‘శ్రీమన్నారాయణ, సామాన్యుడు, దగ్గరగా దూరంగా, విక్టరీ, ప్యార్‌ మే పడిపోయానే’ వంటి చిత్రాలతో తనకంటూ గుర్తింపు తెచ్చుకున్న దర్శకుడు రవికుమార్‌ చావలి. మైండ్‌ గేమ్‌ కాన్సెప్ట్‌తో తాజాగా ఆయన రూపొందించిన చిత్రం ‘సూపర్‌ స్కెచ్‌’. నర్సింగ్, ఇంద్ర, సమీర్‌ దత్, కార్తీక్, చక్రి మాగంటి, అనిక, సుభాంగీలతో పాటు విదేశీ నటులు సోఫియా, గ్యారీ టాన్‌ టోనీ (ఇంగ్లండ్‌) ప్రధాన పాత్రల్లో నటించారు. యారో సినిమాస్‌ సమర్పణలో యు అండ్‌ ఐ ఫ్రెండ్స్‌ ఫిల్మ్‌ అకాడమీ సహకారంతో శ్రీ శుక్ర క్రియేషన్స్‌ ప్రొడక్షన్స్‌ పతాకంపై బలరామ్‌ మక్కల ఈ సినిమా నిర్మించారు.రవికుమార్‌ చావలి మాట్లాడుతూ– ‘‘వైవిధ్యమైన కథాంశంతో ఆద్యంతం ఆసక్తికరంగా రూపొందిన చిత్రమిది. ఇటీవలే చిత్రీకరణ పూర్తయింది. ప్రస్తుతం  డబ్బింగ్‌ కార్యక్రమాలు జరుగుతున్నాయి. తెలుగు వాళ్లతో పాటు విదేశీ నటులు సోఫియా, గ్యారీ టాన్‌ టోని పాత్రలు కూడా మెప్పిస్తాయి. సురేందర్‌ రెడ్డి ఛాయాగ్రహణం కనువిందుగా ఉంటుంది.  కార్తీక్‌ కొడకండ్ల సంగీతం అలరిస్తుంది. అందరికీ నచ్చే సినిమా అవుతుంది’’ అన్నారు.

‘సామాన్యుడు, శ్రీమన్నారాయణ’ సినిమాలతో మంచి గుర్తింపు తెచ్చుకున్న రవి చావలి దర్శకత్వంలో తాజాగా తెరకెక్కిన చిత్రం ‘సూపర్‌ స్కెచ్‌’. హత్య నేపథ్యంలో నడిచే ఈ థ్రిల్లర్‌ స్టోరీలో నర్సింగ్, ఇంద్ర, సమీర్‌ దత్త, కార్తీక్, చక్రి మాగంటి, అనిక, సుభాంగీ, సోఫియా (లండన్‌) కీలక పాత్రలు చేశారు. ఎరోస్‌ సినిమాస్‌ సమర్పణలో బలరామ్‌ మక్కల నిర్మించిన ఈ చిత్రం ఎడిటింగ్‌ జరుపుకుంటోంది. రవి చావలి మాట్లాడుతూ– ‘‘ఒక పోలీసాఫీసర్, ఓ ఫారిన్‌ అమ్మాయి, నలుగురు క్రిమినల్స్‌ మధ్య జరిగే కథ ఇది. పోలీసును ముప్పు తిప్పలు పెట్టి మూడు చెరువుల నీళ్లు తాగించిన క్రిమినల్స్‌ పాత్రల నేపథ్యంలో తెరకెక్కించాం. పోలీస్‌ అధికారిగా నర్సింగ్‌ నటన ఈ సినిమాకి హైలైట్‌. శ్రీహరిగారికి ప్రత్యామ్నాయం అన్నట్టు చేశాడు. ఉత్కంఠభరితంగా సాగేలా టైట్‌ స్క్రీన్‌ ప్లే ఉంటుంది. హైదరాబాద్, విజయవాడ, బాపట్ల సూర్యలంక బీచ్, వికారాబాద్‌ ఫారెస్ట్‌లో 50 రోజుల్లో చిత్రీకరణ పూర్తి చేశాం. ఫిబ్రవరి నెలాఖరున లేదా మార్చిలో సినిమాను విడుదల చేస్తాం’’ అన్నారు. ఈ చిత్రానికి సహ నిర్మాణం: యూ అండ్‌ ఐ క్రియేషన్స్, ఫ్రెండ్స్‌ ఫిల్మ్‌ అకాడమీ, కెమెరా:  సురేంద్ర రెడ్డి, సంగీతం: కార్తీక్‌ కొడకండ్ల.


 ఇదో స్కూల్.. ఇటలీలోని చిన్న పట్టణం ఆల్పెటేలో ఉంది. ఇది ప్రపంచంలోనే అత్యంత చిన్న స్కూలు అని చెబుతారు. ఎందుకంటే.. ఇంతోటి స్కూల్లో ఉన్నది వీరిద్దరే. వీరిలో ఒకరు టీచర్. మరొకరు స్టూడెంట్. టీచర్ పేరు ఇసబెల్లా. స్టూడెంట్ పేరు సోఫియా(8). ఇది అక్కడి ప్రభుత్వ పాఠశాల టైపన్నమాట. దీంతో ఒక్క విద్యార్థి ఉన్నా.. స్కూల్‌ను నడిపించాలని అధికారులు నిర్ణయించారు. గతేడాది ఈ స్కూల్లో మరో నలుగురు ఉండేవారు. ఐదవ తరగతి అయిపోగానే.. వారు వేరే స్కూల్‌కు జంపైపోయారు. దీంతో స్కూల్ మొత్తానికి సోఫియా ఒక్కర్తే మిగిలిపోయింది. మూడవ తరగతి చదువుతున్న సోఫియా.. ఒంటరిగా ఫీలవకుండా ఉండటానికి.. తన పక్కన మరికొన్ని కుర్చీలు వేసుకుని, పక్కన మిగతా విద్యార్థులు ఉన్నట్లు ఊహించుకుంటుందట. ఇటు సోఫియా సంగతెలా ఉన్నా.. అటు ఆమె తల్లిదండ్రులు మాత్రం తెగ ఆనందంగా ఫీలైపోతున్నారు. ఒక విద్యార్థికి.. ఒక టీచర్.. ఆహా.. ఇక మా సోఫియా చదువుల తల్లి అయిపోద్ది అంటూ చంకలు గుద్దుకుంటున్నారు.