కడప కల్చరల్‌:
 కడప నగరం శ్రీ విజయదుర్గాదేవి ఆలయంలో మంగళవారం మహిళా భక్తులు తమ కష్టాలను తొలగించాలంటూ అమ్మవారిని వేడుకుని రాహుకాల పూజలను నిర్వహించారు. దీక్షల్లో ఉన్న మహిళలు ఆలయంలోని అమ్మవారి మూలమూర్తికి పూజలు చేశారు. అనంతరం ఆలయ ప్రాంగణంలో అర్చకులు ఫణిభూషణశర్మ ఆధ్వర్యంలో రాహుకేతు సమేత గ్రహ పూజలు నిర్వహించారు. అనంతరం నిమ్మకాయ దీపాలను వెలిగించి మొక్కులు తీర్చుకున్నారు. శ్రావణ మాసంలోచివరి మంగళవారం గనుక మహిళా భక్తులు పెద్ద సంఖ్యలో ఈ పూజల్లో పాల్గొన్నారు. ఆలయ వ్యవస్థాపకులు సుధా మల్లికార్జునరావు కార్యక్రమాలను పర్యవేక్షించారు.
 
  


 కడప కల్చరల్‌:
 తిరుమల–తిరుపతి దేవస్థానాల చైర్మన్‌ చదలవాడ కృష్ణమూర్తి శనివారం కడప నగరంలోని శ్రీ విజయదుర్గాదేవి దర్శించుకున్నారు. ఈ సందర్బంగా ఆలయ నిర్వాహకులు దుర్గాప్రసాద్‌ ఆధ్వర్యంలో అర్చకులు ఆయనకు పూర్ణకుంభంతో స్వాగతం పలికారు. దర్శనానంతరం అమ్మవారి వివరాలతో కూడిన గ్రంథం, పట్టువస్త్రాలు అమ్మవారి ప్రసాదంగా చదలవాడకు అందజేశారు. ఈ సందర్బంగా చదలవాడ కృష్ణమూర్తి మాట్లాడుతూ ఆలయ వ్యవస్థాపకులు సుధా మల్లికార్జునరావు తమకు ఆత్మీయ మిత్రుడని, 14 సంవత్సరాల తర్వాత విజయదుర్గమ్మను దర్శించుకునే అదృష్టం లభించిందన్నారు. వెంకటేశ్వరస్వామి ఆశీస్సులతో గత సంవత్సరం గోదావరి పుష్కరాలు, ఈ సంవత్సరం కృష్ణా పుష్కరాలు విజయవంతంగా జరిగాయన్నారు. ఇందులో టీటీడీ ముఖ్యపాత్ర వహించిందని తెలిపారు. రాష్ట్రం విడివడ్డాక జిల్లాలోని ఒంటిమిట్ట రామాలయానికి ప్రభుత్వ లాంఛనాల హోదా దక్కడంతో టీటీడీ అధ్వర్యంలో వైభవంగా కళ్యాణోత్సవం నిర్వహిస్తున్నామని తెలిపారు. రూ. 100 కోట్లతో ఒంటిమిట్టను అపర అయోధ్యగా తీర్చిదిద్దాలన్న తమ సంకల్పానికి జిల్లా ప్రజలు సహకరించాలన్నారు. కార్యక్రమంలో స్థానిక ప్రముఖులు వెంకట సుబ్బయ్య, వికాస్‌ హరి, ఆదినారాయణ, శంకర్, సుధీర్, కరుణ, రమణయ్య తదితరులు పాల్గొన్నారు.