విజయవాడలో పుట్టిపెరిగిన తమన్నా సింహాద్రి ట్రాన్స్ జెండర్‌గా అందరికీ పరిచయమే. బిగ్‌బాస్‌ ద్వారా పాపులారిటీని సొంతం చేసుకున్న తమన్నా సామాజిక సేవల్లో కూడా ముందుంటుంది. అందులో భాగంగానే 2019 ఎన్నికల్లో మంగళగిరి నుంచి ఇండిపెండిట్‌ అభ్యర్థిగా బరిలోకి దిగింది. కానీ ఓడిపోయింది. ఆ సమయంలో జనసేన నుంచి టికెట్‌ ఆశించినా.. ఆమెకు దక్కకపోవడంతో పలు విమర్శలు చేసింది. ట్రాన్స్‌జెండర్‌ కావడంతో తనకు జనసేనలో టికెట్‌ దక్కలేదని ఆవేదన చెందింది. ఆ ఎన్నికలు ముగిసిన తర్వాత కూడా ఆమె మళ్లీ పవన్‌ కల్యాణ్‌పై అభిమానంతో జనసేనకు మద్ధతుగా పలు వ్యాఖ్యలు చేస్తూ.. ఆయనపై తన అభిమానాన్ని చాటుకుంది. గతంలో పవన్‌ కల్యాణ్‌పై టీడీపీ మాజీ ఎమ్మెల్యే చింతమనేని ప్రభాకర్‌ పలు కామెంట్లు చేశారు.. అప్పుడు కూడా పవన్‌పై అభిమానంతో చింతమనేనిపై ఫైర్‌ అయింది తమన్నా.. వాళ్లందరినీ పవన్‌ నాశనం చేశారు తాజాగా ఏపీలో పవన్‌ కల్యాణ్‌ రాజకీయ తీరుపై తాజాగా తమన్నా పలు ఆసక్తికర వ్యాఖ్యలు చేసింది. 'ఏపీకి పవన్‌ను ముఖ్యమంత్రి చేయాలని కాపు వర్గానికి చెందిన ఎందరో యువకులు, సాధారణ ప్రజలు రోడ్డెక్కారు. పవన్‌ కోసం పోరాడుతున్నారు. ఈ క్రమంలో పవన్‌ కోసం వాళ్లందరూ కూడా సొంత ఆస్తులను అమ్మకుని అభిమానంతో వచ్చారు. కానీ నేడు చంద్రబాబు బాగు కోసం పవన్‌ వారందరినీ నాశనం చేశారు. నాదెండ్ల మనోహర్‌ మాటలు మాత్రమే వింటున్న ఆయన.. జనసేన కార్యకర్తల బాధలు, కాపు పెద్దల సలహాలను ఏ మాత్రం పట్టించుకోవడం లేదు.' అని ఆమె తెలిపారు. పవన్‌ కోసం మేము పోరాడితే.. 'వంగవీటి రంగా తర్వాత మా కాపు వర్గానికి ఒక లీడర్‌ వచ్చాడని మేము ఎన్నో ఆశలు పెట్టుకున్నాం. మా కాపు వర్గానికి చెందిన పవన్‌కు ఓటు వేలని ప్రతి ఇంటి గడప తొక్కాం.. ఎందరో యువకులు వారి ఉద్యోగాలు వదులుకొని పవన్‌ కోసం ప్రచారం చేసేందుకు వచ్చారు. కానీ నేడు.. పవన్‌ మా లాంటి వారిని నిలువెత్తునా ముంచేశారు. మన పార్టీ జనసేన గెలవాలని మేము పోరాడుతుంటే.. పవన్‌ మాత్రం చంద్రబాబు ముఖ్యమంత్రి కావాలని కోరుకుంటున్నారు.  2019లో టికెట్‌ కోసం వేడుకున్నాను.. కానీ పవన్‌ గారు కనీసం కలవను కూడా లేదు. ఆయన మాటలను స్ఫూర్తిగా తీసుకునే నేను రాజకీయాల్లోకి వచ్చాను.. కానీ మా లాంటి వారిని కనీసం కలిసే అవకాశమే ఇవ్వకుంటే ఎలా..? అందరిలా పవన్‌ కూడా కోట్ల రూపాయలు తీసుకునే టికెట్‌ ఇస్తే.. మాలాంటి సాధారణ వ్యక్తులు రాజకీయాల్లోకి ఎలా వస్తారు..? హెలికాప్టర్‌లో తిరిగేందుకు ఆస్తులను అమ్ముకున్నానని పవన్‌ చెప్పడం కరెక్ట్‌ కాదు.. కాలినడకతో ప్రజల్లో కలిసి తిరగాలి. అప్పుడే కార్యకర్తల్లో విశ్వాసం పెరుగుతుంది.' ముద్రగడ లాంటి వారికే దిక్కు లేదు  'నాకు టికెట్‌ ఇవ్వకపోయినా పర్వాలేదు. కానీ మిమ్మల్ని నమ్ముకున్న వారికి టికెట్‌ ఇవ్వండి. నాదెండ్ల మనోహర్‌, చంద్రబాబు మాటలు విని కేవలం 24 సీట్లు తీసుకుని జనసేన కార్యకర్తల భవిష్యత్తును నాశనం చేస్తున్నారు. ముద్రగడ పద్మనాభం గారిని కలుస్తానని పవన్‌ చెప్పారు.. చివరకు అదీ లేదు..  ముద్రగడను పోలీసుల సాయంతో ఇదే చంద్రబాబు నాయుడు ఈడ్చుకుంటూ తీసుకెళ్లాడు. అయినా కూడా మీరు బాబుతో పొత్తు పెట్టుకున్నారు. మన కాపుల కోసం ఉద్యమం చేసిన ముద్రగడనే పవన్‌ కలవలేదు..   అలాంటిది మా లాంటి ట్రాన్స్‌జెండర్స్‌కు ఎలా అపాయింట్‌మెంట్‌ ఇస్తారు. ఎవరైనా తాను ముఖ్యమంత్రి కావాలని ఎన్నికలకు దిగుతారు.. పవన్‌ మాత్రం అందుకు భిన్నంగా చంద్రబాబు కోసం పోరాడుతున్నారు' అని తమన్నా తెలిపింది. తనకు ఏ పార్టీ నాయకులతో పరిచయాలు లేవని తెలిపిన తమన్నా ఇప్పటి వరకు పవన్‌ కోసమే ప్రజల్లో తిరిగానని చెప్పింది. కానీ 2024 ఎన్నికల్లో ఇండిపెండెంట్‌ అభ్యర్థిగా ఎన్నికల బరిలో దిగుతానని ప్రకటించడం విశేషం.

Tamanna Simhadri Reacts On Niharika Konidela In Pub Case: బంజారాహిల్స్‌ ర్యాడిసన్ బ్లూ హోటల్​లోని ఫుడింగ్‌ అండ్ మింక్‌ పబ్‌లో డ్రగ్స్‌ బయటపడటం ఇంకా హా​​ట్‌ టాపిక్‌గానే ఉంది. ఇటీవల సమయానికి మించి రన్‌ చేస్తున్నారన్న సమాచారంతో ఈ పబ్‌పై టాస్క్‌ఫోర్స్ పోలీసులు దాడులు నిర్వహించిన సంగతి తెలిసిందే. పబ్‌ యజమానులతో సహా సుమారు 150 మందిని అదుపులోకి తీసుకున్నారు. వీరిలో ప్రముఖ సింగర్‌, బిగ్‌బాస్‌ విన్నర్‌ రాహుల్ సిప్లిగంజ్‌, మెగా బ్రదర్‌ నాగబాబు కుమార్తె నిహారికతో పాటు పలువురు ప్రముఖుల పిల్లలు కూడా ఉన్నారు. ఈ వ్యవహారంపై తాజాగా ట్రాన్స్‌జెండర్‌, బిగ్‌బాస్‌ కంటెస్టెంట్‌ తమన్నా సింహాద్రి స్పందిచారు.  చదవండి: నిహారికపై వస్తున్న వార్తలపై నాగబాబు స్పందన.. ఎవరో ఒకరు తప్పు చేస్తే పబ్‌కి వెళ్లిన వారందరిని దొంగల్లాగా చూస్తున్నారని తమన్నా సింహాద్రి ఆగ్రహం వ్యక్తం చేశారు. పబ్‌కు వెళ్లడమే తప్పు అన్నట్లుగా నిహారికపై తప్పుడు ప్రచారం చేస్తున్నారని ఆరోపించారు. నిహారిక కేవలం తన ఫ్రెండ్‌ బర్త్‌డే సెలబ్రేషన్స్‌ కోసమే పబ్‌కు వెళ్లిందని చెప్పుకొచ్చారు. పబ్‌కు వెళ్లిన మిగతా వారిని వదిలేసి నిహారికను మాత్రమే టార్గెట్‌ చేస్తూ స్టోరీస్ వేస్తున్నారని మండిపడ్డారు. నిహారిక డ్రగ్స్‌ తీసుకుంటున్నట్లు పోలీసులు ఎక్కడా చెప్పలేదని పేర్కొన్నారు. పోలీసుల దాడి సమయంలో చాలా మంది పారిపోయారు కూడా అని చెప్పుకొచ్చారు. మెగా ఫ్యామిలీని టార్గెట్ చేస్తూ ట్రోల్‌ చేయడం దారుణమని అభిప్రాయపడ్డారు. అలా సోషల్ మీడియాలో ట్రోల్ చేసేవారిని అడ్డుకుంటామని తమన్నా సింహాద్రి పేర్కొన్నారు.  చదవండి: డ్రగ్స్ కేసుతో నాకు ఎలాంటి సంబంధం లేదు: నటి హేమ

Tamanna Simhadri Shocking Reaction On CPI Narayana Comments: బిగ్‌బాస్‌ రియాలిటీ షో క్రేజ్‌ గురించి ప్రత్యేకంగా చెప్పాల్సిన పనిలేదు. ఇండియాలో అన్ని భాషల్లో బిగ్‌బాస్‌ ఎంతో ప్రేక్షక ఆదరణ పొందింది. తెలుగులో ఇప్పటికే 5సీజన్లు పూర్తి చేసుకున్న బిగ్‌బాస్‌ ఇప్పుడు ఓటీటీలోకి ఎంటర్‌ అయిపోయింది. ఈ నేపథ్యంలో బిగ్‌బాస్‌ హౌస్‌పై సీపీఐ నేత నారాయణ చేసిన వ్యాఖ్యలు తీవ్ర దుమారాన్ని రేపాయి. బిగ్‌బాస్‌ షో గేమ్‌ కాదని, లైసెన్స్‌ తీసుకున్న బ్రోతల్‌ హౌస్‌ అంటూ వివాదాస్పద వ్యాఖ్యలు చేశారు. ఈ షో పేరుతో అసాంఘిక కార్యకలాపాలకు పాల్పడుతున్నారంటూ షాకింగ్‌ కామెంట్స్‌ చేశారు. తాజాగా ఈ వ్యాఖ్యలపై బిగ్‌బాస్‌ కంటెస్టెంట్, ట్రాన్స్‌జెండర్‌ తమన్నా సింహాద్రి మండిపడింది. ఓ టీవీ డిబేట్‌లో పాల్గొన్న ఆమె బిగ్‌బాస్‌ షోను బ్రోతల్‌ హౌస్‌ అన్నందుకు నారాయణను చెప్పుతో కొట్టాలంటూ అభ్యంతకర వ్యాఖ్యలు చేసింది. ఈ షో వల్ల తమకు ఎంతో గుర్తింపు, ఉపాధి కలుగుతున్నాయని, ఒకవేళ షో నచ్చకపోతే ఛానెల్‌ మార్చుకోవాలంటూ సలహా ఇచ్చింది. 

Bigg Boss Telugu 5, Tamanna Simhadri About Priyanka Singh: తమన్నా సింహాద్రి.. బిగ్‌బాస్‌ ప్రేక్షకులకు బాగా సుపరిచితమీ పేరు. తెలుగు బిగ్‌బాస్‌ మూడో సీజన్‌లో పాల్గొన్న ఆమె నటుడు రవికృష్ణతో గొడవలు పెట్టుకుని బాగా ఫేమస్‌ అయింది. కానీ తన విచిత్ర ప్రవర్తన వల్ల రెండు, మూడు వారాలకే హౌస్‌లో నుంచి బయటకు వచ్చేసింది. ఆ తర్వాత బిగ్‌బాస్‌ షో పేరెత్తని ఈమె తాజాగా ఒకరికి తన అండ అవసరమంటూ ముందుకొచ్చింది. బిగ్‌బాస్‌ షోలో ప్రియాంక సింగ్‌కు మద్దతు తెలుపుతున్నానంటూ వీడియో రిలీజ్‌ చేసింది. 'చాలా రోజుల నుంచి వీడియో చేయాలనుకుంటున్నాను. బిగ్‌బాస్‌ మూడో సీజన్‌ ముగిసిన ఇన్నేళ్ల తర్వాత బిగ్‌బాస్‌ షో గురించి మాట్లాడుతున్నాను. ట్రాన్స్‌జెండర్‌ అనగానే చాలామందికి రోడ్ల మీద అడుక్కునేవారే గుర్తొస్తారు. కానీ అయినవాళ్లందరికీ దూరమై, ఎన్నో కష్టాలు పడే చాలామంది గౌరవంగా బతకాలని ముందుకు వస్తున్నారు. వాళ్లలో ప్రియాంక సింగ్‌ ఒకరు. ఆమె బిగ్‌బాస్‌కు వెళ్లడం చాలా సంతోషంగా ఉంది. హిందీ, మలయాళం, తమిళం, తెలుగు భాషల్లోని బిగ్‌బాస్‌ షోలలో ట్రాన్స్‌జెండర్లను తీసుకున్నారు. కానీ అందరూ రెండు మూడు వారాల కంటే ఎక్కువ హౌస్‌లో ఉండలేకపోయారు. అయితే ప్రియాంక మాత్రం 10 వారాల పైనే ఉంది. ఆమె ఫినాలేలో అడుగుపెట్టి గెలిస్తే అది వేరే లెవల్‌లో ఉంటుంది. నేను ఆమెకు సపోర్ట్‌ చేస్తున్నాను. మీరూ ఆమెకు సపోర్ట్‌ చేస్తే తను విజేతగా అవతరించే అవకాశం ఉంది. ఒక ట్రాన్స్‌వుమెన్‌ విన్నర్‌ అయితే అది ఇండియాలోనే రికార్డు అవుతుంది. అందరూ ప్రియాంక సింగ్‌కు ఓటేయండి' అని కోరింది తమన్నా.

ఉగాది ప‌చ్చ‌డిలో అయినా ష‌డ్రుచులు కాస్త అటూఇటుగా ఉంటాయోమో కానీ బిగ్‌బాస్ షో‌లో మాత్రం అన్ని ర‌సాలు పండించే కంటెస్టెంట్ల‌ను లోనికి పంపిస్తారు. ఆవేశం స్టార్ల‌ను, అతి స‌హ‌న‌ప‌రుల‌ను, న‌వ్వించేవాళ్ల‌ను, డ్యాన్స్ చేసేవాళ్ల‌ను.. ఇలా ప్ర‌తీది ప్రేక్ష‌కుల‌కు న‌చ్చేలా, మెచ్చేలా చూసుకుంటారు. ఈ  నేప‌థ్యంలో ప్ర‌తీ సీజ‌న్‌లో ఓ అర్జున్ రెడ్డి క్యారెక్ట‌ర్ అనేది ప‌క్కాగా ఉంటోంది. వీళ్లు చిన్న విష‌యానికి కూడా చిందులు తొక్కుతుంటారు. మ‌రి మొద‌టి సీజ‌న్ నుంచి నాల్గవ సీజ‌న్ వ‌ర‌కు ఆ అర్జున్‌రెడ్డి ఎవరెవ‌రున్నారో ఓ లుక్కేయండి.. ఇస్మార్ట్‌ సోహైల్  ఇప్పుడు అత‌డిని కెప్టెన్ సోహైల్ అని పిలుచుకోవాలి. ఈ సీజ‌న్‌లో ఐదో కెప్టెన్‌గా అవ‌త‌రించాడు. మొద‌ట్లో కాస్త సాఫ్ట్‌గా క‌నిపించిన సోహైల్ ఉన్న‌ట్టుండి వ‌యొలెంట్‌గా మారిపోయాడు. గొడ‌వ ప్రారంభ‌మైందంటే చాలు క‌థ వేరుంట‌ది అంటూ రెచ్చిపోయి మాట్లాడుతుంటాడు. ఈ క్ర‌మంలో అత‌డికి తెలీకుండానే బూతులు కూడా మాట్లాడేస్తాడు. దీంతో అత‌డంటేనే ఓ ర‌క‌మైన భ‌యం వ‌చ్చేసింది కొంద‌రు కంటెస్టెంట్ల‌కు. ఎలిమినేట్ అయిన స్వాతి దీక్షిత్ కూడా సోహైల్ న‌రాలు క‌ట్ అయిపోయేలా మాట్లాడ‌తాడ‌ని చెప్పింది. ఆఖ‌రికి నాగార్జున కూడా చాలా కోపం ఉంద‌ని, కాస్త నియంత్రించుకోమ‌ని సూచించారు. త‌మ‌న్నా సింహాద్రి మొట్ట‌మొద‌టిసారి ఓ ట్రాన్స్‌జెండ‌ర్‌ను బిగ్‌బాస్‌లోకి తీసుకొచ్చారు. మొద‌ట బాగానే ఉన్న ఆమె త‌న విశ్వ‌రూపం చూపించింది. స‌హ కంటెస్టెంటు ర‌వికి చుక్క‌లు చూపించింది. ప‌ప్పు అని ఆడుకుంటూ అత‌డిని ఏడిపించింది. అటు అలీ రెజా, రోహిణితో కూడా క‌య్యానికి కాలు దువ్వేది. అలా హౌస్‌లో ఆమె పేరు చెప్తేనే వ‌ణికే ప‌రిస్థితి వ‌చ్చింది. దీంతో ఆమె అరాచ‌కాలకు అడ్డు క‌ట్ట వేయాల‌ని భావించిన ప్రేక్ష‌కులు ఆమెను తొంద‌ర‌గానే హౌస్ నుంచి బ‌య‌ట‌కు పంపించేశారు. అయితే ఇలా కోపంగా ఉంటూ  గొడ‌వ‌లు పెట్టుకుంటూనే త‌ను షోలో ఉన్నాన‌న్న విష‌యం అంద‌రికీ తెలుస్తుంద‌నే ఈ ట్రిక్ ప్లే చేశాన‌ని చెప్పుకొచ్చింది. (చ‌ద‌వండి: అవినాష్, అరియానాల‌ బండారం బ‌య‌ట‌ప‌డ‌నుందా?) అలీ రెజా టాస్క్ అంటే చాలు.. ఉన్న శ‌క్తినంతా కూడ‌దీసుకుని మ‌రీ టాస్క్‌లో త‌న ప్ర‌తాపాన్ని చూపేవాడు. అత‌ని ఆట‌కు చాలామంది అభిమానులు కూడా ఉన్నారు. కానీ అత‌ని కోప‌మే అత‌ని పాపులారిటీని, ఓట్ల‌ను దెబ్బ తీసింది. వీరావేశంతో ఎదుటివారిపై నోరు జార‌డంతో ఆయ‌న షో మ‌ధ్య‌లోనే వీడ్కోలు తీసుకోవాల్సి వ‌చ్చింది. కానీ అత‌డు రీ ఎంట్రీ ఇవ్వాల‌ని నెటిజ‌న్లు పెద్ద ఎత్తున సోష‌ల్ మీడియాలో డిమాండ్ చేయ‌డంతో మ‌ళ్లీ బిగ్‌బాస్ హౌస్‌లో అడుగు పెట్టాడు. ఈ సారి గేమ్ ప్లాన్ మార్చి ఆడ‌టంతో ఫైన‌ల్ వ‌ర‌కు వెళ్లాడు. త‌నీష్ అల్లాడి రెండో సీజ‌న్‌లో పాల్గొన్న హీరో త‌నీష్‌ను కోపానికి కేరాప్ అడ్ర‌స్‌గా చెప్పుకోవ‌చ్చు. కౌశ‌ల్, నూత‌న్ నాయుడుతో త‌ర‌చూ గొడ‌వ‌లు జ‌రిగేవి. వీటికి హ‌ద్దూ అదుపూ ఉండేది కాదు. అయినా స‌రే, త‌నీష్‌కు అభిమాన గ‌ణం మెండుగానే ఉండేది. దీనికితోడూ దీప్తి సున‌య‌న‌తో ప్రేమాయ‌ణం కూడా బాగానే వ‌ర్క‌వుట్‌ అయింది. దీంతో టాప్ 3 స్థానంలో నిల‌బడ్డాడు. ((చ‌ద‌వండి: 'అమ్మో' రాజ‌శేఖ‌ర్‌, మ‌ళ్లీ శాపం పెట్టాడు!) తేజ‌స్వి మ‌డివాడ‌ రెండో సీజ‌న్‌లో తేజ‌స్వి కూడా చీటికి మాటికీ రుస‌రుస‌లాడుతుండేది. త‌న‌కు ఏదైనా న‌చ్చ‌క‌పోతే చాలా ఆ విష‌యాన్ని చీల్చి చెండాడేది. వివాదం, ఫిజిక‌ల్ టాస్క్‌, బ్రెయిన్ టాస్క్ ఇలా ఏదైనా స‌రే అందులో త‌న మార్క్ చూపించేది. ముక్కు మీద కోపం ఉన్న ఈ భామ ఏడో వారంలోనే బ్యాగు స‌ర్దేసుకుని వెళ్లిపోయింది. (చ‌ద‌వండి: అవునా.. అరియానాకు బిగ్‌బాస్‌ అంత ఇస్తున్నాడా?) శివ‌బాలాజీ అన్నీ అమ‌ర్చిన బిగ్‌బాసే ఒక్కోసారి కంటెస్టెంట్ల తిక్క కుదిర్చేందుకు క‌నీసం మంచినీళ్లు కూడా ఇవ్వ‌డు. అయితే ఇలాంటి సంద‌ర్భాల్లో బిగ్‌బాస్‌ను అభ్య‌ర్థించాల్సింది పోయి అత‌డిపైనే ఆవేశ‌పెట్టాడు శివ‌బాలాజీ.‌ మొద‌టి సీజ‌న్‌లో పాల్గొన్న శివ‌బాలాజీ ఓ రోజు నీళ్లు స‌డ‌న్‌గా రాక‌పోవ‌డంతో బిగ్‌బాస్‌పైనే ఆగ్ర‌హించాడు. కోపంతో పాటు మిగ‌తా ఎమోష‌న్స్ కూడా ఎక్కువే కావ‌డంతో ఆ ఆగ్ర‌హాన్ని క‌వ‌ర్ చేయ‌గ‌లిగాడు. అలా జూనియ‌ర్ ఎన్టీఆర్ వ్యాఖ్యాత‌గా వ్య‌వ‌హ‌రించిన తొలి సీజ‌న్ విజేత‌గా నిలిచాడు.

రేపటితో బిగ్‌బాస్ షోకు ఎండ్‌ కార్డ్‌ పడనుంది. హలో యాప్‌ నిర్వహించిన కాంటెస్ట్‌లో విజేతలుగా నిలిచిన ఇద్దరు వ్యక్తులను బిగ్‌బాస్‌ టాప్‌ 5 కంటెస్టెంట్‌లను కలుసుకునే అవకాశం ఇచ్చాడు. అయితే వారు ఆకస్మాత్తుగా ఇంట్లోకి రావటంతో ఇంటి సభ్యులు మొదట షాకింగ్‌కు గురయ్యారు. అనంతరం తేరుకున్న హౌస్‌మేట్స్‌ వారితో కలిసి కాసేపు సరదాగా గడిపారు. వారు వెళ్లిపోయిన తర్వాత బిగ్‌బాస్‌ ఇంట్లోకి ప్రత్యేక అతిథులను పంపించారు. వాళ్లను చూడగానే ఇంటి సభ్యులు ఆనందంతో ఎగిరి గంతేశారు. మొదటగా రవి హౌస్‌లో అడుగుపెట్టగా అలీ వెళ్లి గట్టిగా హత్తుకున్నాడు. ఇంటి సభ్యులందరూ రవికి ఆత్మీయ స్వాగతం పలికారు. ఎలిమినేట్‌ అయిన కంటెస్టెంట్లు తిరిగి బిగ్‌బాస్‌ హౌస్‌లోకి ప్రవేశిండంతో ఇల్లు కళకళలాడింది. వారి అల్లరితో మళ్లీ పాత రోజులు గుర్తుకు చేశారు. ఇక పునర్నవి ఇంట్లోకి అడుగుపెట్టగానే శ్రీముఖి చంటిపిల్లలా ఎత్తుకుని ‘కరెక్ట్‌ ప్లేస్‌లో దింపుతా’నంటూ రాహుల్‌ దగ్గర వదిలిపెట్టింది. దీంతో రాహుల్‌ పునర్నవిని ఎత్తుకుని స్వాగతం పలికాడు. అనంతరం రాహుల్‌.. ‘బయట ఎలా ఉంద’ని ఆరా తీశాడు. ‘రెండువారాల్లో కొత్త  బెస్ట్‌ఫ్రెండ్స్‌ అయ్యారు కదా.. నేనేం చెప్పినా ఫేక్‌ అనిపిస్తది, ఎందుకంటే నేను ట్రూ బెస్ట్‌ ఫ్రెండ్‌ కాదు కదా’ అని పునర్నవి వ్యంగ్యంగా సమాధానమిచ్చింది. ‘ఈ మధ్య ఇంగ్లీష్‌ మాట్లాడుతున్నావ్‌..’ అని పునర్నవి అనగా ‘నీతో తిరిగి తిరిగి వచ్చింది’ అని రాహుల్‌ పంచ్‌ వేశాడు. ‘సెన్స్‌ కూడా నాలా వస్తే బాగుండేది’ అని పున్ను రివర్స్‌ కౌంటర్‌ వేసింది. ఇక పొట్టి డ్రెస్‌తో ఎంట్రీ ఇచ్చిన తమన్నాను ‘రంభలా రెడీ అయి వచ్చిందే’ అంటూ బాబా కామెంట్‌ చేశాడు. తన స్నేహితుడైన జాఫర్‌పైనా బాబా పంచ్‌లు విసిరాడు. అందరూ ఒకేచోటికి చేరడంతో బిగ్‌బాస్‌ ఇల్లు.. ఆనందాల హరివిల్లుగా మారింది. కంటెస్టెంట్ల కోసం బిగ్‌బాస్‌ ఓ వీడియోను ప్లే చేశాడు. వారి ఆటపాటలు, అల్లరి జ్ఞాపకాల మేళవింపుతో చేసిన వీడియో చూశాక తమన్నా కాస్త ఎమోషనల్‌ అయింది. బాధపెట్టినందుకు క్షమించమంటూ రవి చేయి పట్టుకుని కన్నీళ్లతో అర్థించింది. పర్వాలేదు అంటూ రవి ఆమెను ఊరడించాడు. అనంతరం బిగ్‌బాస్‌ ఇంట్లో పార్టీ జరుగుతోంది. దీనికోసం ఇంటి సభ్యులు అందంగా ముస్తాబయ్యారు. ఈ పార్టీలో అవార్డుల ఫంక్షన్‌ నిర్వహించనున్నారు. ఇప్పటికే అవార్డుల ఎంపికకోసం ఇంటి సభ్యుల సమాధానాలను బిగ్‌బాస్‌ అడిగి తెలుసుకున్నాడు. మరి ఈ పార్టీలో రచ్చ ఏరేంజ్‌లో ఉండబోతుందో చూడాలంటే నేటి ఎపిసోడ్‌ వచ్చేవరకు ఆగాల్సిందే!

అంతా ఊహించినట్టే.. సోషల్‌ మీడియాలో ప్రచారం జరిగినట్టే బిగ్‌బాస్‌ షో నడుస్తోంది. ఈ షోలో ఎవరు ఎలిమినేట్‌ కానున్నారో ముందే లీకవుతూ వస్తోంది. మూడో వారంలో తమన్నా ఇంటి నుంచి బయటకు వెళ్లనుందని శనివారం నుంచే ప్రచారం జరిగింది. అనుకున్నట్లే తమన్నా మూడో కంటెస్టెంట్‌గా ఇంటి నుంచి బయటకు వెళ్లిపోయింది. ఇక ఆదివారం ఎపిసోడ్‌లో హౌస్‌మేట్స్‌తో ఆట ఆడించడం, వెన్నెల కిషోర్‌ ఎంట్రీ ఇవ్వడం.. హౌస్‌మేట్స్‌ గురించి వివరించడం..  హైలెట్‌గా నిలిచాయి. (బిగ్‌బాస్‌.. తమన్నా అవుట్‌!) శనివారం నాటి ఎపిసోడ్‌లో హౌస్‌మేట్స్‌ను గడగడలాడించిన నాగ్‌.. ఆదివారం నాడు ఆటలాడించాడు. అంకితం నీకే అంకితం అనే ఆటను హౌస్‌మేట్స్‌తో ఆడిస్తూ ఎంటర్‌టైన్‌ చేశాడు. బిగ్‌బాస్‌ ఇచ్చిన ఓ పాటను హౌస్‌మేట్స్‌లో ఎవరో ఒకరికి డెడికేట్‌ చేయాలని తెలిపాడు. ముందుగా శ్రీముఖి వచ్చి ఓ కార్డ్‌ను సెలెక్ట్‌ చేసుకోగా అందులో పంతం నీదా నాదా సై పాట రాగా.. అది రాహుల్‌కు అంకితం చేస్తున్నట్లు తెలిపింది. తరువాత శివజ్యోతి తనకు వచ్చిన మౌనంగానే ఎదగమని సాంగ్‌ను అలీరెజాకు అంకితం ఇచ్చింది. ఒక్క మగాడు సాంగ్‌ను బాబా భాస్కర్‌.. తమన్నాకు, ఓ సక్కనోడా సాంగ్‌ను పునర్నవి.. రవికృష్ణకు, నువ్వు విజిలేస్తే సాంగ్‌ను హిమజ.. బాబా భాస్కర్‌కు, కన్నుల్లో నీరూపమే సాంగ్‌ను వరుణ్‌ సందేశ్‌.. వితికాకు అంకితం ఇచ్చాడు. ఒక వేళ వితికా అక్కడ లేదంటే ఆ పాటను ఎవరికి అంకితం చేస్తావని నాగ్‌ అడగ్గా.. రాహుల్‌కు అంకితమిస్తానన్నాడు. చూపుల్తో గుచ్చి గుచ్చి చంపకే సాంగ్‌ను రాహుల్‌.. రోహిణికి, గోవిందా గోవిందా సాంగ్‌ను అషూ రెడ్డి.. వితికాకు అంకితమిచ్చింది. అనంతరం ఎలిమినేషన్‌లోంచి రాహుల్‌ సేఫ్‌ అయినట్లు తెలిపాడు. లుక్‌ ఎట్‌ మై ఫేస్‌ ఇన్‌ ది మిర్రర్‌ అనే పాటను రవికృష్ణ.. అలీరెజాకు, దొంగ దొంగ వచ్చాడే సాంగ్‌ను రోహిణి.. బాబా భాస్కర్‌కు, నాలో నేను లేనే లేను అనే పాటను వితికా.. శివజ్యోతికి, నీ దూకుడు సాటెవ్వరూ అనే పాటను అలీరెజా.. రవికృష్ణకు, మగాళ్లు ఒట్టిమాయగాళ్లే అనే పాటను తమన్నా.. రవికృష్ణకు, అమ్మ బ్రహ్మదేవుడో సాంగ్‌ను మహేష్‌.. పునర్నవికి అంకితమిచ్చాడు. దీంతో హౌస్‌లో నవ్వులు పూశాయి. ఎక్కడో ఎవరికో కాలుతోంది అని రాహుల్‌ను ఉద్దేశించి నాగ్‌ సెటైరిక్‌గా అన్నారు. అనంతర పునర్నవిని సేఫ్‌ అయినట్లు నాగ్‌ ప్రకటించాడు.  హౌస్‌మేట్స్‌తో వెన్నెల కిషోర్‌ సందడి వెన్నెల కిషోర్‌ అతిథిగా వచ్చి.. ఇంటి సభ్యుల గురించి.. బయట తమకున్న ఫాలోయింగ్‌ గురించి వివరించాడు. పునర్నవి విషయంలో రాహుల్‌నుద్దేశించి పులిహోర రెసిపి అంటూ పేర్కొన్నాడు. శ్రీముఖికి తమ ఇంట్లోనే ఫ్యాన్స్‌ ఉన్నారని వెన్నెల కిషోర్‌ తెలిపాడు. పునర్నవి, హిమజకు సూపర్‌ ఫాలోయింగ్‌ ఉందని వివరించాడు. ప్రేమతో హగ్‌ చేసుకుంటే అలా తోసేయ్యకు అంటూ వరుణ్‌కు, మంచి తనానికి మారు పేరు రవి అని,  అషూ రెడ్డి స్మైల్‌కు ఫ్యాన్స్‌ ఉన్నారని ఇలా హౌస్‌మేట్స్‌ గురించి వివరించాడు. అనంతరం బాబా భాస్కర్‌ సేఫ్‌ అయినట్టు వెన్నెల కిషోర్‌ ప్రకటించాడు. ఇక మిగిలిన ఇద్దరిలో తమన్నా ఎలిమినేట్‌ అయినట్లు నాగ్‌ ప్రకటించాడు. బయటకు వచ్చిన తమన్నా.. మిగిలిన హౌస్‌మేట్స్‌ అందరి గురించి తన అభిప్రాయాలను తెలిపింది. వరుణ్‌ సందేశ్‌ మంచి వాడని కానీ, పక్కవారి మాటలు వింటాడని తెలిపింది. శ్రీముఖి ఆడపులి అని, హిమజ లవ్లీ లేడీ అని,  పునర్నవి స్ట్రాంగ్‌ లేడీ అని కాకపోతే పక్కవారి మాటలకు ప్రభావితం అవుతుందని, అషూ గుడ్‌లేడీ అయితే అప్పుడప్పుడు టాస్క్‌లో కూడా పార్టిపిసేట్‌ చేయాలని సలహా ఇచ్చింది. రాహుల్‌కు ఆడవారికి గౌరవం ఇవ్వడం తెలీదని, రవికృష్ణను హీరోలా చూడాలనుకుంటున్నానని తెలిపింది. రోహిణిలాంటి వారు బిగ్‌బాస్‌ హౌస్‌లో ఉండకూడదని బయటి ఫ్రెండ్‌షిప్‌లే ఇక్కడ కూడా చూపిస్తుందని తెలిపింది. శివజ్యోతికి ఏది చెప్పినా చెడుగానే తీసుకుంటుందని, వితికా మంచిదే కాని కారాలు మిర్యాలు నూరుతుందని, రాహుల్‌ మాటలకు ఇన్‌ఫ్లూయెన్స్‌ అవుతుందని పేర్కొంది. బాబా భాస్కర్‌ తనకు తల్లి, తండి, గురువు లాంటి వాడంటూ కన్నీరు కార్చింది. మొదటి వారంలో చూసినట్లు మహేష్‌ ప్రస్తుతం లేడని, పబ్లిక్‌ తన వెంట ఉన్నారని, తన ఆట తనను ఆడమని మహేష్‌కు సలహా ఇచ్చింది. పండును మర్చిపోయిన నాగ్‌ బిగ్‌బాస్‌ షో ప్రారంభం నుంచి తన మ్యానరిజంలో భాగంగా పండు(కోతి బొమ్మ)ను చేతి వేళ్లకు తొడుక్కుని వస్తున్నాడు. అయితే దాన్ని మధ్యలో వదిలేయడం కూడా జరగుతూ వచ్చింది. నాగ్‌ ఎపిసోడ్‌మధ్యలో పండుతో ముచ్చటించడం.. హౌస్‌మేట్స్‌ కూడా పండుతో మాట్లాడటం జరుగుతూనే ఉంది. అయితే నాగ్‌ వేలికి అప్పుడప్పుడు ఆ బొమ్మ ఉండదు. ఈ విషయాలను కూడా నెటిజన్లు ఓ కంట కనిపెడుతూనే ఉన్నారు. అయితే ఆదివారం ఎపిసోడ్‌లో పండు మొత్తానికే కనిపించలేదు. మరి పండు ఎక్కడికి వెళ్లిందో.. మళ్లీ వస్తుందో లేదో చూడాలి. 

అనుకున్నదే జరిగింది. ఇంటి నుంచి మూడో వ్యక్తిగా తమన్నా ఎలిమినేట్‌ అయిందనే వార్త ప్రస్తుతం వైరల్‌గా మారింది. బిగ్‌బాస్‌ షోలో భాగంగా ఉండే ఎలిమినేషన్‌ ప్రక్రియ ఎంత ఉత్కంఠగా సాగితే.. వీక్షకుడు కూడా అంతే ఆత్రుతతో ఈ కార్యక్రమాన్ని చూస్తాడు. అయితే ఈ మూడో సీజన్‌లో మాత్రం ఎలిమినేషన్‌ ప్రక్రియ గురించి ముందే లీకవుతోంది. మొదట్నుంచీ లీకుల బారిన పడిన ఈ షో పరిస్థితి మరీ దిగజారిపోయింది. ఇంట్లోకి ఎంట్రీ ఇచ్చే కంటెస్టెంట్ల నుంచి మొదటి ఎలిమినేషన్‌, వైల్డ్‌ కార్డ్‌ఎంట్రీతో సహా.. అన్నీ లీకవుతూనే వచ్చాయి. రెండో వారంలో జాఫర్‌ ఎలిమినేట్‌ అయ్యాడనే వార్త శనివారం రాత్రే బయటకు వచ్చేసింది. తాజాగా ఇలాంటి పరిస్థితే నెలకొంది. తమన్నా సింహాద్రి ఎలిమినేట్‌ అయిందనే వార్తలు సోషల్‌ మీడియాలో విపరీతంగా వైరల్‌ అవుతున్నాయి. ఈ మేరకు తమన్నాపై ట్వీట్లు, ఫోటోలు, మీమ్స్‌ తెగ హల్‌చల్‌ చేస్తున్నాయి. తమన్నా ఎలిమినేట్‌ అయిందంటూ శనివారం రాత్రి నుంచి సోషల్‌ మీడియాలో ప్రచారం జరుగుతోంది. ఇప్పటివరకు ఏ ఇతర కంటెస్టెంట్లకు రానన్ని తక్కువ ఓట్లు తమన్నాకు వచ్చాయని తెలుస్తోంది. హౌస్‌లో తన ప్రవర్తన, అందరితో అమర్యాదగా ప్రవర్తించడం, ఇతర హౌస్‌మేట్స్‌తో గొడవలు పెట్టుకోవడం.. ముఖ్యంగా రవికృష్ణ విషయంలో తమన్నా ప్రవర్తించిన తీరే.. తన ఎలిమినేషన్‌కు ముఖ్య కారణమని పలువురు నెటిజన్లు అభిప్రాయపడుతున్నారు. ఎలిమినేట్‌ కాబోతోన్న కంటెస్టెంట్‌ ఎవరో తెలిసిపోయింది. ఇక అధికారికంగా ప్రకటించడమే తరువాయి. కాబట్టి నేటి ఎపిసోడ్‌లో తమన్నా ఇంటి బయటకు వచ్చి.. హౌస్‌మేట్స్‌ గురించి ఎటువంటి ఆసక్తికర కామెంట్లు చేస్తుందో చూడాలి. నేటి ఎపిసోడ్‌లో సందడి చేసేందుకు వెన్నెల కిషోర్‌ను తీసుకొచ్చిన నాగ్‌.. హౌస్‌మేట్స్‌తో పాటు, ప్రేక్షకులనూ ఎంటర్‌టైన్‌ చేయనున్నాడు.

బిగ్‌ బాస్‌ హౌస్‌లో మూడో వారం గడిచేందుకు వచ్చింది.. మూడో వ్యక్తి కూడా వెళ్లేందుకు రంగం సిద్దమైంది. అయితే ఈ వారంలో జరిగిన టాస్క్‌.. దాంట్లో గాయపడిని రవికృష్ణ, దానికి కారణమైన శ్రీముఖిని బిగ్‌బాస్‌ నేరుగా నామినేట్‌ చేయడం.. హిమజ-అలీరెజా వాగ్వాదం హైలెట్‌గా నిలిచాయి. రవికృష్ణ విషయంలో వితిక, రాహుల్‌ స్పందించిన తీరుపై నాగ్‌ ఫైర్‌ అయ్యాడు. ఈ శనివారం నాగ్‌ కాకమీదున్నాడని.. అందరి లెక్కలు సరిచేస్తున్నాడని నెటిజన్లు కామెంట్లు చేస్తున్నారు. దొంగలున్నారు జాగ్రత్త టాస్క్‌లో నిధిని చేజిక్కించుకునే ప్రయత్నంలో రవికృష్ణ చేతికి గాయమైన సంగతి తెలిసిందే. ఆ సమయంలో నిధిని, డబ్బులను దాచిపెట్టే బిజీలో వితికా ఉంది. అనంతరం రవికి తగిలిన గాయాన్ని తలుచుకుని వితిక తెగ బాధపడింది. ఇదే విషయాన్ని నాగ్‌ ప్రస్తావిస్తూ.. వితికాను కడిగేశాడు. ‘రవి పట్ల నువ్వు చూపించిన కన్సర్న్‌ అండ్‌ కేర్‌ సూపర్బ్‌... నీ కేరు, కన్సర్న్‌ డబ్బులు దాచేసిన తరువాతా..?’ అంటూ ఎద్దేవా చేశాడు. ఈ వారంలో తమన్నా రవికృష్ణను ఏవిధంగా హింసించిందో అందరికీ తెలిసిందే. మగాడివేనా రా.. పప్పుగాడు అంటూ కించపరిచే విదంగా తమన్నా వ్యవహరించింది. అది చాలా తప్పంటూ తమన్నాను హెచ్చరించాడు. ఇక రాహుల్‌ ఉపయోగించే భాష, పదాలపైన నాగ్‌ అభ్యంతరం తెలిపాడు. ఇలా ఇంటి సభ్యులందర్నీ దారిలో పెట్టడానికి నాగ్‌ కఠినంగా వ్యవహరిస్తున్నట్లు కనపడుతోంది. రెండు వారాలుగా ఎంటర్‌టైన్‌ చేస్తూ.. సుతిమెత్తగా హెచ్చరిస్తూ వస్తోన్న నాగ్‌.. ఈ సారి మాత్రం ఇంటిసభ్యులను కంట్రోల్‌లో పెట్టే విధంగా స్ట్రాంగ్‌ వార్నింగ్‌ ఇచ్చినట్లు తెలుస్తోంది.

బిగ్‌బాస్‌లో తమన్నా-రవికృష్ణ వ్యవహారంలో వ్యక్తిగత దూషణలు స్థాయిని మించడంతో తమన్నాపై మిగతా హౌస్‌మేట్స్‌ ఫైర్‌ అవ్వడం.. తమన్నా ఎంతకీ తగ్గకపోవడం.. చివరకు బిగ్‌బాస్‌ ఓ టాస్క్‌ను ఇవ్వడంతో వీటన్నంటికి పుల్‌స్టాప్‌ పడ్డట్టైంది. రవికృష్ణ ఎక్కడికి వెళితే అక్కడికి వెళ్తూ.. ఎవరితో మాట్లాడుతూ ఉన్న అక్కడికి వెళ్లి మరీ రెచ్చగొడుతోంది. పక్కనే ఉంటూ ప్రత్యక్ష నరకం చూపుతోంది. మగాడివేనా, పప్పుగాడు అంటూ హేళన చేస్తున్నా.. రవికృష్ణ మాత్రం మౌనంగా ఉంటూ తమన్నాను పట్టించుకోవడం లేదు. హౌస్‌మేట్స్‌ అందరూ తమన్నా చర్యలను వ్యతిరేకిస్తున్నా.. ఆమె మాత్రం రవికృష్ణను టార్గెట్‌ చేస్తూనే ఉంది. చంద్రముఖి వేశం వేస్తా.. పశుపతి.. అంటూ ఏదోదో పిచ్చిగా వాగుతూనే ఉంది. రవికృష్ణ నవ్వుతూ ఉన్నా సరే.. ఏదో పాట పాడుతూ రెచ్చగొట్టేందుకు ప్రయత్నిస్తూ ఉంది. మిత్రమా ఇంత స్వార్థమా.. నీచమైన ఆట ఆడావు.. నేను కూడా నీచమైనే ఆట ఆడతాను అంటూ ఏవేవో కారుకూతలు కూసింది. క్షమాపణలు చెబితే కూడా వాడికి తప్పేనంటూ.. ఇక సారీలుండవ్‌.. అన్నీ అటాక్‌లే అంటూ తమన్నా రెచ్చిపోయింది. తనకింకా సహనమివ్వాలి అని దేవుడిని ప్రార్థిస్తున్నానంటూ.. కోపంలో ఒక్కసారిగా ఏం మాట్లాడేస్తానని భయంగా ఉందంటూ మిగతా హౌస్‌మేట్స్‌తో రవికృష్ణ చెప్పుకొచ్చాడు. (అరేయ్‌.. మగాడివేనా? : తమన్నా) రోహిణి, శివజ్యోతి, రాహుల్‌, అలీ రెజా ఇలా అందరితో తమన్నా వాగ్వాదానికి దిగుతూనే ఉంది. ఎంతకీ తమన్నా తగ్గడం లేదు. రవికృష్ణపై వ్యక్తిగత దూషణ చేస్తూనే ఉంది. ఇక తమన్నా వ్యవహారానికి పుల్‌స్టాప్‌ పెట్టేందుకే అన్నట్లు ఓ టాస్క్‌ను ఇచ్చాడు బిగ్‌బాస్‌. దొంగలున్నారు జాగ్రత్త అనే టాస్క్‌లో భాగంగా తికమకపురంలో ఊరి పెద్ద వరుణ్‌ సందేశ్‌,తమన్నాలు ఉండగా.. పనీపాట లేని లాయర్‌ హిమజ.. బద్దకస్తుడైన పోలీస్‌ ఆఫీసర్‌ బాబా భాస్కర్‌.. స్ట్రిక్ట్‌ కానిస్టేబుల్‌గా శివజ్యోతి నటించారు. ఇక దొంగలైన అషూ రెడ్డి, శ్రీముఖి, రవికృష్ణలు దొంగతనాలు చేస్తుండగా.. పోలీసులు పట్టుకుని జైల్లో వేయాలని తెలిపాడు. ఇక టాస్క్‌లో భాగంగా ఊరికి సంబంధించిన నిధిలో ఉన్న వస్తువులను, డబ్బును దొంగతనం చేయడమే దొంగల టార్గెట్‌గా ఉండాలని పేర్కొన్నాడు. టాస్క్‌లో భాగంగా ఊరిలోని నిధిని, వస్తువులను దొంగతనం చేసేపనిలో ఆ ముగ్గురూ పడ్డారు. ఇక శ్రీముఖిని మాత్రం ఉట్టిపుణ్యానికే అరెస్ట్‌ చేయబోయారు. అయితే డబ్బులిచ్చి ఆ వ్యవహారం సద్దుమణిగేలా చూసుకుంది. ఇక ఊళ్లోని నిధి చుట్టూ రాహుల్‌, వరుణ్‌ సందేశ్‌ కాపలకాయసాగారు. శ్రీముఖి అల్లరి, బాబా భాస్కర్‌ కామెడీతో సరదాగా గడిచిపోతోన్న ఈ టాస్క్‌ మరునాటికి సీరియస్‌ అయినట్లు కనబడుతోంది. నిధి ఉన్న బాక్స్‌ అద్దాలు పగిలి హౌస్‌మేట్స్‌కు గాయాలు అయినట్లు తెలుస్తోంది. ఈ టాస్క్‌లో గెలుపొంది.. కెప్టెన్‌గా ఎవరు బాధ్యతలు చేపడతారో చూడాలి. మరిన్ని బిగ్‌బాస్‌ వార్తల కోసం క్లిక్‌ చేయండి 

తమన్నా సింహాద్రి నోటికి అడ్డూఅదుపు ఉండదని హౌస్‌మేట్స్‌తో పాటు బిగ్‌బాస్‌ చూసే ప్రేక్షకులకు అందరికీ తెలిసే ఉంటుంది. హౌస్‌లో ఉన్న ప్రశాంత వాతావరణాన్ని చెడగొట్టేందుకే వైల్డ్‌ కార్డ్‌ ఎంట్రీలో ఆమెను తీసుకొచ్చారా? అంటూ నెటిజనన్లు కామెంట్లు చేస్తున్నారు. ఇప్పటికే తమన్నా ప్రవర్తనతో విసుగెత్తిన ఆడియెన్స్‌.. ఆమెను ఈవారం బయటకు పంపించేందుకు నిర్ణయించుకున్నట్లు తెలుస్తోంది. సోషల్‌ మీడియాలో ఎక్కడ చూసినా తమన్నా ఎలిమినేట్‌ అవడం గ్యారంటీ అంటూ కామెంట్లుపెడుతున్నారు. అయితే నిన్నటి నామినేషన్‌ ప్రక్రియలో తమన్నా వాగిన చెత్త అందరికీ తెలిసే ఉంటుంది. రవికృష్ణ.. తమన్నాను నామినేట్‌ చేయడంతో మొదలైంది ఈ గొడవ. ఇక అప్పటి నుంచి రవికృష్ణను వ్యక్తిగతంగా టార్గెట్‌ చేయడం మొదలుపెట్టింది. సిగ్గులేదారా?. నువ్‌ మగాడివేనారా?.. పప్పుగాడు అంటూ హౌస్‌లో పిచ్చిపిచ్చి కూతలు కూస్తూ ఉంది. ఇక నుంచి తనెంటో చూపిస్తానని చెప్పిన తమన్నా.. అన్నంత పని చేసినట్టుగానే కనిపిస్తోంది. తమన్నా.. రవికృష్ణను దూషిస్తూ ఉన్న ప్రోమోను తాజాగా విడుదల చేశారు. దీంట్లో రవికృష్ణను అడుగడుగునా తమన్నా టార్గెట్‌ చేసినట్లు కనపడుతోంది. అరేయ్‌ మగాడివేనా? పప్పుగాడు అంటూ మళ్లీ కామెంట్లు చేస్తూ  కనపడుతోంది. మరి రవికృష్ణ సైలెంట్‌గానే ఉన్నాడా? లేక తమన్నాకు గుణపాఠం చెప్పాడా? అన్నది చూడాలి. 

హీరోయిన్లను సోషల్‌ మీడియా కష్టాలు వెంటాడుతున్నాయి. చాలా సందర్భాల్లో చిన్న విషయాలకే తారలను నెటిజెన్లు ట్రోల్‌ చేయటం చూస్తుంటాం. కానీ కొన్ని సందర్భాల్లో తమకు ఏ మాత్రం సంబంధం లేకపోయినా సోషల్‌ మీడియా అకౌంట్ల వల్ల నటీనటులు ఇబ్బందుల పాలవుతుంటారు. ప్రస్తుతం స్టార్ హీరోయిన్‌ తమన్నా అలాంటి ఇబ్బందులే ఎదుర్కొంటున్నారు. ఇటీవల బిగ్‌బాస్‌ షో సీజన్‌ 3లోకి ట్రాన్స్‌జెండర్‌ తమన్నా సింహాద్రి వైల్డ్‌ కార్డ్‌ ద్వారా ఎంట్రీ ఇచ్చారు. అప్పటి నుంచి హీరోయిన్‌ తమన్నా ట్విటర్‌ అకౌంట్‌ను ట్యాగ్‌ చేస్తూ వేల కొద్ది ట్వీట్లు వస్తున్నాయట. వీటిలో నెగెటివ్‌ ట్వీట్లు కూడా ఉండటంతో ఏం చేయాలో అర్ధంకాక మిల్కీ బ్యూటీ తలపట్టుకున్నారు. తమన్నా సింహాద్రి బిగ్‌బాస్‌లో కొనసాగినంత కాలం హీరోయిన్‌ తమన్నాకు ఈ ఇబ్బందులు తప్పేలా లేవు.

బిగ్‌బాస్‌ హౌస్‌లో మూడో వారానికి గానూ చేపట్టిన నామినేషన్‌ ప్రక్రియ ఆద్యంతం ఆసక్తికరంగా సాగింది. ఇంతవరకు నామినేషన్‌ ప్రక్రియను గుట్టుగా జరిపించే బిగ్‌బాస్‌.. మొదటిసారిగా అందరి ముందు పెట్టేశాడు. దీంతో ఏం కారణాలు చెప్పి నామినేట్‌ చేయాలో తెలీక హౌస్‌మేట్స్‌ అందరూ ఆలోచనలో పడ్డారు. ఇక కొందరు సిల్లీ రీజన్స్‌తో నామినేట్‌ చేయగా.. మరికొందరు తమను నామినేట్‌ చేసినందుకు తిరిగి నామినేట్‌ చేసినట్లు తెలిపారు. ఇక తనను నామినేట్‌ చేసేందుకు చెప్పిన కారణాలతో విసిగిపోయిన పునర్నవి హౌస్‌లో శివతాండవం చేసింది. బిగ్‌బాస్‌ మాటను కూడా ధిక్కరించింది. చివరకు వరుణ్‌ సందేశ్‌ మాటలతో వెనక్కి తగ్గి.. నామినేషన్‌ ప్రక్రియను పూర్తయ్యేట్లు చేసింది. ఇక నామినేషన్‌ ప్రక్రియలో తన బూతు పురాణంతో తమన్నా మళ్లీ రెచ్చిపోయింది. బిగ్‌బాస్‌ హౌస్‌లో గ్రూపులున్నాయని మహేష్‌, బాబా భాస్కర్‌లు మాట్లాడుకున్నారు. ఎవరిని నామినేట్‌ చేయాలి? అని ఇద్దరు చర్చించుకున్నారు. చాయిసెస్‌ టాస్క్‌లో భాగంగా వితికా షెరు రెడ్‌ బటన్‌, రవికృష్ణ గ్రీన్‌ బటన్‌ నొక్కారు. దీంతో మగవారంతా ఈ వారం లివింగ్‌ రూమ్‌లోనే పడుకోవాలని బిగ్‌బాస్‌ ఆదేశించాడు. ఇక నామినేషన్‌ ప్రక్రియలో పునర్నవి, తమన్నాలు హైలెట్‌గా నిలిచారు. ఈ సారి కన్ఫెషన్‌ రూమ్‌లో కాకుండా లివింగ్‌ ఏరియాలో నామినేషన్‌ ప్రక్రియను పెట్టాడు. ఎవరినైతే నామినేట్‌ చేయదల్చుకున్నారో ఆ కంటెస్టెంట్‌ నుదురు మీద తప్ప.. మిగతా చోట్ల స్టాంప్‌ వేసి.. నామినేట్‌ చేయడానికి గల కారణాలను వివరించాలని బిగ్‌బాస్‌ ఆదేశించాడు. ఇక ఈ వరుసలో ముందుగా తమన్నా- బాబా భాస్కర్‌, రోహిణి.. రాహుల్‌-మహేష్‌, అలీ రెజా.. వితికా- శివజ్యోతి, బాబా భాస్కర్‌.. మహేష్‌- రాహుల్‌, పునర్నవి.. శివజ్యోతి-వితికా, తమన్నా.. అషూ రెడ్డి-శ్రీముఖి, తమన్నా.. హిమజ-రాహుల్‌, పునర్నవి.. వరుణ్‌- మహేష్‌, శ్రీముఖి.. బాబా భాస్కర్‌- వితికా, పునర్నవి.. రవికృష్ణ- తమన్నా, హిమజ.. అలీ రెజా-తమన్నా, రాహుల్‌.. రోహిణి-తమన్నా, పునర్నవిలను నామినేట్‌ చేశారు. ఇక పునర్నవి తనకు తాను నామినేట్‌ చేసుకుంటున్నట్లు ప్రకటించి స్టాంప్‌ వేసుకుంది. ఇక అక్కడి నుంచి మొదలైంది రణరంగం. (పునర్నవికి షాక్‌ ఇచ్చిన బిగ్‌బాస్‌) తనను మొదటి వారం నుంచి కార్నర్‌చేశారని.. తాను అందరితో కలిసిపోయేందుకు ప్రయత్నించినా.. అవే కారణాలతో నామినేట్‌ చేస్తున్నారని పునర్నవి ఫైర్‌ అయింది. తనకు హౌస్‌లో ఉండాలనిపించట్లేదని తనకు తాను నామినేట్‌ చేసుకున్నట్లు తెలిపింది. అయితే బిగ్‌బాస్‌ నియమాల ప్రకారం ఎవరికి వారు నామినేట్‌ చేసుకోవడం కుదరదని తెలిపాడు. ఈ కారణంగా హౌస్‌మేట్స్‌ అందర్నీ నామినేట్‌ చేయవలసి వస్తుందని బిగ్‌బాస్‌ ఆదేశించాడు. ఈ సీజన్‌ మొత్తం నామినేషన్‌లోనే ఉండాల్సి వస్తుందని హెచ్చరించాడు. అయినా పర్లేదు అందర్నీ నామినట్‌ చేయండని భీష్మించుకుని కూర్చుంది. హౌస్‌మేట్స్‌ అందరూ ఆలోచించుకుని ఏకాభిప్రాయానికి రండి అంటూ బిగ్‌బాస్‌ కొంతసమయం ఇచ్చాడు. ఇక పునర్నవి తనను తాను నామినేట్‌ చేసుకోగానే.. లేడీ టైగర్‌ అంటూ తమన్నా చప్పట్లు కొట్టింది. అయితే పునర్నవిని ఒప్పించేందుకు వరుణ్‌ ప్రయత్నించాడు. తమను కావాలనే టార్గెట్‌ చేశారని.. రాహుల్‌, వితికా, తనను మాత్రమే ఎక్కువమంది నామినేట్‌ చేశారని.. ఇదంతా కావాలనే చేస్తున్నారని మనమంతా ఓ గ్రూప్‌ అంటూ టార్గెట్‌ చేస్తున్నారంటూ పునర్నవి వరుణ్‌తో చెప్పుకొచ్చింది. ఒకవేళ తాను కెప్టెన్‌ కాకుంటే అందరూ నామినేట్‌ చేసేవారని వరుణ్‌తో పునర్నవి చెప్పుకొచ్చింది. అయితే వారు అలా చేస్తున్నారని మనం కూడా అలానే చేస్తామా? అంటూ నామినేషన్‌ విషయంలో ఒకసారి ఆలోచించమని సర్ది చెప్పసాగాడు. చివరకు పునర్నవి తిరిగొచ్చి.. బాబా భాస్కర్‌, శివజ్యోతిని నామినేట్‌ చేసింది. హౌస్‌లో అందరికీ బాబా భాస్కర్‌ హీరోనేమో కానీ తనకు కాదని కుండబద్దలు కొట్టినట్లు చెప్పింది. బాబా భాస్కర్‌ కూడా హౌస్‌లో ఓ కంటెస్టెంటే అని చెప్పుకొచ్చింది.  ఇక తమన్నా మాత్రం తన నోటికి అడ్డూఅదుపు లేకుండా రవికృష్ణను టార్గెట్‌ చేస్తూ వచ్చింది. (సిగ్గులేదురా.. అంటూ రెచ్చిపోయిన తమన్నా) తన మాటలకు రవికృష్ణ మౌనంగానే ఉన్నా.. తమన్నా మాత్రం కంట్రోల్‌ తప్పి ఇష్టమున్నట్లు మాట్లాడుతూ రెచ్చగొట్టే ప్రయత్నం చేసింది. ఇక ఈ విషయమై మిగతా హౌస్‌మేట్స్‌ తమన్నాతో వారించినా.. ఫలితం లేకపోయింది. ఎవరి మాట వినకుండా పిచ్చిపిచ్చిగా మాట్లాడుతూనే ఉంది. మధ్యలో పునర్నవి మాట కాస్త విన్నట్లు కనిపించినా.. మళ్లీ మొదటికే వచ్చింది. మిస్టర్‌ పప్పు అంటూ పిచ్చిపిచ్చిగా వాగింది. తమన్నా ఇంత చేస్తున్నా.. రవికృష్ణ మాత్రం నోరు మెదపకుండా సైలెంట్‌గానే ఉన్నాడు. ఇక నామినేషన్‌ ప్రక్రియే ఇంత రసవత్తరంగా సాగితే.. మున్ముందు ఈ వారంలో ఇంకేం జరుగుతాయో అన్నది చూడాలి. మరిన్ని బిగ్‌బాస్‌ వార్తల కోసం క్లిక్‌ చేయండి 

బిగ్‌బాస్‌లో అందరిదీ ఓ దారి అయితే వైల్డ్‌ కార్డ్‌ ఎంట్రీ ఇచ్చిన తమాన్న సింహాద్రిది ఓ దారి. ఎప్పుడు ఎవరితో మంచిగా ఉంటుంది? ఎప్పుడు ఏం మాట్లాడుతుంది? అన్నది ఎవరికీ తెలియడం లేదు. ఇంట్లోకి వచ్చిన వెంటనే వరుణ్‌ సందేశ్-మహేష్‌ వ్యవహారంలో వరుణ్‌ సందేశ్‌ను తిడుతూ.. మహేష్‌కు సపోర్ట్‌చేసింది. అయితే వరుణ్‌ సందేశ్‌-తమన్నా కలిసి జైల్లో ఉండటంతో తన అభిప్రాయాన్ని మార్చుకున్నట్లు కనపడుతోంది. ప్రస్తుతం వరుణ్‌తో బాగానే ఉంటుంది. ఇక రవికృష్ణను పండు పండు అంటూ ఆటపట్టించడం.. రవికృష్ణ ఏదైనా అంటే అతనిపై మళ్లీ సీరియస్‌ అవుతోంది. (పునర్నవికి షాక్‌ ఇచ్చిన బిగ్‌బాస్‌) ఇక మొన్నటి పవర్‌ గేమ్‌ టాస్క్‌లో అలీరెజా కింగ్‌గా మారడం.. మగవారిని ఆడవారిగా మారమని.. వారితో డ్యాన్సులు చేయించడం తెలిసిందే. ఈ ఘటనలో అలీపై తమన్నా ఎంతలా విరుచుకుపడిందో అందరం చూశాం. ఇక మళ్లీ ఆ గొడవలు సమసిపోయి ఆ ఇద్దరూ కలిసిపోయారని అనుకుంటే.. శనివారం నాటి ఎపిసోడ్‌లో మళ్లీ మొదటికి వచ్చింది. ఇక తమన్నా వ్యవహారంపై ఇంటిసభ్యులందరూ విసిగిపోయి ఉండగా.. నేడు జరిగే నామినేషన్‌ ప్రక్రియలో తనను నామినేట్‌ చేసినట్లు తెలుస్తోంది. అయితే రవికృష్ణ.. తమన్నాను నామినేట్‌ చేయడం.. దానికి గల కారణాలను వివరిస్తూ ఉంటే.. అతనిపై ఘాటుగా స్పందించడం.. సిగ్గులేదురా అంటూ వ్యాఖ్యానించడం రీసెంట్‌గా విడుదల చేసిన ప్రోమోలో కనపడుతోంది. ఇప్పటికే పునర్నవి భూపాలం తనను తాను ఎలిమినేట్‌ చేసుకోవడం.. దీనిపై బిగ్‌బాస్‌ స్పందిస్తూ సీజన్‌ మొత్తం నామినేట్‌ చేసుకోవాల్సి ఉంటుందని హెచ్చరించడం సోషల్‌ మీడియాలో వైరల్‌ అవుతుంటే.. తాజాగా తమన్నా ఘాటు వ్యాఖ్యలు చేస్తున్న ప్రోమోను వదిలారు. మొత్తానికి నేటి నామినేషన్‌ ప్రక్రియ ఇంట్లో పెద్ద చిచ్చును పెట్టినట్లు తెలుస్తోంది. అసలింతకి ఈ రోజు ఎపిసోడ్‌లో ఏం జరిగిందో తెలియాంటే ఇంకొన్ని గంటలు ఆగాల్సిందే. అయితే ఈ వారంలో తమన్నా నామినేషన్స్‌లో ఉండబోతోందని, మూడో ఎలిమినేషన్‌లో ఆమె ఇంటి నుంచి బయటకు వెళ్లనుందని ఇప్పటినుంచే సోషల్‌ మీడియాలో నెటిజన్లు అభిప్రాయపడుతున్నారు. మరిన్ని బిగ్‌బాస్‌ వార్తల కోసం క్లిక్‌ చేయండి  Nomination process goes rough between #Tamanna & #RaviKrishna#BiggBossTelugu3 Today at 9:30 PM on @StarMaa pic.twitter.com/I7nK49Iwjb — STAR MAA (@StarMaa) August 5, 2019

డైమండ్‌ టాస్క్‌.. కింగ్‌లా మారడం.. ఇంట్లో అధికారం చెలాయించడం అనే ఆటలో పెద్ద రచ్చ జరిగింది. ఆడవారి వేషం వేయలేనని జాఫర్‌, వరుణ్‌ సందేశ్‌లు ఎదురుతిరగడం.. అలీ రెజా, అషూ రెడ్డిపై తమన్నా ఘాటు వ్యాఖ్యలు.. వరుణ్‌ సందేశ్‌ ఇంటి మొదటి కెప్టెన్‌గా ఎన్నిక కావడం నేటి ఎపిసోడ్‌లో హైలెట్‌గా నిలిచాయి. సైక్లింగ్‌ టాస్క్‌లో చెత్తగా పర్ఫామెన్స్‌ చేసిన వారేవరు అని బిగ్‌బాస్‌ అడగ్గా వరుణ్‌ తనంతట తానే లేవడంపై హిమజ మాట్లాడటంతో వితికా ఫైర్‌ అయింది.  ఇక విషయంపై అలీ రెజా వచ్చి హిమజతో మాట్లాడటంతో మరింత రచ్చ జరిగింది.  పవర్‌ గేమ్‌ టాస్క్‌ బజర్‌ మోగిన తరువాత ఎవరైతే.. డైమండ్‌ను చేజిక్కించుకుంటారో వారికి ఇంటిపై పెత్తనం చేసే అధికారం వస్తుందని తెలిపాడు. మళ్లీ బజర్‌ మోగేంతవరకు ఆ హౌస్‌మేట్‌ చెప్పినట్లే మిగతా ఇంటిసభ్యులు పాటించవలసి ఉంటుందని తెలిపాడు. అయితే మొదటి అవకాశంలో వరుణ్‌ సందేశ్‌ డైమండ్‌ను పట్టుకుని కింగ్‌లా మారిపోయాడు. ఈ ప్రాసెస్‌లో వితికాకు, శివజ్యోతికి గాయాలయ్యాయి. అయితే తన మంత్రిగా బాబా భాస్కర్‌ను వరుణ్‌ ఎంచుకున్నాడు. ఇక తన బట్టలను ఉతకవలసిందిగా హిమజను.. బెడ్‌రూంను సరిగా సర్దమని శ్రీముఖి, మహేష్‌లను.. నాగిని డ్యాన్స్‌ వేయాలని తమన్నాను.. ఆమెకు సహాయం చేయాల్సిందిగా బాబా భాస్కర్‌ను ఆదేశించాడు. రంగ రంగస్థలాన పాటను రాహుల్‌ ఆలపించగా.. జాఫర్‌, పునర్నవిలు చేసిన డ్యాన్స్‌ ఆకట్టుకుంది. అలీ రెజా విలన్‌.. తమన్నా హీరోయిన్‌ రెండో బజర్‌ మోగిన వెంటనే పరిగెత్తిన అలీ రెజా.. డైమండ్‌ను పట్టే క్రమంలో శివజ్యోతిని నెట్టేశాడు. అయితే కిందపడిన శివజ్యోతిని లేపిన అనంతరం ఆమెనే వజ్రాన్ని తీసుకొమ్మన్నాడు. అయితే ఆటలో ఇవన్నీ సహజమేనని.. అలీ రెజాకు శివజ్యోతి కిరీటాన్ని తొడిగింది. దీంతో.. మగవారందరినీ ఆడవారిగా రెడీ కావాలని అలీ ఆదేశించాడు. ఇక ఈ టాస్క్‌లో పాల్గొనలేమని జాఫర్‌, వరుణ్‌ సందేశ్‌, వితికా షెరు, తమన్నాలు పేర్కొన్నారు. వారంతా సైలెంట్‌ కూర్చొని చూస్తుండగా.. మిగతా వారంతా ఆడుతూ పాడుతూ కింగ్‌(అలీ రెజా)ను ఎంటర్‌టైన్‌ చేశారు. ఇలా జరుగుతూ ఉండగా.. అలీ రెజాపై తమన్నా ఫైర్‌ అయింది. మాటామాటా పెరిగి పెద్ద రచ్చగా మారింది.  తనేమీ మెగాస్టార్‌, సూపర్‌స్టార్‌ కాదనీ, బాడీ ఉన్నంత మాత్రాన సూపర్‌స్టార్‌ కాలేరని అలీ రెజానుద్దేశించి తమన్నా ఘాటుగా విమర్శించింది. తనను సూపర్‌స్టార్‌ కాకుండా అడ్డుకుంటానని తమన్నా పేర్కొంది. ఇక అషూరెడ్డిని సైతం ఘోరంగా విమర్శించింది. అందంగా ఉన్నావు.. సిగ్గు, శరం లేకుండా అక్కడ(అలీ రెజా పక్కన) ఎంత బాగా కూర్చున్నావంటూ అషూ రెడ్డిపై ఘాటు వ్యాఖ్యలు చేసింది. దీంతో హౌస్‌మేట్స్‌ అందరూ తమన్నా తీరును తప్పుబట్టారు. అలీ రెజా విలన్‌ అంటూ.. తాను హీరోయిన్‌ అంటూ జాఫర్‌తో  తమన్నా చెప్పుకొచ్చింది. మొదటి కెప్టెన్‌గా వరుణ్‌ సందేశ్‌ మూడో బజర్‌ మోగాక.. హిమజ డైమండ్‌ను మొదటగా పట్టుకుంది. ఇంటి సభ్యులు తమ గురించి పరిచయం చేసుకోవాలని ఆదేశించింది. మొదటగా తన గురించి చెప్పాలని తమన్నాను ఆదేశించగా.. తన లైఫ్‌ గురించి చెప్పుకొచ్చింది. అనంతరం బాబా భాస్కర్‌ వచ్చి.. తనకు కోపం ఎక్కువగా ఉండేదని, దానివల్ల ఎన్నో అవకాశాలను కోల్పోయానని తన గురించి చెప్పుకొచ్చాడు. ఇక ఈ టాస్క్‌లో డైమండ్‌ను చేజిక్కించుకుని రాజులుగా మారిన వరుణ్‌ సందేశ్‌, అలీ రెజా, హిమజలను మొదటి కెప్టెన్‌ అయ్యే అవకాశం వచ్చింది. మెజార్టీ సభ్యుల ఓటింగ్‌తో వరుణ్‌ సందేశ్‌ బిగ్‌బాస్‌ హౌస్‌ మొదటి కెప్టెన్‌ ఎన్నికయ్యాడు. మరి కెప్టెన్‌గా ఎన్నికైనందున ఎలిమినేషన్‌లో వరుణ్‌ సందేశ్‌ ఉండకపోవడంతో.. మిగిలిన ఏడుగురిలో ఎవరు ఇంటిని వీడిపోనున్నారో చూడాలి.

బిగ్‌బాస్‌ హౌస్‌లో గత రెండు రోజులుగా సైక్లింగ్‌ టాస్క్‌తో తలమునకలై ఉన్నారు. నిన్నటి ఎపిసోడ్స్‌లో మరికొన్ని టాస్క్‌లను ఇచ్చి సైక్లింగ్‌ టాస్క్‌కు స్వస్తి పలకవచ్చనే ఆప్షన్‌ ఇచ్చాడు. దీపాన్ని ఆరిపోకుండా చూసుకునే టాస్క్‌లో మహేష్‌, పిడకలు కొట్టే టాస్క్‌లో శ్రీముఖి, అలీ రెజా.. ఎక్వేరియంలోంచి నాణెలు తీసే టాస్క్‌లో వితికా విజయం సాధించగా.. సైక్లింగ్‌ టాస్క్‌కు రద్దు కాబడి.. నీళ్లు, వంటగ్యాస్‌, హౌస్‌ యాక్సరీస్‌ అందుబాటులోకి వచ్చాయి. అయితే ఈ టాస్క్‌లన్నింటిలో.. చెత్త ప్రదర్శన ఇచ్చిన ఇద్దరు కంటెస్టెంట్ల పేర్లను ఏకాభిప్రాయంతో చెప్పాలని హౌస్‌మేట్స్‌ అందరిని బిగ్‌బాస్‌ ఆదేశించాడు. అయితే ఎవరి పేరు చెప్పాలో తేల్చుకునేలోపు తమన్నా లేచింది. అయితే అందరూ ఓకే అని.. ఆమె టాస్కలో సరిగా పనిచేయలేదు అని ఏకాభిప్రాయానికి వచ్చారు. ఇక రెండో వ్యక్తిగా ఎవర్నీ సెలెక్ట్‌ చేయాలని అనుకుంటూ ఉండగా.. వరుణ్‌ సందేశ్‌ నిలబడ్డాడు. ఎవరూ తేల్చుకోలేకపోతున్నారు కాబట్టి తాను లేచానని అనగా.. రాహుల్‌ కూడా లేవడానికి సిద్దపడ్డాడు. అయితే వరుణ్‌ వారించి వద్దన్నాడు. తాను, తమన్నా టాస్క్‌లో వరెస్ట్‌ కంటెస్టెంట్స్‌ అంటూ బిగ్‌బాస్‌కు తెలిపాడు. దీంతో వారిద్దరిని జైల్లో వేయాల్సిందిగా వితికాను ఆదేశించాడు. ఎవరూ చెప్పడం లేదని మళ్లీ దానికో మూడు గంటల చర్చ అని అందుకు తానే నిల్చున్నాని వరుణ్‌.. రాహుల్‌తో చెప్పుకొచ్చాడు. జైల్లో ఒక్క బెడ్‌ ఉండటంతో అది తమన్నాకు ఇచ్చేసి.. తాను నేలపై పడుకుంటానని వరుణ్‌ తెలిపాడు. ఇక జైల్లోకి వెళ్లిన తమన్నా.. వెంటనే ఏడవడం మొదలుపెట్టింది. తనకు ఏసీ లేకపోతే నిద్రపట్టదని శ్రీముఖితో చెప్పుకుంటూ ఏడుస్తూ ఉంది. ఇక ఈ డైలాగ్‌తో నెటిజన్లు ఆమెను ఆడుకుంటున్నారు. తమన్నాకు ఏసీ లేకుంటే నిద్రపట్టదని, అలాగే జైల్లో కూడా ఓ ఏసీని, టీవీని పెట్టించండని కామెంట్లు చేస్తున్నారు. తన ప్రవర్తనపై విసుగుచెందిన నెటిజన్లు ఆమెను ఎలిమినేట్‌ చేయండని బిగ్‌బాస్‌ను కోరుతున్నారు. రవికృష్ణ-తమన్నా విషయంపైనా నెటిజన్లు సరదాగా కామెంట్లు చేస్తున్నారు. అలీ రెజా డ్రెస్‌ వేసుకోకపోవడంతో తమన్నా రచ్చ చేయగా.. ఆమె డ్రెస్సింగ్‌పైనా కామెంట్స్‌ చేస్తున్నారు. ఇంట్లోకి వచ్చిన నాలుగైదు రోజులకే తమన్నా వ‍్యవహారంపై కొందరు ఇంటిసభ్యులు గుర్రుగా ఉన్నారు. #BiggBossTelugu3 #Tamannasimhadri ki AC lenidhe nidra pattadhu anta #AkkaAnnayya ki TV VCR COOLER kuda pettinchandi ... mundu aa shorts esukotam thaggisthe baguntundhi... avi chusi #RaviKrishna burst ayipoyela unnadu pic.twitter.com/1DewyAivkI — Simplenag9 (@MyselfNKK) 31 July 2019 Amma nuvvu #TamannaSimhadri amma #TamannaBhatia kaadu. Ga potti dressulendi akkannoo akkannaaa 🤢🤮🤮🤮 #BiggBossTelugu3 #BiggBoss3Telugu — Kanthi (@kanthify) 31 July 2019 #RaviKrishna angry angle chudhaam ane aa #TamannaSimhadri ni B.B. house loki pampara @StarMaa ?? Abbabaaaaaaaa Papam aa pillodu, savagodtundi thanani🤮🤢🤢🤢 Still nee patience ki ravi👏👏👏👏#BiggBossTelugu3 — Mona Reddy (@MonaMunny7) 1 August 2019 #TamannaSimhadri - Naaku AC lekunte nidra pattadhu Adhi naa balaheenatha Bigg Boss 😌😭 I need AC in jail BB 😏#BiggBossTelugu3 — Shwetha (@shwetha0811) 31 July 2019 After #TamannaSimhadri sent to jail the most happiest person will be #Ravikrishna. And his inner feeling NUVVU AKKADEY VUNDAMMA nenu prasantham ga nidrapotha#BiggBossTelugu3 pic.twitter.com/75zv9Wzk7H — CN Lakshmi 🐾🐾 (@itslakshmic) 31 July 2019

మొదటి వారంలో ఓ హౌస్‌మేట్‌ను ఇంటికి పంపించిన బిగ్‌బాస్‌.. వైల్డ్‌ కార్డ్‌ ఎంట్రీ ద్వారా ఓ కంటెస్టెంట్‌ను హౌస్‌లో ప్రవేశపెట్టనున్నాడు. ట్రాన్స్‌జెండర్ తమన్నా సింహాద్రి పేరు సోషల్‌ మీడియాలో వైరల్‌ అయిన సంగతి తెలిసిందే. క్యాస్టింగ్‌ కౌచ్‌ వ్యవహారం, నారా లోకేష్‌ విషయంలో తమన్నాకు ఒక్కసారిగా ఫేమ్‌ వచ్చేసింది. అంతేకాకుండా ఇటీవల ఏపీలో జరిగిన ఎన్నికల్లో మంగళగిరి అసెంబ్లీ స్థానం నుంచి స్వతంత్ర అభ్యర్థిగా తమన్నా బరిలో దిగింది. ‘ఎవరైనా తనను తాను నిరూపించుకోవడానికి చేసే యుద్దాన్ని కేవలం రెండక్షరాల్లో చెప్పే చిన్నమాట నేను. అతనిలో నేను ఆమెలా ఉంటూ.. గుర్తింపు కోసం ప్రయత్నిస్తూనే ఉన్నాను. నా చేతి గాజులు గీసే గీతలు దాటుతూ.. గడియారం చేతులు చూపే సమయంతో మారుతూ వచ్చాను. ఇప్పటికీ చాలా మంది నన్ను అడిగే మొదటి ప్రశ్న నేనెవరు? కుటుంబం భయంతో మోసే బరువును కాను.. ధైర్యంతో ఓ కొత్త కుటుంబాన్ని గెలుచుకునే బంధాన్ని నేను. వీళ్లేం చేస్తారులే అని చులకగా చూసే సమాజాన్ని కాను.. సవాలు చేసి సమరం సాగించే సైన్యాన్ని నేను.. నిజానికి నేనువరు? నాకు తెలుసు. నాకు మాత్రమే తెలిసిన నన్ను మీకు పరిచయం చేయడానికి నాకు వచ్చిన అవకాశమే బిగ్‌బాస్‌’ అంటూ తన మనసులో మాటలు చెప్పుకుంటూ తమన్నా సింహాద్రి స్టేజ్‌పైకి ఎంట్రీ ఇచ్చింది. మరి తమన్నాకు బిగ్‌బాస్‌ హౌస్‌లో ఎలాంటి పరిస్థితులు ఎదురు కానున్నాయి? చివరి వరకు మనోధైర్యంతో నిలబడుతుందా? లేదా అన్నది చూడాలి.