-
మెహబూబ్ ఇంట షాదీ వేడుకలు.. ఫోటోలు వైరల్
మ్యూజిక్ వీడియోలు, డ్యాన్స్ స్టెప్పులతో అందరినీ తనవైపు తిప్పుకున్నాడు మెహబూబ్ దిల్సే. టిక్టాక్ వీడియోలతో బాగా ఫేమస్ అయిన ఇతడు యూట్యూబ్లో షార్ట్ ఫిలింస్, వెబ్ సిరీస్తోనూ మంచి గుర్తింపు తెచ్చుకున్నాడు. అయితే ఎప్పుడైతే బిగ్బాస్లో అడుగుపెట్టాడో అప్పుడే అతడి దశ తిరిగిపోయింది. పేరుకు పేరు.. డబ్బుకు డబ్బు.. ఈ రెండూ అతడి సొంతమయ్యాయి. ఫలితంగా సొంతింటి కల సాకారం, తనకంటూ కొత్త కారు కొనుకున్నాడు. తాజాగా అతడి ఇంట పెళ్లి సంబరాలు జరిగాయి. మెహబూబ్ తమ్ముడు సుభాన్ షైఖ్ ఓ ఇంటివాడయ్యాడు. పెళ్లి డ్రెస్లో ఉన్న తమ్ముడితో పాటు, తండ్రితో కలిసి దిగిన ఫోటోలను ఇన్స్టాగ్రామ్లో షేర్ చేశాడు మెహబూబ్. 'నిఖా ముబారక్ మేరా భాయ్.. ప్రియమైన సోదరుడా.. నీ కలలు నిజం కావాలని, ఆ అల్లా మీ ఇద్దరినీ ఎల్లప్పుడూ కలిసి ఉంచాలని కోరుకుంటున్నాను. ఒకరినొకరు అర్థం చేసుకోండి. ఒకరికొకరు తోడుగా ఉండండి. ఎప్పుడూ సహనం, ఓర్పుతో మెదలండి. హ్యాపీ మ్యారీడ్ లైఫ్' అని క్యాప్షన్లో రాసుకొచ్చాడు. ఇది చూసిన అభిమానులు నిఖా చేసుకున్న సుభాన్కు శుభాకాంక్షలు తెలుపుతున్నారు. అమ్మ కూడా ఉండుంటే బాగుండేదని కామెంట్లు చేస్తున్నారు. కాగా గతేడాది మెహబూబ్ తల్లి మరణించింది. View this post on Instagram A post shared by Mehaboob Dil Se (@mehaboobdilse) చదవండి: తప్పును అంగీకరిస్తున్నా.. దయచేసి క్షమించండి -
లగ్జరీ కారు కొన్న మెహబూబ్ దిల్సే, ఎన్ని లక్షలో తెలుసా?
గుంటూరు మిర్చి లాంటి కుర్రోడు, బిగ్బాస్ కంటెస్టెంట్ మెహబూబ్ దిల్సే కొత్త కారు కొన్నాడు. ఈద్ పండగ సందర్భంగా మహీంద్రా ఎక్స్యూవీ 700 కారును ఇంటికి తెచ్చుకున్నాడు. దీని ధర రూ.15 లక్షల పైనే ఉంటుందని తెలుస్తోంది. బ్లాక్ కలర్లో మెరిసిపోతున్న కారు ముందు దిగిన ఫోటోలను మెహబూబ్ ఇన్స్టాగ్రామ్లో షేర్ చేశాడు. ఇది చూసిన బిగ్బాస్ కంటెస్టెంట్లు సోహైల్, శ్రీరామచంద్ర, కాజల్, అర్జున్ కల్యాణ్, రవికృష్ణ తదితరులు అతడికి శుభాకాంక్షలు చెప్తున్నారు. నువ్వు మరింత ఎత్తుకు ఎదగాలి అన్నా అంటూ అభిమానులు సైతం కామెంట్లు చేస్తున్నారు. రంజాన్ మాసం కావడంతో తన స్నేహితులకు ఇఫ్తార్ పార్టీ కూడా ఇచ్చాడు మెహబూబ్. కాగా మెహబూబ్ టిక్టాక్ వీడియోలు, వెబ్ సిరీస్లతో పాపులర్ అయ్యాడు. బిగ్బాస్ తెలుగు నాలుగో సీజన్తో అతడికి కావాల్సినంత గుర్తింపు లభించింది. బిగ్బాస్ 4 గ్రాండ్ ఫినాలే వేదికగా చిరంజీవి అందించిన పది లక్షల రూపాయలకు తోడు తను సంపాదించిన డబ్బులను జత చేసి గుంటూరులో సొంతిల్లు కట్టుకున్నాడు. నిత్యం యూట్యూబ్ వీడియోలు, వెబ్ సిరీస్లతో మెహబూబ్ తన అభిమానులను ఎంటర్టైన్ చేస్తున్నాడు. View this post on Instagram A post shared by Mehaboob Dil Se (@mehaboobdilse) చదవండి: సినిమా హిట్.. థియేటర్కు వెళ్లిన దర్శకుడికి షాక్.. -
శ్రీసత్యకు ప్రపోజ్ చేసిన మెహబూబ్, చేయి కోసుకుంటానంటూ బ్లాక్మెయిల్!
బిగ్బాస్ ఫేం శ్రీసత్య గురించి ప్రత్యేకంగా పరిచయం అవసరం లేదు. బిగ్బాస్ 6 సీజనల్లో హౌజ్లో అడుగుపెట్టి తనదైన ఆట తీరుతో బాగా ఆకట్టుకుంది. ప్రస్తుతం ఆమె స్టార్ మా ప్రసారం అవుతున్న బిబి జోడి డాన్స్లో షోలో అలరిస్తోంది. ఇందులో శ్రీసత్య మరో బిగ్బాస్ కంటెస్టెంట్ మెహబూబ్ దిల్ సేతో జోడికట్టింది. వీరిద్దరి జోడికి మంచి రెస్పాన్స్ వస్తోంది. స్టేజ్పై డాన్స్ చేస్తుండగా ఇద్దరి మధ్య కెమిస్ట్రీ బాగా కుదిరిందంటూ షో జడ్జస్ కూడా వారి పర్ఫామెన్స్పై ప్రశంసలు కురిపిస్తున్నారు. చదవండి: వాగ్వాదంగా మారిన అనసూయ వాలంటైన్స్ డే పోస్ట్, చెప్పుతో కొడతానంటూ..! ఇదిలా ఉంటే మంగళవారం వాలంటైన్స్ డే సందర్భంగా మెహబూబ్ దిల్ సే శ్రీసత్యకి ఎర్ర గులాబిల బోకెతో ప్రపోజ్ చేసి షాకిచ్చాడు. దీంతో శ్రీసత్య అతడిపై సీరియస్ అయిన వీడియో ప్రస్తుతం వైరల్గా మారింది. కొరియోగ్రఫర్స్ ప్రియాంక, సంకేత్ల సాయంతో మహబూబ్ దిల్ సే శ్రీసత్యకు తన ప్రేమను వ్యక్తం చేశాడు. శ్రీసత్య దగ్గరికి వెళ్లి మొదట పరోక్షంగా ఓ అమ్మాయిని ప్రమించానని, తను రిజెక్ట్ చేస్తే తట్టుకోలేనంటూ వాపోయాడు. ఎవరిని అంటూ ఆరా తీయగా.. నిన్నేనని ఆమెను సర్ప్రైజ్ చేశాడు. దీంతో శ్రీసత్య షాకైన శ్రీసత్య బిగ్బాస్ హౌజ్లో పెంట అయ్యింది.. ఇప్పుడు కూడా పెంట అయ్యిద్ది? అంటూ మహబూబ్పై గట్టిగా అరిచింది. చదవండి: అనుష్క శెట్టికి అరుదైన వ్యాధి, స్వయంగా వెల్లడించిన స్వీటీ దీనికి అతడు ‘నువ్వు, నీ క్యారెక్టర్ నాకు బాగా నచ్చాయ్. నీలాంటి మంచి అమ్మాయిని వదుకోవాలనుకోవడం ఇష్టం లేదు’ అంటూ తన మనసులో మాట చెప్పాడు. ఇక శ్రీసత్య తన ప్రపోజల్ను ఒప్పుకోకపోవడంతో చేయి కోసుకుంటానంటూ మహబూబ్ బ్లాక్మెయిల్ చేయడంతో.. ‘ఇప్పటికే నేను ఆత్మహత్యయత్నం కూడా చేశా తెలుసా? నా ఎంగేజ్మెంట్ బ్రేకప్ తర్వాత నా లైఫ్లో ఎవరికి మరో చాన్స్ ఇవ్వాలనుకోవడం లేదు. నాకు మనుషుల మీదే నమ్మకం పోయింది’ అంటుంది శ్రీసత్య. అలా కాసేపు ఇద్దరు అర్గ్యూ చేసుకున్న అనంతరం ఇది ప్రాంక్ అంటూ అందరికి షాకిచ్చాడు మహబూబ్. ప్రస్తుతం ఈ వీడియో సోషల్ మీడియాలో వైరల్ అవుతోంది. దీనిపై నెటిజన్లు రకరకాలుగా స్పందిస్తున్నారు. -
గుంటూరులో ఇల్లు కట్టిన మెహబూబ్, ఫ్యామిలీతో గృహప్రవేశం
మెహబూబ్ దిల్సే.. నాట్ జస్ట్ ఏ యూట్యూబర్.. వెరీ టాలెంటెడ్ యాక్టర్, డ్యాన్సర్ కూడా! ఇల్లు కట్టుకోవాలన్న కల అందరిలాగే అతడికి కూడా ఉండేది. బిగ్బాస్ షో అతడి కలకు పునాదులు వేసింది. తన కష్టార్జితానికి తోడు కుటుంబమంతా తలా కొంత సాయం చేయడంతో సొంతింటి కలను నిజం చేసుకున్నాడు మెహబూబ్. తల్లిదండ్రులు, తమ్ముడు, తాను తలా కొంత కూడబెట్టుకున్న డబ్బుతో ఓ చిన్న ఇల్లు కొనుక్కున్నామని చెప్పుకొచ్చాడు. గుంటూరులో ఉన్న ఆ ఇల్లును చూపిస్తూ హోమ్ టూర్ వీడియో చేశాడు. ఈ ఇంటికి ఒకవైపు మూడు గదులు ఏర్పాటు చేయించి వాటిని దుకాణాల కోసం రెంట్కు ఇచ్చేలా నిర్మించారు. దీంతో గ్రౌండ్ ఫ్లోర్లో చిన్న హాల్, కిచెన్, సింగిల్ బెడ్ రూమ్ మాత్రమే ఉన్నాయి. మొదటి అంతస్థులో కిచెన్, హాల్తో పాటు రెండు విశాలమైన డబుల్ బెడ్ రూమ్స్ ఉన్నాయి. మెహబూబ్ తన అభిరుచికి తగ్గట్టుగా కప్బోర్డ్స్, వాల్ పేపర్ అన్నీ దగ్గరుండి వేయించినట్లు తెలుస్తోంది. కరోనా వల్ల పనులన్నీ చాలా లేట్గా అయ్యాయాన్న మెహబూబ్ ఫ్యామిలీ.. మొత్తంగా ఈ ఇల్లు కట్టడానికి 16 నెలలు పట్టిందని వెల్లడించింది. ఇంతకీ ఆ ఇల్లు ఎలా ఉందో మీరూ చూసేయండి.. -
టిక్టాక్ స్టార్కి ప్రపోజ్ చేసిన బిగ్బాస్ కంటెస్టెంట్
Bigg Boss 4 Fame Mehaboob Dil Se Proposed To Swetha Naidu: బిగ్బాస్ కంటెస్టెంట్ మెహబూబ్ దిల్ సే గురించి కొత్తగా పరిచయం చేయాల్సిన పనిలేదు. యూట్యూబ్, టిక్టాక్ వీడియోలతో ఫేమస్ అయిన మెహబూబ్ గతేడాది బిగ్బాస్ సీజన్-4లో పాల్గొని మరింత పాపులర్ అయ్యాడు. ఇటీవలె 'గుంటూరు మిర్చి' అనే వెబ్సిరీస్లోనూ నటించాడు. ప్రస్తుతం కవర్ సాంగ్స్, వెబ్సిరీస్లు చేస్తూనే, మరోవైపు సినిమాల్లోనూ నటిస్తున్నాడు. ఇదిలా ఉండగా తాజాగా యూట్యూబర్, టిక్టాక్ స్టార్ శ్వేత నాయుడుకు ప్రపోజ్ చేశాడు. గత కొన్నాళ్లుగా వీరిద్దరూ కలిసి కవర్ సాంగ్స్ చేస్తున్న సంగతి తెలిసిందే. ఇన్స్టాగ్రామ్లోనూ మెహబూబ్ ఎక్కువగా శ్వేత నాయుడుతోనే రీల్స్ అప్లోడ్ చేస్తుంటాడు. తాజాగా ఆమెకు తన ప్రేమ విషయాన్ని బయటపెట్టాడు. 'ఎప్పటి నుంచో చెబ్దాం అనుకున్నా. కానీ ఎప్పుడు ఎలా అయ్యిందో తెలియదు. ఎందుకు ఇష్టం అన్నదానికి ఆన్సర్ తెలియదు. నువ్వు నా తోడుంటే బెటర్, సక్సెస్ఫుల్ పర్సన్ని అవుతా. నాతో జీవితాంతం తోడుంటావా' అంటూ తన మనసులో మాటను రివీల్ చేశాడు. దీంతో శ్వేత సైతం సిగ్గుపడుతూ మెహబూబ్ ప్రేమను అంగీకరించింది. దీనికి సంబంధించిన వీడియోను మెహబూబ్ తన సోషల్మీడియాలో షేర్ చేశాడు. మరి ఈ ఇది రియల్ వీడియోనా లేక యూట్యూబ్ కోసం చేసిన ఫ్రాంక్ వీడియోనా అన్నది తెలియాల్సి ఉంది. -
సొంతింటి కల సాకారం, మెహబూబ్ దిల్సే ఎమోషనల్
'గుంటూరు మిర్చి'లాంటి కుర్రాడు మెహబూబ్ దిల్సే. యూట్యూబ్, టిక్టాక్ వీడియోలతో ఫేమస్ అయిన ఇతడు గతేడాది బిగ్బాస్ హౌస్లో అడుగుపెట్టాడు. టాస్కుల్లో ప్రాణం పెట్టి ఆడే మెహబూబ్ ఫ్రెండ్షిప్కు కూడా ఎంతో ప్రాధాన్యం ఇస్తాడు. బిగ్బాస్ ద్వారా కేవలం పాపులారిటీ మాత్రమే కాకుండా మంచి మిత్రులను, ఎన్నో ఆఫర్లను అందుకున్నాడు. అంతేకాకుండా ఏకంగా మెగాస్టార్ చిరంజీవి కంట్లో కూడా పడ్డాడు. బిగ్బాస్ 4 గ్రాండ్ ఫినాలేకి ప్రత్యేక అతిథిగా వచ్చిన చిరు.. మెహబూబ్ డ్యాన్సింగ్ కెపాసిటీకి, ఎనర్జీకి ఆశ్చర్యపోయాడు. సినిమాల్లోకి రావాలన్న మెహబూబ్ తపన, ఆరాటం చూస్తుంటే తనను తాను చూసుకున్నట్లుందని ముచ్చటపడిపోయాడు. అతడు అనాథాశ్రమానికి చేసిన సాయాన్ని చూసి అభినందించాడు. అంతేకాదు, మెహబూబ్ సొంతింటి కల సాకారం చేయడం కోసం రూ.10 లక్షల చెక్కును బహుమతిగా అందించాడు. మొత్తానికి ఈ బిగ్బాస్ మాజీ కంటెస్టెంట్ సొంతింటి కల నెరవేరింది. ఆదివారం కొత్తింట్లోకి కుటుంబ సమేతంగా అడుగుపెట్టినట్లు సోషల్ మీడియా వేదికగా ప్రకటించాడు మెహు. 'ఒక సొంతిల్లు ఉండాలి, కట్టుకోవాలని చిన్నప్పటి నుంచి కోరిక ఉండేది. మొత్తానికి అనుకున్నది సాధించాం. మీ అందరి వల్లే ఇక్కడిదాకా వచ్చాము. మమ్మల్ని ఆశీర్వదించిన భగవంతుడికి కృతజ్ఞతలు. అలాగే నాకు సపోర్ట్ చేసిన అభిమానులందరికీ పేరుపేరునా ధన్యవాదాలు' అంటూ ఎమోషనల్ అయ్యాడు. ఇదిలా వుంటే ప్రస్తుతం మెహబూబ్ వరుస ప్రాజెక్టులతో బిజీబిజీగా ఉన్నాడు. ఓ పక్క వెబ్సిరీస్లు చేస్తూనే మరోవైపు సినిమాల్లోనూ నటిస్తున్నాడు. అతడు ప్రధాన పాత్రలో నటించిన గుంటూరు మిర్చి వెబ్ సిరీస్ యూట్యూబ్లో అత్యధిక వ్యూస్తో దూసుకుపోతోంది. View this post on Instagram A post shared by Mehaboob Shaik (@mehaboobdilse) చిరంజీవి మెహబూబ్కు ఇచ్చిన 10 లక్షల రూపాయల చెక్ -
అది రిలేషన్ కాదన్న నటి, బెదిరించిన మంచు లక్ష్మి
► చబ్బీ లుక్లో అనుపమ పరమేశ్వరన్ ► ఫిష్ కట్ గౌనులో అషూ రెడ్డి అందాలు ► రిలేషన్షిప్ మూడు నెలలకన్నా ఎక్కువ కాలం నిలవలేదంటే దాన్ని ఇంటర్న్షిప్ అని పిలవండంటోన్న ఊర్వశి రౌతేలా ► అద్దంలో కనిపించే వాళ్లే మీకు పోటీ అంటున్న అఖిల్ సార్థక్ ► బ్లాక్ డ్రెస్లో కవ్విస్తోన్న పాయల్ రాజ్పుత్ ► గొడ్డలి పట్టుకుని బెదిరిస్తున్న మంచు లక్ష్మీ ► ఒక వీడియోలో నవ్విస్తూ మరో వీడియోలో ఏడిపిస్తోన్న మెహబూబ్ దిల్సే ► చెన్నైక్ టాటా చెప్పేసి ముంబై చేరుకున్న శ్రద్దాదాస్ ► పూల చీరలో సాక్షి అగర్వాల్ పరువాలు ► క్యూట్గా అనిపిస్తోందంటోన్న హంసా నందిని View this post on Instagram A post shared by Anupama Parameswaran (@anupamaparameswaran96) View this post on Instagram A post shared by Ashu Reddy❤️ (@ashu_uuu) View this post on Instagram A post shared by Payal Rajput (@rajputpaayal) View this post on Instagram A post shared by URVASHI RAUTELA 🇮🇳Actor🇮🇳 (@urvashirautela) View this post on Instagram A post shared by 𝐀𝐊𝐇𝐈𝐋𝐒𝐀𝐑𝐓𝐇𝐀𝐊 (@akhilsarthak_official) View this post on Instagram A post shared by Lakshmi Manchu (@lakshmimanchu) View this post on Instagram A post shared by mon (@imouniroy) View this post on Instagram A post shared by Mehaboob Shaik (@mehaboobdilse) View this post on Instagram A post shared by Mehaboob Shaik (@mehaboobdilse) View this post on Instagram A post shared by 𝐒𝐘𝐄𝐃 𝐒𝐎𝐇𝐄𝐋 𝐑𝐘𝐀𝐍 (@syedsohelryan_official) View this post on Instagram A post shared by Shraddha Das (@shraddhadas43) View this post on Instagram A post shared by Sunny Leone (@sunnyleone) View this post on Instagram A post shared by Shruti Haasan (@shrutzhaasan) View this post on Instagram A post shared by Shriya Saran (@shriya_saran1109) View this post on Instagram A post shared by Sakshi Agarwal|Actress (@iamsakshiagarwal) View this post on Instagram A post shared by Sakshi Agarwal|Actress (@iamsakshiagarwal) View this post on Instagram A post shared by Sakshi Agarwal|Actress (@iamsakshiagarwal) View this post on Instagram A post shared by Hamsa Nandini | Actress (@ihamsanandini) View this post on Instagram A post shared by Raai Laxmi (@iamraailaxmi) View this post on Instagram A post shared by Sakshi Malik (@sakshimalikk) View this post on Instagram A post shared by Ananya nagalla (@ananya.nagalla) View this post on Instagram A post shared by Kirti Kulhari (@iamkirtikulhari) View this post on Instagram A post shared by Nia Sharma (@niasharma90) View this post on Instagram A post shared by ANMOL CHAUDHARY (@anmolchaudharyofficial) -
మెహబూబ్ సైగలపై సోహైల్ రియాక్షన్
బిగ్బాస్ నాలుగో సీజన్.. ప్రేక్షకులకు కావాల్సినంత వినోదాన్ని అందించింది. ఆటలు, పాటలు, అలకలు, గొడవలు, కోపాలు, బుజ్జగింపులు, ప్రేమ, గాసిప్స్ ఇలా అన్నీ పంచిపెట్టింది. ఈ సీజన్లో మొత్తం 19 మంది బిగ్బాస్లోకి అడుగుపెట్టగా వారిలో కొంత మందికి మాత్రమే సరైన గుర్తింపు లభించింది. తమ తలరాతను మార్చేలా భవిష్యత్తు అవకాశాలు అందిపుచ్చుకుంటున్నారు. బిగ్బాస్తో లైఫ్ చేంజ్ అయిన వారిలో సోహైల్ ముందు వరుసలో ఉంటాడు. ఇప్పటి వరకు అడపాదడపా సినిమాల్లో నటించిన సోహైల్కు పెద్దగా చెప్పుకునే అంతా పేరు రాలేదు. కానీ బిగ్బాస్లోకి వెళ్లిన తర్వాత తన లైఫ్ వేరేలా మారిపోయింది. సీజన్ మొత్తానికి సెంటర్ ఆఫ్ అట్రాక్షన్గా మారాడు. అయితే ఇంత పాపులారిటీ సంపాదించిన సోహైల్కు ఒక్కసారిగా ట్రోల్స్, మీమ్స్తో గట్టి ఎదురుదెబ్బ ఎదురయ్యింది. చదవండి: బిగ్బాస్: బయటపడ్డ సోహైల్, మెహబూబ్ కుట్ర! బిగ్బాస్ చివరి అంకానికి చేరుకున్న సమయంలో ఎలిమినేట్ అయిన సభ్యులు ఇంట్లోకి వచ్చిన విషయం తెలిసిందే. అద్దాలతో ఏర్పాటు చేసిన గది నుంచి ఒక్కొక్కరూ వచ్చి టాప్ 5 కంటెస్టెంట్లను కలిసి కాసేపు అలరించారు. అయితే మెహబూబ్ మాత్రం సోహైల్తో ఏవో సైగలు చేసినట్లు ఓ వీడియో సోషల్ మీడియాలో వైరల్ అయిన విషయం తెలిసిందే. అందరితో కూల్గా మాట్లాడినట్లు నటించిన నటించిన మెహబూబ్.. తన సంజ్ఞలతో సోహైల్కు ఏదో చెప్పాడని నెటిజన్లు మండిపడ్డారు. సోహైల్ నెంబర్ త్రీలో ఉన్నట్టు మెహబూబ్ అద్దంపై మూడు వేళ్లతో సూచించినట్టు ఆరోపిస్తున్నారు. అలాగే, డబ్బులు తీసుకునే ఆఫర్ గనుక వస్తే వదిలిపెట్టొదని సిగ్నల్ ఇచ్చినట్టు అనుమానిస్తున్నారు. ఇక మెహబూబ్ చెప్పినట్లుగానే టాప్ 3 కంటెస్టెంట్లుగా మిగిలిన అఖిల్, అభిజిత్, సోహైల్కు బిగ్బాస్ భారీ ఆఫర్ ఇచ్చిన సంగతి తెలిసిందే. ఫైనల్ పోటీ నుంచి తప్పుకున్నవారికి రూ.25 లక్షలు ఇస్తామని బిగ్బాస్ చెప్పగా.. సోహైల్ ఆ డీల్కు అంగీకరించాడు. రూ.25 లక్షలు తీసుకుని హౌజ్ నుంచి బయటికొచ్చాడు. దీంతో మెహబూబ్ చెప్పడం వల్లే ఎలాగూ తనది మూడో స్థానం అని సోహైల్ డబ్బులు తీసుకున్నాడని, తద్వారా విన్నర్ అభిజిత్కు ప్రైజ్ మనీలో సగం కోత పడిందని అతని అభిమానులు ఆగ్రహం వ్యక్తం చేస్తున్నారు. చదవండి: సోహైల్కు బ్రహ్మానందం బంపర్ ఆఫర్ కాగా తాజాగా మంగళవారం సోహైల్ తన ఇన్స్టాగ్రామ్లో లైవ్ వీడియోలోకి వచ్చారు. ఎవరు ఏ ప్రశ్న అడిగినా సమాధానం చేప్తానని చెప్పడంతో అనేకమంది మెహబూబ్ సైగా విఫయాన్ని కామెంట్ల రూపంలో ప్రశ్నించారు. దీంతో మెహబూబ్ సైగలపై స్పందిస్తూ ఆగ్రహానికి గురయ్యాడు. బిగ్బాస్లో తరువాత ఏం జరుగుతుందనేది అసలు ఎవరికి తెలియదని, ఎవరు ఉంటారు, ఎవరు పోతరని ఎవరికి తెలియదు. ‘అంతా సీన్ లేదు అక్కడ. అట్ల ఉంటే మంచిగుండు. ఏరోజు అలాంటి పరిస్థితి రాలేదు. అలాగే చిన్న లాజిక్ చెబుతా. జాగ్రత్తగా వినండి. వాడు ఏదో గ్లాస్ను పట్టుకుని ఊరికే చేతి వేళ్లను అలా అన్నాడు. అసలు వాడేమన్నడో నాకు తెలియదు. టాప్ 3లో ఎవరుంటరనేది ఎవరూ జడ్జ్ చేయలేదు. నేడు విన్నర్ అయ్యే వాడినేమో, టాప్ 2లో ఉండే వాడినేమో. వాడు ఎలా చెప్తడు. వాడికి ఎలా తెలుస్తోంది. మెహబూబ్ బిగ్బాస్ కాదు. వాడు డబ్బులు గెలుచుకొని రారా అని సిగ్నల్ చేసిండేమో.. తను చెప్పింది అర్థం కాలేదని తర్వాత అఖిల్తో కూడా చర్చిందాను. దాన్ని పట్టుకొని వీడియోలు చేసి, కథలు పడి ఇవన్నీ చేయడం నాకు నచ్చలేదు. నా పది సంవత్సరాల కష్టం. నా కెరీర్ మీద ఒట్టేసి చెప్తున్నా. నిజంగా అలా అన్నది ఎందుకు అన్నాడో నాకు తెలీదు. టాప్ 3 అని నేను అన్నది తెలీదు. నేను నా ఇన్స్టాగ్రామ్ ఫాలోవర్స్ ఎంత అని అడిగాను. అంతే అయినా థర్డ్ ప్లేస్లో ఉన్న వాళ్లకు డబ్బులు ఇస్తారని మెహబూబ్కు ఎలా తెలుసు. 25 లక్షలు 25 లక్షలు ఆఫర్ ఇస్తే మనం వినియోగించుకుందాం అని అఖిల్ నేను అనుకున్నాం. అంతేగాని మూడో ప్లేస్లో ఉంటే డబ్బులు ఇస్తారని ఎవరికి తెలియదు. నేను అలా స్కాం చేసి చేసి గెలిస్తే నా కెరీర్లోనే బాగుపడను. అసలు అది ఫ్రాడ్, స్కాం కాదు. అభిజిత్ ఫ్యాన్స్కు కూడా చెబుతున్నా. నేను తప్పు చేయనప్పుడు ఖచ్చితంగా చెప్తా. బిగ్బాస్ హౌజ్లో అసలేం జరుగుతుందో ముందే ఎవరికి తెలియదు’ అని సోహైల్ వివరించాడు. -
మెహబూబ్ వల్లే సోహైల్ అలా చేశాడా?!
బిగ్బాస్ తెలుగు సీజన్-4 కంటెస్టెంట్ మెహబూబ్ దిల్సేపై సోషల్ మీడియాలో విపరీతమైన ట్రోలింగ్ నడుస్తోంది. హౌజ్లోనూ, బయట కూడా అతను ఓవర్ యాక్షన్ చేస్తున్నాడని బిగ్బాస్ ప్రేక్షకులు కామెంట్ల వర్షం కురిపిస్తున్నారు. రూపాయి పెర్మార్మెన్స్ చేయమంటే మూడు రూపాయల యాక్టింగ్తో బిల్డప్ ఇస్తున్నాడని విమర్శిస్తున్నారు. ఆదివారం జరిగిన బిగ్బాస్-4 గ్రాండ్ ఫినాలే సందర్భంలోనూ అతని అతి కనిపించిందని సోషల్ మీడియాలో సెటైర్లు వేస్తున్నారు. చీఫ్ గెస్ట్గా వచ్చిన మెగాస్టార్ చిరంజీవి మెహబూబ్ గురించి మాట్లాడుతుంటే ప్రాణం పోయినట్టుగా చేశాడని, అతనికి చిరంజీవి రూ.10 లక్షలు ఇస్తానని చెప్పినప్పుడు కూడా ఆ ఓవర్ కనిపించిందని పోస్టులు పెడుతున్నారు. బిగ్బాస్ మొదలైనప్పటి నుంచి ఇప్పటివరకు అతని ప్రవర్తనలో మార్పు లేదని మండిపడుతున్నారు. (అఖిల్ నిజంగానే బకరా అయ్యాడా?!) ఇదిలాఉంటే.. గ్రాండ్ ఫినాలేకు సంబంధించిన ఓ వీడియో ప్రస్తుతం సామాజిక మాధ్యమాల్లో వైరల్ అయింది. హౌజ్ నుంచి ఎలిమినేట్ అయినవారు టాప్ 5 కంటెస్టెంట్లతో కలుసుకునే అవకాశాన్ని బిగ్బాస్ కల్పించాడు. అద్దాలతో బిగించిన రూమ్లోకొచ్చి మాజీ కంటెస్టెంట్లు ఒక్కొక్కరూ హౌజ్లో ఉన్న అఖిల్, అభిజిత్, సోహైల్, అరియానా, హారికను తమ మాటలు, పాటలు, డ్యాన్సులతో హుషారెత్తించారు. అయితే, మెహబూబ్ మాత్రం సోహైల్తో ఏవేవో సైగలు చేసినట్టు వీడియోలో అతని కదలికల ద్వారా తెలుస్తోంది. అందరితో మామూలుగానే జోష్ నింపినట్టు నటించిన మెహబూబ్.. తన సంజ్ఞలతో సోహైల్కు ఏదో చెప్పాడని మిగతా కంటెస్టెంట్ల అభిమానులు అనుమానం వ్యక్తం చేస్తున్నారు. బహుశా, సోహైల్ నెంబర్ త్రీలో ఉన్నట్టు మెహబూబ్ అద్దంపై మూడు వేళ్లతో సూచించినట్టు ఆరోపిస్తున్నారు. అలాగే, డబ్బులు తీసుకునే ఆఫర్ గనుక వస్తే వదిలిపెట్టొదని సిగ్నల్ ఇచ్చినట్టు అనుమానిస్తున్నారు. కాగా, టాప్ 3 కంటెస్టెంట్లుగా మిగిలిన అఖిల్, అభిజిత్, సోహైల్కు బిగ్బాస్ భారీ ఆఫర్ ఇచ్చిన సంగతి తెలిసిందే. ఫైనల్ పోటీ నుంచి తప్పుకున్నవారికి రూ.25 లక్షలు ఇస్తామని బిగ్బాస్ చెప్పగా.. సోహైల్ ఆ డీల్కు అంగీకరించాడు. రూ.25 లక్షలు తీసుకుని హౌజ్ నుంచి బయటికొచ్చాడు. ఇక మెహబూబ్ చెప్పడం వల్లే ఎలాగూ తనది మూడో స్థానం అని సోహైల్ డబ్బులు తీసుకున్నాడని, తద్వారా విన్నర్ అభిజిత్కు ప్రైజ్ మనీలో సగం కోత పడిందని అతని అభిమానులు ఆగ్రహం వ్యక్తం చేస్తున్నారు. వైరల్ అవుతున్న వీడియో కింద చూడవచ్చు 👇 Mehaboob Leaked Sohel's Position Yesterday that he is not the Winner😂 So Today, Sohel preferred 25L instead of 2,3 places which he got from audience votes👍#BiggBossTelugu4#BBTeluguGrandFinale pic.twitter.com/mENk78bsxa — Vinod Reddy (@Vinod_Since1990) December 21, 2020 -
మెహబూబ్కు రూ.10 లక్షలిచ్చిన చిరు
పెద్ద హీరోలది పెద్ద మనసని చాటి చెప్పారు మెగాస్టార్ చిరంజీవి, కింగ్ నాగార్జున. బిగ్బాస్ గ్రాండ్ ఫినాలే సాక్షిగా కంటెస్టెంట్ల ఆశయాలకు మద్దతు తెలుపుతూ వారికి సాయం చేశారు. గ్రాండ్ ఫినాలేకు ప్రత్యేక అతిథిగా విచ్చేసిన మెగాస్టార్ తన మాటలు, పంచ్లతో షోను మరో మెట్టు పైకి ఎక్కించారు. అలాగే బిగ్బాస్ సాక్షిగా యువ టాలెంట్ను ప్రోత్సహించేందుకు కంకణం కట్టుకున్నట్లు కనిపించింది. ఈ క్రమంలో సోహైల్కు ఏం కావాలో కోరుకోమని అడిగారు. దానికి అతడు తను తీయబోయే సినిమా ప్రీరిలీజ్ ఈవెంట్కు రావాలని ఆహ్వానించాడు. ఇది సరిపోదనుకున్న చిరు ఏకంగా అతడి సినిమాలో నటిస్తానని కోట్లాది మంది ప్రేక్షకుల సాక్షిగా మాటిచ్చారు. అంతేకాకుండా ఆ సినిమా ప్రమోషన్ బాధ్యత కూడా భుజాన వేసుకున్నారు. ఇక దివికి తన నెక్స్ట్ సినిమాలో పవర్ఫుల్ పోలీస్ ఆఫీసర్ రోల్ ఇస్తున్నట్లు తెలిపారు. నన్ను నేను చూసుకున్నట్లుంది: చిరు మెహబూబ్ గురించి మాట్లాడుతూ.. అతడిని చూస్తుంటే చిన్నప్పుడు తనను తాను చూసుకున్నట్లుంది అని చిరంజీవి చెప్పుకొచ్చారు. సినిమాల్లోకి రావాలని నా చిన్నప్పుడు ఎలా తపన చెందానో అది నీలో కనిపిస్తుందన్నారు. ఈ సందర్భంగా నాగార్జున కలగజేసుకుని సోహైల్ గెలుచుకున్న డబ్బు గురించి ప్రస్తావించారు. 'సోహైల్ అందుకున్న 25 లక్షల రూపాయల్లో అనాథశ్రమానికి రూ.5 లక్షలు మెహబూబ్ ఇంటి కోసం రూ.5 లక్షలు ఇస్తానన్నాడు. అయితే మెహబూబ్ మాత్రం దాన్ని తిరస్కరించాడు. తనకివ్వాలనుకున్నదాన్ని కూడా అనాథశ్రమానికి ఇచ్చేయమని సూచించాడు' అని వివరించారు. (చదవండి: 25 లక్షలకు సోహైల్ టెంప్ట్) సోహైల్కు మరో పది లక్షలిచ్చిన నాగ్ అయితే సోహైల్ గెలుచుకున్న మొత్తాన్ని అతడి కోసమే వాడుకోవాలని నాగ్ సూచించారు. అతడు దానం చేద్దామనుకున్న పది లక్షలను తన జేబులో నుంచి ఇస్తానని నాగ్ ప్రకటించారు. దీంతో నాగార్జునను ప్రేరణగా తీసుకున్న చిరంజీవి మెహబూబ్కు అవసరమయ్యే డబ్బు నేనిస్తాను అంటూ స్టేజీ మీదనే రూ.10 లక్షల చెక్ రాసిచ్చారు. మెగాస్టార్ తనకు చెక్ రాసివ్వడాన్ని నమ్మలేకపోయిన మెహబూబ్ ఉద్వేగానికి లోనయ్యాడు. ఏడ్చుకుంటూ వచ్చి ఆయన కాళ్ల మీద పడ్డాడు. దీంతో చిరంజీవి అతడిని ఓదార్చుతూ.. మీరు కళాకారులయ్యా.. కళాకారులు కన్నీళ్లు పెట్టకూడదు అంటూ దగ్గరకు చేరదీసి హత్తుకున్నాడు. అతడికి ప్రేమగా ముద్దు పెట్టి పది లక్షల చెక్ ఇచ్చారు. మొత్తానికి సోహైల్ సినిమాలో నటిస్తాననడం, దివికి సినిమా ఛాన్స్, మెహబూబ్కు చెక్ ఇవ్వడం మెగాస్టార్ ప్రత్యేకతను చాటుతున్నాయి. మనసున్న మారాజుగా ఆయన్ను అభిమానుల గుండెల్లో నిలబెట్టాయి.(చదవండి: బిగ్బాస్: నెరవేరుతున్న గంగవ్వ కల) -
నిజంగానే దివి బ్యూటీ విత్ బలం కూడా
సాక్షి, హైదరాబాద్: బిగ్బాస్ సిజన్ 4 గ్రాండ్ ఫినాలేకు సిద్దమవుతోంది. ఈ సిజన్ ట్రోఫీ గెలుచుకునేది ఎవరా అని బిగ్బాస్ అభిమానులు ఆసక్తిగా ఎదురూచుస్తున్నారు. ఈ క్రమంలో హౌజ్ నుంచి వెళ్లిపోయిన మెహబూబ్ దిల్సే, దివిలకు సంబంధించిన కొన్ని ఫొటోలు నెట్టింటా హల్చల్ చేస్తున్నాయి. ఇందులో దివి మహబూబ్ను ఎత్తుకుని ఫొటోలకు ఫొజిచ్చింది. ఇందుకు సంబంధించిన ఫొటోలను మెహబుబ్ తన ఇన్స్టాగ్రామ్ ఖాతా గురువారం షేర్ చేశాడు. (చదవండి: సీరియల్స్లో అవకాశాలు, కానీ.. : దివి) వీటిని ‘బ్యూటీ విత్ బ్రెయిన్ యే కాదు.. బ్యూటీ విత్ బలం కూడా’ అంటూ మెహబూబ్ పోస్టు చేశాడు. అయితే హౌజ్లోని మగవారందరిలో మహబుబ్ కండలవీరుడన్న సంగతి తెలిసిందే. ఫిజికల్ లాస్క్లు వస్తే చాలు అందరూ మహబూబ్ను చూసి దడుచుకునే వారు. అలాంటి మెహబూబ్ను దివి అలవోకగా ఎత్తుకోవడమే కాక ఎంచక్కా ఫొటోలకు ఫొజులు ఇవ్వడం చూసి నెటిజన్లంతా ఆశ్చర్యపోతున్నారు. దీంతో ‘నిజంగానే దివి బ్యూటీ విత్ బలం’ అంటూ ప్రశంసిస్తున్నారు. (చదవండి: బిగ్బాస్ గ్రాండ్ ఫినాలే: స్టార్ హీరో ఫిక్స్!) View this post on Instagram A post shared by Mehaboob Shaikh 👑 (@mehaboobdilse) -
హారికతో డేట్కు వెళ్తా: మెహబూబ్
బిగ్బాస్ నాల్గో సీజన్ ప్రారంభమైన తొలినాళ్లలో మెహబూబ్కు అంతగా స్క్రీన్ స్పేస్ దొరకలేదు. తర్వాత తర్వాత నెమ్మదిగా పుంజుకున్న అతడు టాస్కుల్లో తన సత్తా చూపి అందరినీ ఆశ్చర్యపరిచాడు. అయితే ఆవేశంలో నోరు జారడం, రోబో టాస్కులో అతిగా ఆవేశపడటం, కోపంలో నోరు జారడం, కేవలం ఫిజికల్ టాస్కుల మీద మాత్రమే దృష్టి పెట్టడమే అతన్ని ఎలిమినేషన్ దిశగా నడిపించాయి. దీంతో పదోవారంలో ఇంటి సభ్యులను ఏడిపిస్తూ హౌస్ నుంచి భారంగా వీడ్కోలు తీసుకున్నాడు. బయటకు వచ్చాక అతడు అభిజిత్, సోహైల్కు తన పూర్తి మద్దతు తెలుపుతున్నాడు. దీంతో కొందరు నెటిజన్లు అఖిల్ నీ ఫ్రెండే కదా అతడికి ఎందుకు సపోర్ట్ చేయడం లేదని ప్రశ్నిస్తున్నారు. దీనిపై మెహబూబ్ స్పందిస్తూ అతడు నామినేషన్లో లేడని, నామినేషన్లోకి వచ్చినప్పుడు అతడికి కూడా సపోర్ట్ చేస్తానని క్లారిటీ ఇచ్చాడు. అలాగే తన బిగ్బాస్ జర్నీ గురించి ప్రత్యేక వీడియోను తన యూట్యూబ్ ఛానల్లో పోస్ట్ చేశాడు. పది వారాలు ట్రోల్ చేశారు మెహబూబ్ తనపై జరిగిన ట్రోలింగ్పై స్పందిస్తూ.. 'బయట అప్పటికే నాకో ఫేమ్ ఉంది. అయితే అది టిక్టాక్ వల్లే వచ్చింది. అందుకే బిగ్బాస్ ఛాన్స్ వచ్చింది అని చాలామంది అనుకున్నారు. అందుకే ట్రోల్ చేశారు. ఒక్కవారం కూడా ఉండనని అన్నవాళ్లు కూడా ఉన్నారు. కాకపోతే వాళ్లకు నేను ఎలా ఉంటానో తెలీదు. కాబట్టి అక్కడికి వెళ్లాక నన్ను చూసి వీళ్ల అభిప్రాయం మారుతుంది అనుకున్నా. అయినా సరే పది వారాల దాకా నామీద ట్రోలింగ్ ఆగలేదు. నా క్లోజ్ ఫ్రెండ్స్ కూడా సపోర్ట్ చేయలేదు. నన్ను సపోర్ట్ చేస్తే వాళ్లను ఎక్కడ ట్రోల్ చేస్తారో అని! కేవలం నా కుటుంబం, ప్రేక్షకుల వల్లే ఇన్నివారాలు లోపల ఉన్నా. చివరికి నేను ఎలిమినేట్ అవుతుంటే, నేను లోపల ఉండాల్సిన వ్యక్తిని అని అంతా అంటున్నారు, అది సంతోషంగా ఉంది. మంచిగా ఉన్నా, చెడుగా ఉన్నా ట్రోల్ జరుగుతుంది' అని తేలికగా తీసిపారేశారు. (చదవండి: మెహబూబ్ గుడ్బై: అవినాష్పై బిగ్బాంబ్) ముందు నా గురువును కలుస్తా ఫిమేల్ కంటెస్టెంట్లలో ఎవరిని పెళ్లి చేసుకుంటారు? ఎవరితో డేటింగ్ చేస్తారు? ఎవరిని చంపుతారు? అన్న ప్రశ్నకు దివితో పెళ్లి, హారికతో డేటింగ్, అరియానాను చంపేస్తానని మొహమాటం లేకుండా చెప్పాడు. ముందుగా ఈ సీజన్ నుంచి ఇదివరకే ఎలిమినేట్ అయిన కంటెస్టెంట్లలో మొట్ట మొదటగా తన గురువు అమ్మ రాజశేఖర్ను కలుస్తానని చెప్పుకొచ్చాడు. ఇచ్చిన టాస్కుల్లో తనకు విలన్ పాత్ర బాగా ఇష్టమని చెప్పాడు. హౌస్లో అఖిల్-మోనాల్, అభిజిత్-హారిక, సోహైల్-మెహబూబ్, అవినాష్-అరియానా జంటలు బాగుంటాయని తెలిపాడు. (చదవండి: హారికను ఓ చోటకు తీసుకెళ్తా: అభిజిత్) అరియానా బోల్డ్, కానీ ఇన్నోసెంట్ అమ్మాయి కంటెస్టెంట్ల గురించి చెప్తూ.. "అభిజిత్ నాకు పెద్దన్నలా ఉండేవాడు. భుజం సమస్య ఉంది కాబట్టి సరిగా ఫిజికల్ టాస్కులు ఆడలేకపోయాడు. కానీ ఇప్పుడు మాత్రం టాస్కుల్లో అల్లాడిస్తున్నాడు. కచ్చితంగా టాప్ 3లో ఉంటాడు. అఖిల్ కొన్ని విషయాల్లో ఎమోషనల్ అయిపోతున్నాడు. కాస్త కోపం ఎక్కువ. కానీ బాగా ఆడతాడు. మోనాల్ గేమ్ ఇప్పుడిప్పుడే స్ట్రాంగ్ అవుతోంది. అవినాష్ అందర్నీ ఎంటర్టైన్ చేస్తాడు. బంధాలకు విలువిస్తాడు. అరియానాకు ఆరోగ్యం బాగోలేనప్పుడు ఆమెను బాగా చూసుకున్నాడు. అరియానా.. నిజంగా బోల్డ్. లోపల మాత్రం ఇన్నోసెంట్ గర్ల్. లాస్య అక్క చాలా మంచిది. టాస్కుల్లో మాత్రం కొంచెం తగ్గుతోంది. అమ్మ రాజశేఖర్.. షో కోసం మనమేం చేయగలం అని ఎప్పుడూ ఆలోచిస్తుంటాడు. మాస్టర్ చాలా మంచి వ్యక్తి. గంగవ్వ.. ఫైటర్. దివి నా బెస్ట్ ఫ్రెండ్, చాలా అందంగా ఉంటుంది. ముక్కుసూటిగా మాట్లాడుతుంది. సోహైల్.. దిల్దార్ ఉంటాడు. వాడు టాప్ 3లో ఉండాలి. హారిక.. ఫైటర్. టాస్కుల్లో అబ్బాయిలతో సమానంగా ఆడుతుంది" అని పేర్కొన్నాడు. -
మెహబూబ్ అవుట్: ఎంత కష్టపడ్డా ఫలితం లేదు
బిగ్బాస్ నాల్గో సీజన్లో పదోవారం మెహబూబ్ దిల్సే షో నుంచి ఎలిమినేట్ అయ్యాడు. దీంతో కుమిలిపోయిన సోహైల్ బోరుబోరుమంటూ ఏడ్చేశాడు. ఊహించని దెబ్బకు మెహబూబ్ కూడా విలవిల్లాడిపోయాడు. ఎంత కష్టపడినా ఫలితం దక్కట్లేదని తలరాతను తిట్టుకున్నాడు. కానీ బిగ్బాస్ హౌస్ ఎన్నో నేర్పించిందని సంతోషించాడు. చివరిసారిగా డ్యాన్స్ చేసి అందరినీ కంటతడి పెట్టించాడు. మరి నేటి బిగ్బాస్ ఎపిసోడ్ ఎలా సాగిందో తెలుసుకోవాలంటే ఈ స్టోరీని చదివేయండి.. రెండుసార్లు గెలిచిన సోహైల్! హోస్ట్ నాగార్జున ఇంటిసభ్యులతో గద్ద కుందేలు ఆట ఆడించారు. మొదట గద్దగా మారిన అభి కుందేలుగా ఉన్న ఇంటిసభ్యుల్లో నుంచి అఖిల్ను పట్టుకుని గద్దగా మార్చేశాడు. ఇలా గేమ్ పూర్తయ్యేసరికి అందరూ గద్దలుగా మారిపోగా సోహైల్ మాత్రం కుందేలుగా ఉండి విజేతగా నిలిచాడు. తర్వాత అరియానా సేఫ్ అయినట్లు తెలిపారు. అనంతరం ఒకరు బొమ్మ గీస్తే మిగతావాళ్లు దాన్ని ఆధారంగా చేసుకుని సినిమా పేరు చెప్పాల్సి ఉంటుంది. ఈ గేమ్లో సోహైల్ లీడర్గా అవినాష్, అఖిల్, హారిక ఒక టీమ్, అరియానా లీడర్గా మెహబూబ్, లాస్య, అభిజిత్, మరో టీమ్గా విడిపోయారు. మోనాల్ సంచాలకురాలిగా వ్యవహరించింది. (చదవండి: జబర్దస్త్లోకి మళ్లీ తీసుకుంటారు: అవినాష్ తమ్ముళ్లు) లాస్యను ఆంటీ అని ఆటపట్టించిన అవినాష్ ఈ గేమ్లో అందరికన్నా అవినాష్ బాగా ఆడుతూ ఎగిరి గంతులేశాడు. ఈ క్రమంలో అమ్మాయిలు, ఆంటీలు, ఫిగర్లు అంటూ తిరిగావో యాసిడ్ పోసి చంపేస్తానని హారిక డైలాగ్ చెప్తూ అవినాష్ మీద బాటిల్ గుమ్మరించేసింది. అనంతరం మోనాల్ సేఫ్ అయినట్లు ప్రకటించారు. తర్వాత లాస్యను ఆంటీ అంటూ అవినాష్ ఆటపట్టించడంతో ఆమె అతడిని ఏడవలేక నవ్వుతూ హెచ్చరించింది. ఇక సినిమా పేర్లను కనుక్కునే గేమ్లో అరియానా టీమ్ను చిత్తుచిత్తుగా ఓడించి సోహైల్ టీమ్ విజయాన్ని ముద్దాడింది. అనంతరం హారిక సేఫ్ అయినట్లు తెలిపారు. (చదవండి: దివి నన్ను కాపాడిన దేవత, హౌస్లో అభి దండగ) విజయం కోసం పదేళ్లుగా ఎదురు చూస్తున్నా చివరికి సోహైల్, మెహబూబ్ డేంజర్ జోన్లో మిగిలారు. ఈ సందర్భంగా సక్సెస్ కోసం పదేళ్లుగా కల కంటున్నా అని సోహైల్, కష్టపడుతున్నాను కానీ దురదృష్టం వెంటాడుతోందని మెహబూబ్ బాధపడ్డాడు. మెహబూబ్ చెప్పినట్టుగానే అతడి నెత్తి మీద దరిద్రం దాండియా ఆడుతోంది. ఫలితంగా మెహబూబ్ ఎలిమినేట్ అయినట్లు నాగ్ వెల్లడించడంతో సోహైల్ కన్నీటిపర్యంతమయ్యాడు. టాప్ 5లో ఉంటామంటూ ఇప్పుడు వెళ్లిపోతున్నాడని చిన్నపిల్లాడిలా ఏడ్చేశాడు. దీంతో స్నేహితుడి కన్నీళ్లను తుడుస్తూ.. నువ్వు, అఖిల్ తప్పకుండా టాప్ 5లో ఉండాలంటూ మెహబూబ్ కూడా దుఃఖించాడు. ఇంటిసభ్యుల నుంచి భారంగా వీడ్కోలు తీసుకున్నాడు. రేపటి నుంచి ఎవరితో డ్యాన్స్ చేయాలి? హౌస్ను వీడి వచ్చేసిన మెహబూబ్ తనకు బిగ్బాస్ షో చాలా నేర్పిందని, అందరూ తనకు స్విమ్మింగ్ కూడా నేర్పారని చెప్పుకొచ్చాడు. కాగా 'నువ్వు లేకపోతే నేను డ్యాన్స్ చేయలేను' అని హారిక, ఎగ్ దోశ ఎవరికి వేయాలని లాస్య కన్నీళ్లు పెట్టుకున్నారు. మెహబూబ్ మాట్లాడుతూ.. హౌస్లో అభిజిత్ తనకు అన్నలాగా ఉన్నాడని వెక్కివెక్కి ఏడ్చాడు. ఇంత హార్డ్ వర్క్ చేసేవారిని తానెప్పుడూ చూడలేదని అభి చెప్పుకొచ్చాడు. ఇక ఎవరికి ఆరోగ్యం బాగోలేకపోయినా మోనాల్ దగ్గరుండి చూసుకుంటుందని, హౌస్లో బెస్ట్ ఎంటర్టైనర్ అవినాష్ అని, అఖిలే నంబర్ 1 అని మెహబూబ్ చెప్పుకొచ్చాడు. (చదవండి: బిగ్బాస్: ఏంటేంటి? అతడు టైటిల్ ఎగరేసుకుపోతాడా?) హౌస్లో సోహైల్ ఉంటే మెహబూబ్ ఉన్నట్లే మరోవైపు సోహైల్ మాత్రం దుఃఖ సాగరంలో నుంచి బయట పడలేకపోయాడు. మొన్న మాస్టర్ పోయాడు, తర్వాత అఖిల్ వెళ్లొచ్చాడు, ఇప్పుడు మెహబూబ్ వెళ్తున్నాడు అంటూ వెక్కివెక్కి ఏడ్చాడు. అతడిని మెహబూబ్ అతికష్టం మీద ఓదారుస్తూ బిగ్బాస్లో నువ్వు ఎన్ని రోజులు ఉంటే తాను కూడా అన్ని రోజులు లోపల ఉన్నట్లే అని చెప్పుకొచ్చాడు. చివరగా ఓ హిందీ పాటకు ఆర్తిగా డ్యాన్స్ చేస్తూ అందరినీ ఏడిపించేశాడు. అనంతరం నెక్స్ట్ వీక్ నాన్వెజ్ తినకూడదనే బిగ్బాంబ్ను అవినాష్ మీద వేశాడు. -
ఎలిమినేషన్: సోహైల్కు షాకుల మీద షాకులు
'స్నేహం అంటే ప్రాణమిస్తాం' అన్న డైలాగులు చాలా విన్నాం. కానీ స్నేహితులే తన ప్రాణమని భావించే వ్యక్తి సోహైల్. అతడికి బిగ్బాస్ షాకుల మీద షాకులిస్తున్నాడు. అఖిల్ ఎలిమినేట్ అయ్యాడంటూ నిన్నటివరకు ఏడిపించిన బిగ్బాస్ ఇప్పుడు మరో ఫ్రెండ్ మెహబూబ్ను నిజంగానే హౌస్ నుంచి పంపించి వేశాడు. ఈ బాధను తట్టుకోలేకపోయిన సోహైల్ ఒక్కసారిగా కన్నీటిపర్యంతం అయ్యాడు. ఇంతకు ముందు సీజన్లలో ఎలిమినేషన్ జరిగినప్పుడు ఏడుస్తుంటే కంటెస్టెంట్ల ఓవరాక్షన్ ఏందని ఎగతాళి చేసేవాళ్లం. కానీ ఇక్కడ నిజంగా ఆ ఎమోషన్స్ ఏంటో తెలుస్తున్నాయి అని కన్నీళ్లు పెట్టుకున్నాడు. బ్రెయిన్, మనసు.. ఈ రెండింటితో కొట్లాడాలని ఆవేదన చెందుతున్నాడు. అతడిని ఓదార్చడం ఎవరి తరమూ కావట్లేదు. (చదవండి: సోహైల్ వేస్ట్గాడు, ఎవ్వరూ పట్టించుకోరు: హారిక) అటు హారిక, మోనాల్, అఖిల్ కూడా మెహబూబ్ వెళ్లిపోతున్నందుకు ఏడ్చేశారు. ఈ ప్రోమో చూసి నెటిజన్లు సైతం భావోద్వేగానికి లోనవుతున్నారు. సోహైల్ ఏడుపును డ్రామా కాదని, వాళ్ల ఫీలింగ్స్ను ఎగతాళి చేయకండని పలువురు సూచిస్తున్నారు. సోహైల్ ఏడుస్తుంటే మాకు తెలియకుండానే దుఃఖం తన్నుకొస్తోందని ఆయన అభిమానులు కామెంట్లు చేస్తున్నారు. ఇక మెహబూబ్కు ప్రారంభ ఎపిసోడ్లే దెబ్బ తీశాయన్నది తెలిసిన విషయమే. కానీ టాస్కుల్లో తన సత్తా చూపుతూ ఎదుటివారికి చెమటలు పట్టించాడు. అయితే బిగ్బాస్ అంటే కేవలం ఫిజికల్ టాస్క్ మాత్రమే కాదన్న విషయం తెలుసుకోలేకపోయాడు. ప్రేక్షకులను ఆకర్షించడంలో విఫలమయ్యాడు. ఫలితంగా మొదట్లో అతడు చేసిన అతి వల్ల ఇప్పుడు మూల్యం చెల్లించుకుంటున్నాడు. ఇక బిగ్బాస్ బజ్లో రాహుల్ సిప్లిగంజ్ మెహబూబ్ను ఇంటర్వ్యూ చేస్తున్న ఫొటో సోషల్ మీడియాలో వైరల్గా మారింది. (చదవండి: బిగ్బాస్ నుంచి మెహబూబ్ అవుట్!) -
బిగ్బాస్: మెహబూబ్ ఎలిమినేటెడ్!
పదోవారం ముగింపులోకి వచ్చిన బిగ్బాస్ హౌస్ నుంచి ఇప్పటికే పది మంది కంటెస్టెంట్లు వెళ్లిపోయారు. సూర్యకిరణ్, కల్యాణి, దేవి నాగవల్లి, స్వాతి దీక్షిత్, సుజాత, కుమార్ సాయి, దివి, అమ్మ రాజశేఖర్ ఎలిమినేట్ అయ్యారు. అనారోగ్య కారణాలతో గంగవ్వ, నోయల్ స్వతంత్రంగా హౌస్ను వీడి వచ్చేశారు. ఇక రేపటి ఎపిసోడ్లో ఎవరు ఎలిమినేట్ అవుతారనేది పక్కన పెట్టి అసలు ఎలిమినేషన్ ఉంటుందా? లేదా? అని అందరూ అయోమయంలో పడిపోయారు. నామినేషన్లోకి వచ్చి బుక్కయ్యాడు కానీ తాజాగా లీకువీరులు చెప్తున్న సమాచారం ప్రకారం ఎలిమినేషన్ ఎత్తేయలేదు. దీపావళి పండగను సాకుగా చెప్తూ అందరినీ సేఫ్ చేయలేదు. ముందు నుంచి ఊహిస్తున్నదాని ప్రకారం మెహబూబే ఈ వారం ఎలిమినేట్ అయ్యాడని వినికిడి. నిజానికి ఎప్పుడో బ్యాగు సర్దేయాల్సింది. కానీ అదృష్టం బాగుండి తప్పించుకు తిరుగుతున్నాడు. ఎట్టకేలకు నామినేషన్లోకి వచ్చి అడ్డంగా బుక్కయ్యాడు. నామినేషన్లో ఉన్నవాళ్లలో అరియానా మీద వ్యతిరేకత ఉన్నప్పటికీ మెహబూబ్ మీద అంతకన్నా ఎక్కువే ఉండటంతో అతడికి పెద్దగా ఓట్లు కురవలేదు. (చదవండి: మాస్టర్ అవుట్: మెహబూబ్కు కెప్టెన్సీ, కానీ!) రోబో టాస్కు నుంచి మెహబూబ్పై వ్యతిరేకత ఇక్కడ చిత్రమేమిటంటే హౌస్లో ఉన్న చాలామందితో పోలిస్తే మెహబూబ్ స్ట్రాంగ్ ప్లేయర్. ఫిజికల్ టాస్కులో ఇరగదీస్తాడు. మిగతావాళ్లకు గెలిచే అవకాశాన్నే ఇవ్వడు. అయితే అతడికి కండబలం ఉంది కానీ బుద్ధిబలం కాస్త తక్కువ. దాని ప్రతిఫలంగా కాయిన్ల టాస్కులో గెలిచే అవకాశాన్ని కాలితో తన్నేశాడు. టాస్కుల్లో తప్పితే సాధారణ సమయాల్లో అతడికి ఎక్కువగా స్క్రీన్ స్పేస్ కూడా లభించలేదు. తన జిగిరీ దోస్త్ సోహైల్తో స్నేహం తప్ప ప్రేక్షకులను ఆకర్షించేందుకు ఏం చేయాలన్నదానిపై పెద్దగా దృష్టి పెట్టలేదు. ఇక రోబో టాస్కులో అతిగా ఆవేశపడి మొదట్లోనే వ్యతిరేకత మూటగట్టుకున్నాడు. తర్వాత టాస్కులు ఆడుతూ తన గ్రాఫ్ పెంచుకునే ప్రయత్నం చేసినా వీక్షకుల్లో మాత్రం మెహబూబ్పై ఆ వ్యతిరేకత అలాగే ఉండిపోయింది. ఫలితంగా ఈ వారం ఎలిమినేట్ అవక తప్పలేనట్లు తెలుస్తోంది. మరి ఈ విషయాన్ని నాగార్జున రేపటి ఎపిసోడ్లో అధికారికంగా ప్రకటిస్తారా? లేదా ఏమైనా ట్విస్టులిస్తారా? అనేది చూడాలి. (చదవండి: లాఠీలతో కొట్టి స్టేషన్లో వేశారు: మెహబూబ్) -
బిగ్బాస్: ఎలిమినేషన్? రీ ఎంట్రీ?
బిగ్బాస్ సీజన్ ప్రారంభమైందంటే వినోదానికి ఢోకా లేనట్టే. కానీ ఈ నాల్గో సీజన్ మాత్రం ప్రారంభంలో ప్రేక్షకులను ఎంటర్టైన్ చేయడంలో కాస్త తడబడినట్లు కనిపించినా.. ఆ తర్వాత నెమ్మదిగా పుంజుకుని జనాలను తిరిగి తనవైపుకు తిప్పుకుంటోంది. అయితే హౌస్లో ఉన్న కంటెస్టెంట్లు మాత్రం ఇంకా గందరగోళంలో ఉన్నట్లు కనిపిస్తున్నారు. ఐయామ్ బోల్డ్, స్ట్రాంగ్ అంటూ వీరవనితలా మాట్లాడిన అరియానా ఇంటిసభ్యులందరూ తనపై నామినేషన్ అనే అస్త్రాన్ని వదలగానే మన్ను తిన్న పాములా మారిపోయింది. తన అల్లరితో ఇల్లు పీకి పందిరి వేసే ఆమె ఇప్పుడు హౌస్లో ఉందా? లేదా? అన్నట్లుగా ఉంది. అటు అవినాష్ కూడా నోయల్ ఇచ్చిన షాక్ నుంచి ఇంకా తేరుకోలేకపోతున్నాడు. ఫిజికల్ టాస్కు అంటే మెహబూబ్ ఉండాల్సిందే ఇక కెప్టెన్సీ కోసం కొట్టుకు చచ్చిన అఖిల్ హౌస్ నుంచి బయటకు వెళ్లినట్టే వెళ్లి సీక్రెట్ రూమ్లో పాగా వేశాడు. ఇప్పుడిప్పుడే తన మీద ఉన్న మచ్చలను తుడిపేసుకుంటూ మోనాల్ సరైన ట్రాక్ ఎక్కుతున్నట్లు కనిపిస్తోంది. ఇక సోహైల్ చెప్పినట్టుగానే అభిజిత్ ఐడియాలు ఇస్తాడు కానీ ఏమీ చేయడని అతడే స్వయంగా రుజువు చేసుకుంటున్నాడు. జున్నును గుర్తు చేసుకుంటూ పదేపదే బాధపడుతున్న లాస్య హౌస్లో వంటింటి కుందేలుగా మారిపోయింది. హారిక అయితే అభి, లాస్యతో లేదంటే కెమెరాలతో మాట్లాడుతూ పొద్దు గడుపుతోంది. ఫ్రెండ్షిప్పే తన బలం అనుకుంటున్న సోహైల్కు అదే బలహీనంగా మారుతోంది. మిగిలింది మెహబూబ్.. మొదట్లో కాస్త అతిగా ప్రవర్తించి చెడ్డ పేరు మూటగట్టుకున్నాడు. కానీ తర్వాత మామూలుగానే ఉన్నాడు. అయినా సరే అతడిపై వ్యతిరేకత మాత్రం పోలేదు. అయితే ఫిజికల్ టాస్కులో చావోరేవో అన్నట్లుగా పోరాడుతాడు. ప్రత్యర్థికి చెమటలు పట్టిస్తాడు. (చదవండి: హారిక హగ్గిచ్చి ఎన్నిరోజులైతుందో: అభిజిత్) రీఎంట్రీ, ఎలిమినేషన్.. ఏదో ఒకటేనా? వీరిలో ఒకరు బిగ్బాస్ ఇంటి నుంచి బయటకు వెళ్లే సమయం వచ్చింది! పదోవారానికిగానూ అభిజిత్, సోహైల్, మెహబూబ్, అరియానా, మోనాల్, హారిక ఎలిమినేషన్ జోన్లో ఉన్నారు. వీరిలో మెహబూబ్, ఆ తర్వాత మోనాల్ డేంజర్ జోన్లో ఉన్నారు. దీపావళి సందర్భంగా ఎలిమినేషన్ రద్దు చేస్తే మెహబూబ్ మరోసారి అదృష్టవంతుడని నిరూపించుకున్నట్లే. ఎందుకంటే హౌస్ను వీడనుంది మెహబూబ్ అని సోషల్ మీడియా పోల్స్ ఘంటాపథంగా చెప్తున్నాయి. మరోవైపు సీక్రెట్ రూమ్లో ఉన్న అఖిల్ నేడు హౌస్లో రీ ఎంట్రీ ఇస్తున్నట్లు సమాచారం. రీ ఎంట్రీ ఉండటంతో పాటు పండగ స్పెషల్ అంటూ ఎలిమినేషన్ ఉంచుతారా? ఎత్తేస్తారా? అన్నది ఆసక్తికరంగా మారింది. (చదవండి: బిగ్బాస్కు తలనొప్పిగా మారుతోన్న మెహబూబ్!) -
హారిక హగ్గిచ్చి ఎన్నిరోజులైతుందో: అభిజిత్
కండబలం ఉంది కానీ బుద్ధి బలం లేదని నిరూపించుకున్నారు అఖిల్, మెహబూబ్. కెప్టెన్సీ నాకు తప్ప నా ఫ్రెండుకు కూడా దక్కకూడదన్న మూర్ఖత్వంతో ప్రవర్తించి టాస్కు రద్దయ్యేందుకు కారణమయ్యారు. ఫలితంగా హౌస్లో ఉండేందుకు అవసరమైన ప్రాణవాయువులాంటి ఇమ్యూనిటీ ఎవరికీ అందకుండా పోయింది. వీళ్ల గొడవను చూసి అగ్లీ అన్న అభిజిత్.. హారికతో అంతకన్నా అగ్లీ గొడవకు దిగాడు. తనను పక్కనపెట్టి అఖిల్కే హగ్గులిస్తుందని నొచ్చుకున్నాడు. వెళ్లి వాళ్లకే నీ హగ్గులు ఇచ్చుకో అని పదే పదే అంటూ జనాలకు విసుగు తెప్పించాడు. మరి నేటి బిగ్బాస్ ఎపిసోడ్లో ఏమేం జరిగాయో తెలియాలంటే దీన్ని చదివేయండి.. గేమ్లో ఒంటరైన మోనాల్ బిగ్బాస్ ఈ వారం బాస్కెట్ బాల్స్ను గోల్ చేసే టాస్క్ ఇచ్చాడు. ఇందులో ఎవరి బంతిని వాళ్లే కాకుండా మిగతావాళ్లు గోల్ చేయాల్సి ఉంటుంది. బజర్ మోగినప్పుడు ఆలస్యంగా గోల్ చేసిన బంతి మీద ఎవరి ముఖం ఉంటే వాళ్లు అవుట్ అవుతారు. ఆఖరి రౌండ్లో గోల్ చేసిన బంతి మీద ఎవరి ముఖం ఉంటే వాళ్లే గెలిచినట్లు. ఈ గేమ్లో అభిజిత్ మైండ్ గేమ్ ఆడాడు. అతడు, హారిక కలిసి తనకు గిట్టని వ్యక్తి ముఖం ఉన్న బంతిని తీసుకుని కావాలని ఆలస్యంగా వేశారు. మోనాల్ బంతిని ఎవరూ తీసుకోలేదు. ఈ గేమ్లో చివరికి మెహబూబ్, అఖిల్ ఇద్దరే మిగిలారు. (అభిజిత్కు హౌస్లో ఉండే అర్హత లేదు: అమ్మ రాజశేఖర్ ) తొక్కలో రిలేషన్స్, అంతా నటిస్తారు: అఖిల్ ఈసారి నాకు సపోర్ట్ కావాలంటే నాకు సపోర్ట్ కావాలని ఇద్దరూ వాదులాడుకున్నారు. బజర్ మోగిన విషయం మర్చిపోయి బాల్ వేయకుండా కీచులాడుతూనే ఉన్నారు. చివరికి నిబంధనలకు తూట్లు పొడుస్తూ ఎవరి బంతి వారు గోల్ చేసేందుకు సిద్ధపడ్డారు. దీంతో ఆగ్రహం వ్యక్తం చేసిన బిగ్బాస్ ఇద్దరి బాధ్యతారాహిత్యం కారణంగా టాస్క్ మొత్తాన్ని రద్దు చేస్తునట్లు వెల్లడించారు. ఈ వారానికి హౌస్లో కెప్టెనే ఉండరని ప్రకటించాడు. దీంతో స్నేహితుల కోసం గేమ్ నుంచి తప్పుకున్న సోహైల్ చిందులు తొక్కాడు. అనవసరంగా ఇమ్యూనిటీ రాకుండా చేసుకున్నారని బాధపడ్డాడు. ఇంట్లో నాకు ఒక్కడు సపోర్ట్ చేయలేదు. ఈ ఒక్కసారి చేయుమన్నా.. అని అఖిల్ ఫ్రస్టేట్ అయ్యాడు. అందుకే ఈ తొక్కలో రిలేషన్స్ వద్దంటా, అంతా నటిస్తారు అని అలిగాడు. పనిలో పనిగా మోనాల్ మీద విసుగు ప్రదర్శించాడు. ప్రతిసారి నీ కోసం ఆడతా అని ఎందుకనుకుంటున్నావు అని మోనాల్ ముఖం పట్టుకుని అడగ్గా నాకోసం ఆడమని నీకు చెప్పలేదని ఆమె స్పష్టం చేసింది. మరోవైపు తన నెత్తి మీద దరిద్రం డ్యాన్స్ చేస్తోందని మెహబూబ్ కన్నీళ్లు పెట్టుకోగా మోనాల్, సోహైల్ ఓదార్చారు. నేను హగ్గిస్తే కుర్చీలో నుంచి పడిపోతావు.. కెప్టెన్సీ చేజారిన బాధలో నుంచి బయటకు రాని అఖిల్.. మెహబూబ్, సోహైల్తో మాట్లాడుతూ మీరిద్దరే ఫ్రెండ్స్, నేనే అప్పుడప్పుడు మధ్యలోకి వస్తా. ఈ రిలేషన్స్, ఫ్రెండ్షిప్స్ బక్వాస్. అందుకే దివాళీ గిఫ్ట్కు మీ ఇద్దరితో పాటు మోనాల్ పేరు కూడా రాయలేదు అని అసలు విషయం చెప్పాడు. వీళ్ల పంచాయితీ మీద అభిజిత్ సెటైర్లు వేశాడు. ఎందుకింత అగ్లీగా ప్రవర్తిస్తున్నారు, మంచిగా ఆడొచ్చు కదా అని తన టీమ్తో చర్చించాడు. కానీ మరుక్షణమే అతడు అగ్లీ టాపిక్కు తెర తీశాడు. పోయి(అఖిల్కు) హగ్గులిచ్చుకో పో అని హారిక మీద కోప్పడ్డాడు. నాకు హగ్గిచ్చి ఎన్ని రోజులైతుందో తెలుసా? అని అభి అలగడంతో ఈరోజు పొద్దున్నే కదా ఇచ్చానని హారిక జవాబిచ్చింది. అయినా ఇప్పటికిప్పుడు నేను హగ్గిస్తే కుర్చీలో నుంచి కింద పడిపోతావు అని హెచ్చరించింది. ఎప్పుడూ ఏదో అని, దాన్ని కవర్ చేసేందుకు హగ్గిచ్చావే కానీ సొంతంగా హగ్గిచ్చావా అని నిలదీశాడు. అలా కాసేపటి వరకు ఈ హగ్గుల గురించి హద్దులు దాటి మాట్లాడుకున్నారు. (మనసు గెలిచేసిన మోనాల్) సూట్కేసులు సర్దుకున్న కంటెస్టెంట్లు మరోవైపు అలక బూనిన ఇద్దరు ఫ్రెండ్స్ మధ్య సోహైల్ నలిగిపోయాడు. రేపు ఇలాంటి పరిస్థితి వచ్చినప్పుడు నేను, అఖిల్ ఉంటే.. నువ్వు కచ్చితంగా అఖిల్నే సేఫ్ చేస్తావు అని మోనాల్తో అన్నాడు. దానికి ఆమె స్పందిస్తూ కానీ నేను, నువ్వు ఉంటే మాత్రం అఖిల్ నిన్నే సేఫ్ చేస్తాడని క్లారిటీ ఇచ్చింది. ఎటొచ్చీ ఈరోజు మోనాల్ మళ్లీ ఒంటరిగా మారగా అప్పటివరకూ గొడవపడ్డ సోహైల్, అఖిల్, మెహబూబ్ మళ్లీ ఒక్కటైపోయారు. ఇక అరియానా దగ్గర మోనాల్ సేఫ్ గేమ్ ఆడుతుందని చెప్పిన అవినాష్.. తర్వాత మాత్రం ఆమె దగ్గరకు వెళ్లి టాప్ 5లో ఉంటావంటూ క్రీమ్ బిస్కెట్లు వేశాడు. అనంతరం అర్ధరాత్రి ఇంటిసభ్యులను నిద్ర లేపిన బిగ్బాస్ వారి సూట్కేసులను సర్దుకోమన్నాడు. ఫినాలేకు వెళ్లడానికి ఎవరు అడ్డుపడుతారనుకుంటున్నారో వారి పేర్లను చెప్పమన్నాడు. ఎవరు ఎవరి పేర్లను చెప్పనున్నారో రేపటి ఎపిసోడ్లో తేలనుంది. (అభికి జీరో టాలెంట్, అఖిల్కు అహంకారం) -
సపోర్ట్ లేదు, ఫ్రెండ్షిప్ పెట్టుకుని వేస్ట్: అఖిల్
బిగ్బాస్ నాల్గో సీజన్లో పదో వారంలోకి అడుగు పెట్టింది. ఇప్పటి వరకు గ్రూపులుగా ఉన్నా టాప్ 5లోకి వెళ్లాలంటే ఒంటరిగా పోరాడాల్సిన సమయం ఇది. కానీ హౌస్లో మాత్రం ఇందుకు భిన్నంగా గ్రూపులు గ్రూపులుగా ఆడుతున్నారు. ఇక అఖిల్ తనతో క్లోజ్గా ఉండే వాళ్లను నామినేట్ చేసి షాకిచ్చాడు. ఒంటరువుతున్నానని బాధపడుతున్న అరియానాను అవినాష్ తప్ప మిగతా అందరూ నామినేట్ చేసి ఆమె ఒంటరే అని నిరూపించారు. ఇక లాస్య, అభిజిత్, హారిక ఎలాగో ఒకరినొకరు నామినేట్ చేసుకోరు. ఈ ప్రక్రియను పక్కన పెడితే నేడు కెప్టెన్సీ పోటీ జరగనుంది. దీనికంటే ముందు కెప్టెన్సీ పోటీదారుల ఎంపిక జరగాలి కదా! అది మీలో మీరే తేల్చుకోమని బిగ్బాస్ ఫిట్టింగ్ పెట్టినట్లు తెలుస్తోంది. కెప్టెన్సీ కోసం ఎవరు త్యాగం చేస్తారు? అని స్టార్ మా తాజాగా ప్రోమోను వదిలింది. (చదవండి: అఖిల్ ప్రవర్తనపై మోనాల్ ఫ్యాన్స్ ఫైర్) "ఒక్కసారి కూడా ఏ ఒక్కరూ తనకు సపోర్ట్ చేయలేదు అని అఖిల్ ఫ్రస్టేట్ అవుతున్నాడు. ఈ స్నేహాలు గట్రా పెట్టుకునే బదులు దూరంగా ఉండటమే మంచిద"ని చెప్పుకొచ్చాడు. మరోవైపు మెహబూబ్ తన దరిద్రాన్ని గుర్తు చేసుకున్నాడు. ప్రతిసారి దేవుడు తనకు అన్నీ ఇచ్చినట్టే ఇచ్చి వెనక్కు తీసుకుంటున్నాడని దుఃఖిస్తున్నాడు. దీంతో ఇద్దరి మధ్య నలిగిపోతున్న సోహైల్ ఎవరో ఒకరు కాంప్రమైజ్ అయితే కదా దిల్ అనేది తెలుస్తుంది అని మెహబూబ్ను కన్విన్స్ చేసేందుకు ప్రయత్నిస్తున్నాడు. అటు మోనాల్ కూడా మెహబూబ్ను ఓదార్చే పనిలో పడింది. అయితే టాస్కు సరిగా పూర్తి చేయనందుకో, దేనికో కానీ అసలు కెప్టెన్గా ఎవరూ ఎన్నిక అవలేదని సమాచారం.. (చదవండి: నీ కాళ్లు పట్టుకుంటా, ఏం చేసుకోకు: అరియానా) -
మాస్టర్ అవుట్: మెహబూబ్కు కెప్టెన్సీ, కానీ!
ఈసారి ప్రేక్షకుల అంచనా మిస్సవలేదు. తన చేష్టలతో ఇంటి సభ్యులను బెంబేలెత్తించిన అమ్మ రాజశేఖర్ బిగ్బాస్ హౌస్ నుంచి తొమ్మిదో వారం ఎలిమినేట్ అయ్యాడు. మరోవైపు సుమ స్పెషల్ గెస్ట్గా రావడంతో శనివారం రావాల్సిన దీపావళి వారం రోజుల ముందే వచ్చినట్లైంది. స్టేజీ పైకి వస్తూనే నవ్వుల బాణాలను వదిలింది. అందరినీ ఇరిటేట్ చేసే అరియానాను ఇమిటేట్ చేస్తూ, ప్రతి ఒక్కరి మీదా జోకులు పేల్చే అవినాష్ మీద కామెడీ చేస్తూ కంటెస్టెంట్లను మారు మాట్లాడనీయకుండా చేసింది. మరి నేటి ఎపిసోడ్లో ఇంకా ఏమేం జరిగాయో తెలుసుకోవాలనుందా? అయితే వెంటనే ఈ స్టోరీ చదివేసేయండి.. అఖిల్కు మోనాల్ చాక్లెట్లు, మరి ఆమెకు? దీపావళి సందర్భంగా ఇంటిసభ్యులకు బహుమతులు వచ్చాయని, వాటిని అందుకోవాలంటే కొన్ని చాలెంజ్లు పూర్తి చేయాలని నాగార్జున తెలిపారు. మొదట సోహైల్ కోసం మెహబూబ్ నేల మీద బౌల్లో ఉన్న బిస్కెట్లను చేయితో పట్టుకోకుండా తినేశాడు. దీంతో సోహైల్కు తను పంపిన బ్రేస్లెట్ గిఫ్ట్ను మెహబూబ్ తొడిగాడు. తర్వాత అఖిల్ కోసం అభిజిత్.. తల మీద బుట్టలో బంతులు వేసే ఆట ఆడాడు. దీంతో అఖిల్ గిఫ్ట్ ఓపెన్ చేయగా మోనాల్ పంపించిన చాక్లెట్లు కనిపించాయి. అనంతరం అభిజిత్ కోసం అఖిల్ సోడాబుడ్డి కళ్ళద్దాలు పెట్టుకుని బంతులు వేరు చేసే గేమ్ ఆడాడు. కానీ విఫలమయ్యాడు. దీంతో అభికి వచ్చిన గిఫ్ట్ వెనక్కు వెళ్లిపోయింది. (చదవండి: మోనాల్ మాత్రం కోడలిగా రాదు: అఖిల్ తల్లి) మాస్టర్కు, మోనాల్కు గిఫ్టులు పంపిన నాగ్ లాస్య కోసం హారిక నడుముకు టిష్యూ బాక్స్ కట్టుకుని గెంతుతూ, అందులో నుంచి 20 బంతులు బయట పడేలా చేయాల్సి ఉంటుంది. కానీ ఓడిపోవడంతో లాస్య బహుమతి పోగొట్టుకుంది.. మెహబూబ్ కోసం అవినాష్, అమ్మ రాజశేఖర్ జడ వేయించుకున్నారు. దీంతో మెహబూబ్కు సోహైల్ కాఫీ కప్పును అందించాడు. తర్వాత అవినాష్ కోసం మాస్టర్, అరియానా కోసం మెహబూబ్ గేమ్ ఆడారు. కానీ ఓడిపోవడంతో వాళ్ల గిఫ్ట్ కూడా చేజారిపోయింది. హారిక కోసం.. అభిజిత్, లాస్య బంతుల టాస్కు ఆడి గెలిచారు. దీంతో హారికకు అభి నువ్వుండలు, లాస్య డ్రెస్ పంపించింది. మిగిలిన మోనాల్, అమ్మ రాజశేఖర్కు ఎవరూ గిఫ్టులు పంపకపోవడంతో తానిస్తానని నాగ్ స్వయంగా ముందుకొచ్చారు. మాస్టర్కు చేపల కూర, మోనాల్కు అహ్మదాబాద్ నుంచి స్వీట్లు తెప్పించారు. (చదవండి: నా గురించి మాట్లాడకు అరియానా: అవినాష్ ఫైర్) వైల్డ్ కార్డ్ ఎంట్రీ అంటూ ప్రాంక్ తర్వాత సుమను సూపర్ వైల్డ్ కార్డ్ ఎంట్రీ అని లోపలకు ఆహ్వానించారు. కానీ అదంతా ప్రాంక్ అని కొన్ని క్షణాల్లోనే తేలిపోయింది. అయితే సుమ కంటెస్టెంట్లతో సహా నాగార్జున మీద కూడా పంచులు విసరడం గమనార్హం. ఆ తర్వాత ఇంటిసభ్యుల కోసం తెచ్చిన వస్తువుల చిట్టాను ఏకరువు పెట్టింది. మోనాల్కు టిష్యూలు, అరియానాకు లాలీపాప్, లాస్యకు తెలుగు జోక్స్ పుస్తకం తెచ్చింది. దీంతో లాస్య జలుబు ముక్కుకే ఎందుకు చేస్తుందని ప్రశ్నించింది. ఈ జోకును పట్టేసిన సుమ.. ఐస్ మధ్యలో ఉంటుందని జవాబిచ్చింది. ఎక్సర్సైజ్ చేయడం లేదని అభితో గెంతులు వేయించింది. హారికతో తెలుగు టంగ్ ట్విస్టర్, అవినాష్తో ఇంగ్లీష్ టంగ్ ట్విస్టర్ చెప్పించేందుకు ప్రయత్నించింది కానీ వారి వల్ల కాలేదు. (చదవండి: రాజీవ్పై సుమ ఎమోషనల్ ట్వీట్.. వైరల్) అవినాష్ నీ కాళ్లు పట్టుకుంటా.. తర్వాత అవినాష్కు బిస్కెట్లు, మాస్టర్కు ఫస్ట్ ఎయిడ్ కిట్ తెచ్చానని చెప్తూ, అఖిల్కు లవ్ లెటర్ రాసేందుకు పెన్నూ పేపర్ తేవడం మర్చిపోయినట్లు తెలిపింది. అయితే ఆమె కోరిక మేరకు అఖిల్.. ఏమైపోయావే... అని పాట పాడి అందరినీ బుట్టలో వేసుకున్నాడు. నీకోసం ఎవరైనా పాడారా? అని నాగ్ లాస్యను అడగ్గా.. పాడారు కనుకే రెండు జోల పాటలు పాడానని పంచ్ విసిరింది. ఇక హౌస్లోకి వెళ్లమనగానే గంగవ్వ వయసొచ్చాక వెళ్తానంటూ షో నుంచి జారుకుంది. అనంతరం మోనాల్ సేఫ్ అయినట్లు నాగ్ ప్రకటించారు. దీంతో మాస్టర్, అవినాష్ డేంజర్ జోన్లో పడ్డారు. పొరపాటున అవినాష్ వెళ్లిపోతాడేమోనని అరియానా వెక్కి వెక్కి ఏడ్చేసింది. ఏం జరిగినా నువ్వు ఎలాంటి అఘాయిత్యానికి పాల్పడవద్దని మదర్ ప్రామిస్ వేయించుకుంది. 'నీ కాళ్లు పట్టుకుంటా, నాకోసం ఎదురు చూడు, నువ్వు బతికుంటే చాలు' అంటూ ఎమోషనల్ అయింది. అభిజిత్ విలన్: అమ్మ రాజశేఖర్ ఇంతలో డబుల్ ఎలిమినేషన్కు ఛాన్స్ ఉందని చెప్పడంతో అరియానా షాక్ తింది. కానీ అలాంటిదేమీ లేదని కొన్ని క్షణాల్లోనే తేలిపోయింది. ఇక అవినాష్ సేఫ్ అయ్యాడు కానీ గుండాగినంత పనైంది అని భోరున ఏడ్చాడు. "మళ్లీ జీరోకు వచ్చాను, బిగ్బాస్ వల్లే నాకు మళ్లీ లైఫ్ వచ్చింది" అని చెప్పుకొచ్చాడు. అమ్మ రాజశేఖర్ ఎలిమినేట్ అవగా అతనితో గేమ్ ఆడించాడు. అందులో భాగంగా సోహైల్, లాస్య, అరియానా, మోనాల్, మెహబూబ్, అవినాష్.. అసలు అని, అఖిల్ను హీరో అంటూ, అభిజిత్ను విలన్ అంటూ ఈ ఇద్దరూ నకిలీ మనుషులు అని తేల్చి చెప్పాడు. హారికను కూడా ఈ నకిలీ జాబితాలోనే చేర్చాడు. తన కెప్టెన్సీని మెహబూబ్కు ఇచ్చేశాడు. అయితే ఇమ్యూనిటీ మాత్రం లభించిందని నాగ్ స్పష్టం చేశారు. బిగ్బాంబ్ లేకపోవడం ఇంటిసభ్యులకు ఊరట కలిగించింది. (చదవండి: బిగ్బాస్: నాగ్ వెనుక స్టైలిష్ ఫ్యాషన్ డిజైనర్) -
బిగ్బాస్: సోహైల్కు గట్టి షాక్ ఇచ్చిన మెహబూబ్
బిగ్బాస్ హౌస్లో ఈ వారం అమ్మ రాజశేఖర్ కెప్టెన్ అయ్యాడు. తనను నామినేట్ చేసిన ఒక్కొక్కరికీ బొమ్మ చూపిస్తున్నాడు. నా మాటే శాసనం అన్నట్లుగా తాను చెప్పిన పనులే చేయాలంటున్నాడు. కాదూ కుదరదు అన్నవాళ్లకు మరో అవకాశం కూడా ఇవ్వట్లేదు. హౌస్లో ఇప్పుడు తనే బిగ్బాస్ అన్నట్లుగా వ్యవహరిస్తున్నాడు. అతని వైఖరిని అభిజిత్ టీమ్ జీర్ణించుకోలేకపోతోంది. అలాగే మాస్టర్ తనకు కావాల్సిన అవినాష్, మెహబూబ్కు చిన్నాచితకా పనులను అప్పజెప్పి, మిగతా వాళ్లకు రెట్టింపు పనులను కేటాయించినట్లు తెలుస్తోంది. ఇది కరెక్ట్ కాదని సోహైల్ ఖండించాడు. కానీ అతడి మాటలను మాస్టర్ పట్టించుకున్నట్లు కనిపించడం లేదు. 'నా నిర్ణయం మార్చుకోను. మీరు చేయకపోతే వదిలేయండి' అని దురుసుగా జవాబిచ్చాడు. హౌస్లో కుంపటి రాజేస్తున్న మాస్టర్ దీంతో హారిక తాను చేయనని అక్కడి నుంచి విసురుగా వెళ్లిపోయింది. ఎవరికి ఏ పనులు చేయాలని ఉందో తెలుసుకోకుండా నా కెప్టెన్సీ అంటూ ఎవడి దగ్గర జులుం ప్రదర్శిస్తున్నాడని హారిక మండిపడింది. ఇక అభిజిత్ ఇంగ్లీషులో మాట్లాడగా బిగ్బాస్ తెలుగులో మాట్లాడమని వార్నింగ్ ఇచ్చాడు. ఈ సమయం కోసే ఎదురు చూస్తున్నట్లు మాస్టర్ వెంటనే లేచి చప్పట్లు కొడుతూ అభిని శిక్షించేందుకు రెడీ అవుతున్నాడు. దీంతో అయిపోయావ్ అభి అని లాస్య ఆందోళన వ్యక్తం చేసింది. మరోవైపు మెహబూబ్ కూడా ప్లేటు ఫిరాయించినట్లు కనిపిస్తోంది. (చదవండి: మాస్టర్ సంచలన నిర్ణయం.. భోరుమన్న మెహబూబ్) బయటపడ్డ మెహబూబ్ నిజ స్వరూపం "మీ ఫ్రెండ్షిప్ వద్దు, ఏం వద్దు" అంటూ తనను గుడ్డిగా నమ్మిన సోహైల్కు మెహబూబ్ గట్టి షాకిచ్చాడు. ఏదైతేనేం తొలిసారి కెప్టెన్ అయిన అమ్మ రాజశేఖర్ హౌస్లో ప్రకంపనలు సృష్టిస్తున్నాడు. ఈ ప్రోమో చూసిన నెటిజన్లు అమ్మ రాజశేఖర్ ఏకంగా ట్రోఫీ గెలిచినట్లు ఫీల్ అవుతున్నాడని విమర్శిస్తున్నారు. ఈరోజు అందరి మీద ప్రతీకారం తీర్చుకునేలా ఉన్నాడని, పనిలో పనిగా ఫుటేజీ దక్కించుకునేందుకు ఈ ఆరాటమని అభిప్రాయపడుతున్నారు. ఎంత ఎగిరెగిరి పడ్డా ఇంకా రెండురోజులే అతని ఆటలు సాగుతాయని చెప్తున్నారు. కానీ అతడి వల్ల సోహైల్కు ఓ రకంగా మంచే జరిగిందంటున్నారు. స్నేహం ముసుగు ధరించిన మెహబూబ్ నుంచి విముక్తి లభించిందని చెప్పుకొస్తున్నారు. (చదవండి: బిగ్బాస్: మోనాల్ కోసం మెహబూబ్ బలవుతాడా?) -
బిగ్బాస్కు తలనొప్పిగా మారుతోన్న మెహబూబ్!
మెహబూబ్ దిల్సే.. మొదట్లో అతడిని వీలైనంత తొందరగా బిగ్బాస్ హౌస్ నుంచి పంపిచేయాలని చాలామందే కాచుకుని కూర్చున్నారు. కానీ అతడు నామినేషన్ జోన్లోకే రాకుండా తప్పించుకు తిరగడం, ఈ మధ్యలో బిగ్బాస్ ఇచ్చిన ప్రతి టాస్క్లో తన సత్తా చూపిస్తూ తనేంటో నిరూపించుకునే ప్రయత్నం చేశాడు. దీంతో అతడిపై ఉన్న నెగెటివిటీ తగ్గుతూ వస్తోంది. పైగా టాస్కుల్లో నువ్వా నేనా అన్న రేంజ్లో పోటీపడే వాళ్లు చాలా అరుదు. ముఖ్యంగా ఫిజికల్ టాస్కుల్లో మెహబూబ్ను ఢీ కొట్టడం చాలా కష్టమని ఇంటిసభ్యులే అంగీకరించారు. అలాంటిది మెహబూబ్ వెళ్లిపోతే టాస్కుల్లో బలమైన పోటీ ఉండదేమో అన్న పరిస్థితి దాపురించింది. అయితే మెహబూబ్ కొన్నిసార్లు నోరు జారుతాడన్న మాటే కానీ, ఎదుటి వాళ్లు నొచ్చుకున్నట్లు అనిపిస్తే క్షమాపణలు కూడా చెప్తాడని అఖిల్, అభిజిత్ విషయంలో నిరూపించాడు. అలా ఇంటిసభ్యులతో విబేధాలు తగ్గించుకుని సఖ్యతగా ఉంటున్నాడు. (బిగ్బాస్ : మోనాల్కి అభి భరోసా.. మాటపై నిలబడేనా!) మొన్నటి ఆదివారం ఎపిసోడ్లో అమ్మ రాజశేఖర్, మెహబూబ్లలో ఎవరు ఇంట్లో ఉండిపోవాలనుకుంటున్నారు అని నాగార్జున ఓ ప్రశ్నను లేవనెత్తారు. అరియానా, అవినాష్ తప్ప మిగతా అందరూ మాస్టర్ వెళ్లిపోవాలని, మెహబూబ్కు ఇంట్లో కొనసాగే అర్హత ఉందని అభిప్రాయపడ్డారు. దీంతో మెహబూబ్ కూడా స్ట్రాంగ్ కంటెస్టెంట్గా అవతరిస్తున్నాడన్న విషయం ఇక్కడే తేలిపోయింది. ఈ విషయాన్ని పక్కన పెడితే హౌస్లో గొడవలు ఉండాలనో మరేంటో తెలీదు కానీ బిగ్బాస్ అమ్మ రాజశేఖర్ను కాపాడాలని విశ్వ ప్రయత్నం చేస్తున్నట్లు కనిపిస్తోంది. కానీ అతడిని సేఫ్ చేసే కొద్దీ ప్రేక్షకుల్లో మాస్టర్పై వ్యతిరేకత పెరుగుతుందే తప్ప తగ్గకపోవడం గమనార్హం. ఒకవేళ ఈ వారం మాస్టర్ ఎలిమినేట్ అయితే అందరి టార్గెట్ మోనాల్, మెహబూబ్ మీదే ఉంటుంది. హీరోయిన్ మోనాల్కు ఎలాగో ఫ్యాన్ ఫాలోయింగ్ ఉండనే ఉంది. దాంతోపాటు బిగ్బాస్ ఆమెను వదులుకోడానికి బొత్తిగా ఇష్టపడటం లేదు. పైగా ఆమె కోసం మెహబూబ్పై వేటు వేయడానికి కూడా వెనకడుగు వేయడు. అయితే రోజురోజుకీ అతడి పాపులారిటీ పెరుగుతుండటం బిగ్బాస్ టీమ్కు తలనొప్పిగా మారుతున్నట్లు తెలుస్తోంది. మరి ఈ ప్రమాదం నుంచి మెహబూబ్ బయటపడాలంటే అతడు నామినేషన్లోకి రాకుండా తప్పించుకోవడమో లేదా ఫిజికల్ టాస్కులతో పాటు మిగతావాటిలో కూడా అందరికీ గట్టి పోటే ఇస్తూ ప్రేక్షకులను తనవైపు తిప్పుకోవడమో చేయాలి. ఇదే కనక జరిగితే మెహబూబ్ టాప్ 5లోకి వెళ్లే అవకాశం లేకపోలేదు. (అఖిల్ ప్యాంటులో ఐస్గడ్డలు వేసి అరాచకం) -
బిగ్బాస్: నామినేషన్లో మాస్టర్, మెహబూబ్!
సమంత వచ్చిన వేళావిశేషం.. ఎలిమినేషన్ ఉండదేమో అని కంటెస్టెంట్లు తెగ సంబరపడిపోయారు. కానీ వారి ఆశలను నీరుగారుస్తూ దివి ఎలిమినేట్ అని హీరోయిన్ సమంత బాంబు పేల్చింది. అయితే అమ్మ రాజశేఖర్తో సాన్నిహిత్యం కూడా దివి వెళ్లిపోవడానికి ఓ కారణమే అని నెటిజన్లు అభిప్రాయపడుతున్నారు. ఇదిలా వుంటే ఎనిమిదోవారానికిగానూ నేడు బిగ్బాస్ హౌస్లో నామినేషన్ ప్రక్రియ మొదలు కానుంది. దీనికి సంబంధించిన ప్రోమో తాజాగా విడుదలైంది. ఇందులో మెహబూబ్ అరియానాను నామినేట్ చేశాడు. మనిద్దరి మధ్య అన్ని సమస్యలు తొలిగిపోవాలని నామినేట్ చేస్తున్నట్లు తెలిపాడు. ఈ కారణం విన్న అరియానాకు కోపం నషాళానికి తాకింది. క్లియర్ అవ్వాలని చెప్పి నామినేట్ చేసి బయటకు పంపించేస్తున్నావేంటని మండిపడింది. (చదవండి: బిగ్బాస్: మోనాల్పై అభి, అఖిల్ సెటైర్లు) ఎవరికి లేరు అమ్మానాన్న?: అమ్మ రాజశేఖర్ ఇక అమ్మ రాజశేఖర్ అఖిల్, అభిజిత్, మోనాల్ గొడవను ఎత్తి చూపాడు. దీంతో సీరియస్ అయిన అఖిల్.. అభిజిత్తో మోనాల్ మాట్లాడకపోవడం తనిష్టం. నేనేమీ తనను ఆపలేదు అని క్లారిటీ ఇచ్చాడు. నేను అన్న మాటకు బయట మా అమ్మానాన్న కూడా హర్ట్ అయి ఉండవచ్చని అఖిల్ చెప్తూ ఉండగా మాస్టర్ మధ్యలో కలగజేసుకుని ఎవరికి అమ్మానాన్న లేరు? అంటూ ఆవేశంతో విరుచుకుపడ్డారు. నువ్వు పెద్ద నేరం చేశావంటూ అభిజిత్ తొలిసారి మోనాల్ను నామినేట్ చేశాడు. మొత్తంగా మోనాల్, మెహబూబ్, అఖిల్, లాస్య, అమ్మ రాజశేఖర్, అరియానా గ్లోరీ ఈ నామినేషన్ ప్రక్రియలో ఉన్నట్లు లీకువీరులు చెప్తున్నారు. (చదవండి: కెప్టెన్ అయ్యాడో లేదో కొత్త రూల్స్ పెట్టేశాడు) మోనాల్ను మెంటల్ టార్చర్ చేస్తున్నారు ఇక ఈ ప్రోమో చూసిన నెటిజన్లు మోనాల్పై సానుభూతి వ్యక్తం చేస్తున్నారు. నామినేషన్ ప్రక్రియ వచ్చిన ప్రతిసారి టాస్కుల్లో పర్ఫామెన్స్కు బదులు ఆమె క్యారెక్టర్ను నిందిస్తూ మానసికంగా టార్చర్ చేస్తున్నారని ఆమె అభిమానులు ఆవేదన వ్యక్తం చేస్తున్నారు. గతవారం మెహబూబ్ కోసం నామినేషన్లోకి వెళ్లిన అరియానాను మెహబూబ్ నామినేట్ చేయడాన్ని తప్పు పడుతున్నారు. ఇక అమ్మ రాజశేఖర్ వేరొకరి విషయాన్ని ప్రస్తావించడాన్ని కూడా విమర్శిస్తున్నారు. ఏదైతేనేం.. మాస్టర్ నామినేషన్లోకి వస్తే పంపించేయడం కోసం ఎంతోమంది నెటిజన్లు కాచుకుని కూచున్నారు. ఈ లెక్కన ఈ వారం మాస్టర్ బ్యాగు సర్దుకుని ఇంటి బాట పట్టే అవకాశాలు పుష్కలంగా ఉన్నాయి. (చదవండి: దివి ఎలిమినేట్, లాస్యపై బిగ్బాంబ్) -
నరకం చూపించిన ఆ ఇద్దరే బెస్ట్ పర్ఫార్మర్లు
మంచికి చెడుకు జరుగుతున్న యుద్ధంలో రాక్షసులు విచ్చలవిడిగా ప్రవర్తించారు. నానారకాలుగా హింసిస్తూ చెలరేగిపోయారు. అయినా సరే చెడుపై విజయం సాధించింది. రాక్షసులపై మంచి మనుషుల టీమ్ గెలిచింది. ఈ క్రమంలో కొందరికి చిన్నపాటి గాయాలు కూడా అయినట్లు తెలుస్తోంది. అయినా సరే వాటిని లెక్క చేయకుండా టాస్కే మాకు సర్వస్వం అన్న రీతిలో రెచ్చిపోయి మరీ ఆడారు. మరి బిగ్బాస్ ఇచ్చిన ఈ ఈ టాస్కులో ఎవరు బాగా ఆడారు? ఎవరి ఐడియా వర్కవుట్ అయిందో చదివేసేయండి.. రాక్షసుల టీమ్ వాళ్లు నన్ను వదిలేశారు: హారిక కొంటె రాక్షసులను మంచి మనుషులుగా మార్చేందుకు మరో టాస్క్ ఇచ్చాడు. గుండంలో ఉన్న బస్తాలను బయట పడేసి వారు లోపలే ఉండాల్సి ఉంటుంది. కానీ వాళ్లు బయట పడేసిన ప్రతీసారి రాక్షసులు లోపలకు వేశారు. దీంతో బస్తాలు మరోసారి లోపలకు వేయకుండా మంచి మనుషులు వాటిని స్విమ్మింగ్ పూల్లో వేశారు. ఇన్ని చేసినా సరే మంచి మనుషులు ఆ టాస్కులో గెలవలేకపోయారు. ఇక రాక్షసిగా ఉన్న తాను మంచిమనుషులకు ఎలా దొరికిపోయానన్నది హారిక లాస్యతో చెప్పుకొచ్చింది. అరియానా, అవినాష్, మెహబూబ్ తనను వదిలేసి ముగ్గురూ ఒకే వాష్రూమ్లో దూరిపోయారని చెప్పింది. అందుకు హర్ట్ అయ్యానంది (చదవండి: సోహైల్కు హారిక పంటిగాట్లు, ఎవ్వరినీ వదల్లేదు) ఇంకా టార్చర్ చేయాలనుంది: అరియానా ఇక తర్వాతి రోజు అరియానా ఇవాళ ఇంకా టార్చర్ చేయాలనిపిస్తుందని మాస్టర్తో అంది. తీరా అన్నంతపనే చేసింది. సోహైల్, అఖిల్ షూలను ఎక్కడపడితే అక్కడ విసిరేసింది. పైగా అఖిల్తో సారీ చెప్పించుకుంది. ఇక అవినాష్.. లాస్యతో విసనకర్ర విసిరించుకున్నాడు. మొత్తానికి అందరి బట్టలను కింద పడేసి హౌస్ను చెత్తకుప్పగా తయారు చేశారు. కళ్ల ముందు జరుగుతున్న ఘోరాలను చూసి లాస్య ఏడ్వలేక నవ్వింది. (చదవండి: అభి, దివికి అహంకారం, మెహబూబ్ వాడుకుంటున్నాడు) మ్యాడ్ ఫర్ ఈచ్ అదర్.. లాస్య పంచ్ ఆ కోపంలోనే అరియానా, అవినాష్లను 'మ్యాడ్ ఫర్ ఈచ్ అదర్' అని పంచ్ కూడా వేసింది. కానీ వాళ్లు అందుకు ప్రతీకారంగా ఆమె దుస్తులను కింద పడేశారు. దీంతో ఆమె తన మాటను వెనక్కు తీసుకుని 'మేడ్ ఫర్ ఈచ్ అదర్' అని పొగిడింది. అప్పటివరకు రెచ్చిపోయిన అవినాష్ మోనాల్ రాగానే సైలెంట్ అయిపోయాడు. కాసేపటివరకు ఇద్దరు గుసగుసలు పెట్టుకున్నారు. ఆమెను వదిలి రాబుద్ధి కావడం లేదని వాపోయాడు. మరోవైపు సోహైల్ తనంతట తానుగా బట్టలు పడేయకపోతే అందరివీ పారేస్తానని మెహబూబ్ వార్నింగ్ ఇవ్వగా.. టైమ్ బ్యాడ్ అనుకుని చిరాకుతో అప్పటివరకు సర్దుకున్న అన్నింటిని సోహైల్ కింద పడేశాడు. అరియానాను పూల్లో తోసేసిన మాస్టర్ కుండలతో స్విమ్మింగ్ పూల్ నుంచి నీళ్లు తీసుకుని డ్రమ్ములు నింపాలని మంచి మనుషులకు మరో టాస్క్ ఇచ్చాడు. మెహబూబ్ కుండలకు చిల్లులు పెడుతూ వాటిని పగలగొట్టాడు. దీంతో అభిజిత్ సీరియస్ అయ్యాడు. అయినా సరే మెహబూబ్ డ్రమ్మును బోర్లించగా, అదే సమయంలో అక్కడున్న తనకు దెబ్బ తగిలిందని అఖిల్ గరమయ్యాడు. నీళ్లెలా పోస్తారో చూస్తానన్నట్టు డ్రమ్ముపై కూర్చున్న మెహబూబ్ను సోహైల్ ఆ డ్రమ్మును ఎప్పటిలా పెట్టేశాడు. తర్వాత అరియానాను మాస్టర్ స్విమ్మింగ్ పూల్లో తోసేశాడు, కానీ తాను తోయలేదని బుకాయించాడు. (చదవండి: కెప్టెన్గా నోయల్, కానీ తప్పని ముప్పు) నువ్వు పెద్ద తోపేం కాదు: అఖిల్ ఇక స్విమ్మింగ్ పూల్లో తనను అడ్డుకుంటున్న అవినాష్ను మోనాల్ కొరికేసింది. వీళ్లను దాటుకుని టాస్కు గెలవలేమని భావించిన నోయల్ ఓ ఐడియా చెప్పాడు. డ్రమ్ములను స్విమ్మింగ్ పూల్లో పడేసి నింపుదామన్నాడు. ఈ ప్లాన్ వర్కవుట్ అయి వారి విజయానికి కారణమైంది. మరోవైపు టాస్కులో చాలా క్రూరత్వంగా ప్రవర్తిస్తున్నావని అఖిల్ మెహబూబ్ను అన్నాడు. నన్ను ఆపలేక అంటున్నావా? అని అతడు రివర్స్ కౌంటరివ్వడంతో "నువ్వు పెద్ద తోపు, తురుము ఏం కాదు, దమ్ముంటే నా దగ్గరకు రా" అని అఖిల్ సవాలు విసిరాడు. చివరాఖరకు ఈ టాస్కులో మంచి మనుషుల టీమ్ గెలవడంతో అవినాష్ను తమలో కలుపుకుపోయారు. (చదవండి: నాన్న ఇస్త్రీ పని చేసేవాడు, ఇదిగో ప్రూఫ్: నోయల్) మెహబూబ్కు బిగ్బాస్ పంచ్ ఒక కొంటె రాక్షసుడిని ఎత్తుకుని ఎండ్ బజర్ మోగేసరికి నేలపై లేకుండా చూసుకోవాలని బిగ్బాస్ చిట్టచివరి టాస్క్ ఇచ్చాడు. దీంతో అరియానా అడ్డంగా దొరికిపోయింది. ఆమెను కాలు కింద పెట్టకుండా చూసుకుని అరియానాను మంచి మనిషిగా మార్చేశారు. మిగిలిన మెహబూబ్ కూడా వాళ్లలో కలిసిపోయాడు. మంచి మనిషిగా మారిన మెహబూబ్, మైకు ధరించడం కూడా మంచి లక్షణమే అని బిగ్బాస్ పంచ్ వేయడంతో ఇంటిసభ్యులు పొట్ట చెక్కలయ్యేలా నవ్వుకున్నారు. కెప్టెన్ నోయల్ ఈ టాస్కులో బెస్ట్ పర్ఫార్మర్గా అరియానా, అవినాష్ పేర్లను వెల్లడించాడు. వీరిద్దరూ కెప్టెన్సీ కోసం పోటీ పడుతారు. మరి రేపటి ఎపిసోడ్లో ఎవరు కెప్టెన్ అవనున్నారనేది చూడాలి.. -
అరియానాతో డేట్కు వెళ్తా: అభిజిత్
బిగ్బాస్ నాల్గవ సీజన్ నలభై రోజులకు చేరింది. నిన్న రియల్ లైఫ్ కష్టాలు చెప్పుకుంటూ బాధపడ్డ కంటెస్టెంట్లు ఇవాళ పార్టీ చేసుకుని మనసు తేలిక చేసుకున్నారు. కెప్టెన్ నోయల్ తనకు టాస్కులో పాల్గొనే అవకాశం వచ్చినప్పటికీ కుమార్తో గొడవ కారణంగా ఆట నుంచి వైదొలగాడు. ఈవారంతో పాటు వచ్చేవారంలోనూ నామినేషన్లో ఉన్న నోయల్ టాస్క్ ద్వారా తన సత్తా చూపించుకునే అవకాశాన్ని చేజేతులా నాశనం చేసుకుని పెద్ద తప్పే చేశాడు. ఇక అమ్మాయిలకు బిగ్బాస్ ఇవాళ స్పెషల్ ఆఫర్ ప్రకటించాడు. వారికి పార్టీ చేసుకునేందుకు అవకాశం కల్పించాడు. పనిలో పనిగా పార్టీలో అబ్బాయిలను ర్యాగింగ్ కూడా చేశారు. మరి వాళ్ల ర్యాగింగ్కు ఎవరెవరు బలయ్యారో చదివేసేయండి.. పుషప్స్ చేయలేక చేతులెత్తేసిన అమ్మాయిలు బిగ్బాస్ హౌస్లో కంటెస్టెంట్లు అందరూ హౌస్లో ఏదో ఒక పని చేయాల్సిందే. అయితే దివి మాత్రం తనకు కేటాయించిన పని రాదంటూ సరిగా ఊడవట్లేదని ఇతర కంటెస్టెంట్లు తరచూ ఫిర్యాదు చేస్తున్నారు. ఈ విషయం దివి వరకు వెళ్లినా ఆమెలో ఎలాంటి మార్పు రాకపోవడం గమనార్హం. బిగ్బాస్ ఇంటిసభ్యులకు రేసర్ ఆఫ్ ద హౌస్ టాస్క్ ఇచ్చాడు. ఇందులో రెండు రౌండ్లు ఉంటాయి. మొదటిదానిలో ఎక్కువ పుషప్స్ చేసిన ఐదుగురు రెండో రౌండ్కు అర్హత సాధిస్తారు. ఆ రౌండ్లో ఏడు అడ్డంకులను తక్కువ సమయంలో దాటాల్సి ఉంటుంది. టైర్ల మధ్య నుంచి దూకడం, తాళ్ల మధ్యలో నుంచి దాటడం, ఇసుక మూటలను స్విమ్మింగ్ పూల్లో ఒకవైపు నుంచి మరొకవైపుకు తీసుకెళ్లడం, ఏటవాలుగా ఉన్నదానిపై నడవడం, ముళ్ల కంచె కింద నుంచి పాకడం, మార్బుల్స్ మీద పరిగెత్తడం, మంకీ బాస్ను చేతులతో పట్టుకుని వేలాడటం వంటివి చేయాలి. అమ్మాయిలందరూ మొదటి రౌండ్ మధ్యలోనే చేతులెత్తేశారు. నోయల్ స్థానంలో టాస్కు ఆడి ఓడిన అవినాష్ కానీ కుమార్ సాయి, అఖిల్, మెహబూబ్, సోహైల్, నోయల్ ఎక్కువ పుషప్స్ చేసి తర్వాతి రౌండ్కు అర్హత సాధించారు. అయితే పుషప్స్ చేసేటప్పుడు మధ్యలో ఆగావని నోయల్ కుమార్ను తప్పుపట్టాడు. లేదని బుకాయిస్తున్న కుమార్ను ఒక్కరోజైనా నిజం చెప్పమని, నిజాయితీగా ఉండమని ఘాటు సలహా ఇచ్చాడు. ఈ విషయంలో చిరాకు ప్రదర్శించిన నోయల్ తాను ఆడనని తప్పుకోవడంతో అతని స్థానంలో అవినాష్ ఆటలో దిగాడు. కానీ సరిగా ఆడలేక కింద పడిపోయాడు. మెహబూబ్ మాత్రం రేసుగుర్రంలా 49 సెకండ్లలో టాస్క్ పూర్తి చేసి "రేసర్ ఆఫ్ ద హౌస్"గా నిలిచాడు. కుమార్, అఖిల్, సోహైల్ స్వల్ప సెకండ్ల తేడాతో ఓటమిపాలయ్యారు. అనంతరం తాను 101 పుషప్స్ చేస్తే దాని గురించి మెహబూబ్ తక్కువ చేసి మాట్లాడాడని అఖిల్ ఫీలయ్యాడు. ఆ కోపం సోహైల్ మీద తీశాడు. ఈ విషయం తెలుసుకుని మెహబూబ్ అఖిల్కు సారీ చెప్పాడు. అలాంటి అమ్మాయి ఇష్టం: అభిజిత్ బిగ్బాస్ అమ్మాయిలకు నైట్ ఔట్ పార్టీ చేసుకునే అవకాశాన్నిచ్చాడు. అయితే పనిలో పనిగా అబ్బాయిలను ఆడుకునేందుకు ప్లాన్ చేసుకున్నారు. ఈ క్రమంలో అభిజిత్ను పిల్చుకుని మరీ పొగిడించుకున్నారు. ఎలాంటి అమ్మాయి నచ్చుతుందన్న ప్రశ్నకు.. అమ్మాయి లెవల్ హెడెడ్గా, నిజాయితీగా ఉండాలి, కరెక్ట్ నిర్ణయాలు తీసుకోగలగాలని చెప్పుకొచ్చాడు. ఇక అక్కడున్న వాళ్లలో ఎవరితో డేట్కు వెళ్తావని అడగ్గా అభి.. అరియానా పేరు చెప్పాడు. దీంతో ఆమె కాళ్లు భూమి మీద ఆగలేవు. అనంతరం మాస్టర్ను లోనికి రమ్మన్నారు. వీరు పాటలు పాడుతుంటే అతడిని అమ్మాయిలా డ్యాన్స్ చేయమంటూ కాసేపు టీజింగ్ చేశారు. (చదవండి: నాగార్జున ఒక్కసారి కూడా మెచ్చుకోలేదు) సోహైల్ లుంగీ లాగిన హారిక తర్వాత సోహైల్ లోనికి వెళ్లి దివికి ఒక్కటిచ్చుకోవడంతో అమ్మాయిలు షాకయ్యారు. మేము అందరినీ ఆడుకుంటే వీడేంటి మాతో ఆడుకుంటున్నాడని నిశ్చేష్టులయ్యారు. తర్వాత అక్కడున్న అమ్మాయిలందరి గురించి తనదైన స్టైల్లో చెప్పుకొచ్చాడు. మరీ ఉన్నదున్నట్టుగా చెప్పాడే తప్ప ఎక్కడా పొగడలేదని చింతించిన అమ్మాయిలు చితకబాది లుంగీ లాగారు. మీకు అన్నదమ్ముల్లేరా అని అతడు ప్రశ్నించడంతో హారిక లుంగీ లాగడం వదిలేసింది. కానీ సారీ చెప్పాలని పట్టు పట్టినా అతడు మాత్రం చెవికెక్కించుకోలేదు. తర్వాత అరియానా సోహైల్తో క్యాట్ వాక్ చేయించింది. (చదవండి: నామినేషన్స్ పిచ్చ లైట్, ఎందుకు ఫీలవుతా) నీ అందం అందరూ చూస్తే తట్టుకోలేను: అరియానా అఖిల్ లోనికి రావడంతోనే మోనాల్ సంబరపడిపోయింది. కొత్తగా పెళ్లైన అమ్మాయిగా నటించమని అఖిల్కు అరియానా టాస్క్ ఇచ్చింది. అఖిల్ అమ్మాయిలా ముగ్గు వేస్తుంటే పక్కింటి అబ్బాయిగా హారిక లైనేసింది. అదే సమయంలో భర్త అరియానా కాఫీ ఇవ్వమని కేకేయడంతో పరుగు పరుగున వెళ్లి కాఫీ ఇచ్చాడు. అరియానా అతడిని దగ్గరకు తీసుకుని ముద్దు పెట్టుకున్నట్లు నటించింది. ఆఫీసుకు వెళ్తున్నా.. సాయంత్రం మల్లెపూలు తేనా అని అడుగుతూనే అమ్మ పడుకున్నాక సినిమాకు వెళ్దాం.. నీ అందం అందరూ చూస్తే నేను తట్టుకోలేను అంటూ పాత్రలో లీనమైపోయింది. అర్ధరాత్రి అబ్బాయిలు, అమ్మాయిలు అందరూ కలిసి చిందులేశారు. కానీ మోనాల్, అవినాష్ మాత్రం అందరూ పడుకున్నాక కూడా ఇద్దరూ సాల్సా డ్యాన్స్ చేశారు. యూ ఆర్ మై ఎవ్రీథింగ్.. అంటూ ఇష్టమొచ్చినట్లుగా చిందేశారు. ఇప్పుడు మనసుకు హాయిగా ఉందని ఇద్దరూ సంతోషంలో మునిగి తేలారు. (చదవండి: నన్ను పంపించేయండి: చేతులెత్తి వేడుకున్న గంగవ్వ) -
బిగ్బాస్ : చివరి క్షణంలో ఊహించని ట్విస్ట్..
బిగ్బాస్ హౌస్లో ఆరో వారం నామినేషన్ ప్రక్రియ కాస్త ప్రశాంతంగా జరిగింది. గత వారంలా పెద్దగా గొడవల్లేవు. అరుచుకోవడాలు అంతగా లేవు. అందరూ మెహబూబ్ను టార్గెట్ చేస్తే.. అనూహ్యంగా చివరి క్షణంలో ఆయనే సేవ్ అయ్యారు. అభిజిత్ బర్త్డే వేడుకలు, అరియానా అరుపులు, సోహైల్ సహనం, కుమార్సాయి ఆగ్రహం.. ఇలా ఈ రోజు ఏపిసోడ్లో ఎన్నో ఆసక్తికర సంఘటనలు చోటు చేసుకున్నాయి. అవేంటో చదివేయండి మరి. క్లీనింగ్పై సోహైల్ రచ్చ.. పొగరు అంటూ అరియానా ఆగ్రహం సుజాత విసిరిన బిగ్ బాంబుతో నానా తిప్పలు పడుతున్నాడు సొహైల్. కెప్టెన్ అయ్యాను కాలు మీద కాలు వేసుకొని కూర్చుందాం అనుకుంటే.. నాతో పాత్రలు తోమిస్తున్నారంటూ బాధపడుతూ అవి కడిగేశాడు. అయితే అన్ని సామాన్లు కడుగుతా కానీ కప్లు మాత్రం కడగను అనేశాడు. అయితే అఖిల్ కప్పు నేను కడుగుతా తీసి పక్కన పెట్టు అంటూ చెప్పేసింది మోనాల్. సొంతంగా వాడుకున్న కప్పులు కూడా ఎవరు కడగడం లేదని, వాటిని దాచిపెడతానని సోహైల్ చెప్పాడు. అలా వద్దని, దానివల్ల గొడవలు అవుతాయని అమ్మ రాజశేఖర్ చెప్పాడు. అలాగే..ఇంటిలో ఇప్పటి వరకు ఎవరు వంట పాత్రలను క్లీన్ చేసినా ప్రాబ్లెం రాలేదు. కానీ నీవు మొదలుపెట్టిన తర్వాత శుభ్రంగా ఉండటం లేదు అంటూ అమ్మా రాజశేఖర్ అన్నారు. దానికి సమాధానమిస్తూ.. అయితే రోజు నీవే వంట పాత్రలు శుభ్రం చేయి. ఇప్పటి నుంచి కప్పులు ఎవరూ కడగకండి. మాస్టర్ కడిగేస్తాడంటూ బిగ్గరగా అరిచాడు. దాంతో నేను కడిగేస్తానని మాస్టర్ జవాబిచ్చాడు. ఆ తర్వాత సోహైల్కు అరియానా ఏదో చెప్పబోయింది. అందుకు వినకుండా ముఖంపై ఒకరకమైన ఎక్స్ప్రెషన్ ఇవ్వడంతో అరియానా ఫైర్ అయింది. ‘ఇదే అతి. నిన్న చెప్పింది కూడా ఇదే. కెప్టెన్ అన్నప్పుడు అందరి మాట వినాలి. పెద్ద పొగరేందో’ అంటూ అరియానా అనగానే.. ఏందీ అంటూ సోహైల్ సహనం కోల్పోయారు. వెంటనే బిగ్బాస్కు ఇచ్చిన ప్రామీస్ను గుర్తు తెచ్చుకొని కామ్గా ఉండిపోయాడు. తర్వాత బిగ్బాస్ కెమెరా ముందుకు వెళ్లి అరియానాపై కంప్లైంట్ చేశాడు. అరియానా కూడా బిగ్బాస్కు వివరణ ఇచ్చింది. నాగ్ సర్ ముందు అలా అంటావా.. మోనాల్పై అభి ఫైర్ గతవారం నామినేషన్ ప్రక్రియలో జరిగిన గొడవ గురించి అభి, మోనాల్ చర్చించుకున్నారు. నీకు నాకు మధ్య ఏం లేదా మోనాల్ అంటూ అభి ఆ టాపిక్ తీసుకొచ్చాడు. ఒక అమ్మాయి కోణం నుంచి ఆలోచించు అని మోనాల్ చెప్పబోతుండగా.. దీన్ని ఉమెన్ ఇష్యూలా చూపించకు.. అఖిల్కి నీ మీద అంత ప్రేమ ఉంటే.. నేషనల్ టీవీలో వచ్చేస్తుందని అంటే.. నామినేషన్ ప్రక్రియలో నీ పేరు ఎందుకు ప్రస్తావించాడు.నీ బెడ్ రూంలో కూర్చుని అఖిల్ది తప్పని అన్నావ్.. నాగ్ సార్ ముందు ఇద్దరిదీ తప్పు అంటావా? నాకు నువ్ ఏం చేస్తున్నావో అర్థం అవుతుంది అని అనడంతో మళ్లీ మోనాల్ ఏడుస్తూ కోపాన్ని ప్రదర్శించింది. అయినప్పటికీ అభిమాత్రం ఆ టాపిక్ని వదలేదు. నాకు నీతో మాట్లాడకపోతే బెటర్ అనిపిస్తుంది.. ఏదోటి చెప్పు.. నువ్వు హ్యాపీగా ఉండొచ్చు.. నా పని నేను చూసుకోవచ్చు.. నేను నేనుగా ఉండలేకపోతున్నా.. నువ్ నీలా ఉండలేకపోతున్నా.. నాలో నువ్ తప్పుపట్టడం.. నేను నిన్న తప్పుపట్టడం వేస్ట్.. అంటూ ఆమె ముఖం మీదే చెప్పేశాడు అభి. అయితే దానికి సమాధానం చెప్పని మోనాల్.. కనీసం గుడ్ మార్నింగ్ హాయ్లు అయినా చెప్పుకుందాం అభి అని అడిగింది.. కాసేపు ఆలోచించుకుని చెప్తా అని బర్త్డే వేడుకకి వెళ్లాడు అభి. అంతా వచ్చారు..అఖిల్ మాత్రం రాలేదు అభిజిత్ బర్త్ డే కావడంతో అరియానా స్పెషల్ కేక్ తయారుచేసి కట్ చేయించింది. హౌస్మేట్స్ అంతా వచ్చి అభిని విష్ చేశారు. అయితే ఇంటి సభ్యులంతా కేక్ కటింగ్కి వచ్చినా అఖిల్ మాత్రం దూరంగానే ఉన్నాడు. మోనాల్ కూడా ఇలా వచ్చి అలా వెళ్లింది. వేలు దించూ.. కుమార్పై సోహైల్ ఫైర్ మోనాల్కి హెల్త్ బాలేదని సెలైన్ ఎక్కించారని బిగ్ బాస్ అనౌన్స్ మెంట్ ఇచ్చారు. ఉదయాన్నే మోనాల్ దగ్గరకు వెళ్లిన అఖిల్.. ఆమె చేతికి ఉన్న సూదిని చూసి తెగ ఫీల్ అయ్యాడు.. అయితే మోనాల్ ఎప్పటిలాగే అఖిల్ని తనపైకి లాక్కుని గట్టి హగ్ ఇచ్చేసింది. ఇక కెప్టెన్ సోహైల్ కేబినెట్ మీటింగ్ మాదిరి.. హౌస్మేట్స్తో ఓ సమావేశాన్ని ఏర్పాటు చేశాడు. అక్కడ కుమార్ సాయి, సోహైల్కు గొడవ జరిగింది. కెప్టెన్ అంటే గర్జించి ఏదో చేయడం కాదు. మనమంతా ఒక కేటగిరినే. అర్ధమవుతుందా? లేదు ఎవడికి ఇవ్వను అంటూ కుదరదు అంటూ కుమార్ సాయి చేయి చూపిస్తూ మాట్లాడుతుండగా.. సోహైల్ రెచ్చిపోయి.. వేలు దించు అంటూ ఓ రకమైన ఎక్స్ప్రెషన్ ఇచ్చాడు. దానికి సమాధానంగా ఎంత దించాలి. ఇంత సరిపోతుందా అంటూ కుమార్సాయి కౌంటర్ ఇచ్చాడు. మెహబూబ్ కలజేసుకొని గొడవలు పెట్టడానికి ఈ మీటింగ్ కాదు. పాత్రలపై పేర్లు రాసుకుందాం.ఇకపై ఎవరి పాత్రను వాళ్లే వాడుకుందాం అన్నాడు. ఎండు మిర్చి మాలతో నామినేషన్ ఇక హౌస్లో నామినేషన్ ప్రక్రియ మొదలైంది. దీనిలో భాగంగా నామినేట్ చేయాలనుకునే వ్యక్తి మెడలో ఎండు మిర్చిల దండ వేసి.. అనంతరం కారణం చెప్పాల్సి ఉంటుంది. అరియానాలో నామినేషన్ ప్రక్రియ మొదలైంది. అరియానా మెహబూబ్ను నామినేట్ చేస్తూ.. కెప్టెన్సీ టాస్క్లో సోహైల్ హ్యాండ్ టచ్ అయిందని మెల్లిగా అంటే..దానిని మెహబూబ్ పెద్దగా చేశాడని, అది నచ్చలేదని రీజన్ చెప్పింది. ఇక రెండో వ్యక్తిగా మోనాల్ను నామినేట్ చేస్తూ.. హోటల్ గేమ్లో ఇచ్చిన టాస్క్ను సరిగా చేయలేదని కారణం చెప్పింది. ఇలా వివిధ కారణాలు చెబుతూ.. దివి - నోయల్, మెహబూబ్లను, నోయల్ - దివి, అభిజిత్లను, హారిక - అరియానా, కుమార్ సాయిని, అభిజిత్ - మెహబూబ్, అఖిల్ని, లాస్య - మెహబూబ్, దివిని, మెహబూబ్ - దివి, అరియానాని, సొహైల్ - అరియానా, కుమార్ సాయిని, అమ్మ రాజ శేఖర్ - లాస్య, అభిజిత్ని, అవినాష్ - దివి, అభిజిత్ని, మోనాల్ - అరియానా, దివిని, అఖిల్ - అభిజిత్, అరియానాని, కుమార్ సాయి - హారిక, సొహైల్ని నామినేట్ చేశారు. చివరి క్షణంలో బయటపడ్డ మెహబూబ్ సొహైల్ హౌస్కి కెప్టెన్గా ఉండటంతో బిగ్ బాస్ అతనికి ప్రత్యేక అధికారం ఇచ్చారు. నామినేట్ అయిన సభ్యుల్లో ఒకర్ని సేవ్ చేయాలని సూచించాడు. దీంతో అందరూ టార్గెట్ చేసిన తన ఫ్రెండ్ మెహబూబ్ని సేవ్ చేశాడు. దీంతో ఈవారం ఎలిమినేషన్ నుంచి మెహబూబ్ సేవ్ అయ్యాడు. దీంతో ఈ వారం అరియానా, అభిజిత్, మోనాల్, కుమార్ సాయి, దివి, అఖిల్, నోయల్, లాస్య, హారికలు ఎలిమినేషన్కి నామినేట్ అయ్యారు.
Pagination
మళ్లీ చరిత్ర సృష్టిస్తున్నాం
చేతులు కాలాక ఆకులు పట్టుకున్న ఈసీ
ఓటీటీలోకి వచ్చేసిన మిడిల్ క్లాస్ మూవీ.. స్ట్రీమింగ్ అందులోనే?
వరల్డ్కప్ జట్టులో నో ఛాన్స్: రోహిత్పై కేఎల్ రాహుల్ కామెంట్స్ వైరల్
ఈపీఎఫ్ఓ ఖాతాదారులకు అలెర్ట్.. మారిన విత్ డ్రా నిబంధనలు
ఎన్ఆర్ఐతో విధి ఆడిన వింత నాటకం.. విషాదం
స్వాతి మలివాల్ డ్రామా.. బీజేపీ కుట్రే ఇదంతా: సంచలన వీడియో బయట పెట్టిన ఆప్
Heeramandi Jewellery ఎవరీ సినిమా నగల స్పెషలిస్ట్ జంట
రాజస్తాన్-కేకేఆర్ మ్యాచ్ రద్దు అవ్వాలి: ఎస్ఆర్హెచ్ ఫ్యాన్స్
యాదాద్రి భువనగిరి: పెట్రోల్ బంకులో పేలిన లారీ డీజిల్ ట్యాంక్
2030 నాటికి 16 కొత్త కార్లు.. దేశీయ దిగ్గజం కీలక నిర్ణయం
20 ఏళ్ల క్రితం నాటా.. ఇప్పుడు చూస్తే : రాఘవ లారెన్స్
ఇరాన్ అధ్యక్షుడు హెలికాప్టర్కు ప్రమాదం
Indraja Sankar: విజిల్ నటి బర్త్డే సెలబ్రేషన్స్.. పెళ్లి తర్వాత భర్తతో తొలిసారి (ఫోటోలు)
ఒక వ్యక్తికి ఎన్ని బ్యాంక్ అకౌంట్స్ ఉండాలి.. ఆర్బీఐ ఏం చెబుతోంది?
పంజాబ్పై ఘన విజయం.. సెకెండ్ ప్లేస్కు ఎస్ఆర్హెచ్
అధికారం చేపట్టగానే అగ్నివీర్ రద్దు.. రాహుల్ కీలక వ్యాఖ్యలు
టాలీవుడ్ యాంకర్ అరుదైన ఘనత
తప్పక చదవండి
- అధికారం చేపట్టగానే అగ్నివీర్ రద్దు.. రాహుల్ కీలక వ్యాఖ్యలు
- కాంగ్రెస్ పాలిత రాష్ట్రాలపై ప్రధాని సంచలన వ్యాఖ్యలు
- పెట్టుబడుల సునామీ.. టాటా మోటార్స్ కీలక నిర్ణయం
- హీరామండి హీరోయిన్.. వేలకోట్ల అధిపతిని పెళ్లాడిన భామ!
- సభలో గందరగోళం.. మధ్యలోనే వెళ్లిపోయిన రాహుల్, అఖిలేష్
- T20 WC Trophy: ఈ పొట్టోడిని గెలవడమే అందరి టార్గెట్
- నాణ్యతలేని ‘పతంజలి సోన్పాపిడి’.. ముగ్గురికి జైలు, జరిమానా
- మేమిద్దరం ఎక్కువగా కలిసుండము.. అందుకే! :నటి ఆసక్తికర వ్యాఖ్యలు
- RCB: అమెరికాలో అంబరాన్నంటిన సంబరాలు.. ఎందుకంత స్పెషల్?
- పరారీలో చింతమనేని.. పోలీసుల గాలింపు
Advertisement