దళపతి విజయ్‌, తలా అజిత్‌ అభిమానుల వైరం గురించి చాలామందికి తెలుసు. ఎందుకంటే తమ హీరో గొప్ప, తమ హీరో గొప్ప అని ఎప్పుడూ గొడవపడుతూనే ఉంటారు. అయితే తాజాగా విజయ్, రాజకీయాల్లోకి వస్తున్నట్లు ప్రకటించడంతో అజిత్ ఫ్యాన్స్ హ్యాపీగా ఫీలవుతున్నారు. అదే టైంలో అజిత్ వరస చిత్రాలకు గ్రీన్ సిగ్నల్ ఇస్తుండటం హాట్ టాపిక్‌గా మారిపోయింది. అలా ఇప్పుడు తనకు నాలుగు హిట్స్ ఇచ్చిన దర్శకుడితో మరోసారి కలిసి పనిచేయబోతున్నట్లు న్యూస్ బయటకొచ్చింది.  (ఇదీ చదవండి: మేనల్లుడిని హీరోగా పరిచయం చేస్తున్న ధనుష్) అజిత్ ప్రస్తుతం తన 62వ సినిమా చేస్తున్నాడు. లైకా ప్రొడక్షన్స్‌ సంస్థ నిర్మిస్తున్న ఈ చిత్రానికి 'విడామయూర్చి' అనే టైటిల్ నిర్ణయించారు. మగిళ్‌ తిరుమేణి దర్శకుడు. షూటింగ్‌ చివరి దశకు చేరుకోగా.. మేలో విడుదల చేయాలని చూస్తున్నారు. కాగా అజిత్‌ తన 63వ మూవీ మైత్రీ మూవీ మేకర్స్ నిర్మాణంలో అధిక్ రవిచంద్రన్ దర్శకత్వంలో చేయబోతున్నారు. దీని తర్వాత వెట్రిమారన్‌‌తో మూవీ ఉంటుందని అంటున్నారు. కానీ అది జరిగేలా కనిపించట్లేదు.  ఈ క్రమంలోనే దర్శకుడు శివ పేరు తెరపైకి వచ్చింది. అజిత్‌ తన 64వ సినిమాని శివకి అప్పగించాలని అనుకుంటున్నారట. గతంలో వీళ్ల కాంబోలో వీరం, వేదాళం, వివేకం, విశ్వాసం లాంటి నాలుగు సూపర్‌ హిట్‌ చిత్రాలు వచ్చాయి. ఇప్పుడు చేయబోయేది ఐదో చిత్రం కాబోతుంది. అయితే ఈ మూవీస్ అన్నీ కూడా తమిళంలో హిట్ అయ్యాయి కానీ తెలుగులో పెద్దగా ఆకట్టుకోలేకపోయాయి. (ఇదీ చదవండి: గుంటూరు కారం ఓటీటీ రిలీజ్ డేట్‌.. నెలరోజుల్లోనే ఓటీటీలోకి)

Rajinikanth Surprising Gift To Annatha Director Siruthai Siva: సూప‌ర్ స్టార్ ర‌జ‌నీకాంత్ ద‌ర్శ‌కుడు పెద్దన్న మూవీ డైరెక్టర్‌ శివ‌కు సర్‌ప్రైజింగ్‌ గిఫ్ట్ ఇచ్చి ఆశ్చర్యపరిచాడు. ప్రస్తుతం ఇందుకు సంబంధించిన విషయం కోలీవుడ్‌లో హాట్‌టాపిక్‌గా మారింది. డైరెక్టర్‌ శివ ఇంటికి వెళ్లి మరి రజనీ ఆయనకు బహుమతి ఇవ్వడమే కాకుండా ఆయన కుటుంబ సభ్యులతో మూడు గంటల పాటు ముచ్చటించాడట. కాగా రజనీకాంత్‌ ఇటీవల నటించిన అన్నాత్తై(తెలుగులో ‘పెద్దన్న’ గా విడుదల చేశారు)సూపర్‌ హిట్‌ అయిన నేపథ్యంలో రజనీ స్పెషల్‌గా డైరెక్టర్‌ ఇంటికి వెళ్లాడు. అంతేగాక తనతో ఓ బంగారు చెయిన్‌ను తీసుకెళ్లి డైరెక్టర్‌ శివకు గిఫ్ట్‌గా ఇచ్చాడట. చదవండి: Pushpa Movie: సమంత స్పెషల్‌ సాంగ్‌పై ట్రోల్స్‌ కాగా రజనీ సడెన్‌గా తన ఇంటికి వెళ్లడమే కాకుండా బాహుమతి ఇవ్వడంతో డైరెక్టర్‌ శివ, అతడి కుటుంబ సభ్యులు ఆనందంలో మునిగితేలుతున్నారు. రజనీకాంత్, మాస్‌ డైరెక్టర్‌ శివ కాంబినేషన్‌లో వచ్చిన ‘అన్నాత్తై’ చిత్రం తెలుగులో ‘పెద్దన్న’ గా విడుదలైన సంగతి తెలిసిందే. ఈ సినిమాలో రజనీ స‌ర‌స‌న నయనతార హీరోయిన్‌గా నటించగా కీర్తి సురేశ్‌ సోదరి పాత్రలో కనిపించింది. ఖుష్బూ, మీనా, జగపతి బాబు, ప్రకాశ్‌రాజ్‌ తదితరులు కీలక పాత్రలు పోషించారు. చదవండి: బయటకొచ్చిన కత్రినా-విక్కీల హల్ది ఫంక్షన్‌ ఫొటోలు దీపావళి కానుకగా ప్రేక్షకుల ముందుకు వచ్చిన ఈ యాక్షన్ ఎంటర్‌టైనర్‌ తెలుగులో పెద్ద హిట్ కాక‌పోయిన త‌మిళంలో మంచి వ‌సూళ్లు రాబ‌ట్టింది. ఇటీవల నెట్‌ఫ్లిక్స్‌లో విడుదలైన అన్నాత్తై ఓటీటీలో కూడా ట్రెండ్‌ అవుతోంది. ఈ క్ర‌మంలో హ్యాపీగా ఫీలైన ర‌జ‌నీ.. శివ ఇంటికి వెళ్లి మరి ఆయనను, అతడి కుటుంబ స‌భ్యుల‌ను పలకరించాడు. అంతేగాక మూడు గంట‌ల‌పాటు వారితో ముచ్చ‌టించాక గోల్డ్ చెయిన్‌ను బ‌హుమ‌తిగా అందజేశాడు.

ఈ జనరేషన్‌ హీరోలు సూపర్‌ హిట్ ఇచ్చిన దర్శకులతో కూడా వెంటనే వర్క్‌ చేసేందుకు ఇంట్రస్ట్ చూపించటంలేదు. అలాంటి పరిస్థితుల్లో ఒకే కాంబినేషన్లో వరుస సినిమాలు రావటం అంటే విశేషంగానే చెప్పుకోవాలి. అలాంటి అరుదైన రికార్డ్‌ను మరోసారి రిపీట్‌ చేసేందుకు రెడీ అవుతున్నారు కోలీవుడ్ స్టార్స్‌. కోలీవుడ్ లో రజనీకాంత్‌ తరువాత అదే స్థాయిలో మాస్‌ ఫాలోయింగ్‌ ఉన్న నటుడు అజిత్‌. అలాంటి కమర్షియల్ హీరో వరుసగా ఒకే దర్శకుడితో సినిమా చేస్తుండటం ఇప్పుడు హాట్ టాపిక్‌ గామారింది. వీరం సినిమాతో అజిత్, శివల కాంబినేషన్‌ సూపర్‌ హిట్ అందుకుంది. తరువాత ఇదే కాంబినేషన్‌లో వచ్చిన వేదలం, వివేగం సినిమాలు కూడా కమర్షియల్‌గా సక్సెష్ కావటంతో తాజాగా మరోసారి విశ్వాసంతో ప్రేక్షకుల ముందుకు వచ్చారు అజిత్‌, శివ. ఇది రోటీన్‌ సినిమా అన్న టాక్ వినిపించిన కలెక్షన్లు మాత్రం సూపర్బ్‌గా ఉన్నాయి. దీంతో మరోసారి ఇదే కాంబినేషన్‌ను రిపీట్ చేసేందుకు నిర్మాతలు రెడీ అవుతున్నారు. ప్రస్తుతం బాలీవుడ్ సూపర్‌ హిట్ పింక్‌ కు రీమేక్‌ గా తెరకెక్కుతున్న  సినిమాలో నటిస్తున్న అజిత్‌ ఆ సినిమా తరువాత మరోసారి శివ దర్శకత్వంలో నటించేందుకు రెడీ అవుతున్నాడట. శివ మాత్రం ఈ గ్యాప్‌లో మరో సినిమా చేయకుండా అజిత్‌ చేయబోయే సినిమాకు స్క్రిప్ట్‌ రెడీ చేయనున్నాడట.

కొద్ది రోజులుగా కోలీవుడ్ లో ఆసక్తికర వార్త ఒకటి హల్‌చల్‌ చేస్తోంది. తమిళ టాప్‌ హీరో అజిత్‌, బాలీవుడ్ బడా నిర్మాత బోనీకపూర్‌ బ్యానర్‌లో ఓ సినిమా చేయనున్నాడన్న వార్త హాట్ టాపిక్‌గా మారింది. ఇటీవల ఖాకీ సినిమాతో ఆకట్టుకున్న హెచ్‌.వినోద్‌ దర్శకత్వంలో ఈ సినిమా రూపొందనుందన్న ప్రచారం బలంగా వినిపించింది. శ్రీదేవి కుటుంబానికి అజిత్‌కు సన్నిహిత సంబంధాలు ఉన్నాయి. అందుకే శ్రీదేవి రీ ఎంట్రీ సినిమా ఇంగ్లీష్‌ వింగ్లీష్ లో అజిత్‌ అతిథిపాత్రలో నటించారు. ఈ సాన్నిహిత‍్యం మూలంగానే బోనికపూర్‌ బ్యానర్‌ లో అజిత్ సినిమా అంటూ వచ్చిన వార్తలకు బలం చేకూరింది. అయితే తాజాగా అజిత్‌ టీం ఈ వార్తలపై క్లారిటీ ఇచ్చినట్టుగా తెలుస్తోంది. ప్రస్తుతం అజిత్‌.. శివ దర్శకత్వంలో విశ్వాసం సినిమాలో నటిస్తున్న సంగతి తెలిసిందే. ఈ సినిమా తరువాత చేయబోయే సినిమాను అజిత్‌ ఇంతవరకు నిర్ణయించలేదట. దీపావళి సీజన్‌లో విశ్వాసం సినిమాను రిలీజ్ చేసేందుకు ప్లాన్‌ చేస్తున్నారు. ప్రస్తుతానికి అజిత్‌ విశ్వాసం సినిమాలో నటిస్తున్నారు, కొత్త సినిమా ఏదీ అంగీకరించలేదని అజిత్‌ సన్నిహితుల ద్వారా తెలుస్తోంది.

కోలీవుడ్ టాప్‌ హీరో అజిత్‌ ప్రస్తుతం శివ దర్శకత్వంలో తెరకెక్కుతున్న విశ్వాసం సినిమా పనుల్లో బిజీగా ఉన్నాడు. ఇప్పటికే హ్యాట్రిక్‌ విజయాలు సాధించిన అజిత్‌, శివలు విశ్వాసంతో మరో హిట్ మీద కన్నేశారు. ఈ సినిమా ఇంకా సెట్స్‌ మీదకు వెళ్లకుండా అజిత్ తదుపరి చిత్రంపై చర్చ మొదలైంది. కోలీవుడ్ సమాచారం ప్రకారం అజిత్‌ తన తదుపరి చిత్రాన్ని ఓ యువ దర్శకుడితో చేయనున్నాడన్న టాక్ వినిపిస్తోంది. శతురంగ వెట్టై, శతురంగ వెట్టై 2, ధీరన్ అధిగరం ఒండ్రు సినిమాలతో సత్తా చాటిన యువ దర్శకుడు హెచ్‌ వినోద్‌ దర్శకత‍్వంలో నటించేందుకు అజిత్‌ అంగీకరించినట్టుగా వార్తలు వినిపిస్తున్నాయి. వినోద్ తన తొలి సినిమా రిలీజ్ తరువాత అజిత్‌ తో సినిమా చేసేందుకు ప్రయత్నించినా వర్క్‌ అవుట్ కాలేదు. ఇప్పుడు మరోసారి అజిత్ తో సినిమా చేసేందుకు ప్రయత్నిస్తున్నాడు. అంతేకాదు విజయ్‌ 63వ సినిమాకు కూడా వినోద్‌ దర్శకత్వం వహించే అవకాశం ఉందన్న ప్రచారం జరుగుతోంది.