్టేజీపైకి పిలిచారు. ఎవరీ షకీలా? బోల్డ్‌ క్యారెక్టర్లకు పెట్టింది పేరు షకీల. వెండితెరపై బోల్డ్‌గా కనిపించే ఆమె నిజ జీవితంలోనూ అలాగే ఉంటారనుకుంటే పొరపాటే! రియల్‌ లైఫ్‌లో చాలా సాఫ్ట్‌గా కనిపించే ఆమె 18 ఏళ్లకే నటించడం మొదలుపెట్టింది. తెలుగు, తమిళ, మలయాళ, కన్నడ భాషల్లో నటించిన ఆమె గతంలోనూ బిగ్‌బాస్‌ షోలో పాల్గొంది. ఏడో కంటెస్టెంట్‌గా కొరియోగ్రాఫర్ ఆట సందీప్ బిగ్ బాస్ హౌసులోకి ఏడో కంటెస్టెంట్‌గా కొరియోగ్రాఫర్ ఆట సందీప్ ఎంట్రీ ఇచ్చారు. 'దళపతి' పాటకు స్టెప్పులేసి తన గ్రాండ్ ఎంట్రీని చాటుకున్నారు. ఇకపోతే ఈ మధ్య 'నీతోనే డ్యాన్స్' షోలో సందీప్ విజేతగా నిలవడం విశేషం. ఎవరీ సందీప్? టాలీవుడ్‌లో ప్రముఖ కొరియోగ్రాఫర్‌ ఆట సందీప్‌ పేరు తెలియనివారు ఉండరు. కొరియోగ్రాఫర్‌, డ్యాన్సర్‌గా ఈయన చాలామందికి సుపరిచితం. ప్రముఖ డ్యాన్స్‌ రియాలిటీ షో 'ఆట' ఫస్ట్‌ సీజన్‌లో విజేతగా నిలిచి ఫేమ్ సంపాదించాడు. అప్పటినుంచి ఈయన పేరు ఆట సందీప్‌గా స్థిరపడిపోయింది. ఆయన భార్య జ్యోతిరాజ్‌ కూడా డ్యాన్సరే! అయితే ఆట సందీప్‌కు తాను చెప్పింది తప్పితే ఎదుటివాళ్లు చెప్పేది వినడానికి ఇష్టపడడు, అసలు వినిపించుకోడు. ఇటీవలే అతడు తన భార్యతో కలిసి నీతోనే డ్యాన్స్‌ కప్‌ గెలిచాడు. అయితే ఈ షో జరిగినన్ని రోజులు గేమ్‌ అమర్‌ దీప్‌ ఫ్యాన్స్‌ వర్సెస్‌ ఆట సందీప్‌ ఫ్యాన్స్‌ అన్నట్లుగా నడిచింది. మరి బిగ్‌బాస్‌లోనూ వీరి మధ్య వార్‌ జరుగుతుందా? ఆట సందీప్‌ తన కోపాన్ని నిగ్రహించుకుని ఎక్కువ వారాలు కొనసాగుతాడా? అన్నది చూడాలి! ఎనిమిదో కంటెస్టెంట్‌గా నటి శోభాశెట్టి బిగ్ బాస్ హౌసులోకి ఎనిమిదో కంటెస్టెంట్‌గా కార్తీకదీపం ఫేమ్ మోనిత అలియాస్ శోభాశెట్టి ఎంట్రీ ఇచ్చింది. జిమ్మిక్కి పొన్ను పాటకి మంచి స్టెప్పులేసి ఆకట్టుకుంది. అయితే శోభాశెట్టితో మాట్లాడిన హోస్ట్ నాగార్జున.. హౌసులో ఎవరైనా సరే బ్యూటీఫుల్ అని చెబితే శోభాకు వీకెండ్ లో పనిష్మెంట్ ఇస్తానని చెప్పారు. ఎవరీ శోభాశెట్టి? శోభా శెట్టి అంటే గుర్తుపడతారో లేదో కానీ కార్తీకదీపం మోనిత అంటే మాత్రం ఇట్టే గుర్తుపడతారు. డాక్టర్‌బాబును దక్కించుకునేందుకు ఎన్నో కుట్రలు పన్నిన అందమైన విలనే మోనిత అలియాస్‌ శోభా శెట్టి. ఈమె స్వస్థలం కర్ణాటక అయినా అచ్చ తెలుగింటి అమ్మాయిగా సీరియల్‌లో నటించి విశేష అభిమానులను దక్కించుకుంది. ఇంత పాపులారిటీ ఉన్న చిన్నప్పుడు ఎన్నో కష్టాలు పడింది. ఇంటి నుంచి స్కూలుకు వెళ్లాలంటే కూడా కొన్ని కిలోమీటర్ల దూరం నడిచి వెళ్లాల్సి వచ్చేదట! ఈ క్రమంలో తన చెప్పులు తెగిపోతే కుట్టించుకోవడానికి కూడా డబ్బుల్లేక సేఫ్టీ పిన్‌ సాయంతో దాన్ని నెట్టుకొచ్చేదట. కొన్నిసార్లయితే కాళ్లకు చెప్పులు లేకుండానే స్కూలుకు నడిచి వెళ్లింది. నటనపై ఉన్న ఆసక్తితో ఇండస్ట్రీలో అడుగుపెట్టింది. కన్నడలో అంజనీపుత్ర సినిమాలో చిన్న పాత్రలో నటించింది. తెలుగు సీరియల్‌లో మోనిత పాత్రతో లక్షలాది మంది ప్రేక్షకులకు చేరువైంది. మరి బిగ్‌బాస్‌ షోతో వారి మనసులు కూడా దోచుకుంటుందేమో చూడాలి! తొమ్మిదో కంటెస్టెంట్‌గా టేస్టీ తేజ ఫుడ్ వీడియోలతో పాపులర్ అయిన టేస్టీ తేజ.. బిగ్ బాస్ హౌసులోకి తొమ్మిదో కంటెస్టెంట్‌గా ఫుడ్ వ్లాగర్ టేస్టీ తేజ వచ్చాడు. తన గురించి చెబుతూ ఫన్ క్రియేట్ చేశాడు. ఈసారి హౌసులో ఇతడు మంచి కామెడీ జనరేట్ చేస్తాడని ఏవీ చూస్తేనే అర్థమైపోయింది. ఇకపోతే టేస్టీ తేజ.. థర్మల్ ఇంజినీరింగ్‌లో ఎమ్.టెక్ చేశాడు.  ఎవరీ టేస్టీ తేజ? టేస్టీ తేజ.. పేరుకు తగ్గట్లే ఉంటుంది అతడి వ్యవహారం. యూట్యూబ్‌లో ఎప్పుడు చూసినా ఫుడ్‌ వీడియోలు చేస్తూ ఉంటాడు. తరచూ సెలబ్రిటీలను కలుస్తూ ఉంటాడు. సినిమా వాళ్లను కలుస్తాడు అంటే ఏదైనా ఇంటర్వ్యూలు చేస్తాడో, రీల్స్‌ చేస్తాడో అనుకునేరు... తనదైన స్టైల్‌లో సెలబ్రిటీలతో కలిసి మంచి విందు భోజనం చేస్తూ కబుర్లాడతాడు. పనిలో పనిగా భోజనం చేస్తూనే సినిమా ప్రమోషన్స్‌ చేస్తాడు. మొదట్లో జబర్దస్త్‌ షోలోనూ మెరిసిన ఇతడు ప్రస్తుతం మాత్రం యూట్యూబ్‌లోనే ఎక్కువగా కనిపిస్తున్నాడు. బిగ్‌బాస్‌ షోతో జనాలకు మరింత దగ్గరవ్వాలనుకుంటున్న ఇతడు ఏడో సీజన్‌లో పాల్గొన్నాడు. మరి అతడి కల ఎంతమేరకు నెరవేరుతుందో చూడాలి! పదో కంటెస్టెంట్‌గా నటి రతిక  బిగ్ బాస్ హౌసులోకి యువ నటి రతిక.. పదో కంటెస్టెంట్ గా ఎంట్రీ ఇచ్చింది. పలు సినిమాల్లో హీరోయిన్ గా చేసిన ఈమె.. తనకు గుర్తింపు రాలేదని అందుకే హౌసులోకి వచ్చానని చెప్పుకొచ్చింది.  ఎవరీ రతిక? రతిక రోజ్ అచ్చ తెలుగమ్మాయి. ఎటువంటి బ్యాగ్రౌండ్‌ లేకుండా సినీపరిశ్రమలో అడుగుపెట్టింది. ముందుగా మోడలింగ్‌ చేసిన ఈ బ్యూటీ నటనపై ఆసక్తితో సినీపరిశ్రమలో అడుగుపెట్టింది. అడపాదడపా సినిమాలు చేసినప్పటికీ చెప్పుకోదగ్గ పాత్రల్లో నటించలేదు. బొమ్మ అదిరింది దిమ్మ తిరిగింది మూవీలో ఓ పాత్రలో నటించింది. నేను స్టూడెంట్‌ సర్‌ చిత్రంలో పోలీసాఫీసర్‌గా మెప్పించింది. తనకంటూ ఫేమ్ రావాలని బిగ్‌బాస్‌ 7లో అడుగుపెట్టి అందరినీ సర్‌ప్రైజ్‌ చేసింది. మరి ఈ అమ్మడు ఈ షో ద్వారా ఏ రేంజ్‌లో క్లిక్‌ అవుతుందో చూడాలి! స్పెషల్ ఎంట్రీ ఇచ్చిన విజయ్ దేవరకొండ 'ఖుషి' ప్రమోషన్ లో భాగంగా హీరో విజయ్ దేవరకొండ.. బిగ్ బాస్ హౌసులోకి స్పెషల్ ఎంట్రీ ఇచ్చాడు. హోస్ట్ నాగ్ తో ఫన్ జనరేట్ చేశాడు. ఇక హీరోయిన్ సమంత ఎ‍క్కడా అని నాగ్, విజయ్ దేవరకొండని అడగ్గా ఆమె అమెరికాలో ఉందని, త్వరలో తిరిగొస్తుందని చెప్పాడు. అలానే సీజన్ ప్రారంభమైన తొలిరోజే ఓ స్టార్.. హౌసులోకి వెళ్లడం ఇదే తొలిసారి కావడం విశేషం. ఫర్నిచర్ టాస్క్.. రూమ్స్ డిస్ట్రిబ్యూషన్ ఇకపోతే హౌసులోకి ఎంట్రీ ఇచ్చిన తొలి పదిమంది కంటెస్టెంట్స్ మధ్య.. గెస్టుగా వచ్చిన విజయ్ దేవరకొండ పర్యవేక్షణలో ఓ టాస్క్ పెట్టారు. ఇందులో భాగంగా 7 నిమిషాల్లో స్టోర్ రూమ్ నుంచి ఫర్నిచర్.. బయట మార్క్ చేసిన ప్లేసులో పెడితే అవన్నీ కంటెస్టెంట్స్ కి చెందుతాయని నాగార్జున అన్నారు. అనంతరం వీళ్లలో బాగా కష్టపడిన శుభశ్రీకి డీలక్స్ రూమ్, ఆట సందీప్ కి స్టాండర్డ్ రూమ్ ఇచ్చారు.  పదకొండో కంటెస్టెంట్‌గా హీరో గౌతమ్ బిగ్ బాస్ హౌసులోకి పదకొండో కంటెస్టెంట్‌గా డాక్టర్ గౌతమ్ కృష్ణ ఎంట్రీ ఇచ్చారు. తెలుగులో 'ఆకాశ వీధుల్లో' అనే సినిమాలో హీరోగా నటించాడు. ఎంట్రీతోనే చేతికి బేడీలు వేసి, ఓ టాస్క్ కూడా ఇతడికి నాగార్జున ఇచ్చాడు. ఎవరీ గౌతమ్? డాక్టర్‌ గౌతమ్‌ కృష్ణ బిగ్‌బాస్‌ షోలో 11వ కంటెస్టెంట్‌గా ఎంట్రీ ఇచ్చాడు. గౌతమ్‌కు చిన్నప్పటి నుంచే రైటర్‌, డైరెక్టర్‌ కావాలని ఉండేదట. అయితే తన పేరెంట్స్‌కు మాత్రం సినిమా ఇండస్ట్రీ అంటేనే ఒకరకమైన భయం. దీంతో వారికోసం చదువుపై దృష్టిపెట్టాడు. అలా డాక్టరయ్యాడు. అతడికి ఉన్న ఆసక్తి మేరకు హీరోగానూ మారాడు. ఆకాశవీధుల్లో సినిమాలో ప్రధాన పాత్రలో నటించాడు. తాజాగా బిగ్‌బాస్‌ హౌస్‌లోకి వెళ్లిన అతడు డాక్టర్‌ను కాబట్టి అందరికీ పనికొస్తాను, తనను నామినేట్‌ చేయొద్దు అంటున్నాడు. మరి ఈ డాక్టర్‌ బాబు హౌస్‌లో ఎన్నాళ్లు ఉంటాడో చూడాలి! పన్నెండో కంటెస్టెంట్‌గా కిరణ్ రాథోడ్ పలు దక్షిణాది సినిమాల్లో నటించి గుర్తింపు తెచ్చుకున్న కిరణ్ రాథోడ్.. పన్నెండో కంటెస్టెంట్ గా హౌసులోకి ఎంట్రీ ఇచ్చింది. తనకు బాగా పేరు తెచ్చిన 'జెమిని' సినిమాలోని పాటకు స్టెప్పులేసి అదరగొట్టేసింది.  ఎవరీ కిరణ్ రాథోడ్? కిరణ్‌ రాథోడ్‌.. ఈమె బాలీవుడ్‌ నటి రవీనా టండన్‌ కజిన్‌ కూడా! హిందీలో 'యాది' సినిమాతో ప్రయాణం మొదలుపెట్టింది. ఆ మరుసటి ఏడాది నువ్వులేక నేను లేను చిత్రంతో తెలుగులో, జెమిని సినిమాతో తమిళంలో ఎంట్రీ ఇచ్చింది. హీరోయిన్‌గా పాపులారిటీ సంపాదించుకున్న ఈ బ్యూటీకి రజనీకాంత్‌ బాబా సినిమాలో అవకాశం వచ్చింది. కానీ అప్పటికే జెమిని మూవీకి సంతకం చేయడంతో ఈ ఛాన్స్‌ వదిలేసుకుంది. 2016లో భాజా భజంత్రీలు(డబ్బింగ్‌) సినిమాలో చివరిసారిగా కనిపించిన ఈమె ప్రస్తుతం రీఎంట్రీకి రెడీ అయింది. కోలీవుడ్‌ స్టార్‌ హీరో విజయ్‌ లియో సినిమాలో నటించనున్నట్లు ప్రచారం జరిగింది. ఇంతలో కిరణ్‌ రాథోడ్‌ బిగ్‌బాస్‌ 7లో అడుగుపెట్టింది. మరి తన రీఎంట్రీకి బిగ్‌బాస్‌ 7 ఎలా ఉపయోగపడుతుందో చూడాలి! పదమూడో కంటెస్టెంట్‌గా పల్లవి ప్రశాంత్ గత కొన్నిరోజుల నుంచి అనుకున్నట్లుగానే యువరైతు, యూట్యూబర్ పల్లవి ప్రశాంత్.. బిగ్ బాస్ హౌసులోకి పదమూడో కంటెస్టెంట్ గా ఎంట్రీ ఇచ్చాడు. తన గురించి ఎమోషనల్ అయ్యాడు. ఎవరీ పల్లవి ప్రశాంత్? వ్యవసాయం అంటేనే ముఖం చాటేస్తున్న ఈ రోజుల్లో ఓ యువకుడు మాత్రం దాన్నే నమ్ముకున్నాడు. ఎంత కష్టమొచ్చినా, నష్టమొచ్చినా వ్యవసాయాన్ని వదిలిపెట్టేది లేదని భీష్మించుకుని కూర్చున్నాడు. అతడే యువ రైతు పల్లవి ప్రశాంత్‌.. తను చేసే ప్రతి పనిని వీడియోలు తీసి సోషల్‌ మీడియాలో పోస్ట్‌  చేస్తూ ఉంటాడు. రైతు బిడ్డను అన్నా.. అంటూ ప్రతిసారి ఎమోషనల్‌ వీడియోలు చేస్తుంటాడు పల్లవి ప్రశాంత్‌. బిగ్‌బాస్‌కు వెళ్లాలనేది తన కల అని నిత్యం చెప్తూ ఉండే ఇతడు ఎట్టకేలకు ఆ కోరిక నెరవేర్చుకున్నాడు. కామన్‌ మ్యాన్‌ కేటగిరీలో బిగ్‌బాస్‌ హౌస్‌లో అడుగుపెట్టాడు. షోలో పార్టిసిపేట్‌ చేయాలన్న కల నెరవేర్చుకున్నాడు, అక్కడివరకు బానే ఉంది.. కానీ హౌస్‌లో కూడా సింపథీ ప్లాన్‌ వర్కవుట్‌ చేయాలనుకుంటే మాత్రం కష్టమే.. మరి ఇతడి గేమ్‌ ఎలా ఉండబోతుందో రానున్న రోజుల్లో తేలనుంది. పద్నాలుగో కంటెస్టెంట్‌గా అమర్‌దీప్ బిగ్ బాస్ హౌసులోకి పద్నాలుగో కంటెస్టెంట్ గా సీరియల్ నటుడు అమర్ దీప్ ఎంట్రీ ఇచ్చాడు. 'పూనకాలు లోడింగ్' పాటకు సూపర్ స్టెప్పులేసి ఆకట్టుకున్నాడు. ఎవరీ అమర్‌దీప్? తెలుగబ్బాయి అమర్‌దీప్. విదేశాల్లో చదువుకున్న ఇతడికి సినిమాలపై ఆసక్తి ఉండేది. మొదట పరిణయం అనే షార్ట్‌ ఫిలిం చేయగా అది బాగా క్లిక్‌ అయింది. దీంతో ఆఫర్స్‌ వచ్చాయి. యూట్యూబ్‌లో వెబ్‌ సిరీస్‌ చేశాడు. అక్కడి నుంచి సినిమాలు, సీరియల్స్‌లో క్యారెక్టర్‌ ఆర్టిస్ట్‌గానూ వర్క్‌ చేశాడు. అలాగే అసిస్టెంట్‌ డైరెక్టర్‌గానూ పని చేశాడు. జనాల్లో పాపులారిటీ పెరగడంతో సీరియల్‌ హీరోగా మారాడు. అప్పుడప్పుడూ షోలలోనూ కనిపిస్తూ సందడి చేస్తున్నాడు. రాజుగారి కిడ్నాప్‌, అభిలాష, ఐరావతం, ప్రేమదేశం సినిమాలు కూడా చేశాడు. ఎన్నో అవమానాలు ఎదుర్కొని ఈ స్థాయికి చేరాడు అమర్‌దీప్‌. అయితే బిగ్‌బాస్‌ ప్రేక్షకులకు మాత్రం ఐదో సీజన్‌లోనే ఇతడు దగ్గరయ్యాడు. అప్పుడు మానస్‌కు సపోర్ట్‌ చేసేందుకు బిగ్‌బాస్‌ స్టేజీపైకి వచ్చాడు అమర్‌. తన మాటలతో, ప్రవర్తనతో అందరినీ బుట్టలో వేసుకున్నాడు. ఇతడు నెక్స్ట్‌ సీజన్‌లో రావడం ఖాయం అనుకున్నారంతా! కానీ రెండేళ్లు గ్యాప్‌ తీసుకుని ఇప్పుడు షోలో అడుగుపెట్టాడు బుల్లితెర హీరో. గతేడాది నటి తేజస్వినిని పెళ్లి చేసుకున్న అమర్‌ భార్యతో కలిసి షోలో పాల్గొంటాడునుకున్నారు. కానీ చివరకు ఒక్కడే వచ్చేశాడు. ఇక పదిహేనో కంటెస్టెంట్ అనే నాగ్ చెప్పేసరికి హీరో నవీన్ పొలిశెట్టి వచ్చాడు. అతడిని హౌసులోకి పంపిన తర్వాత గ్రాండ్ లాంచ్ ఎపిసోడ్‌ని ముగించేశారు. సోమవారం ఎపిసోడ్ లో హౌస్‌మేట్స్‌తో అతడు చేసే ఎంటర్ టైన్‌మెంట్ చూపించనున్నారు. ఇప్పటివరకు 14 మంది కంటెస్టెంట్స్ మాత్రమే వచ్చారు. దాదాపు సోషల్ మీడియాలో వినిపించిన వాళ్లే హౌసులోకి ఎంట్రీ ఇచ్చారు. అయితే గత సీజన్ 20 మంది.. లాంచ్ ఎపిసోడ్‌లో వచ్చారు. మరి ఈసారి ఆ నంబర్ తగ్గించారా? లేకపోతే మిగిలిన వాళ్లని వారం వారం వైల్డ్ కార్డ్ ఎంట్రీగా హౌసులోకి పంపిస్తారా అనేది తెలియాల్సి ఉంది.